رواية عشقت ملاكي الفصل الرابع 4 - بقلم اية جميل

ليلي: يعني دكتور أسد بيحبك؟ ملاك: آه يختي ومش عارفة أعمل معاه إيه ده. ليلي: استني أنا عندي فكرة. ملاك: فكرة إيه؟ قوللي يا بت. ليلي: هنلعب معاه لعبة. ملاك: لعبة إيه دي؟ ليلي: شوق ولا تدوق. ملاك: بتتلعب إزاي دي؟ ليلي: إنك تظهري أنوثتك، خليكي بنت رقيقة وكده، فاهمة؟ ملاك: أنا حاسة إني بتُهان، بس ماشي، هعديها وهعملها إزاي دي يا شاطرة؟ ده بكرة، ده أنا أول ما بشوفه بتخانق معاه. ليلي: يابت استحملي.

ملاك: الصراحة أنا مش هعرف أعمل كدا. ليلي: مش هتعرفي ليه يا أختي؟ ده إنتي هتلبسي شوية بيجامات ضيقة، شوية وحطي ميكب، ودلعّي قدامه. ملاك: لا يا ليلي، أنا مش هقدر، ده أنا بقعد قدامه بالأسدال بالعافية. ليلي: نعم؟ إنتي بتقولي إيه؟ ملاك: يا ليلي والله بتكسف، لا مش هعمل كدا. ليلي: ملاك، إنتي مراته، عادي ومش حرام ولا عيب. ملاك: والله يبت حساكي هتوديني في داهية.

ليلي: لا يبت متخافيش، طالما هو وعدك إنه مش هيقرب منك غير بإرادتك، يبقى إنتي في الأمان. ملاك: ماشي، هعمل كدا وأمري على الله. وبعدين إنتي بتجيبي الأفكار الغريبة دي منين؟ ليلي: من الروايات، ههههههه. ملاك: من الروايات؟ يخربيت عقلك! تصدقي أنا كمان هبدأ أقرأ روايات علشان أبقى زيك كدا وأعرف أتعامل مع المغرور ده. ليلي: مجنونة. ملاك: مش أكتر منك. ليلي: ماشي يا أختي، يلا بقى قومي ذاكري بدل ما تشيلي المادة بكرة.

ملاك: عندك حق، سلام. ليلي: سلام. ليلي لنفسها: أيوه كدا، يا رب الخطة تنجح وملاك تحبه. أنا عارفة إنها بتحبه بس هي مش معترفة بكدا. عند أسد... فهد: ها يا أسد، مين ملاك دي؟ أسد: اسمها مدام، وهي مراتي. فهد بصدمة: إيه؟ أسد: إيه مستغرب كدا ليه؟ إنت مش عارف إني بحبها؟ فهد: هي دي ملاك اللي إنت بتحبها؟ أسد: آه. فهد: واتجوزتها إزاي دي؟ مش إنت قلت إنها مش بتحبك؟ أسد: آه... (حكى له على كل شيء) فهد: ينهر أبيض! حصل كل دا؟

كدا تكرهك أكتر. أسد: طب أعمل إيه يعني؟ ما هي مش مدّياني فرصة. فهد: فرصة إيه اللي إنت بتعمله دا غلط يا أسد، إنت مشوفتش حالتها بقت عاملة إزاي؟ طلقها يا أسد. أسد: إيه؟ مش هطلقها، مستحيل. فهد: بس هي مش بتحبك يا أسد، إنت كدا هتدمر ليها حياتها. أسد: ماشي، ملكش دعوة إنت، خليك في حالك. فهد: ماشي يا أسد، أنا غلطان، سلام. وتركه وغادر. وذهب أسد لملاك، وعندما دخل الغرفة وجدها جالسة. أسد: ملاك، خديني الدواء بتاعك. ملاك

وهي تنظر في الكتاب أمامها: آه. أسد: طيب، ماشي. وجلس ينهي بعض الأوراق وينظر لملاك كل فترة. وبعد فترة تنهد أسد ونظر إلى ملاك ووجدها قلقة. أسد: ملاك، إنتي كويسة؟ ملاك: آه، واسكت بقى، مش هتبقى أنا والمسألة عليا. أسد بضحك عليها: ماشي، تحبي أساعدك؟ ملاك: لا، أصلاً كل ده بسببك. أسد: بسببي؟ ملاك: آه، إنت ليه مقلتليش إنك عامل امتحان بكرة في الجامعة؟ أسد برفع حاجب: مش المفروض إن إنتي اللي تتابعي؟

