رواية عشقت مسلمة الفصل الثالث 3 - بقلم ندى المطر

حل الصباح. استيقظت وأخذت أشياءها وقررت الرحيل حتى قبل امتحاناتها. أخذت حقيبة ملابسها فقط وكتبها وذهبت إلى شركة الجارحي. *** أما مبنى الجارحي. كان عامر يصف سيارته حتى انتبه أنها تقف أمام باب الشركة. عامر باستغراب: بتعملي إيه هنا؟ ندي: لو ينفع أنقل من دلوقتي يا... عامر بمقاطعة: أكيد، يلا تعالي أوديكي البيت وتتعرفي على عائلتي. ركبت معه السيارة وذهبت معه. عامر وهو يدخل قصره: يا نبع الحنان... والدته:

عامر، أنت مش مشيت يا ابني؟ عامر: جبت لك هدية. والدته باستغراب: هدية إيه دي؟ عامر: فاكرة البنت اللي قلت لك عليها؟ والدته: أيوه يا ابني، مالها؟ عامر: معايا. والدته: وسايباها برا يا ولااا؟ عامر: ضاع الاحترام والهيبة، ماشي يا ست الكل. والدته: اطلع يا ولا هاتها. ذهب عامر ثم عاد ومعه ندى. عامر بمرح: أقدم لك يا ست الكل ندى. والدته: بس يا ولا، يلا روح شغلك، أنت مع السلامة. عامر: هو أنا بطرد دلوقتي؟

ماشي، ما هو من لقى أحبابه نسى أصحابه. وتركهم وذهب تحت ضحكهم. والدته: تعالي يا حبيبتي اقعدي، عامر حكى لي عنك. ندى: إزيك يا طنط؟ والدته: طنط إيه بقى؟ انتي زي نور بنتي الغيبوبة اللي مش بتبطل نوم دي، أوعي تكوني زيها. *** في قصر الدمرداش. استيقظ آسر وذهب إلى غرفة ندى ليراها، ولكنه تفاجأ بعدم وجودها. نزل إلى الأسفل ليبحث عنها، ولكنها ليست موجودة. آسر لوالدته: ماما، فين ندى؟ والدته: بص يا ابني، هي مشت وسابت لك الورقة دي.

آسر بغضب: يعني إيه مشت يا ماما؟ والدته بحدة: أنت مش ملاحظ إن صوتك عالي يا أستاذ آسر؟ آه، هي مشت، دا مش مكانها، وكفاية أوي لحد كدا. آسر بصوت عالي: لا، دا مكانها، دي بنتي أنا اللي مربيها، أنتِ فاهمة؟ صوت الكف نزل على وجهه من والدته. والدته بغضب: الظاهر إنك اتجننت على الآخر. وتركته وذهبت. أما هو، فكسر كل شيء حوله. *** في قصر الجارحي. نور وهي تنزل على الدرج. نور بصراخ: ماماااا. فيروز: بتعلي صوتك زي الحمار؟

أنتِ كان حد قال لك إني طرشة يا بت؟ نور بمرح: هو أنتِ حد زيك يا عسل؟ فيروز: يلا ياختي روحي افطري عشان دروسك. نور: بتكرشينييي؟ ماشي يا ست الحبايب يا نبع الحنان والحنية و... قاطعتها فيروز: خلاص ياختي، مش هنخلص النهاردة، انتهي، هتتأخري. كادت تذهب نور حتى رأت تلك التي تجلس بجانب والدتها، لتصفر عالياً: الله الله، ع الحلاوة والجمال والدلال و... فيروز: خلاص يا بنت الجزمة، يلا امشي. نور:

الله الوكيل، مش هتنقل من اهنييييه إلا لما أعرف مين المووووزة. ندى بضحك: أنا ندى. نور: إيه الرقة دي يا جدع؟ دا أنا ولد على كدا. فيروز: وإنتي الصادقة يا قلب أمك، أنتِ راجل أصلاً. نور: كدا يا حااااج. فيروز: اخلصي افطري عشان تاخدي ندى معاكِ الدروس. نور: بس كدا، يلا بينا. وسحبت ندى من يدها. فيروز: يابت استني، افطروا الأول. نور: متتدققيش بقى، هنفطر مع المستر. ولم تنتظر لتسمع ردها، بل ذهبت. فيروز بقلة حيلة: ربنا يهدي. ***

عودة إلى قصر الدمرداش. آسر وهو يقرأ محتوى رسالتها: "أنا آسفة، عارفة إنك هتزعل مني، بس انت عارف إن مينفعش أفضل أكتر من كدا، وبالأخص إني كبرت، وصدقني عمري ما هنسالك، لأن مفيش حد بينسى أهله، وبالأخص باباه". آسر: ليه كدا يا ندى؟ أنا كنت هتصرف، بس اللي يريحك يا بنتي. أنا واثق إنك هتيجي في يوم تاني. *** في سنتر دروس الثانوية. المستر: بس يا نور، انتي عارفة إن الامتحانات قربت، مقدرش أقبلها. نور:

