رواية عشقتك ياصغيرتي الفصل الثالث عشر 13 - بقلم رنا سعيد

احمد بغضب: مين دي يا شادي؟ شادي أخذ نفسًا طويلًا ونظر إلى ملك بقوة: مراتي. الخبر وقع كالصاعقة على الجميع. عبدالرحمن بغضب: أنت بتقول إيه؟ إزاي وإمتى حصل كده؟ شادي بقوة: من النهاردة. احمد بغضب: اتجرأت واتجوزت من ورانا يا ابن عبدالرحمن؟ ليه؟ واحدة مش مليّة عينك؟ شادي بغضب وصوت عالٍ: ومنساش إن الوحدة دي اتجوزها غصب عني، وأنا بصراحة كده بحب ملك من أيام الجامعة ومقدرش أبعد بعيد عنها أكتر من كده.

كل ده داير وتالا فرحانة من جواها إن شادي عمل كده، عشان بكده جت لها الفرصة إنها تطلق منه. احمد بحزن: آخرتها بقيت بتعلي صوتك على جدك عشان واحدة يا شادي؟ شادي ساب إيد ملك وقرب منه، وجه يحب على إيده ودماغه، بس احمد بعد بغضب عنه.

شادي بندم: أنا آسف يا جدي، مكنش قصدي. سامحني، بس أنا حقيقي بحب ملك أوي ومقدرش أعيش من غيرها. والنهاردة كان جاي لها عريس، وأبوها حلف بطلاق على أمها إنها لو موافقتش تجوزه هيطلق أمها، فكان لازم أروح وأكتب كتب كتابي عليها وأجوزها عشان ما أضيعش مني. أنا عمري ما عصيت ليك طلب، قولت لي أجوز تالا بنت عمي، أجوزتها ومقولتلكش لأ، رغم إني مش بحبها وبحب غيرها، ووافقت عشانك عشان مزعلكش مني، فسامحني يا جدي، سامحني إني عملت كده من وراكم.

احمد بقوة: مش أنا اللي أسامحك، مراتك تالا هي اللي تسامحك على عملتك السودة دي، ولو سامحتك اعتبر أنا كمان سامحتك. تالا وبتدعي العياط. تالا بعياط: لأ يا جدي مش هسامحه، أنا عملت له إيه عشان يكسر بخاطري كده؟ الناس الناس هتقول عليّ إيه دلوقتي؟ لسه معداش على جوازهم يومين وجاب لها ضرة، وأنت عارف كلام الناس عامل إزاي يا جدي. شادي باستغراب: طب إيه يراضيكي وأعمل؟ تالا بفرحة من جوا: طلاق، طلقني يا شادي.

شادي قام وقف وبص في عين تالا. شادي أخذ نفسًا طويلًا: أنتِ طالق. احمد بمقاطعة وبقوة: لو سمعت كلامها وطلقتها، هطلق مراتك التانية معاها حالًا. شادي استغرب من قرار جده. شادي: بس هي عايزة كده. احمد بقوة وغضب: وأنا قولت اللي عندي. تالا بقوة: بس أنا عايزة طلاق، أنا مقبلش أكون ليا واحدة تشاركني في جوزي. احمد بغضب: وإحنا ما عندناش بنات بتطلق، وأنتِ هتفضلي مرات شادي لآخر نفس فيه، فاهمة؟

فكرة الطلاق دي شيلاها من دماغك يا بت عبدالرحيم. تالا بغضب وصوت عالٍ: هو أنت ليه مصرة ومصمم إني أكون مرات شادي؟ ليه هو بالعافية؟ أنا مش عايزاه وعايزة طلاق منه، غصب عنك هطلق منه. فجأة أبوها ضربها بالقلم. عبدالرحمن: اخرسي! أنتِ بتعلي صوتك على جدك؟ يخسارة تربيتي فيكي، وطلاق مفيش، فاهمة؟ وأبويا اللي عايزه هيكون، فاهمة؟ يلا غوري على أوضتك. تالا بصت على أبوها ودمعها نزلت منها وطلعت تجري على أوضتها.

وليان لسه هتروح وراها، بس صوت عبدالرحمن وقفها. عبدالرحمن: ليان، متروحيش وراها بعد إذنك. ليان بخجل: حاضر. شادي: جدي، تسامحلي آخد الأوضة اللي كانت قاعدها فيها تالا لملك؟ احمد: تمام. عند تالا في أوضتها. تالا بعياط وماسكة صورة مامتها. تالا بعياط أكتر وبتمشي إيدها على صورة أمها: تعرفي يا أمي؟ تعرفي؟

حتى بابا النهاردة موافقش معايا ووقف مع أبوه وضربني كمان يا أمي، ضربني عشان طلبت الطلاق من واحد ولا هو عايزني ولا أنا كمان عايزاه. تعرفي يا أمي؟ حتى أجبرت إني أوافق على شادي عشان خاطر بابا ميزعلش مني. وفي الآخر لما جيت وطلبت الطلاق ضربني يا أمي عشان خاطر جدي. شوفتي قد إيه أنا تعبت من الحياة من بعدك يا أمي؟ شوفتي قد إيه؟ شوفتي قد إيه بيجبروها تعيش مع واحد عمرها ما هتحبه؟ شوفتي يا أمي؟

تعرفي لو كنتي معايا كنتي مش هتسامحي لحد يعمل معايا كده. عاااااااا، يا رب خدني عندك يا أمي يا رب. وفجأة بتبص جنبها شافت سكينة على طبق الفاكهة. فضلت بصة عليها بتركيز وووووووووو.