رواية عشقت نقابها الفصل الثاني عشر 12 - بقلم لقي محمد

بصيت ليهم بشك وأنا بفكر في حاجة. قولت بابتسامة مجاملة: _آه، عاشت الأسماء يا قمر. قالت بابتسامة صافية: _أنتِ اللي قمر يا عسل أنتِ. قال ليث بمحاولة تلطيف الجو: _ها، القمر بتاعي عاملة إيه دلوقتي؟ قولت بخبث: _كويسة، بس زعلانة منك. قال بابتسامة جميلة: _طب وحبيبتي زعلانة مني ليه؟ قولت بمرح: _أنا بدأت أشك إنك سخن. قالت كارما بمرح: _ليه بس يا ريري؟ قال بسرعة ومرح: _بتهزري يا كرملة، ما هي من ساعة حديثة الحريق وهي بقت كده.

قولت برفعة حاجب: _قصدك إيه يا سي ليث؟ قال بخوف مصطنع: _أنا، أنا أقدر أقول حاجة برضه. قولت بضحك ورفعة حاجب: _بحسب. قالت كارما بمرح: _ده انتوا مجانين. قولت بمرح: _أنا يا أمي. قال بغيظ: _اومال أمي. قالت كارما بخبث: _كله إلا خالتي دي، دي اللي في القلب برضه. لقيت ليث بص ليها بغيظ. وهنا بقى أقدر أقول فعلاً فيه حاجة في الموضوع. بصيت ل ليث بترقب. بص لي بتوتر ملحوظ وسكت. بعد مرور بعض الوقت، استأذنت كارما علشان تمشي.

و ليث قال هيوصلها. قعدت أفكر أعمل إيه علشان أعرف هو في إيه اللي بيجرى، بس معرفتش. *** على الناحية الأخرى، خرجت كارما وبعدها خرج ليث. لقيت كارما بتقول بعصبية: _إيه بقى اللي أنت قولته ده؟ ها؟ قولت بتحذير: _وطّي صوتك أحسن لك. قالت بخبث: _تؤتؤ، أنا حرة، وإلا هقولها كل حاجة دلوقتي. قولت وأنا بشدها من معصمها بتحذير: _أنتِ عارفة لو روقية عرفت حاجة أو نطقتي بكلمة، أنا هقطع خبرك. قالت بشرار ودموع: _أنت ليه بتعمل كده؟ ها؟

قال ببرود: _علشان أنتِ متستاهليش غير كده. قالت بدموع: _كل ده علشان إيه؟ علشان كتمت بوقها قبل ما تكمل. وقلت: _أوعي، ثم أوعي تقوليها، سامعة؟ قالت وهي بتعيط: _بكرهك يا ليث، بكرهك. قولت بتحذير: _اخرسي أحسن لك. سابتني ومشيت وهي بتبص لي بكره. أما أنا دخلت عند روقية، وهنا كانت أكبر صدمة.