رواية عشقته صعيديا الفصل التاسع 9 - بقلم سهيلة احمد

فهد بغضب أكبر: بقولك افتحي الباب. حور: وأنا بقولك بعينك خليك بقى كده جوه يابتاع الدخلة البلدي. أنهت كلامها بسخرية. قلعت فستان الفرح ولبست قميص نوم أسود طويل مقفول وعليه الروب بتاعه، وكانت متجاهلة خبط باب الحمام. فضلت تتنطط على السرير. حور: واحد. اتنين. تلاتة. هوبا. الباب خبط. حور: أيوه يا جدو. الجد بقلق: حور حبيبتي أنتي زينة، حوصلك حاجة؟ حور بتمثيل: أيوه يا جدو، كانت بتتكلم وهي بتنهج. الجد: أمال فهد فين؟

حور: هااه، فهد دخل الحمام. الجد بحنان: ماشي يا روحي. حور بمسكنة: جدو متسبنيش معاه، أنا مش قادرة أتنفس وهو مش راضي يسيبني. الجد: حبيبتي ده جوزك دلوقت، بس متخافيش، تمام؟ حور: تمام. أغلقت الباب وضحكت بانتصار. فهد رجع يخبط على الباب: افتحي ومش هعملك حاجة. حور: تؤتؤ، وسيبني بقى علشان الأكل اللي حماتي عاملاه هيبرد. بعد شوية وقت. حور بقلق: فهد، هو أنت سكتت ليه؟ فهد: ............

حور: طيب أنا هفتح الباب. بس وربي لو عملت حاجة أنا قولتك أهو. فتحت له الباب. فهد بغضب وهو بيجري وراها: بتحبسيني في الحمام يابنت عمي؟ حور: بصراحة، كنت عايزة أتخيل منظرك. فهد: ده أنا اللي هخليكي تتخيلي منظرك وأنت في الإنعاش إن شاء الله ياحبيبتي. حور: إن شاء الله أنت قبل مني ياروحي. فهد: يا مجنونة، اسكتي بقى. حور: لأ. فهد وهو خارج: والله ماناعدلك فيها. حور: أحسن برضه. تحت. سليم: هاه، سبع ولا ضبع؟

فهد: اسكت، أنا مش فايقلك. سليم: هههههه، هي شكلها علمت عليك. فهد بغضب: وربي لو ماسكتت لأقتلك. سليم: وعلى إيه يا عريس، أنا طالع أنام يا فهد. الرجال. فهد لمحمد: أختك دي إزاي، عايز أفهم. محمد: أنا ماليش صالح بيها يا عم. إبراهيم بسخرية: شكل الحفيد جاي قريب، ههههه. فهد: والله ماناعدلكم، أنتم ولاه. سابهم وراح جنينة القصر

ودخل أوضة وبص على الصور: حبيبتي، أنا مش عارف أعمل إيه، بس أهم حاجة هي أنتِ، أخلص بس من اللي أنا فيه ده وأوعدك أفضل معاكي ياروحي، تصبحي على حضني. حضن صورة ونام. عند حور. فضلت تفكر تعمل معاه إيه وقررت تعمل حاجة. وقفت قدام المرايا وضحكت بخبث. وبعد شوية وقت كانت خلصت وراحت تنام. الصبح. الباب خبط. حور بنعاس: أممم، مين؟ جميلة: أنا ياعروسة، افتحي. حور: حاضر يا جميلة، آه يا أنا. جميلة بخجل: جدي بيقولك انزلي علشان الأكل جاهز.

