رواية عشقت تؤام محبوبتي الفصل الخامس عشر 15 - بقلم جاسمين محمدجمميع الفصول)

مالك: ها حور عاملة إيه؟ فهد: اهي شوية وهتخف. مالك: تمام، خليك معاها وأنا هروح أشرب قهوة عشان مش قادر أقف. مش هتعوزي حاجة؟ فهد: لا، روح أنت وأنا أحاول أنام شوية جنبها. مالك: تمام. مالك فتح الباب وطلع، بيبص لاقي الشرطة قدامه. مالك: نعم، في إيه؟ الشرطة: عايزين فهد بيه. مالك: ليه؟ الشرطة: متهم بقتل حياة محمد. مالك: حياة مش ميتة. صوت من وراهم: امال حياة فين؟ ما هي ماتت يا مالك بيه. مالك: مراد.

مراد: آه مراد، أخو حياة. فين حياة يا مالك؟ مالك: هقولك مكانها فين بس مش دلوقتي عشان أختك حور تعبانة جوه. مراد: أنا معنديش غير أخت واحدة وهي حياة بس. مالك: استغفر الله العظيم. ماشي يا مراد، اهدى بقى. مراد: حضرت الظابط، لو حياة عايشة خليهم يجيبوها. الظابط: آه، لو هي عايشة يبقى فين؟ مالك: حاضر، هجبلكم حياة بس ممكن محدش يتكلم عشان حور تعبانة جوه. مراد: تمام، هنسكت أهو. هاتها بقى.

مالك: حاضر، تعالوا معايا بس خمسة، أروح الحمام وأيجي. مراد: نيجي معاك عشان ممكن تهرب مننا. مالك: ماشي، يلا. مالك دخل الحمام ومراد والشرطة واقفين له على الباب. مالك: يلا. مراد: يلا. مالك أخد مراد والشرطة وراح البيت. حور فاقت. حور: فهد، فهد. فهد صحي: قلبي، فيكي حاجة؟ حور: لا، أنت كويس؟ فهد: آه يا روحي، متخافيش. حور: طيب الحمد لله. ومالك فين؟ فهد: مالك راح يجيب حاجة وجاي. اهدي. حور: فهد، أنا خايفة.

فهد أخدها في حضنه: تخافي وانتِ معايا؟ انتي مجنونة ابت؟ محدش مستحيل يجي جنبك. حور: بجد؟ فهد: لا بهزار يا مجنونتي. يلا ارتاحي، هنادي الدكتور وثانية هكون هنا. حور: متتأخرش طيب. فهد: متخافيش، ارتاحي بس عقبال ما أجي. حور: حاضر. مالك وصل هو ومراد والشرطة البيت. مالك: اتفضلوا. الظابط: يلا. مالك أول ما دخل البيت. مراد: فين حياة؟ مالك: خالتي. فوزية: نعم يا بني؟ مالك: فين حياة؟ فوزية: فوق بتاخد دش. استنى اطلع أجيبها.

مالك: اتفضلوا اقعدوا عقبال ما تيجي. مراد: مش هنقعد، ويلا نادمها. مالك: اطلع أجبهالك من غير لبس يعني؟ ولا إيه؟ متتكلمش يا حضرة الظابط. الظابط: أستاذ مراد، مالك باشا. مدام قال إنها جاية خلاص، ارتاح. مراد بص لفهد: حاضر، هقعد. فوزية طلعت جابت حياة ونزلت. فوزية: حياة أهي يا مالك يا ابني. في إيه؟ مالك: خلي حياة تكلم مراد أخوها وتكلم الشرطة اللي بتقول إن فهد قتلها. فوزية: مافيش جوز أخت هيقتل أخت مراته.

