رواية عشقت ملاكي الفصل الثاني عشر 12 - بقلم فرحه محمد

محمد: بتتأسفي عليّ إيه؟ لين: علشان مش وثقت فيك، بس برضو أختك عرفت تضحك عليّا. محمد: أه وأنتِ صدقتي بسرعة. لين: خلاص بقى والنبي والله، أنت بثق فيك أكتر من نفسي، بس لما سمعت كلمة بيبي وأنت في البيت وجوزي، أنا مبقتش مصدقة نفسي، بس أختك عرفت تضحك عليّا. محمد: ماشي يلا بقى علشان أشوفها عاوزة إيه. لين: ماشي، بس أنت كنت بتقول إيه قبل ما أختك تيجي؟ محمد بتذكُّر: لين، أنا مش هعرف أجي عندك تاني. لين: إزاي يعني؟

محمد: أنا هستقر هنا. لين بصدمة: إيه؟ محمد: معلش يا قلبي، بس والله مش هقدر، أختي خلاص في سن جواز يعني، فترة وهتسيب البيت وأنا مش هقدر أسيب ماما عائشة لوحدها. لين بتفهُّم: ماشي يا محمد. محمد: أنا آسف. لين: سلام يا محمد. محمد: لين اسمعي بس. لين: خلاص يا محمد سلام. وأغلقت دون أن تسمع رَدَّه. محمد ببكاء: آسف يا قلبي آسف. وظل يبكي فترة، وتذكَّر أخته فغسل وجهه وذهب إليها. محمد: ليلي.

ليلي: يااااه أخيراً جيت، أنا فكرتك نسيتني. محمد: في حد ينسي حته منه؟ ليلي: عندك حق. محمد: هاااا كنتِ عايزاني في إيه؟ ليلي: تعال وأنا أقولك. محمد: أنتِ فرحانة كدا ليه؟ الظاهر أن في خبر حلو. ليلي: أه. محمد: قولي يا أختي. ليلي: ….. (حكت كل شيء) محمد بفرحة: يعني فهد بيحبك وأنتِ بتحبيه؟ ليلي: أه. محمد: واعترفوا لبعض؟ ليلي: أه. محمد: وحضنتوا بعض؟ ليلي: أه. محمد مسك الشبشب وضربها بيه. ليلي وهي تبعد عنه: إيه في إيه؟

بتضرب ليه؟ محمد: خدي يا بت، احنا ربَّيناكِ على كدا. ليلي: على إيه؟ أنا عملت إيه؟ محمد: ليلي اتعدِّلي. ليلي: دا كان حضن صغير. محمد: ليلي مينفعش كدا. ليلي: حاضر يا محمد. محمد: ماشي. ليلي لنفسها: أمال لو عرفتِ إن احنا قبلنا بعض. محمد: ملكيّه وقولي له مفيش خروج مع بعض وكدا غير لما تتخطبوا. ليلي: إيه؟ محمد: دا اللي عندي. ليلي: حاضر. ونظرت إليه ووجدت عينيه مليئة بالدموع. ليلي: محمد مالك؟ عينك فيها دموع ليه؟

محمد: هااا مفيش حاجة. ليلي: إزاي يعني؟ أكيد فيه. محمد حضنها: أنا سبت لين. ليلي بصدمة: إيه؟ طب ليه؟ محمد: .. (حكى لها كل شيء) ليلي: أممم، إن شاء الله هترجعوا لبعض، وبعدين مين قالك إنها سابتك؟ دي زعلانة شوية بس وهتكلمك تاني. محمد: وأنتِ إيش عرفك؟ ليلي: احنا بنات شبه بعض يعني، عارفة كل الحاجات دي. محمد بضحك: ماشي، طب أعمل إيه دلوقتي؟ ليلي: ولا حاجة، لما تكلمها تاني كلمها عادي ولا كأن حصل حاجة. محمد: متأكدة؟ ليلي: أه.

محمد: ماشي، أنا هسيبك أنا بقى. ليلي: ماشي. وخرج محمد واتصلت ليلي بفهد. ليلي: الو. فهد: إيوه يا روحي. ليلي: فهد أنا كلمت محمد. فهد: كلمتيه في إيه؟ ليلي: قولتله على كل حاجة حصلت. فهد بصدمة: بجد؟ ليلي: أه. فهد: وقالك إيه؟ ليلي: قالي إن هو مش موافق عليك. فهد: إيه ليه؟ ليلي: مش عارفة. فهد بعصبية: إزاي بقى؟ ليلي: هو إيه اللي إزاي؟ فهد: طب وأنتِ قرارك إيه؟ ليلي: فهد كل شيء قسمه ونصيب.

