رواية عشقت صعيدية بقم رنا احمد عماد الفصل الثالث والعشرون 23 - بقلم غير معروف

في الإدارة. في مكتب اللواء يحيي. كانوا يجلسون يامن وشهاب بغيظ وتوعد لمن يفعل تلك الأشياء الحقيرة حقًا عندما يقع في أيديهم سيكون لهم العذاب الكبير. يحيي بحده: رابع حالة قتل بنفس الطريقة الواحدة مرمية في الشارع ومأخوذ رحمها بجد حاجة توجع القلب. يامن بغضب:

حاجة غريبة كمان يا سيدي اللواء إشمعنا رحم البنات ليه اللي بيسرق مبيسرقش أعضاء تانية وإشمعنا البنات ليه مش الستات الغز غريب أوي نفسي اللي بيعمل كده يقع تحت إيدي وأنا أندم على اليوم اللي اتولدت فيه. شهاب بغيظ: المهم سعادتك تأمرنا بإيه دلوقتي يا أفندم. يحيي بغضب: عايزك عينكم تفتح على كل الأجانب اللي بتدخل البلد واللي بتخرج كمان. يامن بجدية: حضرتك شاكك في حاجة معينة. يحيي بحده:

أنا متأكد إن الموضوع ده فيه تتدخل أجنبي متأكد وأحنا لازم نحط كل الاحتمالات فاهمين. يامن وشهاب: تمام سعادتك. في شركة الجوهري. في مكتب عاصي. كان يجلس بعدما تمم تلك المشاريع ليسير سيف إليه بابتسامة. سيف: إيه الأخبار يا ابن أخويا. عاصي بابتسامة: أهلاً يا سيف اتفضل كل المشاريع تعتبر خلصت. سيف بغيظ: يا واد عيب احترمني ده أنا عمك برضه. عاصي بابتسامة ساحرة: عمي الصغير علشان كده مبحبش أكبرك. سيف بابتسامة:

ربنا يسعدكم كلكم تعرف يا واد يا عاصي أنا بعتبر كل ولاد أخواتي هما ولادي. عاصي بابتسامة ومرح: طب متقولش الكلام ده لبنتك اللي منشفة ريق أخويا اللي بيموت فيها هي هتلاقيه أحسن من ابن عمها اللي بيموت فيها فين. سيف بسخرية: يا حنين أنت طب ماتقولش الكلام ده لنفسك ده طوب الأرض عارف إن منه بتحبك. عاصي بحزن شديد: شاهنده لو اتجوزت ياامن يا عمي هتعيش سعيدة لكن أنا لو اتجوزت منه هدمرها ربنا يبعتلها اللي يقدرها ويحبها بجد.

سيف بتنهيدة: ربنا يسترها عليكم كلكم يارب. عاصي وهو يأخذ جاكيته: طب أنا هروح أقابل الواد جاسر ونخرج نتغدى بره لو عوزت حاجة اتصل بيا. سيف بابتسامة: ماشي يا حبيبي. في فيلا الجوهري. في جناح عشق وحنين. كانت تجلس عشق وهي تكتب مقالها لتسير حنين بغضب شديد. حنين: بجد استغفر الله العظيم بقت حاجة لاتتطاق أسوء حاجة إننا عايشين مع ولاد أعمامنا هنا بجد الواحد مش عارف يعيش براحته في البيت. عشق باستغراب:

إيه مالك إيه اللي حصل لك كده. هنيه بقلق: فيه إيه صوتكم عالي ليه. حنين بعصبية: استاذ صقر طول لسانه عليا وبيتدخل في اللي ملهوش فيه يا أمي. هنيه بحده وغيظ: يا بت فهميني إيه اللي حصل بالظبط. حنين بغيظ: السواق اتأخر أوي عليا اتصلت بابا علشان يبعته كتير مردش فوصلني لهنا دكتور حمزه ومعه أخته خديجة طبعًا صقر باشا شافنا بهدل الدنيا. عشق بعصبية:

بصراحة بقى معاه حق لأنك الصبح حساسيتينا إنه هيخطفك وإنه غير مؤتمن عليكي وأديكي رجعت في عربية واحد غريب. حنين بغيظ: مش غريب ده الدكتور بتاعي ودكتور محترم أوي. هنيه بسخرية: إيه يا عني الدكتور بتاعك محرم يا عني أنتي غلطي والغلط ركبك ومتحاوليش تبرري اللي عملتيه ابن عمك معاه حق ياخد على خطره. عشق بابتسامة: اللي بيعشق لازم يبقى ده تصرفه أكيد طبعًا غار عليكي. حنين بعصبية وغيظ:

