رواية عشقت صقر الصعيد الفصل العاشر 10 - بقلم جاسمين محمد

صقر بعصبية: كله زي بعضه، كله ولاد حواء واحد غدارين وخاينين. زين: لا مش كله، مش عشان مرتين بعلاقتين فاشلين كله زيه. صقر بعصبية وغضب: زين، امشي من قدامي دلوقتي. زين: حاضر، بس رحيل ممكن تضيع من إيدك يا صقر. واديني حذرتك. سلام. وفتحت باب الأوضة ولسه هيطلع سمع صوت رشا. رشا بزعيق: صقررررر! احلق رحيلللللللل بسرعة. صقر وزين سمعوا كده، طلعوا يجري على رحيل بخوف ودخلوا أوضة رحيل. رشا شافتهم وجرت عليهم بزعيق:

صقر، رحيل اغمي عليها وعمالة أفوق فيها مش راضية ترد عليا. الحقني بسرعة. صقر جري هو وزين على رحيل. صقر بخوف وقلبها عمال يدق جامد: رحيل، رحيل قومي. رحيل. ويهز فيها مافيش فايدة. رشا: رني على الدكتور بسرعة. رشا: رنيت وجي في الطريق. زين: أنا أروح أجيبه بسرعة. رشا: وأنا أروح أجيب العلاج بتاعها من تحت. صقر قعد جنب رحيل وبصوت مكتوم وكله حزن ومسك إيدها:

رحيل، أرجوكي قومي ومتسيبنيش. وأنا آسف على أي حاجة حصلت، بس متسبنيش أرجوكي قومي. طيب اعملي أي حاجة فيا بس أوع تسيبيني. (زين جاب الدكتور ودخلوا، صقر شاف الدكتور جري عليه) صقر: دكتور، شوفها مالها بسرعة أرجوك. الدكتور: حاضر، حاضر. بس ابعدوا شوية. (وبدأ الدكتور يتفحصها والكل واقف خايف وزغلول) الدكتور: خلص. صقر بخوف: ها يا دكتور، عاملة إيه؟ طمني أرجوك. يلا. الدكتور:

حاضر، حاضر. اهدى يا صقر باشا. هي كويسة، بس شوية وهتفوق. وقولت ابعدوا عنها أي توتر أو قلق، ومتخلوهاش تتعب نفسياً. زين بص لصقر بصه كلها عتاب وحزن على اللي عمله. صقر بحزن: حاضر يا دكتور. أنا بوعدك إن المرة دي هناخد بالنا منها. الدكتور: تمام. وأنا كتبت لها على شوية علاج وهتهملها. وخلوا بالكم منها. صقر: حاضر، تمام. زين وصل الدكتور وروح انت ورشا هاتوا العلاج، وأنا هقعد هنا جنب رحيل. زين: حاضر. اتفضل يا دكتور معانا.

الدكتور: حاضر. سلام عليكم. الكل مشي وصقر قرب من رحيل وقعد جنبها ومسك إيدها. صقر بحزن: رحيل، قومي بقا متقلقنيش عليكي. يلا قومي واسمعي كلامي مرة واحدة. حتىــــــــــــــــــــــــــــــــــــــــــــــ في مكان آخر _الشخص الأول: إيه اللي بتقوله ده؟ يعني الخطه اللي كنا عاملين نعمل فيها دي، لينا سنة تيجي وتقولي مش هنعرف عشان ابن عمها ده؟ لا يا حبيبي، أنا عايز أنتقم من أبوها. فيها هي عشان هي نقطة ضعفه. الشخص الثاني:

طيب، هعمل إيه أنا دلوقتي؟ الشخص الأول: معرفش. فكر يا زفت إنت. هو مش إنت عندك دماغ؟ الشخص الثاني: خلاص حاضر، هفكر. بس دلوقتي هطلع أرتاح شوية. الشخص الأول: طيب يا خوي، مهو ده اللي إنت فالح فيه. نوم النهار وسهر بليل. الشخص الثاني: يوووه، فكك بقا مني. الشخص الأول: ــــــــــــــــــــــــــــــــــــــــــ زين وصل هو ورشا. زين: ها، لسه مصحتش؟ صقر: لأ. رشا: صقر، طيب روح ارتاح وأنا هقعد جنبها عشان باين على شكلك إنك تعبان.