يا مستر، عارفة، بس أبيه عامر هو اللي قالي أقول لحضرتك كدا، وبيقولك كمان إنها ممتازة، وتقدر تتأكد بنفسك. المستر بتوتر: ما دام عامر بيه هو اللي طلب، فانا موافق. نور بهمس: ناس تخاف متختشيش. ضحكت ندى على كلماتها. وحضروا الدروس معاً، وكان يوم طويل بالنسبة لهم، وبالأخص مع قرب موعد الامتحانات. *** في قصر الجارحي. عاد عامر باكراً من شركته حتى يرى ندى، وحتى تعتاد وجود عائلته. عامر وهو يقبل يد والدته: حبيبة قلبي، عاملة إيه؟

فيروز: بتضحكي عليا يا واد؟ مش من عادتك ترجع دلوقتي، إيه السبب؟ عامر: مفيش يا ستي، عشان ندى بس، على ما تتعود عليكم. فيروز بمرح: أنت حبيتها يا واد؟ عامر بجدية: لا يا أمي، مستحيل، ندى زي نور بالظبط عندي. فيروز بحنان: عارفة يا حبيبي، والبنت أصلاً باين عليها إنها طيبة وغلبانة، قلبي ارتاح لها. عامر: أومال هي فين كدا؟ فيروز: راحت الدرس مع نور، أنت نسيت إن امتحاناتهم قربت. عامر: بس اتأخروا يعني. فيروز:

طبيعي، أيام مراجعة يابني. مع نهاية كلماتها، دلفت نور وندى معاً. نور بمرح: أنا جيت، أنا جيت، نورت صح؟ عامر: لا، هي منورة من قبل ما تيجي. نور: اخس عليك يا ابيه. ندى: دي النور كله على فكرة. عامر: انتي لحقتي ياختي تقفي معاها؟ نور: دي ندى حبيبتشي. عامر: حبيبتشي بيئة أوي، انتي. نور: مش مشكلة، المهم تعالوا ناكل، أنا بطني بتاكل نفسها جوا، وأحكيلهم على اللي حصل انهاردة. بعد قليل، على مائدة الطعام. نور:

وتشوف يا ابيه، المستر أول ما قولت اسمك، وشه اصفر وعرق، وقال إيه ما دام عامر بيه قال، يبقى موافق. فيروز: يابنتي بطلي كلام على الراجل، زمانه بيطلع في الروح. نور: فشر، هو يطول. عامر: عيب كدا يا أم لسانين. نور: بس أنا عندي لسان واحد، حتى شوف. وطلعت لسانها ليه. عامر: يابت، هعلقك على باب القصر. نور: ندى هتنزلني. عامر: متخافيش، هحطها جنبك. ندى بمرح: الاه، وأنا مالي يا لمبي. فيروز:

بااااس، بطلوا كلام ويلا كملوا أكلكم، واللي هيذاكروا يلا، الامتحانات الأسبوع الجاي، وأنت لو هترتاح على أوضتك، لو عندك شغل يلا، من غير مطرود. عامر: بت يا نور، هي مالها بتطردنا ليه انهاردة؟ نور: معرفش يا خويا مالها. فيروز: يلا يا بنت الجزمة، وخذي ندى تنام معاكِ. ندى: لا يا طنط، عشان تاخد راحتها. فيروز: يا بت طنط إيه؟ قولي لي زي البهايم دول، وبعدين راحة إيه ومين دي؟ دي جحشة. نور:

تسلم يا كبير، على الحب دا كله، وبعدين ياختي، راحة إيه اللي أخدها، على رأي فرفر. فيروز: يابت الجزمه، قولت متقوليش فرفر دي. نور: بدلعك، الاه، حد لاقي دلع اليومين دول. فيروز: يلا يا بت، منك ليها على أوضتكم. ذهبت نور وندى. فيروز وهي تنظر لعامر الذي يطالعها بسماجة: وأنت يا عملي الرضي، هتفضل قاعد؟ عامر: بأكل، الاه. فيروز: كل يا خويا، كل يا قلب أمك. *** في الأعلى عند نور وندى. نور:

تقدري تاخدي راحتك هنا، وتفكي الحجاب، واطمني، أبيه عامر مش بيجي هنا. ندى وقد فكت حجابها: فعلاً، الجو حر أوي. نور وهي باصة لندى بصدمة بعدما انسدل شعرها الأسود الطويل: يخربيت جمالك، إيه دا؟ أنا لو ولد كنت اتجوزتك. ندى بضحك: لا، أنا كدا أخاف على نفسي منك. نور: لا بجد، ماشاء الله، إيه الجمال دا. ندى: حبيبتي، مفيش أجمل منك.