رواية عذاب الجحيم الفصل الثالث عشر 13 - بقلم مريم محمود

بصي بقى يا حلوة أنا مراقباكي كويس أوي وعارفة انتي فين دلوقتي. انتي تديني الفلوس اللي معاكي لو عايزة تعيشي انتي وأختك، والسكر اللي معاكي ده مش هيحميكي مني. سلاااام. الفون وقع من إيد جنى ومتكلمتش. يزن بص لها باستغراب. يزن: فيه إيه يا جنى؟ جنى حكت له اللي الراجل ده قاله. يزن: طب هاتي الرقم ومتخافيش. وهو وطي وخد الفون من الأرض وخد الرقم وعمل شوية تحريات. طلع الرقم بهوية غير معروفة. يزن: أكيد الخط ده فيك. جنى: إزاي يعني؟

يزن: ماهو مش جايبلي أي حاجة تخص اسم صاحب الرقم، فاكيد فيك. جنى: طب وهنعمل إيه؟ يزن: هو انتي محتاجة الفلوس دي في إيه؟ جنى: حقي. يزن: حقك إزاي؟ جنى: طارق فاكر إني نايمة على وداني ومعرفش حاجة، لاكن اللي مايعرفوش إني عارفة كل حاجة. يزن: اللي هي إيه؟ جنى: حمدي. يزن: مين حمدي؟ جنى: ده عمي. يزن: طب وإيه علاقته بالموضوع؟ جنى: هو اللي وصلهم ليا. يزن بصدمة: إيه؟ جنى: والله زي ما بقولك. يزن: إزاي يعني مش فاهم؟

إزاي عم يعمل كده في بنت أخوه اللي هي تعتبر بنته؟ جنى: ده رماني في الشارع هو وخالي وأنا لسه عشر سنين وأختي سنتين، هتاخدي منه إيه يعني؟ يزن: طب وإنتي عرفتي منين؟ *** **فلاش باك** طارق: متخافش أنا هعلّمها كل حاجة. حمدي: أوعى تجيب سيرتي قدامها دي مهما كان بنت أخويا، ومينفعش تعرف عني حاجة زي كده. طارق: لا أكيد متخافش مش هجيب سيرتها.

حمدي: طارق، جنى لو جرالها حاجة مش هيكفيني عمرك أنت ورجالتك. البنت دي لو ماتت أنا هخسر حاجات كتير أوي. طارق: متقلقش. جنى وقتها كانت واقفة على باب أوضة طارق ودموعها على خدها، مش مصدقة إن عمها هو اللي عمل فيها كده. *** **في الوقت الحالي** جنى: بس كده، عشان كده كنت بستعبط لما طارق كان بيعلمني حاجة ومثل إن الموضوع صعب. يزن: طب وحاجات إيه اللي عمك هيخسرها؟

جنى: عمي جاب سيرتي في صفقات كتير أوي، سلاح وبيع أعضاء ومخدرات. ورجالة الصفقات دي بقوا مستنذرين وجودي. يزن: طب هو يجيب سيرتك ليه؟ جنى: بنت ونوعاً ما حلوة، وكمان مع عصابة مافيا ومدربة كويس وعارفة شغلها كويس، هتبقى فرصة حلوة أوي لأي راجل مش شركاء عمي. عشان كده عمي طلب من طارق إنه يعلمني كل حاجة كويس، وطبعاً لو عرفوا إن مافيش وجود لجنى، قول على عمي يا رحمن يا رحيم هو وطارق. عشان كده طارق عايزني معاه.

يزن من كتر الكلام اللي سمعه مش مستوعب، إزاي؟ إزاي عم يعمل كده في بنت أخوه؟ يحطها في مشاكل هي مش قدها وكمان لسه شابة؟ يبيع بنت أخوه لأجل شغله إزاي؟ بقى فيه مليون سؤال ملهوش إجابة في دماغ يزن. جنى: سكت ليه يا يزن؟ يزن: مهو بصراحة مش عارف أقولك إيه. جنى: المهم، عايزة أعرف مين ده.

يزن: أنا عايزك تنجحي في الكلية بأي شكل، عايزك تكوني أحسن ظابط في الكلية. عارف إن الموضوع مش سهل وصعب عليكي كبنت، لاكن أنا عايز إيدك بإيدي وبقدرة ربنا نقدر ننتصر عليهم، وأنا واثق إنك هتبقي أحسن مني. وارجوكي اهتمي بصحتك عشان تقدري تكملي. جنى هزت راسها بالموافقة ويزن مسك إيدها وبصلها وابتسم عشان يحاول يطمنها شوية. وهي سرحت في جمال عينه الرمادي، ولما فاقت لنفسها سحبت إيدها بهدوء. يزن: طب مش يلا بينا نروح ولا إيه؟

جنى ابتسمت: يلا. وبعد كده ركبوا تاكس وروحوا على البيت. جنى: عايزة أطلب حاجة بس مكسوفة. يزن: تتكسفي من زيزو يابت؟ اطلبي يختي. جنى: هو بس متعوّدت أطلب حاجة من حد، عشان كده مكسوفة، بس أنا جعانة. يزن رفع إيده للسما: الحمد والشكر ليك يارب، جنى قالت إنها جعانة. بعد كده مسك إيدها وسلم عليهم. يزن: ألف ألف مبروك يا جنى، فرحتلك من قلبي. جنى شدت إيدها بعنف: إيه يا عم؟ هو أنا قولتلك هتجوز بكرة؟ يزن: طب تحبي تاكلي إيه؟

جنى: لا دي على ذوقك بقى. يزن: بس كده، عيوني ليكي. جنى اتحرجت لما يزن قال كده. جنى: احم، شكراً. بعد كده يزن خرج عشان يشوف هيجيب أكل إيه. لاكن جنى مكنتش مطمنة وحاسة إن هيحصل حاجة ليزن، بس بقت تدعي ربنا إنه يسترها عليه وبس. عدى ساعة واتنين ويزن لسه مجاش. جنى طلعت الفون ورنت عليه كتير مش بيرد. جت ترن آخر مرة الفون قفل خلاص. أعصابها مبقتش مستحملة وبقت متوترة جداً لحد ما جالها تليفون من رقم غريب.

الشخص: مش قولتلك إن السكر اللي معاكي مش هيحميكي مني؟ أهو السكر بذات نفسه معايا، شوفي مين بقى هيحميكي.