حور بتمثيل التعب: حاضر، نازلة أهو. جميلة بعد أما نزلت المطبخ. بخجل: يا مري عليك يا فهد، ده أنت موتت البت، يالهوي يالهوي. صفاء: مالك يا جميلة، أنت بتتحدتي مع نفسك ليه عاد؟ جميلة بخجل: بس يا صفاء على اللي أنا شوفته ده، فهد ده طلع مش سهل، وكان عامل فيها مش موافق. عائشة باستغراب: ليه أكده؟ جميلة: هقولكم، استنوا..................... حور بعد أما أغلقت الباب راحت تبص على الماكياج اللي هي كانت عاملاه

اللي مبين إن الشخص مضروب: ولسه يا فهودي. لبست ونزلت تحت. الجد: صباحية مباركة ياعروسة. حور: الله يبارك فيك يا جدو. الجد: أحم، حور، عملتوا إيه امبارح؟ حور بتمثيل الحزن: ده مفيش في قلبه ذرة طيبة يا جدو، قالي الدخلة بلدي بمزاجك أو غصب عنك، وبعد كده كان وحش خالص، تخيل أنا مدارية اللي في وشي بالمكياج. أهئ أهئ. الجد بغضب: ماشي، أنا أتصرف معاك يا فهد.

حور بسرعة: لأ يا جدو، بلاش، والنبي، ليضربني تاني، كفاية المرة اللي فاتت، والنبي. الجد: هو ضربك؟ حور: ............. الجد: فههههد. فهد بفزع وهو جاي من برة: أيوه يا جدي. الجد: ورايا على المكتب. قاموا. حور قاعدة لوحدها وبتتخيل منظر فهد. صفاء: مبروك يا عروسة. حور: الله يبارك فيكي، عقبالك. جميلة بسرعة: لأ، عقبالك إيه، مفيش جواز خالص. حور: ليه كده؟ ده حتى الجواز حلو، أحسن حاجة إن فهد ملوش أخ ولد. عائشة: ليه؟

حور بمكر: علشان محصلش لواحدة فيكم اللي حصلي. بعد شوية وقت خرج فهد وهو وشه مولع من الغضب وراح قعد جنب حور: حبيبتي يا حور. وهمسلها: حبتك عقربة يا كدابة. حور: متخلينيش أقولك العقربة دي مين. فهد: قولي مين هي العقربة علشان أسحلك هنا. حور: العقربة دي تبقى. هنيه: يلا يا عريس، الأكل جاهز. الجد: أمال فين سليم؟ صفاء: برة، أنا هطلع أندهله على الأكل. برة. صفاء: سليم، الأكل جاهز. سليم بغضب: طيب، ادخلي جوة وأنا جاي وراكي.

صفاء بخوف: حاضر. على السفرة. الجد: مابتأكليش ليه يا حور؟ حور: هااه، مستنية فهد ياكل يا جدو. الكل صلها باستغراب، حتى فهد. الجد: ليه؟ هو هيأذنلك؟ كلي يلا. حور: لأ، أصل هو قالي ما أعملش حاجة من غير ما يقولي. الجد بصرامة: كلي يا حور، هو ميقدرش يجولك حاجة. بصوا في أطباقهم ماعدا حور وفهد اللي بيبصوا لبعض بغضب وخبث. سليم بغضب: جولتلك كام مرة قبل كده، لما أكون واقف برة، متطلعيش. صفاء: أنا كنت بناديلك علشان تاكل.

سليم بعصبية: مش عايز أطفح يا ستي، آخر مرة ألمحك على البلاط اللي برة، إنني سامعة. صفاء ببكاء: حاضر. المجهول ١: آه لو تعرفي يا حور أنا بحبك قد إيه، مكنتيش عملتي كده. المجهول ٢: بس بقى، حرام عليك نفسك. المجهول ١: حبي مش قادر يحس بيا. المجهول ٢ بعصبية: أنت خليتها حبك، افهم بقى، أنت مش في دماغها. المجهول ١ بصراخ: لأ، هي قالتلي أنا بحبك يا...

المجهول ٢: يابني، أنت بنيت حياتك علشان واحدة قالتلك إنها بتحبك لما جبتلها شوكولاتة وهي صغيرة. المجهول ١ بهوس: قالتها وهي صغيرة وهتقولها وهي كبيرة، هي لازم تحس بحبي ليها. ومشى. المجهول ٢ بحزن: ياريتك تحسي بيه يا حور.