مراد: مش بناخد بالكلام ده. خدي يا حياة. حياة قربت لمراد وراحت حضنه. مراد: حبيبتي، انتي كويسة؟ حياة بصت لمالك: آه كويسة. مراد: متخافيش، قولي لو فيكي حاجة. حياة: لا، مافيش حاجة. أنا كويسة. مراد: طيب يا حبيبتي، تعالي معايا. أنا جيت عشان آخدك. حياة بصت لمالك تاني ومالك هز راسه ليها بلا. حياة: لا، أنا قاعدة هنا مع أمي وحور أختي ومالك. مراد: أول مرة ترفضي إنك تيجي معايا. فوزية: من امتى أصلاً وانت بتطلب منها تيجي معاك؟

أنت دايماً رامينا ومش بتسأل علينا. مراد: انتوا اللي بعدتوا. فوزية: كنت عايزنا نقعد معاك وانت حرامي وقتال قتلة. مراد: وهو أنا كنت عملت كده غصب عني ولا برضي؟ زاد مش أنا اللي قتلتك والشرطة اتأكدت من كده. مالك: نتكلم في الكلام ده بعدين؟ في حاجة تانية يا حضرة الظابط؟ الظابط: لا يا مالك باشا. واحنا آسفين. مالك: لا، ولا يهمك. الظابط: بعد إذنكم. مالك: اتفضلوا. بعد ما الشرطة مشت، مالك قعد على الكرسي وحط رجل على رجل.

مالك: جاي وعايز تعمل على المافيا؟ راجل يا مراد. مراد: مش بيخاف من حاجة وانت عارف يا مالك. مالك: تمام يا مراد باشا. خلصت اللي كنت جاي ليه ولا لسه؟ مراد: انت بتطردني؟ مالك: مش بطردك ولا حاجة، بس البيت مش بيتنا عشان نقعد فيه ونضيفك. يلا مع السلامة. مراد: تمام يا مالك. مش هتيجي يا حياة؟ حياة بخوف ونظرة مالك ليها: لا، أنا قاعدة هنا. مراد: أنا متأكد إنهم عالمين ليكي حاجة، بس متخافيش طول ما أنا هنا. وكل يوم هاجيلك.

مالك: ليه فندق؟ كل شوية تيجي؟ متيجي نديك أوضة تقعد فيها هنا وخلاص. مراد: مالك، اتكلم عدل. مالك بصوت عالي: أنا بتكلم عدل! واتكلم براحتي. يلا، معلش السلامة. مراد: تمام يا مالك، سلام. مالك بعد ما مراد مشي، مسك حياة من شعرها. مالك: وانتي ياسنيورة تطلعي تترزعي في الأوضة، وأياك أسمع ليكي نفس، ماشي؟ لحد ما حسابك يجي. حياة بعياط وخوف: أنا عملت اللي انت قلت عليه، سيبني بقى. مالك: خدوه على فوق. بيبص لاقي تليفونه بيرن.

مالك: الو؟ يا فهد، في حاجة؟ حور كويسة؟ فهد: آه كويسة. انت اللي فين؟ عمال أدور عليك. مالك: أنا جيت البيت. هات حور وتعالى. فهد: في حاجة طيب؟ مالك: لما تيجي نبقى نتكلم. سلام. فهد: سلام. فوزية: حور كويسة؟ مالك: آه، وهتيجي هي وفهد دلوقتي. يلا اعملوا أكل عشان أنا هموت من الجوع. أي الناس البخيلة دي؟ هالة: بخيلة مين ياض؟ ميغركش إن أنا غني وهبقى هاي هاي، لا ده أنا أهلي صعيدة والصعايدة كرمة أوي.

مالك: أيوه يا جامد أنت يا صعيدة، وريني بقى هتاكلوني إيه؟ وبصوت واطي لمحمد: يا خوفي لا مراتك يا عمي توكلنا بيض مسلوق. محمد بصوت واطي: يا عم، يا ريت. هالة: بتقولوا إيه لبعض؟ محمد: لا أبداً يا روحي. روحي اعملي الأكل. هالة: ماشي. فوزية: استني، خديني معاكي يا هالة. فهد وحور وصلوا البيت. حور وهي نازلة من العربية: هم فين يعني؟ البيت؟ هس هس. فهد: ممكن يكونوا قاعدين جوه. يلا. أول ما دخلوا البيت نور.

