رواية عشقت طفلتي الفصل الثالث عشر 13 - بقلم ملك محمد

الدكتور: حضرتك مامت همس مصعب عبدالله؟ جيهان: أيوا، أنا. بنتي فيها حاجة؟ طمني يادكتور. الدكتور: بنت حضرتك كويسة، بس ده انهيار عصبي مش أكتر. يا ريت يعني لو ترتاح. جيهان بصدمة: انهيار عصبي؟ حاضر يا دكتور، شكراً. طيب هي تقدر تطلع إمتى؟ الدكتور: تطلع بعد ما تخلص كل التحاليل دي. وألف سلامة عليها. جيهان: الله يسلمك، شكراً يا دكتور تعبناك معانا. الدكتور: العفو على إيه. بعد إذنك. جيهان: اتفضل.

ليلي: طيب يا طنط، عايزة أطلب منك طلب. جيهان: اتفضلي يا حبيبتي. ليلي: أنا هاخد همس تقعد معايا يومين عشان نفسيتها تعبانة. أول ما ترتاح خالص، و محتاجة تروحي، هبعتها. جيهان: مش عارفة يابنتي والله، هاخد رأي ببا. ليلي: طبعاً اتفضلي. (جيهان بترن على مصعب) جيهان: الو، يامصعب. مصعب: إيه يا جيهان، همس صحيت؟ جيهان: آه، ودكتور قلل إنهيار عصبي. مصعب: انهيار عصبي؟ ليه؟ هي كانت كويسة.

جيهان: قدر الله وما شاء فعل. بس عايزة أقولك حاجة. مصعب: قولي. جيهان: ليلي عايزة تاخد همس تقعد معاها يومين لغاية أما ترتاح وترجع تاني. مصعب: مش هينفع يا جيهان، البنت لسه متجوزة جديد ومش هينفع همس تروح. ليلي: بعد إذنك يا خالتو، ممكن أكلم عمو؟ جيهان: اتفضلي. ليلي: إزيك يا عمو، عامل إيه؟ مصعب: الحمد لله يابنتي. ليلي: معلش يا عمو، هاخد بس همس يومين ترتاح وأجيبها تاني. متخافش عليها.

مصعب: مش هينفع يابنتي، إنتي لسه متجوزة جديد ومش هينفع همس تيجي. ليلي: معلش يا عمي، ده أول طلب أطلبه منك. عشان خاطري وافق. هي همس محتاجة البعد شوية عشان ترتاح. مصعب: ماشي يابنتي، خلي بالك منها. ليلي: في عيني ياعمو، شكراً. اتفضلي يا خالتو، عمو. جيهان: أيوا يامصعب. مصعب: ينفع اللي إنتي عملتيه ده؟ جيهان: عملت إيه؟ مصعب: خليتيها تكلمني عشان أوافق. جيهان: مصعب، بنتك محتاجة تروح معاها تفك عن نفسها.

مصعب: ماشي يا جيهان، اللي إنتي شايفاه. سلام. اسد: يلا يا ليلي. ليلي: ماشي، هدخل أجيب همس. اسد: ماشي يا حبيبتي، خدي وقتك. (ليلي دخلت لهيمس، ساعدتها إنها تقوم وخدتها معاها الفيلا) بسملة: إبيه اسد، إنت اتأخرت ليه؟ اسد: معلش يا حبيبتي، كنت في المستشفى. بسملة: بخضة، مستشفى إيه؟ مالك؟ اسد: متخافيش يا حبيبتي، أنا كويس. بس همس تعبانة. تعالي اسنديها مع ليلي. بسملة: همس مين؟ اسد: تعالي بس، بعدين أقولك.

(طلعت بسملة تسند همس مع ليلي، ودخلوها الأوضة اللي ليلي قالت عليها للخدامة تروقها) ليلي: اقعدي يا حبيبتي. اسد: ألف سلامة عليكي يا أستاذة همس. همس بحزن: الله يسلمك. شكراً على اللي إنت عملته معايا يا أستاذ اسد. اسد: بتشكريني على إيه؟ أنا أخوكي يا همس. معلش يا ليلي، سبيني مع همس. ليلي: بس. اسد: معلش، اطلعي. (ليلي بصت على همس وطلعت) اسد: إنتي بتحبيه يا همس؟ همس: نعم؟ اسد: مش عايز كذب يا همس، إنتي بتحبيه. (همس بدأت تعيط)

همس: آه، بحبه. اسد: طيب مقولتيش ليه؟ همس بعياط: مش هينفع يا اسد. أروح أقول لحد إني بحبه؟ أنا بنت والمفروض اللي ياخد الخطوة. الراجل لو أنا قولت بحبه، هيقول مدلوقة عليه. أنا فضلت أحبه جوايا، ما بين نفسي، عشان معصيش ربنا.

