رواية عشقته صعيديا الفصل التاسع عشر 19 - بقلم سهيلة احمد

آدم: آه والله كفايه أنها كانت أحسن واحده بتعرف ترقص في الكليه كلها. فهد بغضب: نعم؟ آدم: حضرتك مش مصدقني، ده إحنا يا ما اشتركنا في حفلات ومسابقات مع بعض. حور بهمس: كفايه، الله يحرقك. أنا اللي يخرب بيتي عشان شفتكم، الهي أتحول. فهد: أمم، حفلات مع بعض. آدم: كان الكل بيقول علينا "ينفع كابل"، بس حضرتك سبقت. فهد: حور، معلش هاتلي التليفون من العربيه. حور: مابلاش يا فهد، أحم، إحنا رايحين يعني. فهد بغضب: حور، روحي العربيه.

فهد: آنسه نورا، معلش ينفع تسألي في المحل ده عندهم قطن ولا لأ. نورا باستغراب: آه، أوي أوي. البنتين مشيوا. فهد: قولتلي تنفعوا كابل، تعالالي. ونزل فيه ضرب. حور في العربيه: معلش يا آدم، كان نفسي ألحقك يا قلب أمك، بس أما أشوف مين اللي هيلحقني. فهد سابه بكل برود وراح ركب العربيه من غير ولا كلمة وساق. حور: فهد، هو أنت ساكت ليه؟ فهد: .................................. حور برجاء: فهد، أنا بخاف من سكوتك، والنبي اتكلم.

فهد ببرود: لينا بيت نتكلم فيه. حور بعياط: طيب، أنت زعلان مني؟ فهد بصوت جهوري: حووور، يميين بالله لو متخرصتي لأقلب العربيه بيا وبيكي دلوقتي. حور سكنت وعيطت في صمت. حور: أنت رايح فين؟ القصر عدى. فهد: هنرجع الصعيد. وصلوا. الخدامه: أهلا يا فهد بيه، مجالش أنكم هتعاودوا النهاردة. فهد: معلش يا حاجة، جهزي لنا الأكل. وطلعوا أوضتهم. /////////////////////////////////////////////////////// الجد: هو اتأخر كده ليه؟

سليم: جدي، فهد بعت رساله أنهم رجعوا الصعيد. الجد: وهو إزاي يتصرف من دماغه؟ بدر: خلاص يابوي، نسافر لهم وخلاص. الجد: خلاص، قوموا جهزوا حاجتكم عشان هنعاود تاني. الكل: حاضر يا جدي. /////////////////////////////////////////////////////// حور ببكاء: فهد، أبوس إيدك اتكلم. فهد ببرود: أنتي ليه بتحبي تعصبيني؟ حور: أنا مقصدتش، مكنتش أعرف. فهد كسر ألفاظه: بتعرفي ترقصي؟ واحد جاي يقول مراتك بتعرف ترقص.

حور: دي كانت مسابقات، والله سلاوي يعني. فهد: وتنفعوا كابل، صح؟ حور: والله ده كان كلام أهبل يعني، وأنا اتجوزتك أنت. جذبها إليه، وبهمس: حور، أنا بغير عليكي من نفسي، من أبوك ومن جدك. كل راجل بيشوفك، حتى المراية دي، بغير إنك بتقفي قدامها. وأنت مش حاسة بيا ولا بناري. حور بتحضنه: أنا آسفة يا حبيبي. وعد مني مش هعمل حاجة تعصبك، بس والله ده كان أيام الكلية.

فهد حضنها بتملك: "أثق أن عناقك أشبه بامتلاك الدنيا في لحظة". أنا بحبك يا حوري، مش هاممني إنك تحبيني، بس متسبينيش. حور: هشش، أنا مستحيل أبعد عنك، مستحيل. بس متزعلش مني. فهد بعد عنها: أنا عمري ما زعلت منك يا روحي. تيجي ننام شوية؟ حور: والأكل؟ فهد: هقولها، مش وقته، تمام. حور: طيب، أنا هغير على ما تقولها. فهد فكر قليلاً، يريد أن يعرف أين مكانته عندها، ففكر في شيء ما يود فعله. حور: يلا ننام.

