رواية عشقت مغتصبة (2 الفصل السابع 7 - بقلم حنين هاني

سيف. قرفه علي الرز. والله هو ده اللي موجود، كله وانتوا ساكتين. دراين. أيوه، ده اللي عندنا. ودمغوا لبعض بعد ما أخدوا أكل حلو ليهم. وحطوا على بقية الأكل توابل غيرت طعمه. مراد. يا وجع الملوخية. ليالي في نفسها. حسبي الله ونعم الوكيل فيا، أنا السبب. سيلا. لا، أنا مش هاكل. دراين. استني عندك، أي هي سايبة الأكل ده هيتاكل يعني؟ هتياكل؟ يلا يا نوح وزع الفراخ.

وزعوا الفراخ وقعدوا. كل واحد حاطط جزمة قديمة في بقه وبيأكل بالكراهية. معاد هما بياكلوا باستمتاع. ما هو الأكل طلع تحفة، بس هما حبوا ينتقموا. يوسف بلع الأكل بالعافية. الحمد لله، كلت. تسلم إيديكم. نوح. استنى عندك، رايح فين؟ الطبق لسه مليان. اتفضل كمل أكلك على الآخر. اتفضل. حور. أي يا نوح؟ هناكل بالعافية؟ نوح بص لها بحدة. كلي يا حور، مش عايز ولا رزاية. ليالي. طب أنا يا جماعة هخش الحمام وراجعة. دراين. على فين يا حبيبتي؟

معلش كلي الأكل. أنا خايفة عليكي. قربت ليالي من ودنها. ليالي. عشان خاطري، أنا مش قادرة أبلع. أنتي عارفة إني مبحبش الشطة، وأنتي حاطة شطة في البطاطس. دراين. عشان انتي السبب. هتعدي تاكلي يعني؟ هتاكلي. قعدت ليالي، كلهم كلوا بالغصب لغاية ما الأكل خلص. نوح. أحب أنا الناس الشاطرة اللي بتسمع الكلام. دراين. روحي يلا. دخلت دراين وهما مش عارفين هي راحت فين. وطلعت وهي معاها حاجة حلوة. دراين. خدوا، الله يطمر. يارا. الله! دي تحفة.

يوسف. والله كنت خايفة آكل. تحفة مين اللي عملها؟ دراين. أنا، عشان تعرفوا. مراد. أمانة عليكي بس بلاش فشخرة كدابة. دراين. اوكي، بس هي تحفة. يوسف. يلا يا شباب. خديجة. رايحين فين؟ سيف. هنروح نلعب كورة. مراد. أيوه. حور. طب وإحنا؟ نوح. أعظوا انتوا بقى على الشط شوية عقبال ما نيجي. ليالي. ماشي، يلا بسرعة. خدوا بعدكم وامشوا. خلصوا الشباب وخدوا بعضهم ومشوا. جوري. هنعمل إيه دلوقتي؟ ليالي. هنرقص. يلا.

دراين شغلت الأغنية وكلهم اتجمعوا. وابتدت دراين ترقص. أكتر واحدة ماهرة في الرقص. اتجمعوا كلهم حواليها وهي بترقص ومستمتعين. سيلا. أيوه يا دراين يا جامدة. جوري. ده يابختو بيكي اللي هيتجوزك. عند الشباب. نوح. متيلا يا ابني. سيف. شكلي نسيت الفون، هروح أجيبه بسرعة. استنوني.

ورجع الشاليه لقى فونو على الترابيزة. بره خدوا. ولسه هيمشي سمع صوتهم عالي جوه. دخل عشان يشوف في إيه واتصدم لما لقاهم كلهم بيسقفوا لدراين وهي واقفة على الترابيزة بتهز. خديجة. لا، ده إحنا نجوزك بقى. ليالي. دي لهلوبة. وبيرقصوا معاهم. سرح في جمالها وفاق بسرعة وخرج من غير ما يحرجهم. مراد. أي يا عم اتأخرت ليه؟ سيف. ها، آه. عقبال ما لقيت الفون. يلا بينا. *** كارما. دراين، ماتعلمينا الرقص.

