رواية عشقت مغتصبه الفصل التاسع 9 - بقلم حنين هاني

ليل. انتي بتقولي إيه يا فرح؟ أهلي إيه اللي كانوا عندك؟ فرح لو بتهزري بلاش الهزار ده. فرح. والله مش بضحك عليكي، جت مامتك وباباكي ومعاهم إللي اسمه زين ده. ليل. زين كان معاهم؟ يبقى هو إللي عرفهم مكاني. طيب إنتي عملتي إيه؟ حكت لها فرح إللي حصل. ليل. شكل مش ناوي يجيبها لبر معايا، ماشي يا فرح أنا هتصرف، هقفل دلوقتي ولما أخلص شغل هكلمك. ليل كانت قاعدة مستنية غيث وبتفكر، يترا عاوزين إيه؟ ولسه فاكرين يدوروا عليا؟

ده ما عملوش كده لما مشيت من البيت. فلاش باك. زينة. ليل! إنتي شغالة هنا؟ وجريت عليها حضنتها وبدأت تعيط. ليل. وحشتيني أوي يا زينة، عاملة إيه يا حبيبتي؟ زينة. مدمرة من غيرك يا ليل، ليه سبتيني ومشيتي؟ وإنتي عارفة إني مبعرفش أعيش من غيرك. ليل. النصيب يا زينة، ما كان ينفع أعد أكتر من كده، كفاية إللي حصل. بس هو إيه إللي حصل لما بابا عرف إني مشيت؟ سكتت زينة ومعرفتش تقولها إيه. ليل. قولي يا زينة، هو كده كده الموضوع عادي.

زينة. لما شاف الرسالة سكت وقال: الحمد لله إنها مشيت. وبص لماما قالها: لو سألوا عليكي قولي سافرت لأختك بره ومحدش يجيبلي سيرتها تاني خالص في البيت. ماما حاولت معاه بس مكنش في أمل. ليل. وإزاي بس عايزني أرجع وهو حتى ما فرّقش يدور عليا؟ أنا خلاص حياتي أنا هعيشها لنفسي، وإنتي يا زينة متعرفيش أي حد مكاني، حتى لو كان مين، عشان خاطري أنا عشان أعرف أعيش. زينة. ماشي يا ليل، مش هقول لحد خالص، بس ابقي كلميني.

ليل. حاضر، لما أكون فاضية هكلمك، ابقي عدي عليا كل فترة كده. زينة. حاضر. وحضنتها ومشت. ليل. ليه كده يا زينة؟ قولتلك متعرفيش حد خالص، لو ما كنتيش قلتي لزين ما كانش كل ده حصل. كده زين خدها عنده ومش هيسكت. وفاقت على صوت غيث. غيث. صباح الخير يا ليل. ليل. صباح النور. غيث. آسف على التأخير، تعالي ورايا. ومشيت وراه ودخل المكتب بتاعه. ليل. دخلت وقعدت. غيث. معلش يا ليل، محتاج شوية بيانات كده عشان الملف.

ليل. بس أنا مش معايا البيانات دلوقتي. غيث. لا متقلقيش، هتقوليلي وأنا هجيبهم من الكمبيوتر وأطبعهم. ليل. تمام. وقالتله على البيانات وخلص الورق. وفهمت إنها السكرتيرة المسؤولة عن كل المواعيد والصفقات وكل حاجة. غيث. عارف إن ممكن يكون الشغل تقيل عليكي، بس أنا واثق فيكي. ليل. إن شاء الله ما أخيب ثقتك دي. وراحت ليل وهي مبسوطة ومرتاحة أوي للشغل. وفجأة دخل حد عليها. عز. هالو يا قمري. ليل. باستغراب. مين حضرتك؟

عز. أنا عز، صديق غيث المقرب، وكنت بره ولما جيت شغلني هنا، امسك الإدارة وأنا إللي هدربك أسبوعين لحد ما تبقي تمام يا عسل. ليل. آه، أهلاً وسهلاً. عز. أهلاً بيك يا قمر. إنتي اسمك إيه؟ ليل. اسمي ليل. عز. عاشت الأسماء يا ليل. بصي بقا تعالي عشان أفهمك الصعب. وبدأ يفهم ليل كل حاجة بالتفصيل. وبعد أربع ساعات خلصوا.

