رواية عذراء في الحب الفصل العاشر 10 - بقلم جروح لا تنتهي

حازم : أنا هنا. لم يكمل جملته لانصدمه من الواقفة أمامه. عيشه عائشة بصدمة: حازم. حازم بفرحة: راح عندها. عاملة إيه؟ عائشة بفرحة: بخير. أنت عامل إيه وعمتو عاملة إيه؟ حازم: هتجنن عليكي. بس مرات خالي طمنت عليكي. بس انتي بتعملي إيه هنا؟ جواد بغيرة، راح حط إيده على وسطها وشدها ليه: مراتي. حازم باستغراب: مراتك؟ عائشة بتوتر: أه. هحكيلك. حازم: أه. أهلاً يا جواد بيه. جواد: أهلاً. فارس: إيه يا جماعة مفيش أكل ولا إيه؟

هنيه: تعالي يا ولدي، الأكل جاهز. اتفضلوا. الكل متجمع عالسفرة. لين: ما كنتش أعرف إنك متجوز اتنين يا جواد. عائشة بغيظ: واديكي عرفتي. جواد مال على عائشة: براحة ع الست. عائشة بتضغط على أسنانها: دي هتاكلك بعينيها. انت مش شايفها بتبصلك إزاي؟ جواد لسه هيرد، قاطعته لين. لين: بعد الغدا عايزين نشوف الأرض أنا وانت يا جواد. جواد: مفيش مشكلة. عائشة داست على رجله من تحت الترابيزة. فارس ملاحظ وماسك نفسه من الضحك بالعافية.

فارس بخبث: مالك يا جواد؟ مش على بعضك كده. جواد بألم: لا. مفيش. مرام: وإنتي بقى صغيرة وفتحة شركة إزاي ده؟ لين: أنا بحب الشغل والشركة. بابا ساعدني فيها وأنا بقى حطيت اهتمامي كله فيها. والحمد لله بقى ليها اسم وبقى ليا كارير. مرام: أيوه. بس ليه تشتغلي؟ قدامك معاكي فلوس وابوكي على ما أظن إنه غني. يعني مش عايشة حياتك، لسه صغيرة.

لين: زي ما قلت لحضرتك. أنا بحب الشغل وموفقة بين كل حاجة في حياتي. يعني مش حارمة نفسي من حاجة. بلبس وبخرج وبعمل جمعيات خيرية وحاجات كتير. مرام بإعجاب: أنا هستفيد منك كتير بقى. لين: تحت أمرك. حازم: عيوش مش ناوية تيجي القاهرة؟ جواد بغيرة وهمس: عيوش. عائشة ببسمة: إن شاء الله. هشوف جواد وهنزل. لأن عمتو وحشتني جداً. حازم: وإنتي كمان وحشتيها جداً ووحشتينا كلنا والله. فارس بخبث: انتوا مقربين جداً من بعض. شكلوا كده.

عائشة: أنا عشت مع عمتو أكتر ما عشت مع أهلي. وأنا وحازم اتربينا سوا يعتبر. يعني حازم زي أخويا بالظبط. جواد بغيظ: عن إذنكم. عائشة: على فين؟ مكملتش أكلك. جواد مرضيش عليها وسابها ومشي. عرفت إن فيه حاجة ضايقته. بعد مدة. لين: هو جواد بيه فين عشان ننزل نشوف الأرض؟ فارس: أكيد بيجهز نفسه ونازل. فوق. جواد كان في أوضة عائشة. دخلت. عائشة: انت هنا. جواد باقتضاب: أيوة. عائشة ببسمة: ما كنتش أعرف إن حازم بيشتغل معاك.

جواد بغيظ: وفرحتي. عائشة: طبعاً. جواد سكت ومردش. عائشة: انت قمت من الأكل ليه؟ ما كملتش أكلك. جواد: ما كنتش عاجباني المسخرة. عائشة باستغراب: مسخرة إيه؟ جواد كان بيكلمها وهو ماسك الموبايل ومش باصصلها. راح ساب الموبايل وبصلها: اللي قاعد بيدلعك تحت ده، ولا عامل حساب لجوزك. وإنتي مصدقتي. عائشة بفرحة إنه غيران عليها: بس ده ابن عمتي. زي أخويا. جواد: معنديش أنا الكلام ده. اياكي تجاريه تاني في الكلام. عائشة ببسمة: حاضر.

جواد بصصلها ومش عايز ينزل عينيه من عليها. بس تليفونه رن برقم لين. جواد: دي لين. أكيد عايزين نروح نشوف الأرض. عائشة شدته وهمست: لا. مش هتروح. جواد برغبة: ابعدي يا عيشة. عايز أشوف شغلي. عائشة وهي بتمشي إيدها على وشه: لا يعني لا. مش هتروح معاها. جواد زاح إيدها وبيفتح التليفون: الو. لين: أيوة يا جواد. مش يلا عشان هننزل نشوف الأرض. جواد وعائشة جنبيه وبتحذره بعنيها: احم. فارس جنبك. لين: أه. جواد: اديهولي.