دراين. يختي، مش عيب عليكي منك ليها، وانتوا مش بتعرفوا ترقصوا كده؟ حور. ما شاء الله، بس انتي جامدة. دراين. أي يا بت انتي منهم ولا إيه؟ ضحكوا كلهم. حور. ياختي، قصدي رقصك جامد. دراين. بس يابت، بتكسفي. يارا. عارفة أنا بقول تفتحي مشروع رقص وهتكسب. دراين. يلا، خلاص صعبتوا عليا. اقفوا وأنا هعلمكم الرقص. وقفت كلهم جنب بعض وبدأت تعلمهم. والشباب بيلعبوا كورة. ليالي. ياخرابي، اتاكد. مش قادرة خلاص.

خديجة. ولا أنا. ياريت جاب فايدة. دراين. بنات آخر زمن. سيلا. أنا هنام، مش قادرة. وكلهم في نفس الوقت. واحنا كمان. دراين. وسكة. يلا يا يختي، اطلعي منك ليها. هطلع أعد بره على الشط أخلص شغل. وطلعوا كلهم ناموا. وهي فضلت قاعدة على الشط بتخلص شغلها. ورجعوا الشباب. ولمحها سيف. فاتح حجة إنه مش عايز ينام، وطلعوا. وراح قعد معاها. سيف. أي اللي مصحيكي كده؟ دراين. أي ده، جيتوا؟ سيف. أيوه، لسه جايين.

دراين. اممم، أنا كنت قاعدة بخلص شغل والجو حلو. سيف. مفيش أحلى من كده. دراين. مرسييي. سيف. هرخم عليكي وأعد معاكي، ينفع؟ دراين. آه ينفع طبعًا. وإحنا نطول نقعد مع الدكتور بتاعنا. سيف. اممم، أشكر على المدح ده. تعرفي إنك جميلة أوي. دراين بكسوف. عينك اللي جميلة، عشان كده شايفني جميلة. سيف. تعالي نتمشى شوية. دراين. ماشي. وقاموا يتمشوا. سيف. رقصك حلو أوي. دراين بصدمة. إيه؟

سيف. بصراحة، أنا شوفتك وإنتي بترقصي. بس يعني مكلمتش حاجة ومشيت على طول. دراين. إحنا يعني كنا... سيف. بتتكلم بجد؟ سيف بضحك. آهدي، عادي يعني. منتي تخصيني وهتبقي بتاعتي. غمض عينه بغباء على اللي قاله. دراين. يعني إيه؟ سيف. لا، مفيش حاجة. دراين. متأكد؟ سيف. أيوه، أيوه. دراين بمكر في نفسها. ماشي، أنا هشوف بقى تقصد إيه بكلامك. اممم، تفتكري يا سيف الواحدة محتاجة إيه عشان تتأكد إن اللي قدامها بيحبها؟ استغرب من سؤالها.

سيف. إشمعنى يعني؟ دراين. يعني عايزة أعرف. سيف. يعني بيغير عليها، بيخاف عليها، بيحب يشوفها كويسة ديما، ويحب يشوفها ناجحة، ويهتم بيها. دراين بخبث. معقول يعني كل ده حب بجد؟ سيف. أيوه. دراين. يااه، يعني هو كل ده بيحبني وأنا مش واخدة بالي؟ سيف. هو مين؟ دراين. واحد زميلي. سيف بصدمة. زميلك؟ دراين. أيوه يا سيف. أنا مبسوطة، مبسوطة. أنا كنت مستغربة ليه بيعمل كده، بس دلوقتي فهمت. أنا مبسوطة أوي. سيف. زميلك يعني إيه؟

وإزاي أصلًا يفكر يجي جمبك؟ مينفعش أصلًا حد يحبك غيري. أنا بحبك، أنا اللي بحبك، ومحدش ينفع ياخدك مني. دراين، أنا بحبك من بدري وبحلم باليوم اللي أطلبك فيه. معقول بعد كل ده تطلعي بتحبي حد؟ دراين ابتسمت. اه، بحب. سيف بكسرة. بجد؟ وقف الزمن عند الجملة دي. يا الله، كل أحلامي خلاص راحت. الحلم الحلو اللي كنت بحلم بيه ضاع مني. بابا طلع كله صح، وهي ضاعت مني. أنا غبي، غبي عشان ضيعت حبي حياتي بالسهولة دي. معقول اللي سمعتوه؟

