رواية عشقي الوحيد الفصل الخامس 5 - بقلم الكاتبة اسيل

بسرعه… أنا افتكرت… افتكرت يا جماعة… الكل باصلها باستغراب. وهي قامت ماسكة إيد عمر اللي كانت ماسكة شعرها وزقته وضربته في كتفه. استغرب جدا عمر بغضب. إيه اللي انتي بتنيليه دا…. ياسمين بدموع. انت اللي نمت معايا امبارح….. عمر باستغراب. إزاي يعني… أنسى حاجة زي كده….. ياسمين. هفكرك……… فلاش باك…… كانت الساعة وصلت 4 الفجر ودخلت ياسمين عشان تنام. وصحيت لقت وهي نايمة على نفسها عمر ماسك خمرا وبيشرب وسكران جدا. ياسمين بنوم.

انت بتعمل إيه وإيه اللي معاك دا …. عمر وهو سكران. إيه اللي صحاكي يا حبيبتي….. نامي. ياسمين. الله يخربيتك وكمان بتشرب…. أنا عطشانة أوي… وراحت شربت من الكوباية بس كان فيها خمرا. لكنها ما كانتش عارفة لأنها كانت نايمة على نفسها أصلا. ولأنها أول مرة تشرب سكرت جدا وبقت مش في حالتها خالص. قرب عليها عمر. انتي قمر أوي النهاردة … ياسمين بضحكة. والله انت اللي قمر…….. قرب عليها وحضنها وشالها على السرير. ياسمين. ابعد يا عمر……

عمر. لا…. مش هبعد…. وقرب منها أوي وأصبحت مراته أمام ربنا. بااااك. ياسمين بدموع. افتكرت يا حيوان……… عمر. مش قادر أفتكر أوي…….. اه اه افتكرت….. قرب عليه أبوه. انت يا زبا*لة انت مش قبل ما تقول حاجة تتأكد الأول….. عمر. بس إزاي من أول مرة كدا…. تبقا حامل… وبعدين هي أعراض الحمل بتظهر بسرعة كدا…. أيمن. انت لسه بردو هتشك فيها يا كل*ب… ورفع إيده في الهوا كان هيضربه. لكن ياسمين مسكت إيده. ياسمين بدموع وزعل.

لا يا خالي .. أنا مقبلش إن أشوف جوزي يحصل فيه كدا قدامي…… أيمن بغضب. شوفت وصلتنا لأي…. شوفت مراتك واقفة إزاي تدافع عنك بعد اللي عملتو فيها عشان تعرف إنها فعلا هتصونك…. بصت ياسمين لشهد بقرف. آه يا خالي هصون البيت … واكيد مش أنا اللي هنج*س البيت مش بخرج بالليل في نص الفجر…. شهد بقلق. انتي بتبصيلي لي…. قصدك إيه. ياسمين. مقصدش حاجة يا شهد.. بتاخدي الكلام على نفسك ليا. أيمن. اخر*سو بقا…

انت يا عمر تاخد مراتك وتروح تكشف عليها .. وفجأة دخلت واحدة ست في سن الثلاثينات وشكلها مش مريح….. رزان. إيه يا جماعة كدا محدش بيسأل عليا خالص …. مالكم في إيه… عمر بزعيق. انتي إيه اللي جابك هنا يا بنت الـ… رزان. أنا مش هرد عليك… أبوك وطليقي واقف … هو اللي هيرد عليا… بصلها أيمن بعصبية وقرف. طب خلاص… روح انت يا عمر لما نشوف آخرتها .. خد مراتك واعمل اللي أنا قولتهولك. طلعوا عمر وياسمين وشهد. رزان. انت جوزت عمر إمتى….

أيمن. انطقي عاوزة إيه مني تاني.. مش خلاص اتطلقنا…. رزان. تعالي بس نتكلم…. وكانت باصة على ياسمين وهي طالعة أوي……. دخلوا عمر وياسمين الأوضة. وكانت ياسمين الدموع في عينيها. وقفت قدام المرايا وحطت إيديها على بطنها مش عارفة هل هي فرحانة ولا زعلانة … جواها كذا إحساس. وقاطع تفكيرها عمر. عمر. أنا أسف……. ياسمين بصتله كدا. أسف.. أعمل بيها إيه أسف دي….. عمر. ممكن بس نروح للدكتورة عشان نطمن….. ياسمين.

تطمن ولا عاوز يطلع فعلا إني خاينة عشان تطلقني… بص عمر في الأرض وبعدين نفخ كدا وبصلها. عمر. خلاص بقا يا ياسمين… يلا البسي على ما أجهز العربية… أنا نازل…. وسابها ونزل. قعدت هي تعيط أوي وزعلت إنها سلم*ته نفسها قبل ما تحبه ويحبها … لكن رضيت بالأمر الواقع ولبست وخارجة من الأوضة. لقت شهد قاعدة في أوضتها والباب مفتوح دخلت لها. ياسمين. شهد.. أنا عاوزة أتكلم معاكي…. شهد. وأنا مش عاوزة لساني بخاطب لسانك….. ياسمين.

