رواية عشقتك أيتها المتمرده الفصل الثاني عشر 12 - بقلم منة رضا

النهار طلع و كان إسلام واقف بيستعد قدام المرايه عشان نازل الشركه. و حور كانت نازله علي تحت علشان تقعد مع اهلها شوية قبل ما يمشوا. لحظات و ريماس بتزعق: حاسبي! حور: صوتت. في أي؟ ريماس: بتضحك. صاروخ. حور: أنتي هبله يابنتي؟ صاروخ أي اللي في البيت. ريماس: كنت بهزر أنا و وليد و هو رمي الصاروخ و أنتي كنتي هتنزلي عليه. إسلام: في أي و أنتي بتصوتي لي؟ كان بيكلم حور.

حور: الغبيه ريماس والأستاذ أخوك بيلعبوا بالصواريخ في البيت و الصاروخ كان هيفرقع في رجلي. إسلام: نده بصوت عالي. وليد تعالي هنا. وليد: في أي بتزعق لي. إسلام: من أمتي و أحنا بنلعب بالصواريخ في البيت. وليد: مش هيحصل تاني. و سابه و مشي. إسلام: حسابك معايا بعدين. بص لحور. و أنتي مش كل شويه تصوتي. حور: بصتله بعتاب و سابته و نزلت. نزل إسلام عشان يروح الشركه. ريماس: نزلت تحت قعدت جمب حور. ممكن أفهم أنتي مدايقة لي؟

حور: أنتي مش شفتيش أتصرف معايا ازاي. ريماس: هو عمل كده من قلقه عليكي لما أنتي صوتي. حور: مش مهم بقا. أي رأيك نخرج سوا نجيب هدوم. ريماس: تمام. هروح البس و أنتي البسي و ننزل. حور: تمام. و طلعت حور تلبس. ندا: نازله بتجري علي السلم و شافت حور طالعه. حور: تيجي تنزلي معايا انا و ريماس. ندا: رايحين فين. حور: هنجيب هدوم. تعالي بدل الخنقة دي. ندا: تمام. هطلع البس و هاجي. شوية و البنات نزلت.

حور كانت لابسه درس أحمر نص كم لحد تحت الركبه بشويه و كوتش أبيض. ريماس كانت لابسه بنطلون جينز لونه أبيض و عليه توب موف و كوتش أبيض في خطوط موف و شنطه ظهر لونها أبيض. ندا كانت لابسه سلوبت جينز بكم و كوتش أبيض و شنطه بيضه. كانوا شبه عارضات الأزياء بالظبط. حور: ها يلا عشان منتأخرش. ندا: هو أنتي علي كده قولتي لإسلام. حور: لا و مش هقوله. يلا و بعدين أنا مش صغيرة.

مشيوا البنات بس ندا و ريماس كانوا قلقانين من إسلام لأن هو شخص عصبي جدا. *** عند إسلام في الشركه. عبد الرحمن: احنا دلوقتي نقدر نقول أن الشركه بقت عالميه بعد الصفقه دي. من نجاح لنجاح يا صاحبي. إسلام: مكنش مركز أوي في الكلام. يارب. عبد الرحمن خرج و ساب إسلام يشتغل. إسلام: كان مشغول جدا بالورق اللي قدامه و نسي حور. *** عند حور. ريماس: حور أي رأيك في الفستان ده. هيبقي حلو مش كده. حور: أيوه. تعالي ندخل و نجربه.

ندا: أنا كمان هاخد ده أجربه. البنات دخلوا المحل عشان يجربوا الهدوم. في الوقت اللي حور كانت واقفه في بره قدام البروفه حد سحبها. حور: بصتله بعدين قالت. أنت إزاي تمسك أيدي كده. و زقته لورا. خالد: انتي مش فكراني. حور: لأ طبعاً. هو أنا عمري شفتك. و سابته و كانت لسه هتمشي. خالد: مسكها تاني. استني عندك. أنا بكلمك. البنات خرجوا من البروفه و راحوا يشوفوا حور ملقوهاش. طلعوا يشوفوها بره.

ريماس: ندا بصي كده هو مين ده و واقف مع حور لي. ندا: معرفش. تعالي نشوف. راحوا البنات يشوفوا مين ده. ندا: حور يلا لو خلصتي عشان زمان إسلام وصل البيت و هنتبهدل. خالد: هو مين إسلام ده كمان. و كان بيزعق لحور و يشدها من إيديها. ريماس: إسلام جوزها. و بعدين أنت ماسكها كده لي. أبعد. حور: أنت تعرفني أصلاً. أوي إيدك دي.

خالد: مرضاش و فضل ماسك إيديها جامد. قال مش هسيبك و يلا معايا على البيت. و بعدين أكيد اللي قالته ده كذب. أنتي مش متجوزة. ريماس: أنت مجنون يا جدع أنت. دي أختي. و أنا بقولك إن هي متجوزة. خالد: بس اللي أعرفه أن حور بنت عمي إبراهيم معندهاش أخوات. و فضل يسحب حور وراه. ندا: رنت على إسلام و حكتله كل حاجة. إسلام: متسبوش حور و أنا 10 دقايق و أجي. خالد: قولت يلا معايا و بلاش تعصبيني. حور: ابعد عني أنت مين أصلاً.

