رواية عذراء في الحب الفصل السابع 7 - بقلم جروح لا تنتهي

جواد بغضب: انتي جننتي! كيف عروسة وتنزلين على شغلك في صباحيتك؟ عائشة بغضب بصتله وبصوت عالي: زي ما انت مسافر من غير حتى ما تعرفني! جواد بغضب: يا أخي بخاطري مشكلة وحصلت ولازم أسافر لحلها، وبعدين متقارنيش نفسك بيا. عائشة بغضب: يعني؟ جواد: مفيش نزول الشغل تاني. عائشة بغيظ: طب لو قلت لك متسافرش؟ جواد: قلت لك مينفعش، لازم أسافر، عندي مشكلة في الشغل. عائشة بصتله كتير وهو كمان،

وبوجع اتكلمت: احم، ولما هو شغل، هتاخد مرام معاك لي؟ جواد بص في عينيها عايز يعرف غرضها إيه من السؤال، غيرة ولا إيه، بس عيونها فضحتها. قرب منها وبهمس: بتسألي لي؟ وقرب منها وجنب ودنها: غيرانة؟ عائشة بتوتر من قربه: لـ... بس بسأل. جواد بنفس الهمس: تعالي معايا. عائشة بتوهان: ها؟ جواد قرب منها وهمس قدام شفايفها: تعالي معايا، مش عايز أبعد عنك ولا دقيقة ولا ثانية.

وقرب من شفايفها وباسها، وهي تاهت معاه، بس فاقوا على خبط على الباب. زاحته ولفت وشها بعيد وهو ابتسم. جواد: مين؟ روحية: الست مرام عايزاك يا جواد بيه. جواد وهو باصص على عائشة: حاضر يا خالة، جاي. جواد راح عندها: تيجي معايا؟ عائشة بحزن: لا، روح أنت ومرام. جواد خاب أمله وسابها ومشي، وهي قعدت مكانها. *** مر اليوم وجه وقت السفر. جواد حب يدخل عندها يودعها، خبط على الباب. عائشة: ادخل. جواد دخل: أنا ماشي، عايزة حاجة؟

عائشة بحزن: دلوقتي؟ طب لي مش الصبح؟ يعني عشان الطريق وكده. جواد: بحب أسافر بالليل. عائشة: آه، طب خلي بالك من نفسك وسوق على مهلك. جواد قرب منها: خايفة عليا؟ عائشة بصت في عيونه: أكيد خايفة عليك. جواد من غير مقدمات حضنها جامد: مش عايز أبعد. عائشة: في صراع داخلي ما بين قلبها اللي بيقولها احضنيه، اعترفي بمشاعرك، وما بين ضميرها اللي بيقولها لو عرف حقيقتك هيكرهك. بس انهارت حصونها لما سمعت كلمته. جواد: هتوحشيني.

عائشة بدموع: ممكن متسافرش؟ خليك معايا. جواد مش مصدق اللي سامعه: بعديها عنه وبيمسح دموعها: عايزاني معاكي لي؟ عائشة بدموع: مش عارفة، بس مش عايزك تبعد عني. حاسة بالأمان معاك، عايزك جنبي على طول، يمكن عشان بحبك يا جواد. جواد مخلهاش تكمل ليقاطعها بقبلة عصفت بكيانها. بعد مدة بعد وبيمشي إيده على وشها: هرجعلك على طول، يومين بالكتير. عائشة بدموع: كلمني لما توصل. جواد: حاضر. وسابها ومشي. ***

جواد سافر ووصل، وهي فضلت مستنياه يرن بس مرنش. صباح يوم جديد على الفطار. عائشة: صباح الخير. هنية: صباح النور، اقعدي يا بنتي. عائشة قاعدة وعايزة تسأل على جواد بس مكسوفة، وبصت على حنين اللي شايفاها متوترة بس مش عارفة السبب. حنين: إيه رأيك نروح الجنينة يا عيوش؟ خلف: فكرة زين، روحوا غيروا جوا. عائشة: جنينة إيه؟ هنية: إحنا عندنا جنينة، متعرفيش يا أخي، هتعجبك كتير. عائشة ببسمة: أكيد، بس هجهز جود.

