رواية عشقتك يا مكانيكية الفصل التاسع والعشرون 29 - بقلم شمس العمراوي

كانت كل من قمر وملك تجلسان في الحديقة. جاءت عليهما جنة وجوري. **جنة:** بتعملو ايه؟ **قمر:** بفرج ملك على التصاميم بتاعتي. **جوري:** وريني كدا ياملك. ممكن تعجبني حاجة منهم وأخليكي تعمليها لي. **ملك:** حبيبتي من عنيا. بس دي ملابس محجبات. **جنة:** والله بفكر إني أتحجب بس مترددة. **قمر:** بجد والله؟ أكيد هتبقي قمر في الحجاب. إيه رأيك تجربي تلبسي واحد دلوقتي؟

**جوري:** أنا عاوزة أجرب. حاولت مرة ألفه زي ما إنت بتلفيه معرفتش. **ملك:** لو اتحجبتوا أنا كمان هتحجب معاكم أهو. نشجع بعض. **قمر:** بجد؟ أنا مبسوطة جداً إنكم أخدتوا الخطوة دي. تعالوا معايا هجيب لكم حجاب من عندي وتشوفوا نفسكم بيه. أخذت قمر البنات وذهبوا إلى غرفتهما. دخل البنات إلى الغرفة وجلسوا على السرير. **جوري:** حلو الأوضة دي، أول مرة أجي هنا. **جنة:** أيوه وأنا كمان. بس شكلها نضيفة ومرتبة أوي.

**ملك:** رحيم أخويا بيعشق النضافة والترتيب، ومكنش بيحب حد يدخل غرفته. **جوري:** أومال مين بينضفها؟ **ملك:** هو اللي كان بينضفها قبل ما تيجي قمر. **قمر:** بقولكم إيه، بطلوا كلام وتعالوا شوفوا عاوزين أنهي طرحة من دول. ذهبت جنة وجوري وملك إلى الدولاب الذي يخص قمر. **جوري:** قمر، هو إنت متجوزة؟ **قمر:** عندك شك ولا إيه؟ **ملك:** يعني عليك يا رحيم. **قمر:** ليه ياختي؟ **جنة:** يابنتي فين يابت الهدوم اللي بتلبسيها لـ رحيم؟

كل اللي هنا بيجامات ميكي وتويتي وسبونش بوب. **جوري:** ياخربك! إنت بتقعدي مع رحيم ببيجامة ميكي دي؟ **قمر:** ملكوش دعوة، خدوا اللي أنتم عاوزينه وخلصوني. **ملك:** جوزك هيطفش منك. **جوري:** يابت ياقمر، إنت منشفها على الراجل كدا ليه؟ **قمر:** إنتوا عاوزين إيه مني؟ **جنة:** إنت مشترتيش حاجات من دي خالص؟ **قمر:** اشتريت. **جوري:** ورينا زوقك كده. ذهبت قمر إلى غرفة الملابس وأحضرت شنطة صفراء كبيرة ووضعتها على السرير.

فتحت جنة الشنطة ونظرت على اللانجريه وأطلقت صفير عالي وقالت: **جنة:** لا، زوقك رهيب فيهم. بصي أول ما رحيم يجي تلبسي واحد من دول. **قمر:** لا مش هعرف. **جوري:** إنت هبلة ياقمر؟ البسي ياحبيبتي، دا جوزك. **ملك:** والله لو رحيم دخل عليكي في يوم بضره متزعليش. **قمر:** رحيم ميعملش كدا. **جنة:** وإنت إيه عرفك يا ماما؟ الراجل لو ملاقكيش اللي هو عاوزه بيدور عليه برا. **قمر:** طيب أنا أعمل إيه؟ أخذت جنة الشنطة

ووضعتها عند الدولاب وقالت: **جنة:** بصي، بيجامة ميكي دي تتركن على جنب، وحطي القمصان دي وكل يوم تلبسيلك واحد. **جوري:** مع شوية برفان وميكاب خفيف. **ملك:** وشوية دلع وإن شاء الله هيقع على بوزه. **قمر:** ملك، هو إنت عندك كام سنة؟ **ملك:** داخلة في الستاشر سنة. **قمر:** أشك والله. حاسة إنك الكبيرة. يلا عشان تجربوا الحجاب. في المطعم، كان كل من بيترو وإدوارد وألبيرتو ورجل من رجال الزعيم يجلسون. جاء

إليهم النادل وقال بالعربي: **النادل:** طلبك يا فندم. **إدوارد:** ماذا قررتم أن تأكلون؟ **ألبيرتو:** حسناً، سوف آخذ... بدأ كل واحد في طلب طعام الذي يريده. أخذ النادل الطلب ورحل. نظر ألبيرتو إلى الطاولة التي أمامه، وجد امرأة أقل ما يقال عنها فاتنة. ظل ينظر إليها. كانت نور تجلس على الطاولة التي أمام طاولة إدوارد وباقي الرجال. جاء إليها مازن وجلس بجوارها وقال: **مازن:** اتظبطي وإنت قاعدة. أنا على أخري منكن.

