رواية عشقت صعيدي الفصل الثالث عشر 13 - بقلم ندى حمادة

محمد بيفكر في حاجة وكلم شخص. محمد: الو. الشخص: ... محمد: اطمن وصلت عندي. الشخص: ... محمد: أنا كده جبتها، وأنت عليك تنفذ باقي المهمة. الشخص: ... محمد: أيوه، أنا لازم أكسر قلب الصقر. الشخص: ... محمد: يبقى كده اتفقنا. قفل محمد مع الشخص ده ونزل عشان يفطر مع ندى. محمد وهو بيفطر: ندى، عايزك تمسكي الشغل بتاعي في الشركة، أنا الفترة دي تعبان ومش هقدر أروح الشركة. ندى: بجد!

كان نفسي من زمان أشتغل في الشركة، وبعدين اطمن، أنا خريجة بزنس. محمد: أكيد طبعاً، مش هلاقي حد أكتر من بنتي أثق فيه. مامت ندى جت حضنتها: وحشتني أوي، جيتي إمتى، وليه ما قولتيليش؟ ندى: وحشاني كتير أوي يا مامي، بس والله جيت بالليل لقيتك نايمة، مردتش أصحيكي وأتعبك. وباست أخواتها. ملك وهي فتاة عندها 12 سنة وجميلة جداً. مالك أخو ندى وهو عنده 19 سنة. على فكرة ندى عندها 23 سنة. ندى بعد ما حضنت أخواتها وكانت مبسوطة أوي:

شريف نازل: إيه كمية الأحضان دي؟ ومحمد، أنت إزاي تقوم من السرير؟ أنت مش تعبان؟ محمد بيمثل التعب: آه يا شريف، بس كان نفسي أفطر معاكم كده. شريف: ماشي، بس ترتاح. محمد: حاضر. ندى: شفتوا يا جماعة، أنا هنزل أشتغل في الشركة. شريف: معقول؟ ندى: أيوه والله. مامت ندى: وأنت موافق يا محمد؟ محمد: أيوه، أنا اللي قولتلها. شريف: غريبة يعني. محمد: إيه؟ إني حسيت إني قربت أموت، وحبيت ندى تتعرف على الشغل عشان تعرف تمسكه بعدي.

ندى بخوف: بعد الشر عليك يا بابا. محمد: يلا يا حبيبتي، اجهزي عشان تروحي الشركة. شريف: يلا عشان آخدك في طريقي. ندى: حاضر. ندى بتلبس، محمد دخل عليها الأوضة. محمد: حبيبتي، خلصتي؟ ندى: أيوه يا بابا. محمد: طيب كويس، عايز أتكلم معاكي في شوية تفاصيل. ندى: إيه هي؟

محمد: هتروحي الشركة، في واحد اسمه علي ده، أكتر حد تثقي فيه في الدنيا كلها، إنسان كويس ومحترم جداً جداً، وأنا مسلمه كل حياتي، بتعبره ابني الكبير يا ندى، هو اللي هيعرفك الشغل ماشي إزاي ويفهمك كل حاجة، واسمعي كل كلامه يا ندى. ندى: ماشي، حاضر. محمد: كويس، يلا متتأخريش. نزلت ندى وبعتت لآدم مسدج بأنها هتشتغل في شركة أبوها. آدم شاف المسدج استغرب. آدم: طيب إزاي؟

أنا مش فاهم حاجة، الراجل ده غريب أوي بجد، لازم أكلم ندى أطمن عليها. رن على ندى. ندى: الو، صباح الخير. آدم: صباح العسل. إيه موضوع الشغل ده؟ ندى بفرحة: بابا يا آدم، بابا اتغير أوي وبقى كويس، وقرر إني أستلم الشغل في الشركة، وبقى يحبني أوي، أنا مبسوطة أوي. آدم بشك: بس مش عايز أخوف ندى، طيب يا حبيبتي خلي بالك من نفسك وطمنيني عليكي، فاهمة؟ ندى: حاضر. آدم: ندى، أوعي تقلعي السلسلة اللي أديتهالك، فاهمة؟ ندى: متخافش، حاضر.

......... فلاش باك. آدم: خلاص، أنتِ هتمشي صح؟ ندى: أيوه يا آدم، بس هرجع. آدم لبسها سلسلة: خليها معاكي، أوعي تلقعيها مهما يحصل. ندى: حاضر. آدم: أوعديني. ندى: وعد. انتهى الفلاش.