حبيبتي اللي بحبها من صغرها وكانت بتكبر قدام عيني ضاعت من إيدي. خلاص ضاع حب الطفولة. سرح وكان قلبه اتكسر مليون حتة. فضلت تنادي عليه وهو سرحان. دراين. سيفففف. سيف. إيه؟ معاكي؟ دراين. معايا فين؟ قاعدة بكلمك وإنت في دنيا تانية. سيف. معلش يا دراين، أنا تعبان. هطلع أنام. دراين. استنى، مش عايز تعرف هو مين؟ سيف بكسرة. مش هيفيد بيك كتير بالنسبالي. دراين. بس بنسبالي هيفيد. مش إنت ابن عمي بردو؟ سيف بوجع. أيوه.

دراين. يبقى خلاص، لازم تعرف هو مين. سيف. قولي. دراين. يعني واحد كده دكتور، وشكله مش بطال، ورموشه طويلة، وطويل شوية، واسمه سيف. وبعدت شوية عنه. سيف. ربنا يسعدك. ولسه هيكلم، استوعب. إييييي؟ إنتي قولتي إيه؟ دراين. يا غبي، كل ده مش فاهم؟ بقولك إني بحبك. وجرت على الشط. سيف. بجد؟ دي قالت بتحبني وجري وراها. استني يابت، راحة فينه؟ دراين. بضحك. مكنتش أعرف إنك غبي كده يا دكتور. سيف. إنتي قصدك عليا أنا؟ بجد؟

دراين. مش بقولك غبييييي. وقفت. أيوه، قصدي إنت. سيف. طب إزاي؟ إنتي كنتي بتقولي زميلي. دراين. عشان إنت بردو غبي. اتعرفت في الكلام، وفي الآخر بررت، فحبيت أتذاكى عليك. سيف. يعني دي كانت لعبة منك؟ دراين. أيوه. سيف. ده أنا هنفخك النهارده. وجرى وفضلوا يجرو وراه بعض لغاية ما تعبت دراين ووقعت على الرملة. دراين بضحك. خلاص، تعبت. قعد سيف جنبها. سيف. يااااه، إنتي مش عارفة أنا نفسي في الضحكة دي بقالي قد إيه.

دراين. يلا، أهو كسبت فيك ثواب. سيف. بتحبيني من امتى؟ دراين. يعني من لما كنت بتفتكريلي في ثانوي. سيف. معقول؟ طب إزاي ده؟ مكنتش بتفكري تضحكي في وشي حتى. دراين. يعني عشان أنا كنت فاكرة إنك بتحب ليالي وإنت بتحبها، فعشان كده بعدت. سيف. أنا عمري ما بطلت أحبك. دراين. طيب ليه مقلتش؟ سيف. يعني عشان كان في هدف في دماغي. دراين. وده سبب يعني يخليك متتقدمش؟

افرض طيب كنت أنا فضلت فاهمة إنك بتحب ليالي واتقدم لي حد ووافقت عليه، كنت هتبقى مبسوط؟ سيف. ده أنا كنت أموت نفسي. دراين. بعد الشر عليك. بس أقولك، تستاهل عشان إنت غبي. سيف. تعرفي إنك... أول حلم من أحلامي، حبك في قلبي ملهوش حد. إنتي متعرفيش بحبك قد إيه. يا دراين، متمنتش حد يكون معايا غيرك. اتمنيت حياتي ورسمتها في خيالي وإنتي معايا. دراين. طيب إيه اللي منعك؟

إنت عذبتني كتير أوي يا سيف. ده لولا إني وقعتك في الكلام مكنتش هتتكلم. سيف. عشان مش عايز أعلقك معايا وأنا لسه في أول حياتي. كنت عايز أفتح العيادة الأول بمجهودي، وبعدين كنت هتقدملك على طول. بس أنا بوعدك أول ما نرجع، هكلم عمي على طول. دراين. بجد؟ سيف. أيوه. متعرفيش إنتي بنسبة لي إيه. ده إنتي حلم واتحقق. فضوا يتكلموا ويهزروا مع بعض وهما مبسوطين. فاصبروا ونالوا بعض. فاده حب الطفولة. ***