عز. أتمنى تكوني فهمتي كل حاجة، وبرضه أنا معاكي، يعني متقلقيش لو حاجة وقفت معاكي، عرفيني وأنا هفهمك. وأه، أهم، تكوني برضه عشان المدير رخيم أوي بصراحة وإنتي مش هتستحملي غير وإنتي برضه... ضحكت ليل، بس سكتت لما شافت غيث. وكل ده وعز لسه مكمل.

عز. زي ما بقولك كده بصراحة، لا يطاق، وهو في الشغل قافش كده وشايف نفسه، تحسي إنه شايف نفسه راجل بيزنس. إنتي عارفة لولا إنه صاحبي واتحايل عليا ما كنتش وافقت أشتغل هنا وأشيل الشركة دي كلها. غيث. امممم، وإيه كمان؟ عز. مبحبش أتكلم عن نفسي... وسكت لما سمع الصوت وبص جنبه لقى غيث واقف ومربع إيده. عز. وزي ما قولتلك يا بنتي، أستاذ غيث صاحب الشركة ده راجل محترم أوي ومش بيتعصب نهائي. وقام طلع وجري. وضحكت ليل.

(عز عنده 25 سنة، ابن خالتهم وصاحب غيث المفضل، كان عايش بره وكان بيدرس ورجع وبيحبهم أوي وبيحب الهزار والضحك، وبيدور على واحدة تخطفه من أول نظرة عشان يكمل معاها حياته.) غيث. (في نفسه) يخربيت حلاوة ضحكتك. أحم، ليل، جهزي نفسك عشان ورانا ميتنج بره وهتيجي معايا. ليل. حاضر. وخرج غيث وكان واقف عز وخد ودخل المكتب. غيث. بقا أنا إللي يتعامل معايا يبقى بارد عشان يستحملني؟ عز. ماهو بصراحة بقا، آه، إنت بتكون زي المتحول وإنت شغال.

غيث. ماشي، مخصوم منك خمس أيام. عز. يا عم هو أنا لسه اشتغلت عشان تخصم؟ وبعدين مش بمزاجك، أنا هنا ماسك إدارة الشركة دي كلها. غيث. وعلى فكرة بقا، أنا المدير إللي مسكتك الشركة دي كلها. عز. احم، عادي، مش هتتخلف يعني. المهم جاهز عشان نمشي. غيث. نمشي فين؟ عز. ورانا ميتنج بره كمان ساعة. غيث. آه، منا عارف، بس إنت مش جاي معايا؟ عز. يعني إيه؟ هتروح لوحدك؟ غيث. لا، هاخد ليل، واتفضل من غير مطرود.

عز. آه، قولتلي ليل، امممم، بس هي قمر بصراحة. غيث. ريح نفسك يا عز عشان مزعلكش على نفسك. عز. يا صاحبي، عيبك إنك عارفني، بس برضه أنا عارف إنك برضه مغرم. غيث. مين قالك كده؟ عز. أصلي كنت بكلم ليث وبيقولي معقول عملتوا مقابلات كتيرر وما فيش بنت كويسة، فجاءت من الكلام بس، عم على عومك. غيث. خلص يا عز، عايز إيه؟ عز. بخبث. كدبت على ليث ليه وقولت إننا عملنا مقابلات وإحنا أصلاً ولا عملنا وهببنا؟ وإشمعنى ليل؟

صديقة ليث غير إن الموضوع فيه إنك وإنت معجب بيها يا غيوسة. غيث. مع إنك ساعات بتبقى غبي، بس المرة دي إنت عندك حق في حاجة، قوية شاداني لي ليل أوي، كأني أول مرة أشوف بنت في حياتي، مش عارف بقا إذا كنت معجب بيها بجد ولا ده كله مشدود ليها من جمالها. عز. لا، ده إنت ليك قعدة معايا نحكي فيها للصبح. غيث. ماشي، يلا بقا هروح آخد ليل عشان ألحق. ومشي غيث وخبط على مكتب ليل. غيث. يلا يا ليل. ليل. حاضر.

ونزلوا مع بعض وركبوا العربية، بس كان واقف إللي صورهم ومحروق دمه. زين. ماشي يا ليل، أنا هوريكي إزاي تتعاملي مع حد غيري وكمان بتركبي معاه العربية، أنا هحزنك على كل ده. وبص في الصور ومشي وناوي على شر.