رواية عشقته صعيديا الفصل العاشر 10 - بقلم سهيلة احمد

"طفلتي قد عشقتك ولم أنل منك سوى خذلانك بتركك لي، ولكني لا أقدر على منع نفسي من تنفس عشقك." سامية بشر وهي تكسر كل شيء حواليها: "عاشت معاه وجوزها ابن أخوه، وهي وافقت لأ، وبتحبه أوي. بابا، كل اللي كنت خايفة منه حصل. ليه ده؟ أنا كنت مرتبة كل حاجة، فجأة كده المياه ترجع لمجاريها، بس حور بنتي." فلاش باك: حور: "ألو، أيوة ياماما، وحشتيني." سامية: "وإنتي كمان وحشتيني ياروحى." حور: "ماما، أنا طلعت متجوزة ابن عمي."

سامية بغضب: "بتقولي إيه؟ يعني إيه متجوزة؟ أنا قلتلك لحد أما الأمور تهدى، مش تستقري." حور بهدوء: "اهدّي ياماما، أنا مش فاهمة إزاي، بس اطمني." سامية: "أطمن؟ حامد عمل اللي هو عاوزه." حور: "ده بابا، وهو فاهم مصلحتي، وبعدين مش يمكن أنا وسي فهد ده نتفاهم ونكمل؟ سامية: "تكملوا؟ تكملوا إيه؟ فهد زي أبوه وعمه، كلهم صعيدة، مش هينفعوا سوا." حور: "ليه بس؟ ده حتى بابا وجدو اللي اختاروه لي."

سامية: "كلمة واحدة ياحور، صدقيني الناس دي مش حلوة. طيب استني، إحنا كنا سوا ليه؟ عشان عارفاهم، تلاقيهم كل شوية قرف وتحكمات. لو أنا شايفاهم كويسين كنت خليتك معاهم ياحبيبتي." حور: "عندك حق ياماما، ده طلب من جدو يقول اتحجب، متخيلة؟ سامية: "وعملتي إيه؟ حور بهدوء: "اتحجبت طبعًا." سامية بغضب: "ليه تسمعي كلامه؟

حور بهدوء: "ماما، أنا مسمعتش كلامه، أنا اقتنعت، أنا هتم العشرين قريب ولسه مش محجبة، غير إني عارفة إن كان نفسي اتحجب صح." سامية: "ماليش فيه ياحور، الجواز دي مش هينفع تكمل، أنا خايفة عليكي." حور: "حاضر، متقلقيش، أنا مش هخليه بس يطلقني، أنا هخليه يندم على اليوم اللي اتجوزني فيه." سامية: "ماشي ياحبيبتي، هقفل وأكلمك تاني." الواقع: سامية: "ماشي ياحور، إن ما كنت أثبتلك إنه متخلف، مبقاش أمك." في الصعيد:

فهد بعصبية: "بقى أنا مكنتش سايبك ياكذابة." حور: "يقولوا عليك مش سايبني، ولا يقولوا عليك، سوري يعني، مش تمام." فهد: "مين ده اللي مش تمام يابت؟ إنتي هاه." حور: "بت؟ أما تبقى بتك يابعيد." فهد: "أنا نازل الأرض، ياريت أجي ألقاكي. تكون الأرض انشقت وبلعتك، إن شاء الله." حور: "بيبيه، اللهي تروح ماترجع، إن شاء الله." تحت: حور: "جدو، هو أنا هنزل الكلية إمتى؟ الجد: "لما يمر على جوازك ييجي أسبوع." حور: "أسبوع؟ ياحزني!