فارس أخد التليفون: أيوة يا جواد. جواد: كلم معاذ وخليه ياخدكوا الأرض يوريهالكم. فارس: وانت مش جاي. جواد: لا. تعبان شوية. فارس بمكر: قلتلي تعبان. لا. ألف سلامة. سلام. جواد: سلام. وقفل ولفلها. تعالي انتي بقى. عائشة بضحك: جواد. ههههه. تحت. لين بغيظ: ما كان كويس ع الأكل. فارس بغيظ: مش مهم بقى. احنا نشوف الأرض ونحدد ونشوف تنفع ولا لا. بس هكلم معاذ. معاذ: أنا هنا. أهو. فارس: أخيراً شرفت. معاذ وهو بيحضنه: ليك وحشة يا شبح.

فارس بضحك: وانت بالكتير. المسا. عائشة نايمة ع صدر جواد: جواد. جواد: نعم. عائشة: أنا بحبك. جواد ببسمة: وأنا كمان. عائشة: عمرك ما هتتخلى عني. جواد وهو بيلعب في شعرها: عمري ما هبعد عنك ولا هسيبك. يلا بقى ننزل للي تحت دول. تحت. الكل قاعد ومتجمع. ونزل جواد وعائشة. جواد: عملتوا إيه؟ لين بدلال: الأرض تحفة بجد. والبلد جميلة. جواد: طب تمام. الأرض الحمد لله عجبتكوا. يبقى نبتدي الشغل ع الطول.

لين: إحنا كلمنا فريق اللي هيشتغل معانا وهينزلوا بكرة ونبدأ شغل ع الطول. خلف: إذا كان كده. يبقى هنخلي حد ينضف البيت التاني عشان يقعدوا فيه. وانتي خليكي معانا هنا. جواد: كده تمام. حنين وعائشة كانوا سابوا القعدة وطلعوا الجنينة وقاعدين سوا. حنين: بس لين دي صاروخ. عائشة: أه فعلاً حلوة. حنين بمكر: بس وشها قلب لما ابيه ما نزلش يروح معاها. عائشة: حنين. تقصدي إيه؟ حنين بضحك: ولا حاجة.

عائشة: أنا عارفة هي عايزة إيه. نظراتها مش مريحاني. حنين ببسمة: تفهميها وهي طايرة. جواد من وراهم: إيه؟ هي اللي تفهميها وهي طايرة. عائشة: ولا حاجة. جواد: طب تعالي عايزك. عائشة: فين؟ جواد: مشوار كده. عائشة: بس جود. جواد: جود نايمة. وحنين هتخلي بالها منها. وبص لحنين. حنين: أكيد. جواد أخدها وراحوا بيت برة البلد وحواليه جنينة. عائشة باستغراب: بيت مين ده؟ جواد بحب: بيتي. تعالي. ودخلوا. عائشة بفرحة: إيه الجمال ده؟

انت اللي زينته كده؟ جواد: الصراحة مش أنا. كلمت حد عمله كده. البيت ده محدش بيجي فيه خالص. لما بعوز أرتاح باجي فيه. لما بعوز أبعد باجي فيه. بلاقي فيه راحتي. عائشة: وجبتني ليه؟ جواد: عشان انتي راحتي. عشان بلاقي في حضنك راحتي وأماني. بحس إنك أمي وبنتي. عائشة بحب: حبيبي. انت أبويا وأخويا وجوزي وصاحبي وابني. وحضنته. جواد: يااه يا عيشة. انتي مش متخيلة الراحة اللي بحسها في حضنك. أيوه. بنسى كل حاجة وبنسى الوجع اللي جوايا.

عائشة: وجع إيه؟ جواد: مفيش. متخديش في بالك. خليني في حضنك بس. مش عايز أي حاجة تاني. في مكان ما. خالد: انت عايز مني إيه يا جدع انت؟ حابسني ليه هنا؟ مجهول: انت مش عايز مراتك. خالد: وانت مالك انت. مجهول: أنا اللي هرجعها لك. خالد: إزاي؟ مجهول: مش دلوقتي. بس أنا لما هعوزك هاجيبك. بس هدفنا واحد. وهو جواد.

بعد مرور شهر من حب جواد وعائشة اللي بيزيد. وما بين غيرة مرام من عيشة وتقربها من لين. وما بين لين اللي بتحاول تقرب من جواد. صباح يوم جديد. الكل عالفطار وسمعوا زغاريط. جواد: في إيه؟ عائشة: ده صوت مرام. هنيه: روحي يا حنين شوفي مالها مرات أخوكي. حنين لسه طالعة لقت مرام نازل والفرحة مش سايعاه. مرام بصراخ: باركولي. باركولي. الكل بص على اللي في إيدها. خلف: خير يا بتي؟ في إيه؟ مرام راحت عند جواد: أنا حامل. حامل.

