رواية عذاب الحب الفصل الأول 1 - بقلم هاجر سلامة

بعياط .. ازاي يجيلي قلب تعملي فيا كده. ازاي أنا اختك. حتة ليه قوليلي. رحمة: بقولك إيه أنا مش فاضية، عندي مشوار مهم. روحي اعيطي في أوضتك. بلاش صداع. حورية: بحزن وعياط.. حرام عليكي. عمري ما أسامحك أبداً يا رحمة. عمري. رحمة: بقسوة.. بقولك إيه. متروحي على أوضتك وتسكتي خالص. إنتي بتغيظيني ليه أصلاً. ما إنتي لو كنتي مالية عين إنسان ما كناش بصيلي. يلا غوري من وشي. وزقتها جامد وطلعت. حورية قعدت في الأرض تعيط.

أمها دخلت عليها وقالت: حقك عليا. متزعليش. ربنا هيعوضك والله. لأنك طيبة وقلبك أبيض. حورية: بعياط.. قلبي موجوع أوي يا أمي. موجوع من أختي مش من إنسان. أنا مش مصدقة اللي عملته. أنا أختها. وقرب واحدة ليها. ليه يا أمي حظي كده. ليه. نبيلة (مامتها) خدتها في حضنها وهي بتعيط على بنتها. رحمة: بدلع ركبت العربية. إنسان: عملتي إيه. رحمة: بخبث.. وحشتني. إنسان: رحمة. تحترمي نفسك. أوعي تنسي نفسك. أو تنسي هتحوزك ليه ها.

رحمة: بغل.. تمام. عرفنا الخطوبة النهاردة. حورية: عرفت وجيت من تركيا. إنسان: بفضول.. وعملتي إيه. رحمة: بضيق.. جيتلي وقعدت تعيط وتقول الشكوتين بتوعها زي كل مرة. إنسان: بحزن.. هي اللي وصلتنا لكده. رحمة: بخبث.. أيوا. مفيش راجل يقبل على نفسه حبيته تخونه. ومع مين. صحبه كمان. إنسان: بتحذير.. رحمة. أنا قولتلك الحقيقة بس. ولو أبويا شم خبر إن حد عرف حاجة. هقتلك. فاهمة. رحمة: ببرود.. تمام. تمام. يلا نمشي بقى.

إنسان: بجدية.. تمام. [يوم جديد] في فيلا حورية. [معلومة: أهل حورية ناس أغنياء عندهم شركات. وإنسان بيكون ابن عمتها.] رحمة نزلت لقيت الكل بياكل في صمت. رحمة: باستفزاز.. صباح الخير يا جماعة. النهاردة خطوبتي وعايز الكل يفوق ها. حاسم (أبوها) قال ببرود.. قعدي اكلي يلا. رحمة: ابتسمت.. حاضر يا بابا. حاسم.. كتب كتابك الشهر الجاي. رحمة: بفرحة.. بجد يا بابا. نبيلة: بصت لحورية بخوف وقالت مش لسه بدري يا حاج.

رحمة: بغيظ.. لا. ويا ريت تخليكي في حالك. حاسم: ضربها بالقلم جامد وقال إنتي قليلة الأدب. إزاي تكلمي مع أمك كده. رحمة: بغل قامت بسرعة وقالت مش أمي. وعمري ما هشوفها أمي. لأنها مرات أبويا وبس. كنت اعتبرتها كده. بس هي ديما بتفرق بيني وبين حورية على طول. وطلعت أوضتها. نبيلة: بهدوء.. خلاص يا حاسم. اكمل فطورك. أنا هطلعها. متزعلش نفسك. حورية بتاكل في صمت. حاسم: بهدوء.. حورية. مالك ساكتة ليه. حورية: مش بترد.

حاسم: استغرب وقال بصوت عالي حوووورية. حورية: اتخضت.. نعم يا بابا. في حاجة. حاسم.. سرحانة في إيه. بكلمك مش بتردي. حورية.. ولا حاجة يا بابا. بفكر في شغل بس. حاسم.. طيب. عاملة إيه في شغلك. حورية.. كله تمام. متقلقيش. عندي اجتماع مع يوسف الألماني. حاسم.. برافو. عايزك كده على طول. يا ريت تتجوزي انتي عشان أقدر أطمن عليكي. حورية: بحزن.. إنشاء الله. هروح أنا بقى. هتأخر. حاسم.. متتأخريش ها. خطوبة اختك النهاردة. حورية.. حاضر.

