رواية عشقت صقر الصعيد الفصل السادس 6 - بقلم جاسمين محمد

بعد شوي صقر بعصبية للدكتور. صقر: يعني الأربع وعشرين ساعة عدوا وما فقتش؟ الدكتور بخوف: والله معرف ياصقر باشا. صقر بغضب: أمال مين يعرف؟ أم الممرضة جت بتجري: الحقني يادكتور! صقر بخضة وخوف: إيه فيه إيه؟ انطقي يلا. الممرضة: آنسة رحيل فاقت. صقر بفرحة هو وكل العيلة: بجد؟ وطلعوا يجري عند رحيل. الدكتور دخل: لو سمحتوا اقفوا بعيد شوية بس أفحصها. رحيل بتعب: ماما.

سوسن: ياروح ماما أنا جنبك. وقربت منها ومسكت إيدها والدكتور بدأ يفحص فيها. صقر: ها يادكتور عاملة إيه؟ الدكتور: لا حالتها كويسة بس لازم تبعدوها عن التوتر ولازم كمان ترتاح. رحيل: يادكتور هو ينفع لو سافرت النهاردة؟ صقر اتضايق وبعصبية: تسافري إزاي؟ إنتي اتجننتي ولا إيه؟ وتسافري ليه أصلاً؟ الكل بص لرد انفعال صقر باستغراب. صقر حس باللي عمله. صقر: أنا قصدي إنه مينفعش تسافري دلوقتي عشان صحتك.

الدكتور: فعلاً صقر باشا كلامه صح، عشان تقدري إنك تسافري على الأقل معاكي شهر. رحيل: بس أنا مينفعش أقعد هنا تاني. الجدة بحزن: بنتي حقك علينا. أنا عارفة إن اللي حصلك ده كله بسبب جدك، بس والله جدك بيحبك وكان عايز مصلحتك. رحيل بانفعال: مصلحتي يجوزني لواحد زي ده وغصب عني؟ جدي كان عايز فلوس وسلطة، بس جدي مش بيهمه غير مصلحته وأنا مستحيل أعيش مع حد مش طايقني وأهم حاجة الفلوس.

صقر: بس إنتي مش هتعيشي معا، البيت بيتي وهتعيشي في بيتي. رحيل بضحكة كلها سخرية: بيتك؟ ههههه عشان تعذبني إنت التاني وتمد إيدك عليا زي ما عملت؟ صقر حس بالإحراج والحزن على اللي عمله: حقك عليا وأنا آسف، بس لو كنتي مكاني كنتي هتعملي إيه؟ مكرم: رحيل خلصنا الموضوع. هتقعدي الكام يوم دول بس وبعدين نبقى نسافر عشان مينفعش أجر شقة هنا في الصعيد. صقر: كلام عمي صح، وياريت نفتح صفحة جديدة بقى. رحيل بصت لصقر ببصة كلها عتاب وسكتت.

صقر: لو سمحت يادكتور هي ممكن تخرج إمتى؟ الدكتور: بكرة الصبح إن شاء الله، بس في حاجة. صقر: إيه هي؟ الدكتور: مينفعش كلكم تبقوا موجودين كدا. لازم على الأقل واحد بس اللي يبقى موجود معاها. صقر: اممم تمام، أنا هبقى معاها والباقي هيروح. رحيل: لا ليه؟ إنت تقعد معايا. صقر بعصبية: عشان مينفعش يا أستاذة. ممكن يحصل أي حاجة تبع عيلة الزفت أشرف بسبب اللي حصل فيه. زين باستغراب: ليه؟ هو إنت عملت إيه فيه ياصقر؟ صقر بنظرة

كلها شك وضحكة فيها مكر: أعمل إيه؟ معملتش فيه حاجة. زين: صقر مش واثق في الضحكة دي خالص وكمان مش واثق فيك. رحيل بصت لصقر ببصة شك والكل بص له. صقر: إيه بتبصولي ليه كدا؟ يلا روحوا وبكرة الصبح زين بس اللي يجي عشان ياخدني أنا ورحيل ومرات عمي تجهز أكل عشان رحيل هي وجدتها. مكرم: تمام ياصقر، يلا نمشي. صقر بعد الكل ما مشي: بقولك إنا هروح أشوف حاجة آكلها عشان جيلي هبوط. رحيل: ليه حامل جالك هبوط؟