الكل مش مصدق نفسه: إيه؟ الخبر نزل كالصاعقة على عيشة اللي مسكت في الكرسي. هنيه بفرحة: بجد يا بتي؟ حنين: بس إزاي؟ مرام: كيف إزاي؟ حنين: مش قصدي. بس انتي. مرام: إرادة ربنا. وبصت لعائشة: إيه؟ مش هتقوليلي مبروك ولا إيه يا دكتورة؟ جواد واقف مش مستوعب اللي بيحصل. وبص على عائشة. عائشة بوجع وبسمة على وشها: ألف مبروووك. ربنا يتمملك على خير. عن إذنكم. وسابتهم وطلعت. مرام: إيه يا جواد؟ مش فرحان؟

جواد بتوتر: له طبعاً فرحان. ألف مبروك. خلف: روحيه. روحي خلي سيد يذبح عجل ويوزعه على أهل البلد. عائشة دخلت وواقفة قدام المراية. عائشة: حامل؟ يعني جواد ممكن يسبني؟ لا. بس جواد بيحبني ومش متجوزني عشان يخلف. لا. مش هيبعد عني. ودموعها نزلت. ودخلت الحمام وفتحت المية وبتغسل وشها ودموعها نازلة. وخرجت لقت جواد واقف. من غير ما تبصله: مبروك. جواد شدها ورفع وشها وباسها جنب عينيها: مالك؟ عائشة: مفيش. جواد: أمال إيه الدموع دي؟

عائشة بدموع: مفيش يا جواد. احم. عن إذنك. هنزل. جواد شدها ليه: انتي زعلانة إن مرام حامل؟ عائشة: لا طبعاً. أنا فرحت جداً ليك وليها. جواد: أمال إيه؟ عائشة: خايفة تبعد عني أو تسبني. جواد بغيظ: هو انتي مفكراني إيه يعني؟ عشان مرام حملت هسيبك؟ متحسسنيش إن أنا كنت متجوزك عشان الخلفه. وإنتي عارفة إن الكلام ده غلط. عائشة بدموع: معرفش يا جواد. أنا أموت من غيرك. خايفة تبعد عني.

جواد حضنها: عمري ما هبعد. وامسحي دموعك دي. ويلا ننزل. تحت. نزل جواد وعائشة. حنين بحزن: عائشة. انتي بتاخدي حاجة؟ عائشة: حاجة إيه؟ حنين: قصدي حبوب منع حمل. عائشة: لا طبعاً. مبخدش حاجة. حنين: أمال ليه محصلش حمل؟ عائشة بتوتر: مش عارفه. مر أسبوع من إهمال جواد لعائشة ووجوده بجوار مرام دائماً. يوم جديد. الكل متجمع ومحسن رجع. محسن بتوتر: يا حاج عايز أفتحك في موضوع.

خلف: وأنا كمان يا ولدي. انت خلاص خلصت امتحاناتك وجه الوقت عشان تحدد فيه معاد فرحك انت وبنت عمك. محسن بتوتر: بس أنا مش عايز أتوز بنت عمي. خلف بغضب: انت بتقول إيه؟ محسن وهو بيبلع ريقه بصعوبة: أنا بحب واحدة معاهم فالجامعة. خلف بصوت عالي: بتقول إيه؟ انت عارف إن قارى الفاتحة مع عمك. جواد: اهدى يا حاج. مش كده. خلف: انت مش سامعه بيقول إيه؟ جواد: اسمعه يا حاج. الأول. الأمور ما بتتحلش كده.

خلف بغضب: يعني انت مطاوعه في اللي بيقوله. جواد: يا حاج. ده جواز. وهو هيحدد حياته بنفسه ويختار الإنسانة اللي هيكمل معاها. خلف بصوت عالي: يبقى انت اللي مقويه عليا. وخللته يقف في وشي. جواد بصدمة: إيه يا أبويا اللي بتقوله ده؟ خلف: أب إيه؟ أنا مش أبوك. هنيه بخوف: اهدى يا حاج. مش كده. خلف: أهدى إيه؟ ابنك عايز يصغرني قدام أخويا. ويتجوز واحدة منعرفش أصلها ولا فصلها. جواد: اهدى يا حاج. كل حاجة هتتحل.

خلف: متتدخلش بيني وبين ولدي يا جواد. جواد بصدمة: إيه؟ خلف: انت طلعت بتقويه عليا فعلاً. طلعت ابن وهيبة صح؟ الجميع صدمة. جواد بحزن: شكراً يا خال إنك فكرتني إني ابن مين. عن إذنكم. عائشة بدموع طلعت ورا جواد: جواد استنى. جواد بغضب: ادخلي جوة. عائشة: انت رايح فين؟ بس جواد كان مشي وهي رجعت. هنيه بعتاب: إيه اللي عملته ده يا حاج؟ ليه كده؟ خلف بوجع: سيبوني في حالي. وسابهم ومشي. عائشة: هو إيه اللي بيحصل؟ ومين وهيبة؟

حنين بوجع: عمتي. أم جواد.