رواية عشقتها منذ طفولتها الفصل الثالث عشر 13 - بقلم حبيبه سليم

ادهم بدموع ورجاء: أرجوكي ياعشق اسمعيني. عشق بدموع وعصبية: مش عاوزة أسمعك، اخرج بره لو سمحت. ادهم اتجاهل كلامها وطلع تليفونه وسمعها التسجيل اللي سهى اعترفت فيه إن الصور متفبركة. عشق بدأت تسمع كل ده ومصدومة، حست إنها مخنوقة أوي. هي معقولة لدرجة دي شاكة في أدهم؟ صدقت شوية صور متفبركة وكذبت قلبها اللي كان بيقولها مستحيل أدهم عمره ما يعمل كده. ادهم خلص التسجيل ورمى تليفونه وقالها بدموع: دلوقتي صدقتي إني متخنتكيش؟

عشق بصتله بدموع وقالت في نفسها: هو خلاص مش هيسامحني؟ أنا ضربته في قلبه لما شكيت فيه. خلاص إيه لازمة إنه عاوزني أسامحه؟ هو هيزعل مني. أنا كنت بتوجع قبله وهتوجع أكتر لما يبعد... ادهم خاف عليها ومن سكوته، قام قعد على السرير وخدها في حضنه. وهي مصدقتش إنه حضنها، كان وحشها حضنه أوي. اتمسكت بيه وبدأت في العياط بهستيريا. ادهم اتخض من عياطها، ده المفروض تفرح مش تعيط. قالها بخوف: اهدي يحبيبتي بتعيطي ليه؟ عشق ببكاء

شديد وطفولي وصوت متقطع: علشان..... ا ااانننت ززعلان... مني. ادهم بحنية مفرطة: مين قالك إني زعلان منك؟ عشق ببكاء ومش عارفة تتكلم: ع ع ععش عشاان انن انا.... ادهم بحنية: طب اهدي بس الأول وبعدين اتكلمي. فضل يمسح على شعرها بحنية لحد ما هدت. ادهم بحنية: بقيتي أحسن. عشق بدموع بصتله في عينه وقالت بدموع على وشك البكاء تاني: هو انت زعلان مني؟ ادهم بحب: وهزعل منك ليه؟ عشق بدموع وحزن بصت تحتها وقالت:

عشان أنا شكيت فيك واكيد انت زعلان مني عشان أنا موثقتش فيك. ادهم بحب حط إيده تحت دقنها ورفع وشها ليه وقالها بعشق واشتياق: متوطيش راسك لأي حد حتى ولا أنا. ويستي أنا زعلت منك عشان مصدقتنيش. عشق بدموع حضنته وقالت: أنا آسفة، آسفة بجد إني شكيت فيك وكذبت قلبي. بس والله لما شفت الصور اتجننت وقولت الكلام ده من ورا قلبي. أنا كنت بتوجع قبلك لما شفتك بتعيط. أنا آسفة بجد يانور عيني والنبي سامحني. ادهم بحب:

رغم إني كنت هزعل منك شوية وعاقبك، بس بعد العياط اللي انتي عيطيه وتأسفك لي مش هقدر أزعل منك أبدا. عشق بدأت بالعياط من كلام أدهم إنه سامحها بالسهولة دي. ادهم بعدها عنه وقالها بخوف: مالك بتعيطي تاني ليه؟ عشق ببكاء: عشان أنا مستاهلش حبك ده. أنا شكيت فيك وسمحت إن سهى تفرقنا. واكيد دلوقتي انت ندمت على إنك حبيبتني. ادهم بحب:

أنا عمري ما هندم على حبي ليكي عشان انتي أحلى حاجة حصلتلي في حياتي. وسهى دي خلاص مش هتعرف تقربلنا تاني. عشق بدموع وطفولة محببة لقلبه: يعني انت مش زعلان مني؟ ادهم: لأ مش زعلان. وبعدها مسح دموعها وباس عينها وقال بحب: العيون اللي بتنزل لؤلؤ دي اتخلقت عشان تفرح مش عشان تعيط. وأوعدك إني مش هخلي دمعة واحدة تنزل منها. عشق بحب حضنته وقالت: ربنا يخليك ليا. ادهم ضمها ليه جامد وقال: ويخليكي ليا يا قلبي. وبعدها قالها بخبث:

يلا عشان تنفذي العقاب. عشق بعدت بصدمة وقالت: مش انت قولت إنك مش زعلان مني؟ ادهم بخبث: مش معنى إني مش زعلان يبقى مش هعاقبك. عشق برجاء: والنبي متعاقبني، مش هقدر على بعدك. ادهم: هو انتي سمعتي العقاب الأول؟ عشق بدموع: لأ بس أكيد هتبعد عني ومش هتخليني أشوفك. ادهم بخبث: مش ده العقاب. أحلى بكتير. عشق بدموع: هتبعدني عن حضنك؟ ادهم بخبث: ياعشق ولا حاجة من دول. اسمعي بس. عشق بحزن: قول. ادهم حط إيده على خدها وقال بخبث:

بوسيني من هنا. عشق بصدمة وخجل: آه ياقليل الأدب، لأ طبعاً. ادهم ربع إيده وقال: خلاص يبقى العقاب اللي انتي قولتي عليه هيتنفذ. عشق بحزن: خلاص بقا والنبي. ادهم بعند: لأ، نفذي عقابي الأول. عشق بصتله بغيظ وهي مدلها خدها. وهي قربت عشان تبوسه. لكن هو لف وشه بسرعة وباسها من شفايفها بعشق واشتياق. وعشق تجاوبت معاه. وبعد لما حس بحاجتها للهواء. عشق بخجل ضربته على كتفه براحة: انت قليل الأدب. ادهم حضنها بعشق وقالها بمشاكسة:

هو انتي لسه شفتي قلة أدب؟ عشق دفنت وشها في صدره بخجل وهو قالها: تعرفي يعشق أنا أول مرة عيطت من بعد لما سافرتي. عشق بصدمة: هو انت عيط بجد؟ ادهم: آه. أصل لما انتي طلبتي الطلاق حسيت إن قلبي اتكسر ميت حتة ودماغي وقفت. عشق بعدت وباساته من خده وقالت بطفولة: أوعدك يابابتي إني مش هزعلك تاني. ادهم بحب: أنا أوعدك إني عمري ما هزعل منك. وبعدها قالها: إيه رأيك نروح نتعشى في مطعم وبعدها نروح الملاهي؟ عشق بفرحة: بس بشرط. ادهم:

اشرطي براحتك. عشق بطفولة: تجبلي آيس كريم بشيكولاتة. ادهم بحب: حاضر. يلا بقا هسيبك تلبسي. عشق قامت: ثواني وهخلص. ادهم مشي وسابها. طلع شاف رنا بتتصنت عليهم. ادهم بشك: سمعتي كل حاجة صح؟ رنا بحرج: بصراحة آه. بس انت إزاي جبت التسجيل ده؟ ادهم قص عليها ما حدث. رنا بصدمة: ده انت عصبيتك يبني مخيفة خالص. ادهم بضحك: فعلاً. وبعدها اتكلم بجدية: مش هتنسي بقا اللي حصل؟ رنا باستغراب: إيه اللي حصل؟ ادهم: اللي حصل بينك وبين فهد.

رنا بحزن: فهد حكالك؟ ادهم بجدية: أيوه حكالي. وانتي ليه رفضتيه؟ مش هتنسي بقا اللي حصل؟ رنا بحزن: مش هقدر. لو قولته إني بحبه ممكن يغدر بيا. ادهم بجدية: مادام انتي بتحبيه ليه رفضتي؟ واحب أقولك إن فهد مستحيل يعمل كده. فهد بيعشقك مش بس بيحبك. ومش هتلاقي حد يحبك قده. ومش سابها راح شقته يلبس. رنا زعلت ومشيت تفكر في كلام أدهم. بعد نص ساعة بيكون أدهم واقف وساند على العربية مستني عشق. ولابس قميص أبيض وبنطلون أسود.