يا دي الحب والكلام الفاضي اللي مالوش عندي أي وجود أنا وقت متجوز هتجوز واحد متدين زي ومحترم وأنتي يا عشق يا أختي أنا مش عايزك تتأذي وتتوجعي أكتر من كده طلعي يا أم من دماغك يا ما هتفضلي كده مذلولة ليه ومستنياه وهو مش هيعبرك. عشق بدموع ووجع: كده برضه يا حنين ماشي. هنيه بغيظ وحده: كده برضه تكسري قلب أختك كده. حنين بزفر وضيق: مقصدتش يا ماما أنا عايزة أفوقها من الوهم اللي هي فيه ده أنا مش عايزة حد يتحكم فيها. هنيه بغيظ:

قسمًا بالله أنتي بت معقدة. في فيلا سليم المنشاوي. كان ينزل جاسر على الدرج. جاسر: بابا ماما أنتوا فين. ليله بابتسامة: الهانم والبيه خرجوا يا سي جاسر. جاسر باستغراب: أنتي مين يا شاطرة. ليله بابتسامة: أنا ليله الشغالة الجديدة. جاسر بجدية: بس أنتي صغيرة أوي على الشغل. ليله بابتسامة: مش صغيرة ولا حاجة أنا عمري 18 سنة بحالهم اتفضل الأكل على السفرة. جاسر بهمس وإعجاب:

بت حلوة أوي هتخلي الواحد يحب القعدة في البيت يا نهار أسود ده أنا نسيت عاصي أكل لقمة صغيرة علشان مكسرش بقلب العسل دي. في شقة علي. كانت تجلس شاهنده بجانبه بخوف ورعب عليه أما هو فكان بارع في التمثيل عليها. علي بتعب مصطنع: اه شوفتي المجنون ده عمل فيا إيه كان عايز يموتني عايز ياخدك مني بس ده بعده أنتي بتاعتي أنا وبس صح. شاهنده بعشق وغباء:

طبعًا يا حبيبي ملكك ورهن إشارتك ومستحيل أكون لغيرك أبدًا علشان كده سبت كل حاجة وجتلك جري. علي بخبث ومكر: حبيبتي اشربي العصير اللي بتحبيه ده أنا عملهولك مخصوص. شاهنده بابتسامة وسعادة: تسلم إيدك يا روحي هشرب. علي بخبث ومكر: اشربي يا روحي اشربي. في الإدارة. في الممر. كانوا يسيران يامن وشهاب. يامن بحده: يا نهارك أسود تقوم تتضربه بالنار ده أنت مجنون رسمي. شهاب بغيظ شديد:

بقولك كان ماسك إيديها الغيرة كانت هتموتني أنت عارف أنا بحبها قد إيه دي روحي. يامن بغيظ: يا ابني من غير ما تزعل كده البت شكلها مش طايقك مش بالعافية يا يامن. شهاب بغضب وغيرة: لا بالعافية يا شهاب والبت دي مش هتكون لغيري مهما حصل فاهم. ليقاطعه رسالة من ذلك الرقم الغريب ليصعق من تلك الصورة ليشعر بقلبه يكاد يتوقف فكانت صورة شاهنده وهي نائمة على سرير ما عارية ويتبع تلك الصورة ذلك الرسالة.

(ههههه مش عملت فيها دكر وضربت عليا نار علشان خاطر الحلوة بتاعتك اللي بتحبها اشرب بقى أديني خدت منها كل حاجة كنت شايف ومتأكد إنها بتاعتك ههههه كسرتك مليون حتة يا حضرة الظابط بس بصراحة البت جامدة أوي هههه هبعتلك العنوان تيجي تاخد بنت عمك بس بالراحة عليها علشان اللي عملته فيها مش شوية هههههه) شهاب بصدمة من هيئة يامن المرزية للغاية: فيه إيه يا يامن مالك. يامن وهو يسير للخارج بقلب ينزف بغزارة لا تتوقف ليتمتم بكسرة:

أنا اتكسرت يا شهاب. في فيلا الجوهري. في غرفة منه. كانت بالفعل تنفذ تعليمات والدتها كانت تجلس وهي تذاكر دروسها لتطرق هند الباب لتدخل ابتسامتها الحنونة. هند: عامِلة إيه يا قلب خالتك. منه بحزن ووجع: عايشة يا خالتي الحمد لله. هند بابتسامة: طب امسكي إسورة الشعر بتاعتك. منه بارتباك شديد: حضرتك لقيتيها فين. هند بابتسامة: في أوضة حبيبك اللي كنتي داخلة تتديله السندوتشات. منه بارتباك شديد: حبيبي قصدك إيه يا خالتي.