فهد غير نومته، منامش في حضنها، نام عادي. وحور حاولت تنام معرفتش. حور: فهد، أنت نمت؟ فهد: لسه. مسكت رأسه وحطتها على صدرها، وحطت ايديها في شعره. حور: مبقتش بعرف أنام غير كده على فكرة. فهد بسعادة: حور، هو إحنا هنوصل لفين؟ حور: لفين إزاي؟ مش فاهمه. فهد: يعني أنتي ممكن تكملي معايا، وإلا... حور بمقاطعة: مفيش وإلا. إن شاء الله. بص، هو أنا مش عارفه، بس حاسة بإحساس حلو أوي معاك. فهد: زي إيه؟

حور: يعني أنا مبسوطة معاك. صحيح بخاف من غيرتك، بس بحبها. مش عارفه بقى، بس أنا بتبسط. عارف أنا من زمان كان نفسي أتحجب. أنا قلبي بدأ يدق لك لما طلبت مني كده، حسبتك خايف عليا. فهد: إن شاء الله نكمل سوا. عارفه؟ قالها وهو يدفن رأسه في رقبتها أكثر. أنا نفسي في خمس عيال. حور: حرام عليك يا فهد، هو أنا أرنبه؟ أنا مش عاوزة غير طفل واحد. فهد غير مصدق: يعني إحنا في أمل نجيب ولاد؟

حور: طبعاً. هو أنا أساساً خلاص مقدرش أسيبك. بس أما أحس نفسي جاهزة تمام. فهد بسعادة: تمام يا روح قلبي وحياتي كلها. وناموا بسعادة. /////////////////////////////////////////////////////// العيله وصلت القصر. الجد: اطلعوا أوضتكم ارتاحوا، ونتجمع على الغدا. ابراهيم وجميله. جميله بتعب: الله يسامحك يا فهد، جعانة نوم والله. ابراهيم بحنان: معلش، ارتاحي شوية على السرير. جميله بتوتر: ابراهيم، تعالى نام على السرير.

ابراهيم: لأ، وبعدين عشان تبقي براحتك. جميله بابتسامة: وأنا مش هبقى على راحتي وأنت جوزي ومش مرتاح. ابراهيم: إن مكنتيش تحلفي، بس. آه، الواحد ضهره اتقضم من النوم على الكنبة يا جميلة يا أختي. جميله بضحك: معلش يا حبيبي. ابراهيم: قولت إيه؟ جميله: معلش. ابراهيم: لأ، اللي بعدها. جميله بخجل: تصبح على خير بقى. ابراهيم بسعادة: وأنتي من أهله يا مراتي يا حبيبتي. /////////////////////////////////////////////////////// سليم وصفاء.

سليم بيحدفها بالمخدة: اتخمدي بقى يا شيخة. صفاء: عاا، أنا مالي، من الصبح وأنت مش طايقني ليه. سليم: لا أبداً، مش هطيقك ليه؟ هو أنتي عملتي حاجة؟ ده أنتي بريئة وأنا الشرير، صح؟ صفاء بدلع: متجولش على نفسك شرير يا حبيبي. سليم: عارفه، لولا الظروف اللي أنتي فيها، بس كنت جيت عرفتك آخر الدلع ده إيه. صفاء بضحك: خلاص خلاص، نام. //////////////////////////////////////////////////////////////// على السفرة.

حور بتعب: كفايه يا فهد، مش هقدر أكمل. فهد بقلق: في إيه يا حور؟ مش أكلتك؟ حور: مش قادرة أكل أكتر من كده. الجد: مالك يا حور؟ وشك مصفر ليه؟ حور: مش عارفه يا جدو، بس بطني بتوجعني شوية. فهد: طيب، قومي نروح نكشف. حور بتعب: مالوش لازمة، حاجة سخنة وهبقى كويسه. فهد: لأ، يلا. حور: حبيبي والله، هبقى كويسه. لو تعبت هقولك. جه الليل والكل نام، وحور مش قادرة تنام من التعب. حور ببكاء: فهد، فهد. فهد بقلق: في إيه؟ بتعيطي ليه؟