وطلعت. نبيلة: خبطت الباب وقالت ممكن أدخل يارحمة. مفيش رد. دخلت نبيلة لقيت رحمة قاعدة بتلعب في تلفونها. نبيلة: راحت قعدت جنبها وقالت زعلانة مني في إيه. رحمة: ببرود.. مش زعلانة. ياريت تطلعي. لأني تعبانة ومحتاجة أرتاح.

نبيلة.. رحمة. بصي. هقولك الكلام ده عشان تنتهي الكرة اللي جواكي دي. أنا ديما بعاملك زي بنتي بالظبط. وعمري ما عملت فرق بينك وبين حورية. لأنك بنتي زيها زيك. لأن أنا اللي ربيتك على إيدي. انتي تربيتي أنا. ربنا يعلم أنا بحبكوا انتي وأختك قد إيه. رحمة: بصتلها باستغراب وقالت ليه بتدافعي عن بنتك ديما طيب. نبيلة.. يعني عمري ما دافعت عنك خالص يا رحمة. معقول.

رحمة: بصتلها وفعلاً افتكرت إنها ديما بتوافق معاها ضد أبوها. وخليتها تكمل تعليمها. رغم إنها عملت حاجات كتير وحشة في الكلية وأبوها عرف. بس نبيلة متوافقتش وصرت إنها تكمل مهما حصل. وأبوها وافق بشرط إنه مش هيدفع أي مصاريف خالص. وقبيلة وقفت ودفعت هي مصاريف الكلية. رحمة: سكتت وقالت تمام. ممكن تطلعي. عايزة أرتاح. نبيلة.. تمام. هطلع. وأنا تحت لو عوزتي حاجة. رحمة: هزت رأسها بأه.

نبيلة: طلعت من أوضتها وسابت رحمة سرحانة وبتفكر تعمل إيه. في الشركة. يوسف.. تمام. اتفقنا. حورية.. تمام. ودا العقد. يوسف.. تمام. ممكن قلم. حورية.. طبعاً. دوته قلم. وقع على العقد وهو بيقول ألف مبروك. إنشاء الله تعاون خير علينا. حورية.. إنشاء الله. دخلت السكرتيرة وقالت حورية هانم. نبيلة هانم اتصلت بتقولك متتأخريش على الخطوبة. حورية.. تمام. روحي انتي. يوسف: بتفاجأ.. خطوبتك إنتي. حورية.. لا. اختي.

يوسف.. أها. ألف مبروك. واصلي سلامي لباباكي. حورية.. الله يبارك في حضرتك. يوصل حاضر. يوسف: بهزار.. مش هتعزميني طيب. حورية.. لا طبعاً. إزاي. الخطوبة النهاردة بالليل. لو حابب تنور. يوسف.. تمام. مفيش مشكلة. نروح سوا. نفسي أشوف أفراح المصريين. حورية: بضحك.. أحلى طبعاً. يوسف: بضحك.. خلينا نشوف طيب. حورية: بضحك.. دقيقة وهطلع. عندي كام حاجة لازم أعملها. يوسف.. تمام. أنا هستناكي تحت في عربيتي. حورية.. تمام.

يوسف نزل. وحورية راحت تكمل شغلها. في الفيلا. نبيلة.. بنتك فين. إنت مشغل بنتك حتة في يوم خطوبة اختها. يا حاسم. حاسم: ببرود.. دا شغل. ومينفعش يتأجل. يا نبيلة. واسكتي دلوقتي. زمانها جاية. إنسان: راح عليهم وقال السلام عليكم يا خالي. عاملين إيه. حاسم.. الحمد لله. إنسان.. وحضرتك عاملة إيه يا مرات خالي. نبيلة: بضيق.. تمام الحمد لله. نزلت رحمة وهي لابسة فستان أحمر قصير للركبة وديق جداً. وسابت شعرها وحاطة ميكب أوفر جداً.

إنسان: مسك إيدها وقال بغيظ. إيه اللي إنتي عاملة ده. إيه القرف ده. يا عالم شايفني مش راجل. رحمة: بدلع.. يتقطع لسان اللي يقول كده. إنت راجل وسيد الرجالة. بس دا يوم خطوبتي. مش هتتكرر تاني. خليني أفرح. نبي. إنسان.. صبر من عندك. لما نشوف آخرتها فين. حورية. رحمة: بغل.. معرفش إيه ده. أهي جاية. مين اللي ماشي معاها ده. إنسان شافها ماشية مع يوسف وتضحك. تغيظ منها وراح لها وقال....