هند بابتسامة: قصدي إني حاسة بيكي يا عيون خالتك وعارفة إنك بتحبي عاصي لأني بعرف الحب ده من آخر الدنيا لأني كنت زيك كده عاشقة لعمك أركان من زمن وحاسة بيكي. منه بدموع ووجع: بس أنتي عمي أركان حبك بجنون زي ما أنتي حبيتيه لكن أنا عاصي مش حاسس بيا أصلًا. هند بضحك:

هههههه اه لو تعرفي اللي كان بيني وبين عمك أركان زمان مكنتيش قولتي كده أنا وهو كنا عاملين زي الديوك وهو كان عامل زي عاصي كده تقيل وكان ملوعني بس دايمًا كنا بنتقابل في نقطة واحدة الحب اسمعي مني حاجة واحدة أوعي تيأسي من حبك لعاصي أوعي يا منه. منه بدموع ووجع: بس عاصي جرحني أوي يا خالتي أوي قلبي موجوع منه أوي. هند وهي تتحضنها بحنان: ربنا يوفقكم يا بنتي ويسعدكم ويجمع بينكم في حلاله يارب. منه بدموع وهمس: يارب يا خالتي يارب.

في المطعم. كان يجلس عاصي وهو ينتظر جاسر بضيق من تأخيره. جاسر بابتسامة: آسف يا صاحبي اتأخرت عليك. عاصي بغيظ: شوية وكنت همشي على فكرة اتأخرت كده ليه. جاسر بابتسامة: اسكت أمي جابت في البيت حتة خدامة إنما إيه بت صغيرة كده وعسل مكنتيش عايز أسيبها. عاصي بغضب: أوعى تقرب منها فاهم دي عيلة بتجري على شغلها أحنا بنعمل كده مع الرخاص اللي هما أصلًا مستعدين لكده لكن مش وسخين كده عارف لو قربت منها هعمل فيك إيه. جاسر بسخرية:

إيه يا عم حيلك حد قالك إني هغتصبها أنا مستحيل أعمل كده يا عاصي بس بصراحة البنت فيها خاصة تشد كده ولا أحنا علشان مش متعودين مع البنات النضيفة. عاصي بسخرية: يمكن أخلص أطلبلنا الأكل أنا جعان. جاسر بابتسامة ومرح: يارب أوعدنا باللي يلمونا في بيت ويوكلنا قادر يا كريم. عاصي بضحكة عالية: ههههه آمين يا أخويا آمين. في جنينة فيلا الجوهري. كانت تجلس عشق بدموع ووجع ليقترب منها عدي بابتسامة وهو يعطي لها الشوكولاتة المفضلة إليها.

عدي: أنا مقدرش أشوف دموعك دي وعارف إن الشوكولاتة دي أكتر حاجة بتفرحك. عشق وهي تمسح دموعها سريعًا وتنظر إليه بابتسامة: تسلم يا عدي تصدق أنت أحن قلب في العائلة دي كلها. عدي بعشق وسعادة: تسلمي يارب بس أنا بصراحة مش كده مع كل الناس أنتي ليكي معزة خاصة عندي يا عشق. عشق بارتباك شديد: تسلم يا عدي عن إذنك لازم أنام لأني عندي شغل الصبح عن إذنك تصبحي على خير. عدي بعشق وهمس: وأنتي من أهل الخير يا قلب عدي. في جناح صقر.

كانت تتعالى زغاريط زينة بسعادة كبيرة. صقر بابتسامة: إيه يا ماما فرحانة أوي كده. زينة بسعادة كبيرة: أه فرحانة مش عايزين نفرح يا واد ده أنا هطير من الفرحة دي بت أختي حبيبتي. سيف بابتسامة: ألف مبروك يا حبيبي حالا نطلبها من أبوها ربنا يسعدكم يا حبيبي يارب. صقر بابتسامة وهو يقبل يد والده: ربنا يخليك ليا يا بابا وميحرمنيش منك أبدًا. سيف بابتسامة: هي شاهنده فين. زينة بغيظ:

الهانم عندها درس وقافلة تلفونها شوية كده هتلاقيها فتحتها وكلمتنا دلوقتي المهم يلا بسرعة علشان نفاتح هنيه وكينان أنا عايزة أفرح. في شقة ما خاصة بيامن.

كان يجلس على كرسيه بجانب السرير كان ينظر إليها بدموع لا تتوقف وهو يتذكر عندما رآها عارية في سرير ذلك الحقير الذي ذهبت إليه هي بارداتها فقد ساعدته على كسره وتدميره يتذكر ذاته وهو يقوم بارتداء ملابسها وهو ينظر إلى دماء عذريتها الذي كانت في أسفلها حقًا كان مشهدًا مؤلمًا وموجعًا عليه كرجل عاشق كانت دموعه التي كانت لا تعرف إلى عينيه طريق تنزل بلا توقف لينظر إلى التي بدأت في استعادة وعيها وهي تنظر يمينًا ويسارًا باستغراب وألم شديد في الرأس.

شاهنده: أنا فين. يامن بوجع وتوعد لها: أنتي في الجحيم اللي هتشوفيه على إيدي.