حور: مش قادرة، حاسة إني هموت. فهد وهو بيشيلها: طيب، يلا نروح المستشفى. حور من تعبها مكانتش قادرة تتكلم. الجد بقلق: في إيه يا ابني؟ فهد: حور تعبانه ورايحين المستشفى. ابقى تعالى يا جدي. قدام أوضة في المستشفى، كان الكل موجود وقلقان. فالجد صحى الكل والدكتور جوه. سعاد: ما تخافوش يا جماعة، يمكن حبله. فهد: مش عاوز حاجة، أهم حاجة هي. الجد: استهدي بالله يابني. فهد: خير يا دكتور؟ مراتي مالها؟

الدكتور بقلق: لازم عملية، حالتها خطيرة. فهد: ليه؟ هي مالها؟ الدكتور: فشل كلوي. غير أنها عايشة بكلية واحدة، ولازم نشيل الكلية دي. فهد: طيب، شيلها طالما فشل كلوي. الدكتور: مش هينفع، محتاجين متبرع. لأن هي تقريباً متبرعة لحد بكليتها اليمين، فإحنا عاوزين حد يتبرع لها بالشمال. فهد بدون تردد: أنا هتبرع لها. الدكتور: حضرتك، الموضوع مش سلق بيض، لازم تحاليل. فهد: عارف، وأنا جاي معاك، يلا. الجد: أنت بتقول إيه؟ لأ، طبعاً.

فهد: هو إيه اللي لأ؟ الجد: مش هتتبرع أنت، أكيد فيه حد تاني. فهد بزعيق: مراتي بتموت جوه، مش هستنى حد تاني، هتبرع لها وأنا خلاص. اتفضل يا دكتور. عملوا التحاليل وطلعوا ينفع يتبرع لها، ودخلوا العمليات وقعدوا ساعتين. الجد: أحفادي يابني. الدكتور: متقلقش، الحمد لله، العملية نجحت. هما في أوضة واحدة وهيفوقوا كمان كام ساعة بس. الجد: متشكرين، الحمد لله. حور بتعب: فهد. فهد وهو يسند جبينهم على بعض: ألف سلامة عليكي يا حبيبتي.

حور: تعبانة أوي يا فهدى، مش قادرة. فهد: هشش، إن شاء الله أنا وأنتي لأ. حور بسرعة: بعد الشر عليك، متقولش كده، يارب اللي يكرهوك. هو أنا كان مالي؟ فهد بغضب: من إهمالك في الأكل بس. بعد كده أنا اللي هحدد لك تاكل إيه. الجد: أوعى بقى، أمال لو مكنتش خارج من العملية. حور باستغراب: عملية إيه؟ فهد: مفيش يا روحي، ارتاحي أنت بس. حور: فهد، تعالى نام هنا. فهد بتعب: حاضر يا روحي. وناموا جنب بعض.

الجد: اتلم يا كلب أنت وهي، راعوا أني واقف. حور: والنبي يا سليم، اقعد في حتة دلوقتي واسكت. الكل جه يسلم عليهم. الدكتور: أخباركم إيه دلوقتي؟ فهد: بخير، الحمد لله. الدكتور: لأ لأ، مينفعش تقوم من سريرك علشان الجرح اللي في بطنك. فهد: لأ، أنا مرتاح كده يا دكتور. حور: جرح إيه وعملية إيه يا فهدى؟ فهد: قولتلك مفيش يا حبيبتي. سعاد بتريقة: ماتقولها يا زينة الرجال، مفيش يا أختي، أصله اتبرع لك بكليته، على الله يطمرح.

حور بدموع: ليه كده يا فهد؟ فهد مقبلاً رأسها: مقدرش أشوفك تعبانة ومشاركش تعبك. حامد بقلق: هو أنتي اتبرعتي لمين يا حور قبل كده؟ حور: لعمو جمال، جوز ماما، كان تعبان واتبرعت له. حامد بغضب ولسه هيتكلم. سامية: ألف سلامة عليكي يا روح ماما. حور بصدمة: ماما، عرفتي إزاي إن أنا هنا؟