رواية عشقته صعيديا الفصل الثامن عشر 18 - بقلم سهيلة احمد

حور بفزع: ماما حبيبتي إيه اللي حصل؟ ردي عليا يا روحي. لا رد. حور حاولت تفوقها، وبعد شوية: حور: كده يا ماما تقلقيني عليكي بالطريقة دي. سامية ببكاء: حور حبيبة ماما، كده متجيش تشوفيني. حور ببكاء هي الأخرى: آسفة والله يا ماما، بجد كنت مشغولة، بس خلاص هفضل معاكي. سامية بفرحة وسط دموعها: ليه اتطلقتي منه صح؟ وهتبقي معايا على طول مش كده؟

حور وهي تحضنها: لأ يا حبيبتي، متطلقتش، بس جينا هنا مصر، والفترة اللي هنقعدها هنا هاجي أزورك كل يوم، بس إزاي تفضلي كده لحد أما يغمى عليكي؟ سامية: وسّي فهد بقى هيرضى إنك تيجي هنا؟ حور: ليه يا ماما؟ ده حتى طيب والله وكويس معايا، ولما قولتله إني عاوزة أجي هنا وافق. سامية بتريقة: لأ، أنتي اللي طيبة. بقولك إيه، مليش دعوة لجوزك ده، ولا هو له دعوة بيا. وكملت بفرحة: المهم إنك جيتي، يلا بقى خلينا نقوم نعمل الأكل سوا.

حور بقلق: ماما، أنا المفروض متتأخرش، يعني نص ساعة كمان. سامية بحزن: كده يا حور؟ يعني هتمشي؟ طيب روحي علشان متتأخريش. حور بسرعة: لأ خلاص يا ماما، هفضل معاكي هنا لحد ما تزهقي مني كمان، وبعدين أنا جعانة وإنتي لازم تطبخي، فيلا يا مامتي. سامية: يلا يا بنتي يا حبيبتي. *** فهد بغضب: اتأخرت ليه يعني؟ مش فاهم كل ده بتزوريها؟ فاطمة: أهدي يا بني، دي أمها. فهد: جلابة مصايب، أمها جلابة مصايب.

فاطمة بضحك: طيب لما تيجي أبقى قوليلها كده وشوفي هتعمل فيك إيه. فهد: هرن عليها، أكيد عملت فيها حاجة. فاطمة: أنت عبيط يالا؟ دي بنتها، بنتها! فهد تجاهلها ورن على حور. فهد بقلق: ردي بقى يا حور. عند حور. حور: ماما اسلقي المكرونة على ما أجي. سامية: طيب. حور: ألو، أيوة يا فهد. فهد: إيه؟ أمال لو كنت مش قايلك متتأخريش، كنتي هتباتي؟ حور: صوتك يا رخم، وبعدين أنا فعلاً هبات. فهد: نعم يا روح أمك، يعني إيه هتباتي؟

أنا أقفل ألاقيِك في وشي. حور: فهد، ماما تعبانة، هبات معاها يومين ولا حاجة. فهد بغضب: يومين مين والناس نايمين يا عمر، سمعيني تاني كده، ماليش دعوة تعبانة ولا لأ. حور بغضب: فهد، دي أمي وأنا ما أهملالها، وأنا مليش غيرها بعد ربنا، ومش جاية وهبات عندها لحد ما تبقى كويسة، تمام؟ فهد: حور، متزعلينيش منك، تعالي. حور: أزعل ولا أتفلق، سلام بقى. وقفت السكة في وشه. فهد: ماشي يا حور، إن ما وريتك. ***

الجد: خد مراتك يا ولدي أنت وهو، وفرجوهم على مصر. سليم: نتفرج مين؟ إحنا في الصباحية، معلش. الجد: قوم يا وسخ، ودي مراتك تشوف مصر، طالما الذوق مش عاجبك. سليم: قدامي يا أختي، قدامي. هي جوازة منقود فيها من الأول. صفاء بضحك: طيب بالراحة الله. إبراهيم: يلا يا جميلة. جميلة: حاضر. *** عند إبراهيم. إبراهيم: أشغلك إيه؟ جميلة: ........

