رواية عشقتك ياصغيرتي الفصل الرابع عشر 14 - بقلم رنا سعيد

وفجأة تالا بتبص جمبيها شافت سكينة على طبق الفاكهة. فضلت باصة عليها بتركيز. قامت وقربت من السكينة وحطتها على شريان إيدها وغمضت عينها. فجأة الباب اتفتح عليها وكان شادي. فتح الباب واتصدم من المنظر. طلع يجري عليها وخد منها السكينة ورمها بعيد. شادي بخوف حقيقي خدها في حضنه. شادي بخوف وعصبية: انتي مجنونة؟ عايزة تموتي نفسك؟ عايزة تموتي كافرة عشان إيه؟ عشان الدنيا جاية عليكي شوية؟ تخسري آخرتك عشانه؟ تالا بوجع وصريخ ودموعها

نازلة منها غصب عنها: بس أنا تعبت يا شادي. تعبت بجد. الدنيا جاية عليا أوي يا شادي. من أول ما أمي لغاية النهاردة. وبعيط: تعرفي يا شادي أنا مفيش حد بيحبني. حتى بابا مش بيحبني. حتى انت يا شادي كلكم مش بتحبوني وجايين عليا أوي. كانت واحدة بس بتحبني في الحياة دي هي أمي. وراحت يا شادي. راحت تالا بهسترية:

أنا عارفة إنك مالكش ذنب في جوازاتنا دي. عارفة لو عليك عايز تطلقني من دلوقتي بس جدي متمسك بجوازتنا دي. معرفش ليه. هيستفيد إيه؟ معرفش. ده لو بينتقم مننا مش هيعمل فينا كده. وبعيط: بس تعرف على الأقل انت اتجوزت اللي بتحبها وهتعيش حياتك عادي. أومال أنا اللي اتظلمت في الحكاية دي؟ أنا اللي اتظلمت يا شادي. أنا اللي اتظلمت. حتى بابا جاي عليا يا شادي. وسكتت وفضلت تعيط. وشادي خدها في حضنه. شادي بوجع: طب ممكن تهدي عشان خاطري.

تالا وبتزيد في العياط. شادي بحنية وهدوء وبعيد عنها: تالا على فكرة انتي إنسانة جميلة وطيبة وتتحبي. وفي حواليكي ناس كتيرر بتحبك بس انتي اللي مش واخدة بالك. بجد تعرفي أقولك سر؟ انتي لو ظهرتي في حياتي قبل ما أحب ملك كنت عشقتك. عشقتك إيه بقى كنت ادمنتك. ده كفاية عينيكي اللي تدوخ دي. غمز ليها وعمل حركة بوشه. ضحكت تالا. ضحكت عليه بصوت كله أنوثة. شادي بضحكة: اللهم صلي على النبي. أنا كده أتهور بجد. فجأة الباب خبط عليهم.

شادي وراح فتح الباب وكانت ملك اللي على الباب. ملك: شادي تالا عاملة إيه؟ قولت أجي أطمن عليها. شادي وطلع برا وقفل الباب. شادي: تالا بخير. يلا روحي أوضتنا وأنا جاي وراكي. ملك: حاضر. شادي ودخل تاني الأوضة. تالا بابتسامة: يلا روح ليها. متنساش إنها ليلة دخلتها ومن حقها تفرح زيها زي أي بنت. شادي بابتسامة: ماشي. المهم أوعدني إنك متعمليش أي حاجة تأذيكي. تالا بابتسامة: وعد. في مكان آخر عند ملك.

ملك لبست قميص لونه أحمر بارز مفاتنها بشدة. حطت ميكب بكثرة على وشها وقعدت قصد المرايا بتسرح شعرها. أول ما الباب اتفتح جريت على شادي حضنته. وبعدت عنه وبوست شفايفه. ملك بابتسامة: وحشتني. شادي بابتسامة وبص عليها من فوق لتحت بضعف. شادي وقرب عليها وشدها من خصرها وباسها من شفايفها وهي بقت تتجاوب معاه. فضلوا كده كام دقيقة وبعدين شالها ورمها على السرير وبدأ يقلع قميصه وقرب عليها ونام فوقيها وفضل يبوس كل حتة في جسمها.

شادي وفجأة بعيد عنها وبقى بيمسح بإيده على وشه وشفايفه بغضب. وهي قامت قعدت على السرير وبصت عليه باستغراب من الحركة اللي عملها. شادي راح ناحية الكومودينو وخد إزازة المية وشرب منها وقعد على الكنبة. ملك باستغراب وراحت قعدت جمب شادي على الكنبة وبقت بتمشي إيدها على صدره بحركة إغراء. شادي فجأة بص عليها وعين جت في عينها. شادي وزق إيدها وقام من على الكنبة. شادي بعنف ووووووووووو.