سماح. أي يا حبيبي، صاحي بدري كده ليه؟ رحيم. ورايا مشوار كده مهم يا ماما. ادعيلي يبقى خير. سماح. روح، ربنا يفتحها عليك يا حبيبي. بقولك إيه يا حبيبي، كنت عاوزك في موضوع. رحيم. قولي يا حبيبتي. سماح. نادية بنت الجيران، بنت حلال وغلبانة وبنت ناس ومتحرمة. أي رأيك تتجوزها وتعد معايا لغاية ما ربنا يكرمك. على الأقل تكسب فيها ثواب بدل ما هي طالع عينها في الشغل كده.

رحيم. يا ماما، أنا قلت لك مش عاوزك تفتحي الموضوع ده معايا تاني. وقام ومش. سماح. يا ابني، عايزة أفرح بيك. نزل رحيم وكان إمام مستنيه. إمام. يلا بينا يا صاحبي. وركبوا العربية وانطلقوا على الشركة. وصلوا ودخلوا الشركة وطلع إمام لصحبه. إمام. عاوزك بقى تعملنا المصلحة دي. فارس. والله حظكم زي العسل. سمعت امبارح إن مستر غيث فتح الدعاية تاني امبارح. تعالوا معايا. وخدهم وطلعوا عند عز. خطبو ودخلوا. عز. خير يا وش المصايب.

فارس. عاوزك يا مستر عز في مصلحة كده. عز. مصلحة؟ قاعدين هنا في سوق سمك؟ قول اللي عندك. فارس. ده رحيم صاحبي مهندس ميكانيكا، فاتح ورشة ميكانيكا، بس الدنيا مش ماشية خالص. فـ عاونين نعمل له دعايا لمدة سنة. عز. مفيش مشكلة. فاتح فين؟ رحيم. فاتح في المعادي. عز. اممم، كويس. ماشي، موافق. فارس. بس يعني يا مستر عز، هو المبلغ معاه مش كامل. يعني هو هيدفع على دفعات.

رحيم. بص يا أستاذ عز، أنا طبعًا عارف إن مينفعش على مراحل، بس حقيقي الظروف وحشة أوي. بس إن شاء الله هصددهم على طول.

عز. مفيش مشكلة، طبعًا عادي. الموضوع هنا فيه تقسيط بردو، بس هو بيكون لشركات وكده، بس عادي. مفيش مشكلة. إنت شكلك يعني متحرم، وأنا معنديش مانع للدعاية والفلوس آخر حاجة بنفكر فيها. هو بس بيكون فيه شروط. أول حاجة، الشغل الصح بتاع حد معاك مسؤول عن الدعاية. بنشوف الشغل كويس وبيتسهل فعلاً ولا لا، عشان ده اسم شركة، يعني لازم المصداقية. إمام. فاهمين طبعًا، ورحيم مهندس شاطر أوي.

عز. خلاص اتفقنا. هنمضي العقود دلوقتي. بس هو فيه مشكلة صغيرة. رحيم. هي إيه؟ عز. اللي هتعلمك الدعاية دلوقتي في إجازة، فـ قدمها أسبوع. بعد الأسبوع، إنت هتسيب العنوان، وهي هتجيلك تفهمك كل حاجة وهتبدأ الشغل. رحيم. موافق، مفيش مشكلة. عز. يبقى تمام. وجاب عقود وشرح لهم حاجات وكده ومضوا العقود. عز. بالتوفيق يا مهندس رحيم، إن شاء الله. رحيم. شكراً ليك بجد. ومشوا. إمام. شكراً يا فارس، نردهالك في الأفراح إن شاء الله. ونزلوا.

رحيم. مش مصدق. الحمد لله. إمام. عاوز أقولك إنك لازم تكون مستعد عشان مش هتعرف تسد على الشغل. رحيم. يتم بس يا إمام، وأنا هشتغل ليل ونهار.