رواية عذراء في الحب الفصل الثامن 8 - بقلم جروح لا تنتهي

جيتني في عز الوجع زي السلام في الحرب. كنت أنت هدنة من الرصاص والضرب. من غير ما نرفع راية استسلام. كنت أنت أسلم منطقة للروح. وكنت وحدك ليا بيت وأمان. (أميرة البيلى) صباح يوم جديد. في غرفة مرام تليفونها بيرن. مرام بنعاس: الو. مجهول: أيوه يا ست هانم وصلت للناس اللي انتي عايزاهم. مرام قامت قعدت: حق، طب اسمع هتعمل إيه. فلاش باك. مرام قابلت شخص في الجنينة. مرام: عايزك تسافر أسيوط. مجهول: ليه يا هانم؟

مرام: هتدور على ناس بنتهم هربانة واسمها عيشة وبنتها جود. أنا معرفش أي حاجة عنهم غير إنهم من قرية (.... في أسيوط. اعمل المستحيل عشان توصلهم. مجهول: حاضر يا هانم. ولو لقيتهم... مرام بمكر: تكلمني وأنا هقولك تعمل إيه. باااااااااك. مرام قفلت. لما نشوف هتعملي إيه يا دكتورة. *** عايشة فاقت لقت نفسها في حضن جواد. باصة عليه وبتمشي إيدها على وشه. وفجأة مسك إيدها وباسها. جواد: صباح الورد. عايشة بحب: صباح النور. جواد: عاملة إيه؟

عايشة ببسمة: بخير. أنا هلحق أنزل قبل ما حد يشوفني. جواد: تعالي ننزل سوا. نزلوا وكل واحد أخد حمام. جواد قاعد مستنيها تطلع من الحمام. عايشة: أنت لسه هنا؟ جواد قام وبيرجع شعرها لورا: مستنيكي ننزل سوا. عايشة بصتله: جواد. جواد: عيونه. عايشة: أنا عايزة أقولك حاجة بس اسمعني للآخر. لسه هتتكلم التليفون رن. جواد: دقيقة هرد وأشوفك. فتح التليفون وماسك إيدها وبيتكلم: أيوه يا آنسة لين. لين: إزيك يا جواد بيه؟

جواد: بخير. أنتِ عاملة إيه؟ عايشة أول ما سمعت اسم لين انتبهت للكلام وبتقرب ودانها من التليفون. وجواد ملاحظ وفرحان من جواه. لين: أنا هنزل أنا والمهندس نشوف الأرض بكرة أو بعده بالكتير. جواد: تمام. هكون في انتظارك. لين: تمام. سلام. جواد: سلام. عايشة: مين دي وعايزة إيه؟ وبترن بدري كده ليه؟ جواد بضحك: اهدى بس اهدى. دي مهندسة وجاية تشوف أرض هنعمل عليها مشروع. وبعدين معقول مسمعتيش؟ ده أنتِ ودنك كانت أقرب من ودني للتليفون.

عايشة بغيظ: والله. وفيها إيه يعني؟ وبعدين أنا مسمعتش حلو. صوتها كان واطي ومسهوك كده. جواد: حب يغيظها فعلاً. عايشة: إيه اللي فعلاً؟ جواد: صوتها حنون ومسهوك كده. عايشة بغيرة: جوووووواااااااد. جواد بضحك شدها لحضنه: أول مرة أحس إن في حد بيغير عليا. إحساس حلو. عايشة: طب احذر غيرتي بقى. يلا عشان ننزل. *** على الفطار. خلف: حليت المشكلة يا ولدي؟

جواد: أيوه يا حاج. بس كنت عايز أستأذنك. هعمل مشروع في البلد على حتة الأرض اللي في وسط البلد. خلف: وتستأذني كيف يا ولدي؟ أرضك وحاجتك. جواد: شكراً يا حاج. هنيه: كيفك يا عروسة؟ عايشة بعيون لامعة: بخير يا ماما. مرام قاعدة ومتغاظة منها: إلا صحيح يا دكتورة. كان عايز منك إيه مندور؟ عايشة وحنين: كح كح كح. جواد بذكر اسم مندور الدم غلى في عروقه: مندور؟ وإيه علاقته بيها؟

مرام: معرفش. البت شهيرة قالت إن الدكتورة كانت خارجة هي وحنين ومعاذ ووقفهم مندور وشد هو ومعاذ بالكلام واتعاركوا. جواد عيونه احمرت وبيضغط على أسنانه: خرجتي من غير إذني وكمان قابلتي المحروق ده؟ عايشة بخوف: والله لا بس... خلف: اهدى يا ولدي. مرتِك استأذنت مني. جواد قام وراح عندها ومسك إيدها: عن إذنكم. هنيه بخوف: بالهداوة يا ولدي. جواد خدها ومشى من غير كلام. حنين بغيظ: كان قصدك إيه من الحديث ده يا مرات أخويا؟