جميلة في نفسها: مينفعش اللي أنا فيه ده، جوزي، وبعدين هو بيحبني. بصي يا جميلة، اديله فرصة عشان تحبيه، عشان أكيد يعني مش هتبقى مطلقة، صح؟ إبراهيم: يا بنتي. جميلة: هاه، في إيه؟ إبراهيم: لأ، أبداً، أشغلك إيه؟ تسمعيه؟ جميلة: سيبني أنا أختار. قعدت تلعب شوية. جميلة بانسجام وصوت عالي: سابت في قلبي جراح، عليها العمر راح، من امتى أنا هرتاح؟ ده أنا شفت معاها قسية. إبراهيم: إيه القرف ده؟ جميلة: قرف ده الشاعر حسن شاكوش.

إبراهيم: شاكوش ولا مسمار؟ هههههههه. جميلة: رخيم على فكرة. إبراهيم بتأثر: أنا رخيم؟ ماشي يا بنت عمي، يا مراتي، يا غالية، متشكر، تيجي منك إنتِ طيب؟ سبتي إيه للغريب؟ جميلة: تمثيلك ماسخ جوي، معرفش إيه ده. إبراهيم: جوي؟ جوي يعني؟ جميلة بضحك: الصراحة، آه. فضلوا طول الطريق يضحكوا. *** عند سليم. سليم بغيظ: عارفة لو مقفلتيش البارد اللي بتسمعيه ده، هموتك. صفاء: متقولش عليه بارد، ده عمورة. سليم: البت نص لبة بتقول عمورة وتغيظني؟

ماشي، ماشي. صفاء: النص لبة دي مراتك على فكرة. سليم بقهرة: مراتي مين يا حسرة؟ يا ناس، في واحد يفسح مراته يوم الصباحية؟ آه منك يا جدي. *** حور: كلي بقى. سامية: تعبت أنا، خلصت تلات أطباق لوحدي. حور: وده الرابع، يلا يا ماما بقى علشان خاطري. سامية: طيب، كلي إنتِ، معندش قادرة. حور: خلاص، ماشي، قومي بقى عشان تاخدي الدوا وتنامي شوية. سامية ببسمة: حاضر يا روحي.

بالفعل أخدت الدوا ونامت، وحور نضفت الشقة وجهزت كل حاجة، وبتطلع الزبالة برة. فجأة لقت إيد بتشدها. الشقة اللي قدامهم. حور بخضة: يخربيتك، بتعمل إيه هنا؟ *** سليم: المحل أهو، اختاروا بقى. صفاء: ده حريمي. سليم: سوري، نسيت إنك راجل. إنتي عبيطة؟ هجيبلك من رياض الأطفال مثلاً؟ صفاء: مجصديش أكده يا رخم، أجصد إنكم متدخلوش معانا. سليم: وده ليه إن شاء الله؟ صفاء: هو أكده بجى ولا مش عاجبك؟

إبراهيم: خلاص، سيبهم براحتهم. جميلة، أنا هنا لو احتجتي حاجة، ماشي؟ جميلة: حاضر يا إبراهيم. سليم: يا حنين، تعالي نستناهم في الكافيتيريا. الشباب قعدوا في الكافيتيريا، وفون إبراهيم رن. إبراهيم: أيوة يا جميلة. جميلة ببكاء: الحقني يا إبراهيم. إبراهيم: في إيه يا حبيبتي؟ بتعيطي ليه؟ جميلة: أنا توهت ومش عارفة أنا فين. إبراهيم: طيب، طيب، أهدي. إنتي عندك محلات إيه أو حاجة؟ وأنا أجيلك. جميلة: أنا قدام محل .......

