رواية عشقتك ياصغيرتي الفصل الثالث 3 - بقلم رنا سعيد

ابن عمك شادي هيكون رجله على رجلك، يعني هيروح معاك. وليه؟ عشان ما عندناش بنت هنا بتخرج لوحديها بالليل، فهمتي؟ أبوكي ما كانش عايزك تروحي ليه. شادي وتالا اتصدموا من قرار جده. تالا بانفعال: وأنا مش عايزة المخلوق ده بالذات يجي معايا. شادي بغضب وقام وقف: ولا أنا كمان يا جدي، مستحيل أخرج مع البنت دي بالذات. دي متخلفة عقليًا. الكل اتصدم من رد فعل تالا وشادي وأسلوبهم ده. أحمد باستغراب وغموض: هو الحكاية إيه بالظبط؟

تالا بصوت عالي: الحكاية وكل ما فيها إن الحيوان ده هو اللي غرقني الصبح بالطين. بدل ما يتعذر مني، لا، شايف نفسه. ده إنسان متكبر ومغرور، وأنا مش عايزة أروح معاه في حتة. بعد إذنكم. شادي بغضب وعروق وشه بارزة: جدي، قولها تحفظ ألفاظها، بدل ما أقص لسانها ده. والله أنا عملت احترام ليك ولعمي عبد الرحيم. أحمد وبيكتم ضحكته عليهم:

تالا، عيب يا بتي. ده ابن عمك الكبير، وما ينفعش تغلطي فيه عاد. وأنا قلت اللي عندي. حبة تخرجي، ابن عمك شادي هيكون وياكي. غير كده ما فيش خروج. تالا بتفكير وبنفخ بضيق: ماشي، موافقة يجي معايا. شادي بغضب: وأنا مش موافق يا جدي أروح معاها. أحمد بغضب: أنت بتعصي كلام جدك ياشادي؟ شادي: آسف يا جدي، بس البنت دي نرفزتني. أحمد: طب، اجري جهز نفسك عشان تروح وياها. يلا. شادي: حاضر. بعد فترة.

شادي ارتدى تشيرت بنص كم أبيض يبرز عضلاته الضخمة، وعليه جاكت أسود وبنطلون جينز أبيض. وصفف شعره بطريقة جذابة، وضع عطره الخاص، ونزل بكل هيبة وتكبر وغرور من على السلم. شادي بغرور: اتفضلي. عبد الرحيم بابتسامة: خلي بالك منها يا شادي، هي لسه ما تعرفش حاجة هنا في البلد. شادي بابتسامة صفراء: ما تخافش، دي في عيني يا عمي. بعد فترة. شادي وتالا في السيارة. شادي بغرور: خلاص وصلنا، يلا انزلي.

تالا بصت عليه من فوق لتحت، وفتحت الباب ونزلت. شادي نزل بعدها. شادي وتالا دخلوا الكافيه. تالا أول ما أصحابها شافوها، جريوا عليها وحضنوها. تالا: وانتوا كمان وحشني أوي يا بت يا رحمة. رحمة في ودن تالا: بس مين المز الجامد اللي معاكي ده؟ تالا وبعدت عنه: أعرفكم، ده ابن أونكل عبد الرحمن، شادي. شادي، ودي رحمة، ودي سجي، وده هشام. شادي بابتسامة وغرور: أهلاً وسهلاً. رحمة مدت إيدها وسلمت عليه، وحضنته وكذلك سجي وهشام. رحمة:

آها، أنت راجل الأعمال شادي. سمعت عنكم وعن شركتكم. بجد مش مصدقة اللي شايفاك قدامي. أصلًا أنت أحلى من الصور بكتير. سجي بضحكة: وأنا أقول ده فيه شبه من راجل الأعمال شادي. اتاري أنت أصلًا. بجد فرصة سعيدة إننا اتعرفنا عليك. ممكن بقا ناخد صورة معاك؟ شادي بابتسامة تكبر وغرور وبص على تالا: آه، أكيد. هشام ورحمة وسجي خدوا صورة معاه. تالا بضيق: ما خلاص بقا ياشباب، كفاية صور. رحمة بابتسامة: هو أنت حضرتك مرتبط؟ شادي بابتسامة: آه.

رحمة بزعل وفي نفسها: يخسارة، مش من نصيبك بقا يا رحمة. تالا برفع حاجب: سرحتي في إيه يا بت؟ رحمة: ولا حاجة. المهم، أول يوم كان ليكي هنا، كان عامل إزاي؟ تالا وبصت على شادي:

النهاردة واحد كان عامل زي الحمار، ماشي بسرعة كبيرة، غرقني بطين وأنا مسافرة الصعيد. المهم يا بنات، نزل من العربية، مش المفروض يعتذر، لأ، نزل وشايف نفسه. معرفش على إيه. حتى ولا حلو ولا حاجة. بس أنا طبعًا مش سكت له. اديتهاله فوق راسه. يابنات، وضربته قلم أي جامد. وهو يعني مقدرش يكلم، خاف مني. خد بعضه وركب عربيته ومشي على طول. هههههههه. والشلة فضلت تضحك على موقف تالا. شادي في نفسه: أنا مش حلو؟ وكمان ضربتني بالقلم؟

والله لأوريكي يا تالا. سجي بضحكة: يخربيتك يا تالا، ده أنتي فظيعة. هشام بضحكة: مالك يا صاحبي، مبتضحكش معانا ليه؟ شادي بغرور: كلامها عادي يعني، مش محتاج كل الضحك ده. مش يلا يا تالا بقا. تالا وبصت في الساعة: ماشي، عن إذنكم بقا يا حلوين. تالا وسلمت على أصحابها ومشيت. وقفوا قدام سيارة شادي. شادي بغضب: بقا أنا حمار ومش حلو؟ يا اللي شبه المعزة إنتِ! تالا بصوت عالي: أنا معزة يا حيوان يا تربية بيئة!

فجأة قلم نزل على وشها من شادي. تالا وحطت إيدها على خدها بصدمة و...