رواية عذاب الفارس الفصل الثاني والعشرون 22 - بقلم رنا سعيد

فارس بحزن ونار جوه عشان خلى حبيبته تعيط بالشكل ده منه. فارس بهدوء: هششش خلاص اهدي يا عمري، إيه؟ وبتزيدي في العياط أكتر، اهدي بقى عشان خاطري. إيه بدموع كالأطفال: حـ حاضر. وفجأة الباب خبط عليهم. إيه بخوف وبعدت عن حضنه: فارس الباب بيخبط، لو شافوني عندك هيفكروا فينا غلط، هنعمل إيه؟ فارس بهدوء: يا حبيبتي اهدي متخافيش. فارس بجدية: مين بيخبط؟ : افتح يا فارس أنا ميار. فارس بجدية: عايزة إيه يا ميار؟

ميار بضيق: افتح يا فارس عايزك. فارس: طب ماشي استني تحت في الكافيه، هلبس وهجيلك. ميار: ماشي. ميار مشيت. إيه بغيرة ورفعت حاجبها: ودي بقى عايزك ليه إن شاء الله؟ فارس شدها من خصرها ليه. فارس بابتسامة خبث وغمازته ظهرت: نقول بقى كده إني ست إيه غيرانة مش كده؟ إيه بتوتر: وهغير ليه يعني؟ فارس بابتسامة خبث: مش عارف. إيه وبعدت عنه. إيه: طب أنا عايزة أمشي قبل ما حد يجي تاني.

فارس: ماشي يا قلبي، خليكي واقفة هنا بس عقبال ما أتأكد إنه مفيش حد برا. إيه: تمام. فارس فتح الباب براحة جدًا وخرج رأسه برا عشان يتأكد إذا فيه حد ولا لأ. فارس شاور لإيه عشان تخرج، وبالفعل إيه خرجت وراحت عند أوضتها. فارس راح قفل الباب وراه إيه ونام على السرير وناسي يا عيني ميار اللي قاعدة مستنية تحت. أما عند إيه قاعدة في أوضتها على السرير وبتفكر في فارس وبتبتسم. بس قاطع تفكيرها صوت إيمان وهي بتقولها.

إيمان بابتسامة: الجميل سرحان في إيه كده وبيبتسم؟ إيه بفرحة كبيرة: أنا وفارس رجعنا لبعض يا إيمو، بجد فرحانة أوي. إيمان بفرحة أكبر: بجد؟ طب احكيلي رجعتوا لبعض إزاي؟ إيه بابتسامة: طب اسمعي يا ستي. إيمان بنفس الابتسامة: احكي يا قلبي. إيه حكت كل حاجة لإيمان. إيه: أنا عطشانة، هو مفيش مايه هنا؟ إيمان: لأ مفيش. إيه: طب أنا هنزل أشرب طيب، عن إذنك. إيمان: طيب. في مكان آخر. ميار في أوضة فارس.

ميار بضيق: ينفع كده يا فارس، أستناك تحت ومجيش وفي الآخر أجي ألاقيك بتنام؟ فارس بابتسامة: حقك عليا يا قلبي. وخدها في حضنه والباب كان مفتوح عليهم، وللأسف إيه معدية من على أوضة فارس لقيت باب فارس مفتوح نص فتحة، صوت ضحك ميار جاي من جوه، راحت دفعت الباب بكل قوة وغضب وغيرة وشافت فارس وهو حاضن ميار وبيبوسها من خدها. إيه بصدمة والدموع نزلت كالشلالات على خدها. فارس شافها، أبعد ميار بعيد عنه وراح ليها.

فارس: إيه حبيبتي متفهمينيش غلط، ميار دي تبقى... إيه بمقاطعة وبصريخ: تبقى حبيبتك صح؟ آه آه نسيت، أنت قولتلي قبل كده إنك هتخطب صح؟ طب قولي طيب إني العروسة ميار وهي حبيبة القلب، وأنا غبية عشان صدقت بقى إنك لسه بتحبني ومش نسيتني وعايز ترجع ليا بجد، بس للأسف طلعت نسيتني ونسيت حبنا، بس أنا غلطانة عشان فكرت إنك بتحبني وعايزني. فارس بهدوء: مين قالك إني ميار هي حبيبتي وإني دي اللي عايز أخطبها؟

إيه بدموع: مش محتاجة حد يقولي، ليا عين بتشوف. فارس بهدوء: وعينيكي شافت غلط يا إيه عشان ميار دي أختي. إيه بصدمة: آآآآآآآآآآآآآآي!