رواية عشقت صقر الصعيد الفصل السادس عشر 16 - بقلم جاسمين محمد

صقر وهو بيسمع الصوت ويدقق فيه، دي رحيل. جري على الأوضة وكسر الباب. زين وصقر كسروا الباب ودخلوا. لاقوا رحيل قاعدة على السرير، ولبسها متقطع كله، وعلى السرير دم. وهي عمالة تعيط وتزعق. وقفوا مصدومين ومتحركوش. صقر بدأ يتحرك ويروح ناحيتها. صقر بصدمة: رحيل. رحيل. رحيل بعياط هستيري: حرام عليك. ليه تعمل فيا كدا؟ أنا عملتلك إيه عشان تغتصبني؟ صقر وزين بصوا لبعض بصدمة. صقر بصدمة من كلامها: انتي بتقولي إيه؟

رحيل بنهيار: إنت عملت. عملتلك وبتنكر ليه يا صقر؟ حرام عليك. أنا سبتلك البيت عشان أريحك، تيجي تعمل بردوا فيا كدا ليه يا صقر؟ ده جزاء إني حبيتك؟ صقر بغضب وزعيق: زين، شيل أختك من وشي عشان هي شكلها اتجننت ومش واعية للي هي بتقوله. زين شال رحيل وطلع بيها. حطها في العربية وساق ورجع البيت. وساب صقر في البيت المهجور. صقر بعد ما مهم مشوي، ركب العربية ومشي ورهم. *** زين وصل هو ورحيل البيت. وأول ما دخلوا القصر.

سليم قاعد جنب سوسن بيهديها ويؤاسيها. سليم: اهدي يا طنط، هي هتجي إن شاء الله بالسلامة. سوسن بعياط: عايزة بنتي يا سليم يا ابني، أرجوك. سليم: حاضر. رشا بتبص لاقت زين داخل وشايل رحيل ولبسها مبهدل. رشا: رحيل. الكل بص لاقى زين داخل برحيل. جروا عليها. رحيل نزلها على الكرسي وقعدها. سوسن بعياط وانهيار على منظر بنتها: حبيبتي، مين عمل فيكي كدا؟ وانتي كويسة؟ رحيل بعياط وانهيار: صقر هو اللي عمل كدا فيا. مكرم بغضب: صقر!

هو كيف يتجرأ يعمل كدا فيكي ويقرب عليكي؟ هو فين؟ صقر وهو داخل من الباب: نعم. مكرم قرب عليه وضربه كف على وشه ومسكه من لبسه. مكرم: إنت كيف تقرب من رحيل وتعمل فيها كدا؟ صقر مش بيعمل أي رد فعل خالص. الجد قرب منه. الجد: متنطق، إنت كيف تعمل في بنت عمك كدا؟ صقر بعصبية: إنتوا بتقولوا بنت عمي، يبقا كيف هقرب عليها وآخد منها شرفها؟ رحيل: إنت أصلا إنسان وسخ ومش كويس. الجد بعصبية: صقر، إنت لازم تتجوزها. حالاً. رحيل بصدمة: مستحيل!

أتجوزه؟ إنت بتقول إيه يا جدي؟ أنا مستحيل أتجوز واحد زي ده. الجد بعصبية: أنا قولت كلمة. رحيل وصقر كتب كتابهم النهارده. زين اتصل بالماذون. صقر بغضب: إنت اتجننت ولا إيه يا جدي؟ أنا مستحيل أتجاوز واحدة غيري ماسها بالنظام ده. الجد: هي بتقول إن إنت اللي عملت فيها كدا. صقر: أعمل فيها كدا إمتى؟ زين، أنا مش معاك اليوم كله. زين بتردد: أنا أه كنت مع تواصل معاك، بس كل واحد كان بيدور لوحده. صقر: زين، إنت اتجننت ولا إيه؟ زين: إيه؟

بقول الحقيقة. إنت أصلا مش بتطيقها، فممكن تكون إنت اللي عملت كدا. صقر: لا والله! أشطااا. هي بقت كدا يعني، غيري يعملها وأنا ألبسها. تمام. بس أنا مش عيل ولا عبيط عشان آخد واحدة شرفها حد خده؟ رحيل قامت وقربت من صقر. وراحت تضربه بكف على وشه. رحيل: إنت أصلا إنسان وسخ وزبالة وحيوان، عشان إنت اللي عملت فيا كدا. صقر بغضب: لو مكسشتيش من قدامي يارحيل، مش عارفة إيه بجد ممكن يحصلك. رحيل: هتعمل إيه أكتر من اللي عملته؟

منك لله يا صقر. سوسن قربت من رحيل وخدتها في حضنها وبدأت تهديها. الجد: صقر، أنا خلاص خدت قرار. كتب كتابك النهارده على بنت عمك. صقر: وأنا قولت مش هتجوزها. سليم: أنا هتجوز رحيل. الكل بص له باستغراب.