**نور:** وأنا عملت إيه بس يا حبيبي؟ **مازن:** ماعملتيش حاجة غير إنك حلوة وبتحلوي كل يوم. وأنا كمان شوية هروح أموت الناس اللي بتبوصلك دي. **نور:** حبيبي ياميزو، اللي هيتحكم في غيرته شوية. **مازن:** أنا لو مش متحكم كان زماني موت ناس دلوقتي. وبعدين الفستان اللي إنت لبساه ده حلو أوي. **نور:** بجد والله عجبك؟ **مازن:** أيوه، معتش يتلبس تاني. **نور:** ليه طيب؟ **مازن:** مخليكي حلوة أوي وأنا بغير يا نوري. ابتسمت نور بخجل.

**مازن:** بقولك إيه، متضحكيش كدا. أنا أصلاً قاعد على نار. عند رحيم، دخل رحيم بيت بيترو وهو يرتدي ملابس عمال في المنزل، وكان يرتدي لحية وشعر مستعار تحسباً لأي كاميرا مخفية لم يعلم بها. وكان يوسف وسيف ينتظرونه في السيارة. يوجد أمامهم شاشة تعرض كل المنزل ويخبرون رحيم إن ظهر أحد أمامه. دخل رحيم إلى المكتب وأخذ يبحث عن الخزنة. وجدها خلف براوز لصورة حصان.

بدأ يكشف عليها لكي يفتحها، وبعد عشر دقائق فتحها ووجد الفلاشة. أخذها وقفل الخزنة وخرج من المنزل كما دخل وقابل سيف ويوسف وهم يبتسمون. تكلم يوسف في جهاز الاتصال وقال: **يوسف:** تمام. استمع كل من مازن وجاسر ونور إلى كلام يوسف. نظرت نور إلى طاولة بيترو ووجدتهم رحلوا. **نور:** ميزو حبيبي، يلّا نخرج.

ثم غمزت له، وقفت نور وذهبت من ناحية الطاولة. مدت يدها أخذت جهاز بحجم زر صغير من تحت الطاولة التي كان يجلس عليها إدوارد وألبيرتو وبيترو. خرجت وهي تضع يدها في ذراع مازن وهي تبتسم على كلامه. عندما خرجت وجدت ألبيرتو يقف أمام المطعم وينظر لها. **مازن:** طيب دا وقف هنا ليه؟ مش هيرتاح إلا أما أموته. **نور:** مش عارفة. جاء عليهم ألبيرتو وقال: **ألبيرتو:** هل لي أن أتعرف عليكي سيدتي؟ وهو يمد يده اتجاه نور.

نظرت نور إلى مازن وجدته متعصباً كثيراً. **مازن:** عفواً يا سيد، زوجتي لا تسلم على أحد. **ألبيرتو:** عفواً، أنا أعتذر لكني لا أفوت فرصة التعرف على الجميلات. هم مازن لكي يضرب ألبيرتو، لكن وقفت نور أمامه وقالت: **نور:** خلاص يامازن. ثم نظرت إلى ألبيرتو وقالت: **نور:** عذراً يا سيد، نريد الرحيل. ثم مسكت يد مازن ورحلت. نظر إليها ألبيرتو وهي تذهب وقال: **ألبيرتو:** ستكونين قريباً في منزلي يا فاتنة.

تقابل كل من جاسر وسيف ويوسف ورحيم ومازن ونور في مكتب كامل باشا. **كامل:** تمام يا رحيم، تقدر تمشي. خرج رحيم من المكتب وقال لزملائه. **رحيم:** أشوفكم بكرة، سلام. **سيف:** يوسف، جاسر، بابا وصل البيت، تقدر تيجي بكرة. **يوسف:** خلاص، ماشي، سلام. ذهب رحيم إلى شركته وبعث بعض الإيميلات. نظر إلى الوقت وجده تعدي الساعة السابعة مساءً. عند قمر، كانت قمر تجلس في غرفتها تفكر في كلام جنة وملك وجوري. فتحت الشنطة وأخرجت أحد القمصان.

ثم دخلت إلى غرفة تبديل الملابس ولبست القميص ونظرت إلى المرآة وقالت: **قمر:** هو أنا لو لبسته لـ رحيم هيعجبه؟ يالهوي، هو هيشوفني وأنا لابسة كدا؟ لا لا، أنا غيرت رأيي. جاءت لكي تغير القميص ووجدت الهاتف يرن. لبست روب فوق القميص وخرجت. **قمر:** الو... **أبوها:** وعليكم السلام ورحمة الله وبركاته. عامل إيه يا بابا؟ وحشتني. **قمر:** الحمد لله بخير.