لأ طبعًا، أنا هسأل بابا إن كان كده أروح بكرة." الجد: "حور، المفروض أقول لجوزك." حور: "هاه، إن شاء الله." بالليل: في أوضة آية وسعد: سعد: "أنا مبخابرش إيه لازمته كل ده من الأول." آية: "مالك بس؟ سعد: "ليه بيكذبوا؟ ما يقولوا كل حاجة واللي ربنا رايده هيكون." آية بخوف: "وإنت عاوزهم يقولولها دلوج؟ استنى طيب لما الأمور تهدى بيناتهم." سعد: "أكده ولا أكده هتعرف، يبقى دلوج أحسن. بس سيبك إنتي، فارس نام؟

آية بخجل: "أيوة، بس أما كانت عاوزاني تحت هنزل وآجي." سعد وهو يحتضنها: "انزليلها بكرة بجى." عند حور وفهد: حور لابسة بيجامة ميكي ماوس ورابطة شعرها كحكتين وحاطة الهاند فري ومنسجمة أوي مع التليفون. فهد بضجر: "الله يخربيت اللي مسكك تليفون يابعيدة، إني بتعملي إيه كل ده." حور: "صوتك، ياشيخ أنت. ثم إنت مالك؟ فهد: "مالي؟ أجي وأقولك مالي؟ " وهو يقترب منها. حور بسرعة: "لالا، خليك عندك." فهد بغرور: "شطورة، كنتي بتعملي إيه بقى؟

حور بغضب: "ده هاند فري، ودي كوباية نسكافيه، وده تليفون، وشايفني منسجمة أوي، يبقى بعمل إيه؟ فهد: "إيه؟ حور: "بقرأ رواية رعب، وياريت تسكت بقى عشان طلعتيني من المود." فهد بغضب منها: "اطرشتي سيادتك؟ مسمعتيش العشاء اللي أذن من ساعة دي." حور: "نعم؟ وإنت مالك مهتم ليه أصلي ولا ماصلي؟ فهد: "لأنك مراتي، وده واجبي إني أنصحك تصلي عشان ربنا هيسألني. صحيح، أنا مش طايقك، بس هه، نصيب." حور بدموع: "هو إنت صليت؟

فهد: "لأ، للأسف ملحقتش، بس اتوضيت وهصلي. فقولتلك." حور: "طيب ممكن بس تستنى تتوضى وتصلي بيا؟ فهد برفعة حاجب: "وده ليه إن شاء الله؟ حور: "يعني هي فاتتني أنا وإنت فنصلي سوا، حتى تكسب فيا ثواب ياعم." فهد: "دقيقتين تكوني اتوضيتي، يلا." بعد الصلاة: حور: "فهد، هو أنا ينفع أسألك سؤال؟ فهد: "امم." حور: "هو إنت بتتكلم معايا هنا طبيعي، وتحت صعيدي ليه؟ فهد: "مش عشان سواد عيونك يعني، لحد بس ما تتعودي على الطريقة دي."

حور: "طيب ممكن سؤال كمان؟ فهد: "أنا عارف من الأول إني مش هتخلص من لسانك الطويل ده." حور: "متشكرين ياعم. إنت ليه سمعت كلامهم واتجوزتني؟ كنت ممكن ترفض، وده حقك." فهد: "أصل بصراحة، كنت عارف إنك لما تكبري محدش هيطيقك، فقولت أتطوع لإنقاذ المجرة من الانهيار." حور بردح: "ميطيقش مين؟ ياعمر؟ ده أنا نص شباب الجامعة والمعيدين بيتمنوني." فهد بتريقه: "آه، آه، مانا عارف إنك هتقوليلي."

حور: "شكلك مش مصدقني. عارف، كان عندنا دكتور في سنة أولى كان بيتقصد يتكلم معايا، آه والله، مرة يهزقني، مرة نتخانق، لحد أما في مرة بقى العميد زهق مننا إحنا الاتنين ونقله. بقى وأنا انفصلت بقى، وكان يوم... فهد: "طيب قومي نامي يا أختي، قومي نامي. ده أنا الواحد يغلط في نفسه لما يكلمك." حور: "ياريت تبات بره النهاردة كمان." فهد نزل وراح الأوضة اللي في الجنينة وبدأ يضرب