خالد: مش عارفه أنا مين. أه مهو من حقك تعملي أكتر من كده. تلاقيقي ماشيه مع طوب الأرض. فين تربيه عمي إبراهيم. ريماس: ما تحترم نفسك يا جدع أنت و اتكلم عدل. أي ماشيه مع طوب الأرض دي. سيبها. خالد: أنتي مالك أنتي. أه صحيح متلاقيقي زيها. و سحب حور و ماشي بيها. لسه خالد هيمشي لقي بوكس في وشه. وقعه على الأرض. ماشي بمراتي على فين. أنت أتجننت. مين سمحلك تلمسها. و سحب حور ورا ضهره. خالد: مرات مين دي. تبقي مراتي أنا.

حور: بصتله. أنت متخلف ولا أي. خالد: دي الحقيقة يا هانم. إسلام: حقيقة أي يا ****. و نزل في ضرب. حور: بتعيط. خلاص سيبه. و إسلام ولا هنا. حور إسلام كفاية. و مسكت إيده. خلاص عشان خاطري. إسلام: حس بخوفها و قام حضنها و فضل يهدي فيها. يلا على العربية بتاعتي و مش عايز كلمة من حد فيكم. و أنا هبعت حد ياخد العربية دي. راحوا كلهم على العربية و كان إسلام متعصب جدا بسبب خالد لما مسك حور. *** عند العربية.

ركبت ريماس و ندا ورا. و لسه حور هتركب معاهم. إسلام: اركبي قدام. حور: كانت خايفة. بس أنا عايزة أركب ورا مع البنات. ندا: اتكلمت عشان هي عارفه إسلام لما حد بيعصي أوامره إيه اللي بيحصل. مفيش مكان هنا. اركبي قدام أحسن عشان منزنقش. حور: ركب قدام جمب إسلام و كانت خايفة أوي منه. إسلام: بص لندا و قال. حسابك معايا بعدين. و بص لحور. و أنتي عشان تخرجوا من غير إذني. ريماس: حاولت تلطف الجو. قالت. أمال أنا حسابي مع مين.

إسلام: أكيد مع أبوكي. و مسمعش صوت واحدة فيكم لحد ما نروح. ندا: بتتكلم بهمس. اسكتي الله يخرب بيتك. هتعصبيه أكتر. إسلام وصل بيهم و كل واحدة دخلت جري على الأوضة بتاعتها. حور: طلعت بسرعة و دخلت الحمام تاخد شور قبل ما يطلع إسلام. حور فضلت في الحمام أكتر من ساعة. قررت خلاص تطلع. و أول ما طلعت لقت إسلام قاعد على السرير و باصص ليها. إسلام: ممكن أعرف مين ده. حور: طبعا لو حلفت قدامك بأي حاجة مش هتصدق مش كده.

إسلام: حور أنا مش بهزر. مين ده. حور: و الله العظيم معرف أي حاجة عنه. أنا اتصدمت زيك و الله. إسلام: امال لي كان بيقول أنك مراته. حور: يابني والله معرف. أنت قصدك أي. أنا معرفش حاجة والله. أنا مراتك أنت مش هو. إسلام: قرب عليها و حضنها. أنا عارف أني الصبح دايقتك بس ده غصب عني من قلقي عليكي. حور: أنا كمان آسفة عشان خرجت من غير إذنك. إسلام: و أنا مش قابل أسفك. حور: أنت عايز إيه دلوقتي.

إسلام: قرب منها و حط إيده على خده و قال. بوسة بريئة هنا. حور: لا طبعاً. إسلام: خلاص هتفضلي في الأوضة و مش هتخرجي خالص. و سابها و مشي. حور: فكرت أن هو أكيد زعل. بعدين قالت. ما هو اللي قليل الأدب قال أبوسه قال. بعدين نزلت تحت تقعد مع البنات. نزلت حور و شافت عبد الرحمن و وليد و ريماس قاعدين تحت. حور: ممكن أقعد معاكم. ضحكوا كلهم. تعالي اقعدي. إسلام: دخل قعد معاهم هو كمان. و بدأوا يتكلموا بس هو كان بيتجنب يبص لحور.

عبد الرحمن: أي رايكم نشوف فيلم. الكل وافق و راحوا يحضروا فيلم. إسلام: تحبوا تشوفوا أي. حور: أنا عايزة فيلم. و لسه هتكمل. راح إسلام قايل. أي رايكوا نشوف رعب. الكل أكد على رأيه. كل اتنين قاعدين جنب بعض بيتفرجوا. شويه ضحك و شويه خوف. بعد شويه الباب خبط. دادة منال: راحت تفتح. البوليس: مش ده بيت إسلام الهواري. منال: أيوه. مين حضرتك. البوليس: مش مهم تعرفي. ممكن تناديه. دخلت منال ندهت إسلام. إسلام: خير حضرتك.

البوليس: أنت إسلام الهواري. إسلام: آه أنا. خير. البوليس: أنت مقبوض عليك. إسلام: لي. البوليس: عشان....