اسد: بصي يا همس، مش هقولك إنسي، أو روحي قولي. بس تعرفي أكتر حاجة تعمليها وتأكدي منها مليون في المية، إن لو فعلاً ربنا كتبه من نصيبك، هيكون ليكي. وأنا جنبك، اعتبريني أخوكي الكبير، وتعالي احكي اللي إنتي عايزاه. همس: شكراً. اسد: برضه شكراً؟ فيه أخت بتقول لأخوها شكراً؟ يلا نامي، وبكرة آخدك إنتي وبسملة وليلي ونخرج شوية. همس: ماشي. تصبحي على خير. (اسد طلع من عند همس وراح الأوضة بتاعته، لقي ليلي مستنية)

اسد: إيه يا حبيبتي، ما نمتيش؟ ليلي: مش عارفة أنام يا اسد، صحبتي مكسورة أوي. اسد: هو غبي، بيحبها بس مش راضي يقول. ليلي: وإنت عرفت منين؟ اسد: أنا بعرف حمزة من نظرة واحدة. ليلي: طيب ليه يكسرها كده؟ اسد: معلش يا حبيبتي، كل حاجة هتتصلح. ليلي: يارب. اسد: وحشتيني. ليلي: ده وقته يا اسد؟ اسد: ماليش فيه، بقولك وحشتيني. ليلي بفرحة: وإنت كمان وحشتني أوي. اسد: استعنا بالله. (ليلي واسد راحوا عالمهم الخاص بيهم) (في الصباح)

ليلي: يلا قومي يا همس بقى. همس: امممم. ليلي: قومي، استني اليوم هيروح، عايزين نعمل شوية حاجات. همس: حاجات إيه؟ ليلي: لسه هنروح المول وبعد كده نتفسح. همس: مش قادرة ياليلي، معلش. ليلي: لأ، مافيش معلش. يلا قومي. (اسد خبط على الباب) اسد: صباح الخير يا همس. همس: صباح النور يا اسد. اسد: همس، خلصي وتعالي المكتب، عايزك. همس: حاضر. همس: يابت ياليلي، جوزك عايزني ليه؟ ليلي: أنا أعرف منين يا ناصحة؟ بشم على ضهر إيدي.

همس: خلاص يا حاجة بومة، يخربيتك، بتطلعي مرة واحدة زي القاضي المستعجل. ليلي: أنا؟ يا همس، ده أنا حتى عسل وسكر. همس بضحك: بالستر. ليلي: تدوم. همس: إيه؟ ليلي: الضحكة يا عمري. يلا بسرعة، اسد ما يزعلش، وهيضربنا أنا وإنتي. همس: لأ يا أختي، ننزل أحسن. (همس وليلي نازلين يضحكوا) (همس خبطت على اسد) اسد: ادخل. همس: اسد. اسد: همس، تعالي. همس: كنت محتاجني؟

اسد: آه، معلش. تعالي، عايزك تمضي على الورق ده، عشان إنتي كنتي تعبانة امبارح والمستشفى كانت عايزة توقيعك. همس باستغراب: توقيعي ليه؟ اسد: امضي يلا يا همس. (فعلاً همس مضت من غير ما تقرا أي حاجة) اسد: طيب، كده كويس. يلا، تقدري تروحي ليلي وتلبسوا عشان نخرج. همس: تمام، بعد إذنك. اسد: اتفضلي. (فضلت بسملة وليلي وهمس يضحكوا مع بعض) ليلي: اسد، إيه رأيك؟ اسد: حلو، لو يتلبس ليا. أما خروج بيه برا، لاء. ليلي: ليه يا اسد؟

ما هو حلو أهو. اسد: قولت لاء. روحي غيري. ليلي: حاضر. (ليلي غيرت ونزلت لاسد. فضل كل ما تلبس حاجة يقولها لاء) ليلي: اسد، مش هخرج. اسد: براحتك. ليلي: أنا لبست الدولاب كله، وإنت كل شوية تقول لاء. اسد: خلاص، غيري آخر مرة، بس يكون واسع. ليلي: ماشي، أما نشوف. (و أخيراً لبست، واسد وافق عليه. نزلت ليلي لقت همس مستنية) ليلي: إيه القمر ده؟ همس بحزن: شكراً يا ليلي، إنتي اللي قمر. اسد: طيب، يلا عشان اتأخرنا أوي. ليلي: يلا.

