رواية عشقت مغتصبة (2 الفصل السادس 6 - بقلم حنين هاني

يوم جديد. مصطفى: ريم حبيبتي، عاوزين نروح نتابع مع الدكتور عشان نطمن عليكي. ريم: حاضر. قد إيه الشعور غريب أوي، يعني بقالي 19 سنة مخَلّفتش، حاسة إني أول مرة أكون حامل أصلاً. مصطفى: عادي ياحبيبتي، أهم حاجة تقومي بالسلامة ياحبيبتي. في الشركة. غيث: عز، كنت عاوزك تفتح استقبال إعلانات جديدة عشان أنا هفتح فرع قريب في عين شمس. عز: طيب، قرار حلو. أوك، هكلم مدير الدعاية ينزل على النت وليالي ترجع، هخليها مسؤولة عن المشاريع دي.

غيث: يبقى أحسن برضه. المكان اللي هي فيه ده مش عارفة تبقا شاطرة. عز: خلاص اتفقنا. وخبط الباب ودخل موظف. جبريل: صباح الخير مستر غيث. غيث: اتفضل ياجبريل. عز: طيب، هروح أنا بقى وهقولك عملت إيه. وطلع. غيث: خير ياجبريل، في مشكلة في الشغل ولا إيه؟ جبريل بتوتر: هو حقيقي لأ، بس كنت عايز حضرتك يعني في موضوع. غيث: اتفضل، خير. جبريل: يعني حضرتك، هو موضوع شخصي، يعني كنت عايز يعني أنا وأهلي نيجي نشرب مع حضرتكم الشاي في البيت.

غيث: طبعاً، تنوروا ياجبريل. جبريل: حضرتك عرفت أنا عايز إيه صح؟ غيث: أيوه، بس هقولك على حاجة عشان أنا بعزك. دلوقتي ليالي مسافرة وراجعة الأسبوع الجاي، أول ما ترجع هعرفها، بس هشوف رأيها الأول عشان يعني ميبقاش فيه إحراج في الوقت. دخلت ليلى. ليلى: إزيك ياجبريل؟ جبريل: الحمدلله يا مدام ليلى. غيث: جبريل طالب إيد ليالي. ليلى: بجد والله! إنت إنسان كويس أوي، وهنستناك تنورنا الأسبوع الجاي إن شاء الله.

غيث: منا قلت له نسأل ليالي الأول. ليلى: أكيد طبعاً، بس الأصح نعمل رؤية شرعية عشان نقرر. جبريل بفرحة: تمام، شكراً يا مدام ليلى. وخرج. ليلى: يا باه، أخيراً هشوف بنتي عروسة. غيث: وإنتي خلاص عرفتي إنها موافقة؟ ليلى: بقولك إيه ياغيث، ليالي لو فضلت كده، إحنا اللي سايبين ليها الرأي مش هتوافق على حد. بنتك مبقتش صغيرة، لازم يتشد عليها. بص، سيب بقا الموضوع ده عليا وأنا هتصرف فيه. كلهم قاعدين على البحر، ويهزروا ويضحكوا.

أحمد ملاحظ جوري واخده جنب، وكل ما يحاول يكلمها تمشي. ليلى: يلا، هنلعب على اللي هيعمل أكل. يوسف: طب ودي تيجي واحنا معانا شيف قد الدنيا ولا إيه يا مارو؟ مراد: لأ ياحبيبي، إنسى. أنا واخد إجازة لغاية مانرجع. يوسف: أخص عليك. دارين: والله يامراد عندك حق، عاوزين تشتغلوا. الواحد تعب. تعالي جنبي ياقلب أختك. يارا: ماهو إنتوا لازم تعملوا حاجة.

ليلى: أنا بقولكم أهو، هنلعب على اللي هيعمل الأكل، أوك. هشرحلكم اللعبة، وفي الآخر هيطلع اتنين دول اللي هيعملوا الأكل، وعشان يكون في علمكم، كل يوم هنعمل كده عشان نكون متفقين. يلا بينا. وبدأوا يلعبوا. سيف: يلا، كلو يتفح ورقه. أحمد: الحمدلله، أنا بره. سيلا: وأنا. مراد: وأنا كمان، يسسسس. ليلى: وأنا كمان. كرم: وأنا. يارا: وأنا. كارما: وأنا. يوسف: وأنا. ليلى: أومال إيه ياجدعان، كملوا. حور: وأنا برضه بره. سيف: وأنا.