أدوات البوكس اللي هناك: "بدموع، ليه بعدتي عني الفترة دي كلها؟ إنتي متعرفيش عشت من غيرك إزاي، بس خلاص هنرجع أحسن من الأول ياقلبي وعقلي، وكل حاجة فيا. إني تصبحي على حضني." الجد شافه وبصله بحزن. الجد: "فهد، تعال ياولدي." فهد: "أيوة ياجدي. إيه اللي مصحيك لدلوج؟ الجد: "عاوز أتحدت معاك في موضوع أكده." فضلوا يتكلموا في موضوع مهم بالنسبة لهم الاثنين. الجد: "يلا اطلع لمراتك." فهد: "حاضر، تصبح على خير." الصبح:

حور صحت لقت نفسها في حضن فهد، وضع إنه حاطط رأسه على صدرها وهي إيديها في شعره. حور بغضب: "آه يا حيوان يابارد يامستفز، قوم يلا." فهد بنوم: "نامي، ده إنتي عاوزة علقة تنيمك سنة بلسانك ده." حور بغضب: "بقولك قوم، العلقة دي شكلك إنت اللي هتاخدها إن شاء الله." فهد بعصبية: "إيه فيه يعني؟ لأنا صاحي، وأنا نايم." حور: "ولا الحركات دي مش عليا، إحنا إيه الوضع الحقير ده، هاه." فهد ببرود: "وضع إيه؟

ماهمنيش أعرف أصلاً، تلاقيها حاجة هايفة زيك." وقام ورجع قربلها تاني: "صحيح، ياريت تاخدي بالك عشان بتتحركي كتير وإنتي نائمة وأنا اتضايقت." في المطبخ: حور: "صباح الخير." الكل: "صباح النور." حور: "إنتو بتعملوا إيه؟ فاطمة: "بنجهز الوكل عشان نفطر." حور: "طيب أساعدكم في حاجة." فاطمة بطيبة: "لأ ياحبيبتي، روحي استريحي، ميرضينيش تعبك." فاطمة بحدة: "صفاء، جولتلك طبق فهد متحطيهوش مع الأطباق التانية." حور: "ليه؟ هو ليه طبق لوحده؟

فاطمة: "مش أكده بس، هو مش بيحب الملح الكتير في الوكل." لمعت فكرة شيطانية في مخ حور. حور بخبث: "سيبيني أنا هعمله الأكل." فاطمة: "لأ يابتي ارتاحي، إني ده إنتي لسه عروسة." حور: "والله أبدأ؟ بس ده طبق جوزي حبيبي يعني، ولا إيه." فاطمة لبسمة: "ماشي ياحبيبتي، بس متحطيش ملح كتير." سعاد بتريقه: "جوزي حبيبي؟ وده من إمتى ده؟ ناس تخاف متخدشيش." على السفرة: الكل بياكل.

فهد وهو بياكل، وشه بدأ يتغير من الأكل، ليرفع نظره الثائر لحور يلاقيها بتبصله بخبث وبتضحك. بدأ يأكل ببرود وعينه تدمع من الشطة اللي في الأكل. حور لما عملت الأكل ما زودتش ملح، زودت شطة كتير. فهد بخبث: "مين اللي عملي الوكل ياما؟ فاطمة: "حور، دنها واقفة في المطبخ تعملهولك." حور بطيبة مزيفة: "إيه؟ يافهد وحش؟ فهد بخبث: "وحش إيه؟ تسلم يدك، بس ميصوحش تكوني عاملالي الوكل بإيديك الحلوين دول وماتدوقيهوش."

حور: "لأ، مانا عملتي في طبقي هنا، وشفا أنت." فهد: "والله مايحصل، لازم الكلي من طبقي. قولها حاجة ياجدو." الجد: "حور، تسمعي كلام جوزك وكلي معاه." حور بتوتر: "مانا باكل أهوه." الجد: "متكسريش بخاطر جوزك يابتي، وكلي معاه." فهد ابتسم بخبث وحور 😲😳.