ومن إمتى الدكتور بيروح لحد الطالبة ويقولها على الامتحان؟ وبعدين إنتي عرفتي منين؟ ملاك: ليلي قالتلي. أسد: ماشي، تحبي أساعدك؟ ملاك: لا، شكراً. أسد: ماشي، براحتك. ملاك بتفكير: اممم، لا خلاص، تعال اشرحلي. أسد: ماشي، يلا. وبعد فترة... أسد: فهمتي؟ ملاك: آه. أسد: طب حلي المسألة دي. وأعطاها مسألة صعبة. ملاك: حاضر. وبالفعل حلتها ملاك. أسد: بسم الله ما شاء الله! لا، أبهرتيني. ملاك: طبعاً، هو أنا أي حد.

أسد بضحك: لا طبعاً، ده إنتي مرات أسد الدمنهوري. ملاك: طيب، ماشي، يلا بقى علشان أنا عايزة أنام. أسد: ماشي، يلا. وذهبت ملاك وجلست على السرير ووجدت أسد يجلس بجوارها. ملاك: إنت هتنام هنا؟ أسد: أمّال هنام فين؟ ملاك: قوم نام على الكنبة. أسد: ملاك، نامي وإنتي ساكتة. ملاك: طيب، ماشي. وذهبت حتى تجلس على الكنبة، أمسكها أسد. أسد: إنتي راحة فين؟ ملاك: راحة أنام على الكنبة. أسد: ملاك، اقعدي نامي وإنتي ساكتة.

ملاك: أنا مستحيل أنام جنبك. أسد: ماشي يا ملاك، تعالي نامي وأنا هنام على الكنبة. ملاك: ماشي، بس إنت غيرت رأيك ليه؟ أسد: علشان مش أسد الدمنهوري اللي يخلي مراته تنام على الكنبة. ونامي بقى وإنتي ساكتة. ملاك: حاضر. وعندما نامت ملاك، ذهب أسد وأخذها في حضنه ونام. عند فهد... فهد وهو بيسوق السيارة: أعمل إيه؟ اللي أسد بيعمله ده غلط. وفجأة خبط فتاة. فهد لنفسه: يظهر أبيض! إيه اللي أنا عملته ده؟ ونزل مسرعاً إلى الفتاة.

فهد: إنتي كويسة يا آنسة؟ ليلي: إنت أعمى؟ مبتعرفش تسوق؟ بتسوق ليه؟ إنتوا بتركبوا العربيات علشان تدوسوا بيها على الناس؟ فهد: أنا آسف والله، مكنش قصدي، مخدتش بالي. ليلي: آه يا رجلي! ربنا ينتقم منك يا شيخ. فهد بعصبية: بت! إنتي ما تحترمي نفسك معايا! أنا اعتذرت ليكي وخلاص. ليلي: لا، وكمان بتزعقلي؟ طيب استني عليا. فهد: هتعملي إيه يعني؟ ليلي: هتشوفي هعمل إيه دلوقتي. وبدأت تصرخ. ليلي: آه يا رجلي! آه! الحقوني يا ناس!

شخص: مالك يا بنتي قاعدة كدا ليه؟ ليلي بتمثيل: أصل الشخص ده ضربني بالعربية بتاعته. وقولتله خدني على المستشفى، قعد يزعق ويهددني. الشخص: ليه كدا؟ دا إنت واحد معندكش دم! هو حد غيرك ضربها؟ فهد: والله العظيم دي بتكدب عليكوا. ليلي: شوفوا يا ناس! كمان بيكذبني! ليه كدا؟ يارب! أنا عملتلك إيه بس علشان تعمل معايا كدا؟ الشخص: متقلقيش، إحنا هنجيب ليكي حقك. يالا يا رجالة! وضربوا فهد. ليلي: بس كفاية، ليموت تحت أيديكوا.

وبالفعل تركوه. الشخص: إنتي كويسة؟ ولا نوديكي المستشفى؟ ليلي: لا خلاص، شكلها ضربة خفيفة في رجلي وهبقى كويسة. وشكراً ليكوا. الشخص: ولا يهمك، دا إحنا عملنا الواجب. وتركتهم وغادروا. ليلي: قولي بقى يا شاطر، هتعمل معايا إيه؟ فهد: والله العظيم لأعرفك مقامك. وتركها وذهب إلى السيارة. ليلي: آه يا رجلي. وذهبت إلى المنزل. فهد: يا خربيتها! لمضة وأوزعة بلسانها أطول منها، بس هي قمر برضوا. وذهب إلى منزله وذهب في نوم عميق.