عائشة سابتهم وطلعت عند بنتها. بعد دقيقة دخلت هنية. هنية: بنتي، ينفع أتكلم معاكي كلمتين؟ عائشة ببسمة: أكيد، اتفضلي. هنية: بصي يا بنتي، أنا فرحتي متتوصفش بيكي، صدقيني. أيوه مرام بنت خوي، بس من يوم ما اتجوزت ولدي وأنا ولدي حزين، ما شفتوش فرحان أبداً. مرام كل همها الفلوس واللبس، عمرها ما اهتمت بيه. كل مأكل نام، منمش، آخر مأخرش، مكنش يفرق معاها. تصدقي لو قلت لك إن ندمانة إنه اتجوزها؟ عائشة بصالها باستغراب وهي كملت.

عندينا بيقولوا: أعز من الولد ولد الولد، بس أنا ما عنديش ولد ولد. كان نفسي يكون عندي، بس هي مدورتش على حالها. ابني نفسه في عيل، وحاول كتير يعالجها، بس هي مكنتش بترضى وتعيط كتير. وكملت بحسرة: وجواد بيحبها، مكنش يستحمل دموعها. بس بيقول لك الجبل من كتر الحمول بيتهد، وهو ده اللي حصل. أنا حذرتها كتير، بس هي مكنتش بتسمع مني. قلت لها إهمالك هيضيع جوزك منك، وفعلاً هو ده اللي حصل. عائشة بحزن: أنا آسفة، أنا مكنتش عايزة أذي حد.

هنية بحسرة: ليه تتأسفي يا بنتي، أنتِ ما آذتيش حد. أنا عايزة منك تفضلي جنبيه، خليكي الصدر الحنين ليه. أنتِ متعرفيش حاجة عن جواد، جواد اتعذب كتير بحياته. عائشة باستغراب: اتعذب؟ هنية بتوتر: هييجي الوقت اللي هيحكيلك فيه كل حاجة، بس طلب من أم قلبها مفطور على ابنها، هاتيله عيل. نفسي أحمل ولد ولدي على إيدي. ومسكت إيديها: أنا نفسي أشوف ابني سعيد يا بنتي. عائشة: صدقيني، هعمل كل اللي أقدر عليه.

هنية قامت وهي ماشية: وديري بالك من مرام. هي بنت اخوي صح، بس أنا يهمني سعادة ولدي. ومرام، ديري بالك منها. عائشة بصتلها: بس مرام... يعني متكلمتش معايا في حاجة تزعلني. هنية بسخرية: اسمعي كلامي بس. عائشة: حاضر. *** في غرفة حنين بتكلم معاذ. حنين: معاذ، هتيجي ولا له؟ معاذ بحب: أجي معاكي لآخر الدنيا. حنين بحب: يا روحي إنت. معاذ: يا قلبي إنت. مش عارف ناوي أخوكي يرضى ويجوزنا امتى؟ حنين: إن شاء الله قريب.

معاذ: بت، إنتي بتعرفي حاجة؟ حنين بخبث: لا، بس في اللي هتأثر عليه. معاذ: مين؟ حنين: العروسة الجديدة. معاذ: عيشة؟ حنين: أيوه. معاذ: إزاي؟ حنين: تعال بس، وهي هتكون معانا، وهقولك. معاذ: هوا، وأكون عندك. *** في القاهرة، في شركات القناوي. جواد بغضب: يعني إيه مفيش حل؟ إحنا من بالليل بندرس الموضوع، مش قادرين تلاقوا حل؟ فارس: اهدى يا جواد، اهدى.