صقر: لا، أنا كويسة. متقلقيش. المهم، إنتوا اتأخرتوا ليه كده؟ زين: مكناش لاقيين كذا حاجة في العلاج وفضلنا ندور لحد ما لقيناها. صقر: طيب تمام، روحوا ارتاحوا إنتوا وأنا هفضل جنبها. زين: ماشي. يلا يا رشا. الكل طلع وصقر فضل جنب رحيل وماسك إيدها وزعلان عليها. وفضل قاعد لحد ما غلبه النوم ونام. الصبح، صقر صحي بسبب صوت العصافير وشعاع الشمس اللي دخل الأوضة. صحي وبيبص على رحيل، لاقاها لسه زي ما هي مصحتش.

صقر بحنية وهو سرحان فيها، مد إيده على وشها وبيبعد شعرها من على وشها: هو أنا عارف إني ممكن بدأت أحبك، بس خايف لتعملي زيهم. عشان المرة دي هموت فيها. بس أنا دلوقتي مش عايز حاجة غير إنك تفضلي جنبي. أنا مش عارف أنا عقلي بيروح فين لما بتعصب عليكي، بس غصب عني والله. اسمحيني. رحيل وهي نايمة وبتحلم: صقر، صقر. صقر: أيوة، أنا جنبك اهو. اهدى. رحيل: لا يا صقر، أرجوك متحبسنيش في الأوضة وترفع إيدك عليا. والله أنا آسفة، حقك عليا.

صقر وهو بيفوق رحيل بحزن: رحيل، رحيل. فوقي. أنا جنبك. رحيل فاقت، لاقت صقر قدامها راحت حضناه بسرعة. رحيل بخوف: صقر، والله أنا آسفة. والله أنا مش بحبه ولا عايزه. بس أرجوك متكلمنيش. صقر وهو بيهديها: اهدي، اهدي. بس إيه؟ أنا قاعد جنبك اهو ومش بعمل حاجة. رحيل وهي بتبعد عن صقر: أنا شفت حلم وحش أوي إنك بتعاقبني وحبستني بسبب سليم. ولسه هعيط. صقر مسكها من وشها:

هس، هس. أوع تعيطي. وحقك عليا. أنا آسف على أي حاجة عملتها خلتك في الموقف ده. رحيل ببرأة: بجد؟ يعني مش هتزعقلي ولا هتمد إيدك عليا ولا هتتعصب عليا؟ صقر بضحك على طريقتها: ههه، لا خالص. بس. رحيل بخوف: بس إيه؟ صقر: ههه، بس لو مسمعتيش كلامي، هعاقبك إني آخدك وأحبسك في جزيرة بعيد حواليها بحر ورد وزرع. رحيل بفرح: بجد؟ لو كده أروح أجيب الواد سليم وأعصبك. صقر بانفعال: وحياة أمك، أنا سهران الليل كله جنبك وخايف عليكي. اتظبطي بقا.

رحيل باستغراب وفرحة: بجد؟ كنت سهران جنبي وخايف عليا؟ صقر: أه. ومالك مستغربة ليه كده؟ في حاجة؟ رحيل: ها، لا عادي. المهم أنا جعانة. صقر: ومين سمعك؟ أنا هموت من الجوع. يلا ننزل، أكيد الفطار جاهز. رحيل: هههه، قشطة. يلا. صقر وهو سرحان في ضحكها: والنبي ما في قشطة غيرك إنتي يا قشطة. رحيل اتكسفت ووشها احمر. صقر فاق من سرحانه: هههه، إنتي مالك قلبتي طماطم ليه كده؟ ههه. رحيل بكسوف خبطه في كتفه: إنت مش ملاحظ بتقول إيه؟

هو إنت مين أصلًا؟ أنا حاسة إنك عندك انفصام. فين الشخصية؟ صقر: هههه، لا أنا صقر بلحمه ودمه. رحيل: يمكن. المهم جعانة. صقر: هههه، بس يلا ننزل. صقر: تستاهلي الحمد. يلا بقا عشان تطلعي ترتاحي. رحيل بتردد: صقر، هطلع أقعد فيها الجنينة. صقر: الدكتور قال لازم ترتاحي. رحيل بصت لزين ورشا عشان يتكلموا. رشا: خليها تطلع وأنا هكون معاها. زين: وأنا كمان هكون معاهم عشان مش عندي حاجة. صقر بص لرحيل وبصلهم كلهم: ماشي. رحيل:

ومتجي إنت كمان تلعب معانا؟ صقر بص لها بصه كلها خوف. رحيل بلهفة: بسم الله الرحمن الرحيم. والله بهزر يا باشا، مش قصدي. صقر لسه هيتكلم، سليم وصل. سليم: دي حماتي بتحبني بقا. رحيل: هههه، أكيد. هو في حد ميحبكش؟ صقر سمع كده وتعصب وبص بغضب لرحيل.