فهد: ماشي يا ليلي، بس أنا مش هستسلم بالسهولة دي. ليلي: يعني هتعمل إيه؟ فهد: هتعرفي كل حاجة في وقتها. وفجأة ضحكت ليلي بشدة. فهد: أنتِ بتضحكي عليّ إيه؟ ليلي: عليك. فهد: ليه؟ هو أنا قولت حاجة تضحك؟ ليلي: لا. فهد: أمال بتضحكي ليه؟ ليلي: فهد أنت بتحبني ليه؟ فهد: كدا أهو، قلبي اختارك، وأنا مش بحبك دا أنا بعشقك، أنا مقدرش أعيش من غيرك، أنا مش قادر أتخيَّل حياتي من غيرك هتبقى عاملة إزاي. ليلي

والدموع تتجمع في عينيها: أنا آسفة. فهد: على إيه؟ أنتِ معملتيش حاجة. ليلي: لا أنا كدبت عليك. فهد: في إيه؟ ليلي: أم محمد رفضك. فهد بصدمة: أمال هو قالك إيه؟ ليلي: قالي خلِّيه يجي يتقدَّم. فهد بفرحة: بجد؟ ليلي: أه والله. فهد: بحبك بحبك بحباااااااااك. ليلي: تعرف إنك مجنون؟ فهد: مجنون بحبك. ليلي: ماشي، هتيجي إمتى بقى؟ فهد: بكرة، ولا أقولك النهاردة؟ بصي أنا جاي في الطريق. ليلي: أهدى يا مجنون. فهد: يا بت أنا بلبس أهو وجاي.

ليلي: فهد مش النهاردة، خليك بكرة. فهد: لا النهاردة. ليلي: فهد مينفعش، يلا بقى هستناك بكرة. فهد: يوووه. ليلي: معلش علشان خاطري. فهد: حاضر علشان خاطرك أنتِ بس. ليلي: ماشي، بكرة الساعة ٩. فهد: ماشي. ليلي: طب يلا بقى سلام، علشان أقول لمحمد. فهد: ماشي يلا سلام. وأغلقت الهاتف ونام وهو سعيد وهو يشعر كأنه يملك سعادة العالم كله. وذهبت ليلي إلى محمد. ليلي: محمد. محمد: نعم. ليلي: فهد هيجي بكرة الساعة ٩.

محمد: ماشي، أنتِ حبيتِ تكلميه. ليلي: أه، دا كان عايز يجي النهاردة. محمد بصدمة: …… عند ملاك وأسد ..... استيقظت ملاك وما تجد أسد في الغرفة فظنت أنه ذهب للعمل، فجهَّزت ونزلت حتى تتناول فطورها وتذهب للجامعة. ملاك: إزيك يا ماما؟ سارة: الحمد لله يا بنتي. ملاك: أخدتِ أدويتك؟ سارة: أه الحمد لله. ملاك: هو أسد فَطَر قبل ما يمشي؟ سارة: أسد ما رجعش من إمبارح. ملاك: إيه إزاي؟ سارة: هو قالي إن هو هيقعد يومين لوحده.

ملاك بحزن: طيب ماشي. سارة: متخافيش يا بنتي هيرجع. ملاك: ماشي يا ماما، أنا هروح الجامعة، عاوزة حاجة أجيبهالك معايا؟ سارة: لا يا بنتي، بس كمِّلي فطارك. ملاك: أنا شبعت. سارة: بس أنتِ ما كلتيش حاجة. ملاك: لا خلاص مش قادرة. سارة: ماشي يا بنتي. وذهبت ملاك للجامعة وذهبت إلى مكتب أسد ولكن لم تجده. العامل: حضرتك عاوزة أستاذ أسد في حاجة؟ ملاك: أه هو فين؟ العامل: أستاذ أسد لسه ما وصلش. ملاك: طب تعرف هيجي إمتى؟

العامل: لا والله بس... ملاك: بس إيه؟ العامل: أنا سمعت إن هو هياخد فترة إجازة. ملاك: إيه يعني مش هيجي الجامعة؟ العامل: لا. ملاك: طب أنت متأكد؟ العامل: لا بس في ناس بيقولوا هينقل من الجامعة وفي ناس بيقولوا واخد إجازة وفترة وهيرجع. ملاك: شكراً ليك. العامل: العفو. ملاك لنفسها: ياربي هو قال إن مش هيخلِّيني أشوفه خالص، هو كان بيقولها بجد ولا إيه؟ واتصلت بيه ولكن لم يرد عليها. دارين: في حاجة يا ملاك؟ يا بنت عليكي قلقانة.

ملاك: لا مفيش. ماكس: طب متيجيش تقعدي معانا؟ ملاك: لا وأنا من إمتى أصلاً بصحبكم؟ دارين: ما احنا بمُعْرِض عليكِ صداقتنا، أنتِ أختنا برضو. ملاك: لا شكراً، وممكن تسيبوني لوحدي؟ دارين: يا أختي غوري، احنا غلطانين. ملاك: عورة تأخدك في داهية. دارين: متحترميش نفسك معانا. ملاك: شيِّفاني قليلة الأدب شبهك. دارين: أنا قليلة الأدب يا ......