رواية عشقت صقر الصعيد الفصل التاسع 9 - بقلم جاسمين محمد

رحيل بخوف وهي تبلع ريقها. "إيه اللي حصل لصقر وهو بيشخط فيا؟ "بشد... أصل إيه، متنطق." سليم: "مبراحه ياصقر، مالك داخل سخن علينا كده ليه؟ صقر: "لا والله سخن." راح ضربه بوكس في وشه. رحيل: "صقـــــــــــررررر! صقر بصلها وعينه بتطلع شرار من الغضب. رحيل خافت فسكتت. سليم قام من على الأرض وهو ماسك بوقه اللي بينزل دم. سليم: "انت إزاي تتجرأ تعمل كده؟ صقر بغضب: "لو مختفتش من وشي دلوقتي، مش عارف ممكن يحصل فيك إيه."

رحيل بخوف: "سليم، أرجوك امشي من هنا، أرجوك." سليم: "ليه بس، فيه إيه؟ رحيل: "أرجوك ياسليم امشي من هنا." سليم: "حاضر يارحيل، همشي بس عشان خاطرك." وبص لصقر ومشي. زين: "صقر، ممكن أفهم بقا إيه اللي حصل وليه ضربته؟ رحيل: "هو أصلًا دايماً كده، مش بيحب يشوفني مبسوطة ولا قريبة من حد. مش عارفة عايز إيه مني. إنت مش قولتلي إنك شايفني زي أختك وبس؟ طب ما أختك مسافرة، وأكيد بتهزر وخرباها مع الشباب في تركيا."

صقر سمع كده ومقدرش يتمالك نفسه. راح مسكها من إيدها وداس جامد عليها بعصبية. "أختي أشرف من أي حد، حتى انتي. وإياك أسمعك تفتحي بوقك وتقولي عليها كلمة تاني، انتي سامعة؟ رحيل واقفة وعينها كلها دموع وبعياط. "آه آه آه، سيب إيدي ياصقر، بتوجعني." زين: "صقــــــــــررر! " بلهفة. "ابعد إيدك عن رحيل." راح قرب زاح إيده عن رحيل، ورحيل حضنته وقعدت تعيط. زين: "اهدي ياروحي، خلاص."

صقر بص لزين وبص لرحيل اللي حضناه، واتعصب جامد. راح سابهم وطلع أوضته. زين أخد رحيل وطلع بيها على أوضتها، رقدها وخطها. من كتر الخوف من صقر، سابها ونزل راح عند صقر. زين دخل أوضة الملاكمة بتاعة صقر وبعصبية. "ممكن أفهم إيه اللي أنت عايزه وليه بتعاملها كده ياصقر؟ صقر عمال يتمرن ومش باصصله خالص. زين قرب منه وشده من دراعه. "متنطق ياصقر."

صقر بعصبية: "مش عارفة، مش عارفة. كل ما أكون قريب منها ببقى عايز أفضل معاها ومسبهاش. ولم شفت لهفتها وفرحتها عشان شافت سليم، اتعصبت جامد وكنت عايز أموته. ولم لقيتها قاعدة بتهزر معاه وبيضحكوا، مقدرتش أمسك أعصابي وضربته. ده أنا حتى لم كنتي حاضناها مكنتش قادر أمسك أعصابي وكنت عايز أبعدك عنها وأضربك." (قعد صقر على الأرض وماسك راسه بإيديه الاتنين) "مش عارف إيه، مش عارف." زين: "صقر، انت بتحب رحيل."

صقر سمع كده وكأن حد ض*ربه كف فوق وشه. "مستحيل، أنا مستحيل أحب حد. أنا يمكن بعمل كده عشان بعتبرها أختي وبنت عمي بس." زين بضحكة بسيطة: "لأ، ده اللي اسمه حب ياصقر. فوق بقا، عشان بطريقتك دي هتضيعها من إيدك. وادي لنفسك فرصة ياصقر، مش كله زي بعضه." صقر بعصبية: "لأ، كله زي بعضه، كله ولاد حواء واحد غدارين وخاينين." زين: "لأ، مش كله. مش عشان مرة أو اتنين بعلاقتين فاشلين، كله زيه." صقر بعصبية وغضب: "زين، امشي من قدامي دلوقتي."

زين: "حاضر، بس رحيل ممكن تضيع من إيدك ياصقر، واديني حذرتك. سلام." وسابه وفتح باب الأوضة ولسه هيطلع، سمع صوت ر*ش*ا*ش*ا بزعيق. "صقــــــــــــــررررررررر! "الحق رحيلللللللللل بسرعة! صقر وزين سمعوا كده، طلعوا يجري عند رحيل بخوف.