والكل: هااااااا، حمدالله على السلامة يا حور. وبدأوا يسلموا على حور ويحضنوها. حور: امال فين ريتاج وجاسر؟ محمد: كان فيه شغل جامد بر مصر وهم سافروا خلاص وهييجوا بكرة عشان كان ضروري يتعمل. حور: تمام، ييجوا بالسلامة. هالة: يلا يا روحي، اطلعي ارتاحي عقبال ما نطلع الأكل ليكي فوق. فهد بصوت واطي لمالك: إيه حصل؟ مالك: تعال بره نتكلم. فهد: ماشي، يلا. حور: فهد، انت رايح فين وسايبني؟

فهد: خمسة وجايلك. متخافيش، خليكي معاها يا ماما فوزيه. فوزية: حاضر يا حبيبي. حور: متتأخرش. مالك: متخافيش يا أختي، مش هخطفوه. يا خسارة، الأول كان كل حاجة مالك دلوقتي اتبدل وبقى فهد. فهد: احسدنا بقى، إحنا لسه بنخلص في مشاكل ومش مرتاحين. الكل: هههههههه. حور: مش القصد. مالك: اللهم. امل، مش عايز شرح دلوقتي، يلا اطلعي ارتاحي وأنا وفهد هنطلع بره شوية وجايين. حور: ماشي. فوزية خدت حور وطلعت، وفهد خد مالك وطلعوا بره.

فهد: ها، إيه حصل؟ مالك: بص، وأنا طالع من عندك لقيت الشرطة، وإنها بتقول إنك متهم بقضية قتل حياة، ومراد كان اللي جايبهم. فهد: مين مراد ده؟

مالك: ده قصة كبيرة. المهم، هو أخوهم. فأنا معرفتش أعمل إيه، رحت استأذنت ودخلت الحمام ورنيت على رجالتها إنها تجيب حياة وتوديها البيت هنا وتغير لبسها ويهددها إنها لو اتكلمت هتموت، ومالك ممكن يموت أي حد عادي. الشرطة بتتكلم وهي عارفة مالك. المهم، جينا وشافوا حياة وخلصنا الموضوع. ومراد شافها ومشي، بس مش مرتاح ليه. هيعمل حاجة. فهد: ابعت حد يحط عينه عليه، لا أنا ممكن أبعت حد.

مالك: متشغلش أنت بالك، وسيب كل حاجة عليا. المهم، اطلع شوف حور عشان أكيد خايفة من اللي بيحصل معاها الفترة دي. فهد: تمام، وشكراً على وقفتك معانا اليومين دول يا صاحبي. مالك: أنا مش واقف معاك أنت، أنا واقف مع حوريتي. فهد بص لمالك بنص عين، بصه. مالك: بهزر يا عم، اهدى كدا. المهم، فهد، أسألك سؤال؟ فهد: اسأل، بس تتلم وتخلص. مالك: أنت بتحب حور؟

فهد سكت شوية وتنهد وتكلم: بص، والله معرفش. بس اللي أعرفه إنه بخاف جداً عليها ومش عايزها تبعد عن عيني ثانية. مالك: ماهو ده الحب يا خوي. فهد: بس أنا كنت بحب حياة ومكنتش بحس بكدا عادي. مالك: عشان حبك لحياة مكنش حب حقيقي. المهم، روح، ونتكلم بكرة في كل حاجة. فهد: ماشي، سلام. وراح طلع لحور. فهد طلع فوق عند حور. حور: كان فيه إيه بينك انت ومالك؟ فهد: مافيش حاجة. يلا، بس قوليلي أكلتي؟

فوزية: مش راضي ياكل من غيرك. يلا تعالوا كلوا سوا. فهد: حاضر، سيبيها وأنا هوكلها. فوزية سابتهم وسابت الصينية ونزلت. فهد: يلا عشان تاكلي. حور: مش جعانة. فهد: يلا تاكلي، افتحي بوقك يلا. وبدأ ياكلها بإيده. حور: بس كفاية، وتعال أوكلك أنا. فهد: ماليش نفس. حور: يلا. فهد: حاضر، يلا. وبدأت توكله لحد ما خلصوا. فهد: يلا بقى ننام. حور: يلا. فهد: يلا، انتي نامي على السرير وأنا هنام على الصوفاية. حور: لا، أنا خايفة.

فهد: متخافيش، أنا جنبك. حور: طيب، بص، هننام على السرير سوا. فهد فرح. حور: بس نحط مخدات بينا وننام. فهد بحزن: ماشي، يلا. وراح فهد قام وحط المخدات ورقد ونام.