خديجة: وأنا. جوري: وأنا. ليلى: كده فاضل مين؟ إيييه، دارين اللي هتطبخ؟ نوح: وأنا للأسف مش بره. مراد: أحيههه، هنروح المستشفى. كلهم ماتوا من الضحك. دارين: لأ، متهزرش ياجماعة، مش هعرف بجد. يوسف: للأسف، مالناش دعوة. إنتي ونوح هتعملوا كل حاجة. دارين: أعاااا! أنا مبعرفش أقطع خيار، عاوزيني أعمل ليكوا كلكم؟ حور: نوح معاكي، وهو بيعرف يعمل أكل. نوح: بعمل أكل لنفسي مش لحد يعني. حلو وحش أنا اللي باكل. أنا كمان مبعرفش أطبخ.

ليلى: والله ياجماعة كان على عيني، بس إنتوا اللي هتطبخوا. نوح: حلو الكلام. ضيفي للعبه إن الأكل اللي هيتعمل لازم يتاكل، ومفيش حد هيجيب أكل من بره. ليلى: أيوه، تمام. نوح: دارين، يلا بينا. دارين: يلا، والله لأوريكم يا شوية أوباش. ودخلوا المطبخ. وهنا تبدأ الغيرة. سيف في نفسه: يعني هتقف كل ده معاه لوحدهم؟ ويعدوا يتكلموا ويهزروا؟ لأ لأ. وقام مرة واحدة. سيلا: رايح فين ياسيف؟ سيف: أنا هدخل أساعدهم بدل مايعملوا أكل بايظ.

ليلى: للأسف ممنوع. اتفضل اقعد بقى، ساعتها هما هيطلعوا وإنت هتتدبس في كل حاجة. اتغاظ سيف منها، وقعد وهو بياكل حاله. في المطبخ. نوح: هنعمل إيه دلوقتي؟ دارين: مش عارفة. تعالي نشوف هما جايبين أكل إيه. فتحوا التلاجة. نوح: فيه برجر واستربس وبطاطس وجمبري وسوبيا وبيتزا وفراخ وستيك. هنعمل إيه بقى؟

دارين: والله أنا بفكر إن الأكل ده عادي يعني، هيتحمر وهيبقى حلو، بس لأ، أنا عايزة أنتقم. بص، هتروح السوبر ماركت هتجيب رز وملوخية وشعرية وبطاطس وطماطم، وأنا عقبال ما تيجي هشوف على النت الفراخ بتتعمل إزاي، ونعمل رز وملوخية وبطاطس بالفراخ، إيه رأيك؟ نوح: ماشي، هشوف وإنتي جهزي. دارين: أوك. كده كده الفراخ نضيفة، هحط بس شوية توابل وهنعملها. نوح: خلاص، أشطا. مسافة الطريق.

ومشي نوح، وهي وقفت فضلت تحاول في الفراخ لغاية ما شرحتها. دارين: اوف ياربي، بتتعمل إزاي دي؟ وبتبص على الفون وتتفرج وترجع تعمل، لغاية ما خلصت أخيراً. قطعتها. تعبت أوي، مش قادرة. ليلى: يانهار أزرق، تعبتي يادارين؟ ده إنتي شرحتيها مش عملتيها. دارين: اسكتي إنتي، عشان همسك الطاسة أديكي بيها في وشك. ليلى: الحق عليا إني جايه أساعدكوا من وراهم. دارين: مدام هتساعدي، عمتيلي كل ده ليه؟ ليلى: عشان التعاون حلو، ولا إيه رأيك؟

وبعدين نوح فين؟ دارين: راح يجيب حاجات. ليلى: طيب، وسعي. أنقذي الفراخ دي لحسن دي بقت متشرحة على الآخر. دارين: أوك. وعملت ليلى الفراخ عكس دارين، فهي بتعرف تعمل الأكل، طباخة بريمو. ليلى: يلا، كده بقت تمام. هطلع أنا، ولو عايزة حاجة ابعتيلي رسالة. باي. جاي نوح، ووقفوا هما الاتنين يخترعوا في الأكل. وبعد تلت ساعات كانوا خلصوا. نوح: الأكل خلص، يلا عشان تتطفحوا. كرم: أهم حاجة الحب. وقاموا كلهم قاعدين، وبدأوا ياكلوا.

سيف: إيه ده؟ يتبع.