(اسد خد ليلي وهمس خرجهم، بعد كده وصل على المكان اللي اتبعت ليه) اسد: همس، انزلي إنتي وليلي. ليلي: حاضر. اسد: ليلي، تعالي معايا نجيب حاجة. ليلي: ماشي، خليكي إنتي يا همس. همس: ماشي. (فضلت همس بتبص للسماء. بس مرة واحدة لقت مكتوب بالنار على السما: بحبك يا همس. همس اتفزعت. مرة واحدة لقت نور كتير حواليها، ومرسوم سهم وفي جواب) همس: بحبك أوي من أول مرة شوفتك فيها. (همس لقت نور تاني اتفتح، وسهم تاني، وجواب تاني)

همس: إنتي سكنتي روحي وقلبي من أول يوم. (نور تاني) همس: حقك عليا على كل دمعة نزلت منك. (نور تاني) همس: والله أنا بعشقك فوق ما تتخيلي، أنا مجنون بيكي يا همسي. (في الآخر، الأنوار نورت، و لقت حمزة هناك) همس: حمزة. همس بحزن: حضرتك بتعمل إيه؟ حمزة: بحبك. همس: إيه؟ حمزة: بحبك أوي، فوق ما تتخيلي. همس بعياط: حمزة، أنا مش هاجر. حمزة: عارف يا قلبي، إنك مش هاجر. إنتي همس اللي ملكت قلبي. بحبك يا همس، تتجوزيني؟ همس: إزاي؟

وإنت طالب إيد أختي؟ حمزة: فين ده؟ محصلش. همس: لأ، طلبت من بابا. حمزة: أنا طلبت إيدك إنتي، مش هي. همس: مش فاهمة حاجة. حمزة: هقولك يا قلبي. (فلاش باك) حمزة: عمي. مصعب: نعم؟ مين حضرتك؟ حمزة: معلش، أنا آسف إني جيت في وقت شغلك، بس عايز من وقتك دقيقة. مصعب: اتفضل. حمزة: أنا طالب إيد بنت حضرتك. مصعب: بنتي أنا؟ حمزة: آه، همس. مصعب: طيب، أقولها يا ابني، واللي فيه الخير يقدم. حمزة: لأ، متقولش. مصعب باستغراب: مقولش ليه؟

حمزة: لأني عايز أعملها مفاجأة ليها قدام الناس كلها، وجيت أقولك الأول آخد موافقتك. مصعب: طيب، شغال إيه؟ حمزة: أنا مدير همس في الشركة. مصعب: أهلاً وسهلاً بيك يا بني. حمزة: معلش، بس حاجة تاني. أما أحب أطلبها في البيت، هعمل نفسي بطلب إيد بنتك التانية. مصعب: أنا مش فاهم حاجة. حمزة: مش حضرتك عايز لبنتك الخير؟ مصعب: طبعاً يا ابني. حمزة: وكمان عايزها تفرح؟ مصعب: طبعاً. حمزة: أنا هفرحها، بس بطريقتي. معلش، وافق يا عمي.

مصعب: ماشي يا ابني. (باك) حمزة: بس اتفقت مع أختك وأبوكِ، وكان اتفقت مع اسد. همس بتعيط: طيب، ليه كده؟ حمزة: حق عليا يا قلبي، عشان زعلتك وخلتك تعيطي. حق عليا في كل حاجة. همس: طيب، إنت كلمت بابا إمتى؟ حمزة: نفس اليوم، بس الصبح. همس: وأنا مش بحبك يا حمزة، مش عايزك. حمزة: فيه واحدة تقول لجوزها مش عايزك؟ همس بصدمة: جوز مين؟ حمزة: جوزك يا حبيبتي. همس: إنت اتجننت؟ حمزة: بيكي يا عمري. (همس) ابعد يا حمزة.

حمزة: واحد ومراته، فيها إيه؟ همس: أنا مش مرات حد. حمزة: لأ، مراتي على سنة الله ورسوله. وادي توقيعك على الجواز. همس: فعلاً، توقعي؟ بس أنا موقعتش على حاجة. حمزة: لأ، وقعتي يا قلبي. قبل ما تيجي اسد خلاكي توقعيه. همس: اسد. اسد: معلش بقى يا همس. همس: إنت خليتني أمضي على ورق جواز؟ اسد: أعمل إيه؟ مشيت ورا الحمار اللي وراكِ. همس: أنا عايزة أروح. أروح عند أهلي.