جواد: أنا عايز أحل المشكلة دي في أسرع وقت، اطلب اجتماع مع الشركة دي، خلينا نشوف عايزين إيه ونوصل لحل وسط. فارس: حاضر. وكمل بخبث: بس أنت أول مرة تكون مستعجل في أي. مرام مش معاك؟ جواد افتكر عائشة وابتسم: اتجوزت. فارس كان بيشرب ميه، بخها في وشه. جواد: إيه يا معفن ده؟ جاتك القرف! فارس بفرحة: احلف! أخيراً يا راجل! مين؟ وشفتها فين وإزاي؟ ومعزمتنيش ليه؟ جواد ابتسم: اهدى، هحكيلك كل حاجة. وقص له كل شيء.

فارس: بس أنت كده وقعت نفسك في مشكلة، يعني أهلها لو عرفوا... جواد: عشانها هحارب الدنيا. يلا بقى، اطلب الشركة، خلينا ننجز. فارس: أيوه يا عم، عايز ترجع. آه، صح، ومرام؟ جواد بصله: معترضتش، ولا فارق عندها. فارس بسخرية: وهي يفرق عندها ليه، قدام مفيش حاجة هتنقصها. جواد: احم، يلا يا فارس، خلينا نخلص من الموضوع ده. فارس: تمام، هروح أطلب منهم اجتماع. *** في البلد. معاذ: يلا بينا. حنين: يلا. ماشين بس وقفوا على صوت مندور.

مندور: إيه ده؟ العروسة رايحة فين؟ أكده دا أنتِ لسه مسبعتيش. معاذ بغضب: مندور، خلي بالك، ومتلعبش في عداد عمرك. مندور بخبث: إيه؟ والعريس سافر؟ أكده شكلك معجبتوش. معاذ بغضب راح مسكه من جلابيته: أنا قلت إيه؟ عائشة بتوتر وخوف: معاذ، سيبه وابعد، خلينا نمشي. معاذ بغضب: حنين، خدي عيشة وامشوا. حنين: ليه؟ هنمشي سوا. معاذ بص لـ مندور: احمد ربك إن جواد مسمعش كلامك، إلا صدقني كان دفنك بأرضك. واخد البنات ومشي.

مندور بصوت عالي: حسابنا ما خلصش يا عيلة القناوي. عائشة بتوتر: هو فيه إيه؟ إيه سر العداوة بينهم؟ معاذ: متسأليش، بس نصيحة، ابعدي عن مندور، ولو شفتيه صدفة، ابعدي عنه. ده شر ماشي على الأرض. عائشة: طب أنا عايزة أعرف. حنين: فيه حاجات متنفعش تـتعرف، ومتستعجليش، كل حاجة بأوان. مشوا وراحوا الجنينة. *** في القاهرة. الاجتماع.

لين: أستاذ جواد، حضرتك اتفقت معانا على المشروع، وإحنا ظبطنا أمورنا وكنا هنبدأ البناء، بس نعرف إن أصحاب الأرض رفضوا يسلموا الأرض. فارس: يا آنسة لين، إحنا اتفقنا معاهم، بس هما بعد ما دفعنا العربون رفضوا يتموا البيعة. لين: مش مشكلتنا، المشكلة عندكوا حالياً، وأنتم أخرتونا عن بداية المشروع. فارس باصص على جواد اللي ساكت: جواد، اتكلم. جواد بهدوء: طلباتكم. لين: المشروع يتم، أما تدفعوا الشرط الجزائي. جواد: تمام، المشروع هيتم.

لين باستغراب: إزاي؟ جواد: بس مش هنا. فارس: فين؟ جواد: في قنا. لين باستغراب: قنا؟ جواد: أيوه، أرض جاهزة وعلى البنا، وكمان محتاجين مستشفى هناك، وكل حاجة هتتظبط، المكان اللي العمال هيقعدوا فيه. لين: لازم أعاينها الأول. جواد: تمام، الوقت اللي يناسبك، بلغيني بيه. لين: ماشي. جواد: الاجتماع انتهى، عن إذنكم. فارس طالع ورا جواد: إيه اللي عملته ده؟ جواد: إيه المشكلة واتحلت، عن إذنك بقى، ورايا سفر.