مرام: ولا حاجة. حنين بغضب: أكيد قصدك يتخانق مع عيشة. خلف: كفاية كلامكم الماسخ ده. *** في الغرفة عند جواد. واقف باصص من الشباك وعايشة وراه ومرعوبة. عايشة بتوتر: جواد، أنا خرجت مع حنين ومعاذ واستأذنت من بابا الحاج. بس والله أنا ما اتكلمت مع اللي اسمه مندور ده. جواد لف لها وعنيه بتطلع شرار ومسك دراعها: إيه الكلام اللي قالهولك؟ عايشة بخوف: مقالش حاجة يا جواد. فيه إيه؟ جواد بشك: متأكدة؟

عايشة بخوف: معاذ مخليهوش قال أي حاجة. صدقني. جواد: لو عرفت إنك خرجتي تاني من غير إذني تصرفي مش هيعجبك. فاهمة؟ عايشة بألم: فاااهمة. سيب إيدي بقى. جواد سابها ولف وشه بعيد. هي راحت وراه وحضنته: أنا آسفة إني خرجت من غير إذنك. مش هتتكرر تاني. جواد وهو بيبعدها: خلاص. عايشة بحزن: لا. لسه زعلان. جواد: لا مش زعلان. عايشة: طب اثبتلي. جواد: عيونه بتلمع بمكر. أنا هثبتلك من عيوني. عايشة فهمت قصده: لا مش قصدي. وطلعت تجري برة.

جواد: تعالي يا مجنونة. هتفضحينا. *** في أسيوط. أيمن: أبويا في حد عايزك برة. منير باستغراب: مين ده؟ أيمن: معرفش. تعال ونشوف. بالخارج. منير: السلام عليكم. خير يا ابني. أنت مين؟ وعليكم السلام يا حاج. أنا اسمي نعيم. منير: أهلاً. بس أخدمك بأيه؟ نعيم: أنا اللي هخدمك يا حاج. أيمن: ما تتكلم من غير ألغاز يا راجل أنت. منير: اهدى يا ابني. عيب اللي بتحكيه ده. نعيم: بص يا حاج. أنا عارف إن بنتك هربت منكم. وأنا عارف مكانها.

منير بصدمة: عارف مكانها؟ فينها بنت ال... نعيم: فقنا في بيت الحاج خلف القناوي. عمدة البلد عندنا. منير: الكلام ده. ولو طلع غلط عارف هعمل فيك إيه. نعيم: عيب يا حاج. منير: كلم خالد واحجز لنا تذاكر على قنا. وأنت هتيجي معانا. نعيم: من عيوني. بس آخد الحلوان الأول. منير: هتاخده. بس لما أشوفها بعيني. نعيم: وهو كذلك. سهير من ورا الباب: يا مصيبة يا مصيبة. وطلعت تجري على رنيم. رنيم بقلق: مالك يا ماما؟ فيه إيه؟

سهير بدموع: عرفوا مكانها. رنيم: مين؟ ومكان مين؟ سهير: مكان بنتي. في واحد برة حكالهم على مكانها. رنيم بصراخ: يا دي المصيبة. يا دي المصيبة. سهير: كلميها يا بتي. كلميها. خليها تهرب. رنيم مسكت التليفون وبترن عليها. رنيم: مقفول. مقفول. هنعمل إيه؟ سهير: كلمي معتز. رنيم: معتز تليفونه باظ امبارح. وكلمني من الشارع وعرفني عشان مقلقش لحد ما يجيب فون جديد. سهير لدموع: استرها عليها يا رب. سترك يا رب.

رنيم: خير يا ماما. خير إن شاء الله. *** في القاهرة. في جامعة الهندسة. محسن: بس يا ستي. هو ده كل اللي حصل في البلد. وأخرني. رنا: أنا قلقت عليك جداً لما مرجعتش في الوقت اللي قلت عليه. وكنت خايفة أرن عليك. محسن: متخافيش عليا. المهم هاتي المحاضرات. رنا: أهي كتبتها لك كلها. محسن: شكراً يا روحي. رنا: محسن. محسن: احم. شكراً يا رنا. امتى السنة دي تخلص وأجي أتقدملك؟ رنا بحزن: مش لما باباك يصرف نظر عن بنت عمك.