جت عليه اللي أسرت قلبه واتصدم من جمالها. فهي كانت لابسة دريس بلون السماوي وعليه طرحة بيضة وحطت ملمع شفايف. وكانت كأنها ملاك من السما. ادهم قرب منها وقال بعشق: هو انتي كده إزاي؟ عشق بمرح: زي السكر في الشاي. 😂 ادهم بعبوس: بوظتي اللحظة ياشيخة. عشق: طب يلا بينا بقا. ادهم مسك إيدها ومشي. ركبوا العربية وراحوا الملاهي وفضلوا يلعبوا كل اللعب. وادهم كان فرحان جداً. أول مرة يبقى فرحان كده بعد 10 سنين.

وبعدها قعدوا شوية يستريحوا. وهو راح يجيب لها آيس كريم. ادهم: اتفضلي أهو. أحلى آيس كريم لأحلى بنوتة. عشق بحب: شكراً يابابتي. ادهم: العفو ياقلب بابتك. عشق: ادهم هي سهى دي هتعمل حاجة تاني؟ ادهم شدها لحضنه وقال: نفسي كده تعمل حاجة وأنا أنهي حياتها. عشق: بحبك أوي. ادهم بضحك: أقسم بالله لو فضلت تقولي بحبك كل شوية مش هستحمل. في اسكت أحسن يبنت الحلال. وقعدوا يأكلوا في وسط مغازلة أدهم لعشق. خلصوا وروحوا. وبعدها أدهم قالها:

انتي هتنامي معايا في الشقة وعلى سريري وف حضني. عشق بخجل: هاا؟ لأ بعد لما نعمل فرح. ادهم شدها ودخلها وقالها: أنا مقدرش أنام وانتي بعيدة عني. عشق: طب تعال أنت نام معايا في الشقة. ادهم: مش مهم الشقة. المهم تنام في حضني. وراحوا شقتها. وهي دخلت تغير ولبست بيجامة. وهو كان قاعد في الأوضة مستنيها تدخل. عشق كانت مكسوفة تطلع قدامه بملابس البيت. بس أقنعت نفسها إنه جوزها وعادي بيشوفها. دخلت بخجل وراحت قعدت قدامه.

ادهم شدها وخدها في حضنه. ودفن وجه في عنقها ونام. وهي حست بالأمان ونامت. 🌹🌹🌹🌹🌹🌹🌹🌹 عند مراد كان داخل ينام بس حاسس بوجع في بطنه. دخل بسرعة الحمام وطلع كل اللي في بطنه. وطلع وعلى وشه ملامح التعب. بيدخل عليه صاحبه واسمه مروان. مروان بخوف: مالك يامراد؟ مراد بوجع: مفيش. بطني... مكملش كلامه ودخل جري تاني على الحمام. مروان راح وراه وقاله بخوف: مفيش إيه بس دا انت تعبان. مراد بتعب: يعم دا شوية برد وهيروح. مروان بخوف:

برد إيه بس؟ انت هتروح بكرة عند دكتور. مراد بتعب: مش مستاهل. مروان بعصبية: ياعم مش مستاهلة إيه؟ انت تعبان خالص. ومترفضش. هتروح يعني هتروح. مراد بتعب: حاضر. أنا رايح أنام. مروان ساعده يروح السرير ونيمه وغطاه ومشي. وراح هو كمان نام. SSSTTOOOPP نتعرف على صاحب مراد.