فارس ببسمة: وأخيراً جت اللي جننتك يا جواد. لين من وراه: بيحبها للدرجة دي؟ فارس باستغراب: نعم؟ لين بتوتر: قصدى اللي خلص الاجتماع بسرعة عشانها. فارس: أيوه، عن إذنك. *** المسا. عائشة قاعدة مستنية أي خبر عن جواد اللي مرنش عليها خالص يطمنها ومضايقة جدا. واقفة قدام المراية: أكيد فرحان هو وهي، طبعاً أنا أصلاً مهموش، أصلاً لو همه كان كلمني اطمن عليا، بس اوف يا ربي بقه، أنا هتجنن من كتر التفكير، أنا هنام أحسن لي.

تحت كان جواد وصل هو ومرام. هنية: خير يا ولدي؟ قلت يومين وراجع، إيه رجعك بدري؟ جواد: خلصت شغلي. مرام بغيظ: قوليله يا عمه، حتى مستنناش نريح للصبح. هنية بخبث: وأنتِ كنتِ عايزة تريحي ولا مكنتيش خلصتي مشاويرك؟ مرام: واه يا عمه، إيه اللي بتقوليه ده؟ هنية: ولا حاجة، اطلعى ارتاحي من السفر، أكيد تعبتي. جواد كان سابهم بيتكلموا وطلع عند حنين. حنين: أبيه، أنت جيت؟ جواد: أيوه، عملتي اللي قلت لك عليه؟

حنين: أيوه، كل حاجة زي ما قلت. جواد: هي فين؟ حنين: في أوضة. جواد ساب حنين وراح عندها. فتح الباب، كانت نايمة. شالها من غير ما تحس بيه، واخدها وطلع. بيحاول يصحيها، بيمشي إيده على وشها. جواد: أنتِ لو قتلوا قتيل جنبيكي ما هتصحيش أبداً. عيشة، قومي يا حبيبتي. عائشة بنعاس: امممممم. جواد: امممم إيه بس؟ قومي. عائشة نعس: جواد، إنت هنا؟ جواد: لا، هناك. فوقي بقى. عائشة بخضة قامت وزاحته: أنت جيت إزاي؟ جواد: جيت حالا.

عائشة: يعني أنت بجد؟ جواد: لا، خيال. عائشة بغيظ: آه، ولسه فاكر؟ أنا مش قلت لك تطمني عليك لما توصل؟ ولا أنت مكنتش فاضي طبعاً، وأنا أفرق عندك بإيه؟ جواد ببسمة شدها ليه ولف إيده حوالين وسطها: أنا فعلاً مكنتش فاضي. عائشة بغيظ: طب عن إذنك ابعد بقى، وبعدين أنا فين؟

جواد: إحنا في أوضة بحبها جداً، فوق البيت. وثانياً، أنا مكنتش فاضي لإنّي سافرت، وحتى مريحتش وروحت الشغل عشان أخلص المشكلة وأرجعلك، وأول ما حلتها رجعت. اديني قدامك. عائشة باستغراب: عايز تقنعني إنك منمتش خالص؟ جواد: أنا فعلاً منمتش ولا دقيقة عشان أرجعلك. عائشة بفرحة: بجد؟ جواد: بجد. عائشة: طب ارتاح، أكيد نعسان. جواد بحب وهو بيقرب منها: ليه مش نعسان؟ وبيقرب. عائشة بتوتر وخوف: جواد، حد ممكن يجي.

جواد: متخافيش، الأوضة دي ممنوع حد يدخلها غيري أنا بس، ومفتاحها معايا. عائشة: بس أنا فيها أهو. جواد: أنتِ بس تتدخليها، لإنّنا هنبدأ حياتنا فيها. عائشة بخوف: جواد، معلش، ممكن يعني، احم، اديني قصدى، متفهمش غلط. جواد عرف أنها خايفة من قربه: متخافيش، أنا عمري ما هأذيكي.