محسن: ليه العكننة دي بس؟ رنا: أنا بعكنن عليك ولا بقولك الحقيقة اللي أنت دايماً ناسيها. محسن: وأنا قلتلك. أنا جواد هيساعدني. يبقى نخلص من الموضوع. ومنقعدش نعكنن نفسينا عليه. رنا: أنا خايفة يا محسن. تبعد عني. أنا مقدرش أعيش من غيرك. محسن: ولا أنا. رنا: طب يلا للمحاضرة. *** في قنا. جواد: أيوه يا فارس. فارس: خير يا عريس. جواد: لين كلمتني ووافقة وهتيجي تعاين الأرض بكرة أو بعده. فارس: تمام. وأي المطلوب؟

جواد: هتجيبهم هي والمهندس. فارس: أنا البت دي مبنزلش من زورى. وحاسسها إنها خبيثة وفي حاجة جواها. جواد: يا سيدي إحنا مالنا. إحنا لينا الشغل وخلاص. وبعدين متنساش إن شركتهم ليها اسم كبير. فارس: ماشي يا جواد. هكلمهم وأشوفهم هينزلوا إمتى. جواد: وهو كذلك. *** المسا. الكل قاعد مبسوط. ومرام اللي محضرة مفاجأة هتقلب موازينهم. جواد كل شوية يبص على عايشة وعنيه بتطلع حب ليها. هنيه بفرحة: ربي يديم الجمعة دي يا حبايب قلبي.

عايشة: يديمها بوجودك يا رب. سمعوا صوت عالي من برة. خلف: إيه الصوت العالي ده؟ روح يا ولدي شوف فيه إيه. منير بصوت عالي دخل: ابعد منك ليه. لاحسن وديني أقطعكوا حتت هنا. عايشة كانت ماسكة كوباية ميه. وقعت من إيدها وبصدمة وزهول مش مستوعبة اللي قدامها. جواد بص لها وبص على اللي قدامه. عرف إن كل حاجة هتتكشف دلوقتي. خالد طلع يجري عليها: تعالي يا فاجرة. وديني لأربيكي. ولسه هيمد إيده. جواد كان مسكها. جواد: إيدك لو اتمدت هتتكسر.

خالد بغضب: ابعد يا جدع أنت. جواد بغضب: ابعد أنت أحسن. وربي ما أخلي فيك حتة سليمة. عايشة طلعت تجري استخبت وراه وماسكة في الجلابية بتاعته من ورا. منير: يا قادرة بتتحامي في راجل غريب. خلف: غريب مين يا جدع أنت. أنتوا مين؟ مرام: إيه اللي بيحصل هنا؟ أنتوا مين؟ جواد بصوت عالي: ادخلي جوة أنتِ وملكيش دخل. حنين خديهم جوة. مرام بصوت عالي: له مش ماشية إلا لما أعرف مين دول وعايزين إيه منها.

منير: عايزين بنتنا اللي أنتوا مخبيينها عندكوا. خلف: اقعد يا حاج ونتفاهم. أيمن بغضب: إحنا مهنتفاهمش. إحنا هناخدها وهنمشي. وراح عندها ولسه هيقرب. جواد طلع مسدس من جيبه ورفعه على راسه. جواد: اللي هيقرب منها هنسفه من على وش الأرض. عايشة بخوف وقفت قدام جواد ودموعها نازلة وبتهز راسها بـ"لا" يا جواد. جواد بغضب شدها وراه: متتحركيش من هنا. فاااهمة؟ منير: أنت مين يا جدع أنت؟ جواد: أنا جوزها. الكلمة وقعت كالصاعقة على الكل.

منير: أنت اتجننت؟ خالد: أنت مجنون؟ دي مراتي أنا. جواد: قصدك طليقتك. عايشة مصدومة من كل اللي بيحصل وإن جواد واضح إن عارف حكايتها كلها. وبتكلم نفسها: أكيد حنين حكتله. أكيد. فاقت على صوت أبوها وهو بيشدها. منير: يا فاجرة. يا قادرة. اتجوزتي من ورانا. معتز جه لما عرف اللي بيحصل. وبصوت عالي من وراهم. معتز: أنا اللي جوزتها. منير بص له: أنت كنت عارف مكانها من الأول؟

خالد: أنت هتطلقها حالا. وناخدها ونمشي. على جثتي تتجوز حد غيري. جواد صوب المسدس عليه: وأنا معنديش مشكلة إني أخليك جثة. خلف: اهدى يا ولدي. اهدى. مرام: يعني أنتِ هربانة من أهلك؟ يا دي المصيبة. إحنا ناقصين مصايب. جواد بغضب: مرام متتدخليش. ملكيش صالح. خلف: اهدوا يا جماعة. خلينا نقعد نتكلم على رواق. منير بتعب: رواق إيه؟ بعد ما بنتي وولدي حطوا راسي في الطين.

عايشة بدموع: لا لا. أنا معملتش حاجة. انتوا اللي عملتوا. انتوا اللي وصلتونى لكده. انتوا اللي قتلتوني. أيمن بغضب: قتلناكي؟ إحنا دارينا عليكي وعلى فضيحتك. ولم يكمل لتصفعه صفعة على أمل رجوعه لعقله. الكل اتصدم. عايشة وعنيها حمرا ودموعها نازلة: اخرس خالص. إياك تقول في حقي كلمة. إياك. وبصت على أبوها. وراحت عنده وبكل قوة: أنت مستحيل تكون أب حقيقي.