مروان الفيومي. شخص لطيف جداً. عيونه رمادي وشعره أسود وبشرته بيضة وعنده غمازة. أهله متوفين. واتعرف على مراد وعشق لما جم هنا واشتغل مع مراد وبقى بيعتبره أخوه. شخص بيحب الهزار جداً. وزيه زي فهد. نتعرف بالمرة على والدته رنا. زينب. ست طيبة جداً. بتحب الخير للجميع. وبتحب بناتها جداً. زوجها مات من 5 سنين وهي عاشت لوحدها مع ابنتيها رنا وأختها التوأم هنا. عينها عسلي وشعرها بني يغطيه حجابها الجميل. 🌹🌹🌹🌹🌹🌹

بيجي الصبح على أبطالنا. عند رنا بتصحي وتاخد دش وبتلبس. وعزمت على إنها تتكلم مع فهد في موضوعها. طلعت لقت والدتها بتفطر. رنا: صباح النور. زينب: صباح الورد. رنا بمرح: مالك صحيا مروقة كدا ليه؟ زينب: بقولك إيه يارنا؟ قولي لعشق وأدهم يجوا يتعشوا معانا. أصل عشق واحشتني ومشفتهاش خالص. رنا: حاضر يا أمي. وقعدت تفطر. وبعدها راحت الجامعة تستنى أدهم وعشق وفهد. عند فهد بيصحي وبياخد دش وبيلبس تيشرت أسود وبينطلون أسود

(أصل هو بقى زعلان وكأبان عشان رنا رفضته) . وراح ركب عربيته وراح الجامعة. لقى رنا بس اللي قاعدة. قعد جمبها من غير ما يتكلم. ورنا اتضايقت جداً وقالتله: فهد. فهد ببرود: أفندم. رنا بحزن: انت بتتكلم كدا ليه؟ فهد بجمود: بتكلم إزاي؟ رنا بحزن: اتكلم عادي يافهد. هزار واضحك. فهد ببرود ودموع: قوليلي أهزر ليه؟ أهزر معاكي ليه؟ وهو انتي بتعتبريني إيه؟ رنا بحزن: بعتبرك حبيبي وجوزي المستقبلي. فهد ببرود: ب...

وبعدها استوعب هي قالت إيه. قالها بصدمة: هو انتي قولتي إيه؟ رنا بحزن وبصت للارض: قولت إني بعتبرك حبيبي وجوزي المستقبلي. فهد بصدمة حضنها جامد أوي وسط صدمتها من فعله. فهد بدموع: أخيراً حسيتي بيا ياشيخة. دا أنا قربت أعنس. رنا بحزن: يعني انت مش هتغدر بيا لو وثقت فيك؟ فهد بعد وقالها: عمري ما أغدر بيكي. انتي حياتي كلها. رنا بدموع: أنا آسفة إني زعلتك. بس كان غصب عني. خوفت أقولك إني كمان بحبك تستغل حبي وبعدها تخدعني. فهد مسح

دموعها بحنية وقالها بحب: عمري ما أعمل كده. أموت ولا أعمل كدا. رنا بسرعة: بعد الشر عليك. متجبش سيرة الموت تاني. فهد بحب: حاضر ياروحي. رنا بخجل: احم. روحي دي بتتقل بعد الخطوبة. فهد بسرعة: طب نروح واخطبك؟ رنا بدهشة: بسرعة دي؟ فهد: أنا أصلاً طلبت إيدك من والدتك يوم ما اعترفت بحبي. وهي قالتلي إنها موافقة. بس رأيك الأول. وانتي أهو موافقة. يبقى نروح نخطب. وبعد لما نتخرج نتجوز. رنا بصدمة: انت عملت كل ده؟ فهد بغمزة:

عشان بحبك. رنا بتوهان: وأنا كمان. فهد كان هيقرب يبوسها. بس هي فاقت وبعدت بسرعة وودت وشها الناحية التانية. فهد ضحك عليها. عند العاشقان. عشق بتصحي الأول وبتفضل تبص لأدهم. وباسته من خده وبعدت. لقتو بيبصلها بحب. عشق بخجل: انت صاحي؟ ادهم بخبث: كنتي بتعملي إيه؟ عشق بخجل: ها. كان في دبانة وأنا كنت ببعدها عشان متصحاش. ادهم بخبث: دبانة أه. ماشى. عشق قامت وقالت: خمس دقايق وهلبس عشان منتأخرش على الجامعة. ادهم بحب:

انتي تؤمري وأنا أنفذ. عشق مشيت الأوضة التانية تغير فيها. ادهم لبس وخلص وطلع يستناها بره. دقايق وطلعت وهي لابسة فستان أحلى من بتاع امبارح. كان لونه بنفسجي وحزام أسود وطرحة سودة. ادهم بذهول: هو انتي ناويه تتدهشيني بجمالك لحد إمتى؟ عشق بمشاكسة: لحد الآخرة. ادهم بعبوس: هو انتي كل مرة تبوظي أم اللحظة؟ عشق بمرح: فك كده يابابتي خلينا نروح هنتأخر. ادهم: يلا ياآخرة صبري.

ومشوا ووصلوا الجامعة وراحوا قعدوا مع رنا وفهد. لاحظوا إن رنا مكسوفة شوية. ادهم: احم. مالك يارنا؟ رنا بخجل: مامليش. بتسأل ليه؟ ادهم: حاسك كده مكسوفة. فهد: مكسوفة عشان هنتخطب. ادهم بصدمة: ايه؟ هتتخطبوا؟ فهد: أيوه. وعاوزين بقا إيه بعد الجامعة نروح نتقدم؟ ادهم بصدمة: استنى استنى استنى. إزاي وفين وامتى؟ رنا بضحك: يعني دا اتصدم. عشق بمرح: انتوا بقا اعترفتوا لبعض امتى؟ فهد: اعترفنا أول ما جينا هنا. ادهم بصدمة:

استنوا ياجماعة. رنا هو انتي خلاص اتخطيتي الأمر؟ رنا: أيوه. أنا مش هوقف حياتي عشان واحدة ميستاهلنيش. ادهم بفرحة: مبروك بجد. انت مش عارف أنا فرحان قد إيه. وكان هيحضنها بس فهد مسكه من ناحية وعشق من ناحية 😂 عشق وفهد بغيرة: هتعمل إيه؟ ادهم: إيه؟ هحضنها. وهي على فكرة أختي في الرضاعة. فاسكتوا. عشق وفهد بغيرة: منسمحلكشي بردو. ادهم شال إيدهم وقال: خلاص وسعوا إيديكم. شالوا إيدهم ورنا قالت:

صحيح ماما بتقولي إنها عازماك يا ادهم انت وعشق عشان عاوزة تشوف عشق. ادهم: هنروح طبعاً. وبالمرة نتقدم. فهد بعبوس: هي أمك نسيت جوز بنتها وعزمت الأغراب؟ ادهم بهزار: إحنا مش أغراب. إحنا صحاب بنتها وصحاب جوز بنتها. فهد فجأة سكت مرة واحدة وبص لأدهم وعشق بصدمة وقال: هو انتوا اتصالحته؟ وايه اللي حصل؟ مش انت يادهم كنت بتعيط امبارح؟ إيه اللي حصل؟ ادهم: هو انت لسه واخد بالك؟ فهد:

آه بجد فرحتي نسيتني الموضوع خالص. احكيلي بقا إيه اللي حصل. ادهم قص عليه كل حاجة. فهد بصدمة: يابن الجامدة انت. مرمط البت في الشارع. عشق: انت عملت كل ده؟ ادهم بهدوء: آه. وانسوا بقا الموضوع ده خالص. رنا بمرح: على فكرة الموضوع جاب نتيجة. عشان أنا مشوفتش سهى خالص. ادهم: أحسن حاجة. فهد: طب يلا عشان المحاضرة هتبتدي. الكل: يلا. ودخلوا المحاضرة وخلصوا. ادهم: روحي ياعشق مع رنا عندها. وحنا هنحصلك. عشق: حاضر. وراحت مع رنا بيتها.