صقر: لا ياختي جيلي هبوط عشان اتبرعت لبقرة بكيس دم وياريت يطمر فيها. رحيل: ليه؟ هو إنت عجل عشان تتبرع لبقرة؟ أصل كل شيء بيكون يشبه للتاني، فلو أنا بقرة يبقى إنت عجل. صقر وهو بيجز على سنانه: بت وربي لو ملمتي لسانك الطويل ده مش عارفة إيه هيحصلك. اتلمي وخلي أم الليلة دي تعدي على خير. جتك القرف. رحيل بتعب وهي بتتعدل عشان تقعد: والله ما في قرف غير قرفك إنت ها.

صقر: مهو أنا لو كلمتك دلوقتي هيقولوا مش بتشطر غير على الولية. وكمان عشان تعبانة ووجع دماغ، أنا مش عارف لسانك ده مش بيتعب زيك ليه. وسابها وطلع. رحيل: ماشي ياصقر وربي لما أقوم بس أوريك الأدب. في مكان تاني. "آه يابوي خلاص مش هقدر أمشي على رجلي تاني." "متخافش يا ولدي هاخدلك حقك من ابن أحمد المنشاوي ده وأعملوا كيف يتجرأ إنه يقطع رجل ولدي." أشرف بعياط: موته يابوي بس لازم تجيبلي حقي وتخليه ميقدرش يمشي على رجله تاني.

"ماتخافش ارتاح إنت بس عشان عندك عملية اليومين الجايين عشان تقدر تمشي على رجلك." أشرف: حاضر يابوي. عند رحيل قاعدها عمالة تتقلب على السرير وقلقانة. رحيل: يا ترى راح فين صقر؟ آخر ليه كدا؟ وبتبص من إزاز الباب لاقته واقف بيتكلم مع ممرضة والممرضة بتضحكلوا. رحيل: بقا كدا ياصقر؟ وإنت اللي بتقرا صنف الحريم واقف تهزر مع الممرضين وعامل فيها تعبان وبتجيب أكل. ماشي لما تيجي.

وهي بتكلم نفسها: وأنا مالي أصلاً. ميتكلم براحته ياك. حتى يتجوزها. صقر: تمام. بصي أول ما يجي الساعة اتنين تعالي جيبي الحقن والأدوية عشان تديهالها إنتي. الممرضة: تمام ياصقر باشا. صقر: باشا إيه ده؟ أنا وإنتي كنا زملاء أصلاً ولا نسيتي اللعب بتاع زمان مع بعض؟ الممرضة: هي دي أوقات تتنسي، بس برضه لازم يبقى فيها احترام. صقر: براحتك. يلا سلام بقى. الممرضة: سلام. صقر دخل لقى رحيل راقدة ومغمضة عينها. صقر: إنتي نمتي؟

رحيل: لا، ولسه بدري. صقر: بدري في إيه؟ رحيل: وأنا إيه عرفني؟ اسأل نفسك. صقر: رحيل نامي. أنا مصدع وتعبان وعايز أنام. رحيل: هو كلامي مش بيعجبك ليه؟ ومش بطيقني ليه؟ اشمعنى هي؟ كنت واقف بتهزر معاها. صقر بزهق وعصبية: رحيل، هي شكلها ليلة مش هتعدي. أنا سايبلك الأوضة خالص وهنام بره. تصبحي على خير. رحيل مردتش وصقر أخد بطانية وطلع قعد على الكرسي اللي قدام الأوضة وفرش البطانية ونام. رحيل بحزن: ماشي ياصقر. ونامت.

رحيل نايمة وحست بحد بيتحرك جنبها. رحيل بزعيق: صقررررر.