إبراهيم: طيب، اقفي عندك، وأنا جاي على طول. اطلع لمراتك المحل لتتوه هي كمان. إبراهيم راح لها وشاف 😲😳😲😳. *** فهد: إيه؟ مكنتيش عاملة حسابك إني جاي؟ أزعل ولا أتفلق. حور: إنت بتعمل إيه هنا يا فهد؟ فهد وهو يحتضنها: وحشتيني. حور بدون وعي: إنت كمان وحشتني أوي. فهد: "لا أدري ماذا تفعلين بي، سوى أنني عندما أراك أحبك أكثر رغماً عني." حور: أنا مبقدرش أرد على الكلام ده على فكرة. فهد: مش عاوزك تردي، كفاية إني أشوفك بس.

حور: شقة مين دي؟ شقتك صح؟ فهد: مقر مراقبتي ليكي. حور: بجد؟ إنت كنت في وشنا بقى؟ فهد: طبعاً. المهم، والدتك عاملة إيه؟ حور: خدت الدوا ونامت. سيبك، المهم أكلت؟ فهد: لأ، مقدرتش آكل من غيرك، وجبت لنا أكل، يلا. قعدوا ياكلوا، وحور اتفقت معاه كل أما أمها تنام هتيجي تقعد معاه شوية. حور: فهد، ماما زمانها صحت، هروح بقى، ماشي؟ فهد: طيب، بس هستناكي، ماشي؟ حور: ماشي. فهد باسها برومانسية، بوسة رقيقة: متتأخريش بقى. حور بكسوف: حاضر.

*** إبراهيم راح وشاف واحد بيحاول يمسك إيديها، وهي ساكتة وبتحاول تبعد عنه. نزل فيه ضرب، وبعدين راح لها. إبراهيم: هش، هش، أهدى، خلاص. إيه اللي حصل؟ أنا مش سايبك. مع صفاء. جميلة: صفاء دخلت تقيس، وأنا معجبنيش حاجة، فطلعت أشوف حاجة في محل تاني، فجأة لقيت ده ماشي ورايا لحد أما لقيت نفسي هنا. رنيت عليك وإنت جيت. إبراهيم: خلاص، أنا غلطان إني سبتك أصلاً. يلا. *** بعد يومين من وجود فهد وحور في بيت أمها.

سامية: يعني لازم تمشي النهاردة؟ خليكي معايا كمان شوية. حور: أنا مش خطيرة، هاجيلك والله، بس أنا سايبة بيتي بقى وجوزي. سامية: طيب، بس تيجي كل يوم. حور: عينيا. يلا ادعيلي. ونزلت لفهد في العربية، وطلع بيها بصمت. حور: استنى، استنى يا فهد. فهد: في إيه؟ حور: جعانة، انزل نجيب حاجة. فهد: طفاسة، لسه مشوفتش زيها. حور: انزل وبلاش برطمة، يلا. نزلوا. "إيه ده! حور؟ إزيك؟ حور: نورا، وحشتيني أوي.

نورا: يا بكاشة، لو كنت وحشتيني مكنتيش اختفيتي. المهم، مين المز ده؟ حور: اتلمي يا واطية، أعرفك دكتور فهد، جوزي. فهد، نورا صحبتي، وآدم زميلنا برده. فهد: أهلاً وسهلاً، اتشرفت بمعرفتكم. آدم: إيه ده؟ اتجوزتي؟ بصراحة حضرتك محظوظ يا أستاذ فهد. فهد ضغط على خصر حور بغيرة: طبعاً محظوظ. آدم: بجد، حور دي كانت أحسن واحدة في الكلية كلها. فهد بغضب: أمم، عارف، حور أحسن واحدة في كل حاجة.

آدم: معاك حق، كفاية إنها كانت أحسن واحدة بتعرف ترقص. حور وفهد: 😲😳😲.