ادهم: يلا يامعلم نروح نشتري الدبل. فهد: مش المفروض نشتري مع بعض؟ ادهم: آه. بس انت هتشتري خاتم بس. وبعدها تشتري الدبل مع بعض. فهد: تمام. وراحوا واشترى فهد خاتم رقيق لرنا. وشاف ادهم وهو بينقي خاتم دبله. فهد: إيه يعم بتدور على إيه؟ ناوي تتجوز تاني ولا إيه؟ ادهم: أتجوز تاني إيه يعم؟ أنا هشتري دول عشان معملناش خطوبة وعشان كل الناس تعرف إنها متجوزة. فهد: يعم الرومانسي.

ادهم بص له بغضب واشترى دبله رقيقة لعشق واشتراله هو كمان واحدة. وراحوا اشتروا كيكة. وبعدها اتجهوا على بيت رنا. 🌹🌹🌹🌹🌹🌹🌹🌹 عند زينب بتسمع دقات على الباب. بتروح تفتح بتفاجأه بوجود رنا وبنت جميلة جداً. زينب مدت إيدها لعشق: أهلاً يا بنتي. عشق: أهلاً يا طنط. زينب: ... دي يامي عشق. ودي ياعشق أمي. زينب بصدمة وفرح: عشق حبيبتي. وخدتها في حضنها وفضلت تبكي. عشق طبطبت عليها. وبعدها بعدت وقالت: وحشتيني يطنط زينب. زينب بصدمة:

هو انتي افتكرتي؟ عشق: لأ. بس أدهم حكالي كل حاجة. زينب: آه. طب اتفضلوا يا حبايبي. عشق: طب إحنا هناخد العروسة تجهز على ما العريس يوصل. زينب: هو فهد حكالك؟ رنا: آه يامي. وأنا موافقة. زينب بفرحة وبدموع: مبروك يحبيبتي. عشت وشوفتك عروسة. رنا بدموع حضنتها: الله يبارك فيكي يا أمي. وربنا يطول من عمرك. زينب: ادخلي بقا اجهزي على ما هما يجوا. رنا: حاضر. وخدت عشق ودخلت الأوضة. عند مراد بيصحي وبيروح الشركة وبيخلص كل شغله.

مروان بيدخل عليه بيقوله: يلا يعم نروح للدكتور. مراد: انت لسه مصر؟ أنا والله كويس. مروان بجدية: حتى لو بردو هنروح. مراد بيأس: عنيد انت خالص. مروان: جداً. بيروح المستشفى. والدكتور بيكشف على مراد بيقوله: استنى ساعتين والتحاليل هتطلع. مراد: حاضر. بيطلع لمروان اللي قاعد قلقان. مروان بقلق: انت كويس؟ الدكتور قال إيه؟ مراد: انت قلقان كده ليه؟ وقال التحاليل هتطلع بعد ساعتين. مروان: طيب. وقعدوا. وعدوا ساعتين. وبعدها الدكتور

نده عليه وقاله بأسف: للأسف. إحنا اكتشفنا إن عندك...... مراد بصدمة ودموع: إيه؟ يتبع........ رواية عشقتها منذ طفولتها البارت الثالث عشر للكاتبه/الجميلة ايه رأيكم في البارت؟ وهتستغربوا فين سهى؟ هي بتخطط تنتقم إزاي منهم؟ وانتقامها هيكون البارت الجاي؟ وعاوزة تخمينتكو مراد هيكون عنده إيه؟ وأنا عارفه إني بتأخر عليكوا. بس والله غصب عني. ويلا سلاموز💜