أنا مش قصدي دلوقتي… أنا نازلة أنا وجوزي رايحين مشوار… أنا بقولك بالليل نتكلم. شهد. هو إنتي مبتفهميش قولتلك مش عاوزة أتكلم معاكي… ياسمين. طب بصي يا شهد انتي هتيجي غصب عنك… أنا شفت ونتي خارجة امبارح بالليل… خافت شهد جدا وكملت ياسمين. أنا مش هقول لأخوكي متخافيش.. بس لازم نتكلم … أنا ماشية… وسابتها وسط رعبها……. خرجت ياسمين وراحت هي وعمر عند الدكتورة. عمر. بس أعراض الحمل ظهرت بسرعة أوي دا طبيعي…. الدكتورة.

دي مش أعراض حمل… دي عشان شربت بس امبارح… وكويس إنك بعتتلي عشان نكتشف الحمل بدري كدا… وشرحتلهم إزاي ياخدوا بالهم منها وادتها مثبتات. وبعد كدا روحوا هما الاتنين البيت ودخلت هي بسرعة وهي غضبانه. عمر. مالك في إيه… ياسمين. خلاص .. ارتحت واتاكدت إنه ابنك…. عمر. ياسمين أهدي بقا مش لازم نتخانق…. ياسمين. طب يا خويا.. الحق يلا روح للسانيورة…. عمي.. خلاص يا ياسمين مفيش كنزي… انتي بقيتي حامل وشايلة ابني …. مش هقدر أكمل معاها.

وخبط باب البيت وكانت الخدامة. استاذ عمر كنزي عاوزة حضرتك… بصتله ياسمين كدا بضحكة سخرية. عمر. طب أنا نازل اهو وجاي ينزل. قامت مست إيده. أنا نازلة معاك…… 🌹🌹🌹🌹🌹🌹🌹🌹🌹🌹 ياسمين ومسكت في إيده. استني .. أنا جاية معاك…… بصلها عمر كدا وابتسم وقالها. بلاش عشان متضايقكيش.. خبطت ياسمين على كتفه كدا. ملكش دعوة انت بقا… ونزلو هما الاتنين ومسكت ياسمين في إيده أكتر وهي حاضنة دراعه. وكانت كنزي واقفة هتموت من الغيظ…… عمر.

خير يا كنزي عاوزة إيه…. كنزي. عاوزة أتكلم معاك….. ياسمين ببرود. هتكلميه في إيه .. قوليلى …. كنزي. وانتي مالك أنا عاوزاه هو….. ياسمين. عمر.. أنا همشي … بس متطولش بقا.. أوكي…. وسابتهم ومشيت لأنها مش شاغلها الموضوع أوي. وبعد كدا راحت قعدت على كرسي. ولقت رزان خارجة من أوضة شهد فاستغربت جدا. استغربت لأنها كل الوقت دا وهي لسه هنا… واستغربت أكتر لما لقيتها بتنادي عليها…. ياسمين باستغراب. أنااا.. رزان.

نعمر.. ازيك يا حبيبتي…. عامله إيه… ياسمين. الحمد لله… خير. رزان. أصلي عرفت إنك حامل…. بسرعة كدا إزاي…. ياسمين. والله عادي يعني أنا نفسي استغربت جدا. رزان وخبطت على بطنها. ربنا يباركلك فيه… عن إذنك بقا يا روحي… باي…. استغربت جدا ياسمين من طريقتها. وبعدين بتبص لقت عمر واقف مع كنزي وبيزعقلها جامد. ومشيت كنزي وجالها عمر. ياسمين بابتسامة. الله ينور.. أيوه كدا…. عمر. عشان خاطرك انتي والبيبي بعمل المستحيل….. ياسمين.

طب انت رايح فين…. عمر. هروح الشركة بقا خلي بالك من نفسك ومن البيبي … سلام هتوحشوني… ابتسمتلو ياسمين ومشي. وبتبص وراها لقت شهد واقفة على أول السلم وباصلها بكل حقد وغل. ياسمين. تعالي يا شهد عاوزاكي.. شهد بابتسامة صفرا. لا أنا اللي عاوزاكي … تعاليلي في الأوضة….. طلعت ياسمين بتوتر بسيط. وأول ما وصلتلها مسكتها شهد من دراعها أوي. ياسمين بقلق. مالك يا شهد في إيه…. زق*تها شهد مرة واحدة من عالسلم.

لكن ظهر لياسمين إنها غصب عنها. فوقعت ياسمين طول السلم. فجريت عليها شهد وهيمبينة إنها قلقانة عليها جدا. ونادت على أبوها وبدأت تعيط. أما ياسمين اغمى عليها طبعا. وأخدوها للمستشفى لأنها حامل فقلقوا جدا. اتصلت شهد على عمر وقالتله إنها وقعت من عالسلم وهي منهاره من العياط طبعا بتمثيل. رعب عمر وكان هيموت من القلق…… وجري على المستشفى وهو قلقان جدا. وراحوا وفضلوا واقفين قدام أوضة اللي فيها ياسمين. وخرج منها الدكتور. عمر.

بقلق شديد.. إيه اللي حصل. الدكتور. الحمد لله محصلهاش حاجة رجليها بس اتكسرت .. متقلقوش أوي كدا. عمر. طب والجنين….. الدكتور. جنين إيه المدام مش حامل أصلا….. عمر بصدمة. نعم…. مش حامل إزاي……