رواية عذراء في الحب الفصل الثامن عشر 18 - بقلم جروح لا تنتهي

يوم جديد الكل قاعد عالفطار في فيلا جواد. الباب خبط بعد مدة. الخدامة: جواد بيه، في واحدة برة عايزة حضرتك. جواد: مين؟ عائشة: أنا. جواد: أنتي؟ جود بفرحة: بابا! (جود عندها سنتين ونص) جود جرت عليه وجواد شالها. هنية ببسمة: أهلاً يا بتي، تعالي. عائشة: أهلاً يا ماما. جواد بص لها وباصص للشنط: خير؟ عائشة ببسمة: رجعت بيت جوزي ولا إيه؟ هنية: طبعاً يا بتي، تنوري بيتك ومطرحك، تعالي افطري.

عائشة ببسمة: لا شكراً يا أمي، فطرت. هطلع عشان ألحق شغلي. وسابت جواد في صدمته وطلعت. هنية: اطلعي وريها أوضة جواد يا بتي. الخدامة: حاضر. محسن: هو إيه اللي بيحصل؟ حنين: ولا حاجة، بس واحدة رجعت بيتها اللي سابته. رنا بفرحة: أنا مبسوطة أوي، أحلى خبر ده. جواد سابهم وطلعلها. جواد: إيه اللي رجعك؟ عائشة كلامه وجعها بس بينت العكس: رجعت بيتي. جواد: أنتي سبتي بيتك من سنة ونص. عائشة: واديني رجعت.

جواد: أنتي خوفتي تخسريني ولما لقيتيني خطبت لين رجعتي، مش كده؟ عائشة ببسمة: أنا عمري ما خسرتك. وقربت منه لأنها متأكدة إنها هنا. وشاورت على قلبه. جواد: لا أنتي ولا هنا ولا هناك، أنتي انتهيتي من حياتي. عائشة: ولما انتهيت، مطلقتنيش ليه؟ عشان أشوف حياتي أنا كمان وأحب وأتلم؟ لم تستطع أن تكمل الجملة حينما وضع يده على فمها. جواد: مطلقتكيش لأن حسابي لسه مخلصش. عائشة بصاله وبدور في عينيه على حنية بس مفيش غير القسوة.

زاحها وسابها ومشي. وهي جهزت نفسها وواقفة قدام المراية ولابسة بدلة بيضة زادتها جمال وطرحة وميك أب خفيف. عائشة: هنشوف يا جواد، مين هيكسب في النهاية. وراحت الشغل. نجلاء: واوووووو، إيه الجمال ده! عائشة ببسمة: مرسي. نجلاء: إيه الحكاية؟ عائشة قصت لها ما قالته لها هنية. نجلاء: حماتك معاها حق، لازم ترجعيه. لازم تفضلي حواليه وتحاولي.

عائشة بهم: ربنا يعين. أنا صعب عليا أشوف نظراته ليا اللي كلها قسوة. بس مقدرش أكمل من غيره يا نجلاء. نجلاء ببسمة: صدقيني هيرجعلك وسوء التفاهم هيتحل. زين طلع عليهم: عيشة، عندنا اجتماع في شركات القناوي. هتيجي ولا؟ عائشة بسرعة: هاجي طبعاً. زين: تمام، جهزي نفسك عشان هنمشي بعد عشر دقايق. عائشة: تمام. *** جواد قص لفارس ما حدث. فارس ببسمة: ومالك مضايق ليه؟ جواد بص له بغيظ: أنت عارف أنا مضايق ليه.

فارس: والله الحقيقة مش عارف. واحدة رجعت لجوزها ولبيتها. جواد: فارس، أنت عارف هي الغيرة اللي رجعته. فكرة إني خطبت لين ولعت الغيرة جواها. فارس: وليه متقلش إنها بتحبك ومش عايزة تخسرك وعايزة ترجعك ليها؟ جواد لسه هيتكلم، السكرتيرة دخلت. السكرتيرة: جواد بيه، أستاذ سليمان برة. جواد: خليه يدخل وجهزي أوضة الاجتماعات. السكرتيرة: حاضر يا أفندم. *** بعد مدة، جواد وفارس ومحسن قاعدين ومستنين زين.

جواد: رن على زين يا فارس وشوفه آخر ليه. فارس لسه هيتكلم، الباب خبط وزين دخل وعائشة وراه. زين: آسف يا جماعة عالـتأخير، بس الطريق كان زحمة. جواد باصص على عائشة ومش منتبه للكلام. فاق على صوت فارس. فارس: ولا يهمك، يلا نبدأ. زين: آنسة لين فين؟ محسن: هتتأخر شوية. زين: تمام. وقعد وعائشة قعدت جنبه وقصاد سليمان. وجواد شايف نظرات سليمان لعائشة ومضايق. وبدأ الاجتماع ولين وصلت وقعدت جنب جواد.

ونظرات الغيظ والتحدي بين لين وعائشة مستمرة. جواد: تمام، يبقى لين تبدأ في التنفيذ. لين ببسمة: تمام، بكرة هبدأ إن شاء الله. زين: كده تمام، نمشي إحنا بقى. وبكرة مهندس من شركتنا هيبقى معاكي يا آنسة لين. لين: ماشي. زين: يلا يا عيشة. سليمان بسرعة: آنسة عيشة، ممكن أتكلم مع حضرتك. عائشة: معايا أنا؟ سليمان: آه. عائشة بصت على زين وعلى جواد اللي عينيه بتطلع شرار: اتفضل. سليمان: ممكن على انفراد؟

جواد كور إيده وعروقه ظهرت وبص لعائشة اللي اتوترت من بصات جواد ومن طلب سليمان. فارس: هو موضوع خاص ولا إيه؟ سليمان ببسمة: حاجة زي كده. عائشة بتوتر: طب اتفضل. ولسه هتمشي. جواد: يتفضل فين؟ قول اللي أنت عايزه قدامنا. لين بدلال: إيه يا جواد؟ سيبه بيقولك خاص. سليمان بتوتر: لا عادي، ممكن أتكلم عادي قدامكم. عائشة: طب اتفضل اتكلم. سليمان راح عندها وهي واقفة وقريبة من جواد.

سليمان: آنسة عيشة، بصراحة أنا من لما شفت حضرتك وأنا معجب بيكي، وكل مرة بشوفك إعجابي بيزيد. فارس بص على جواد وحب يزيد الموضوع: بصراحة معاك حق، عيشة إنسانة خلوقة ومحترمة ومشفناش منها أي إساءة لحد. بس أنت عايز إيه بالظبط؟ سليمان: الصراحة، أنا معرفش حاجة عنك. بس لو ممكن عنوان حضرتك عشان أجي يعني أقابل الوالد. عائشة وشها أحمر وبصت لزين ولفارس وخايفة تبص على جواد وماسكة في اللبس اللي لبساه.

زين بتوتر: احم، سليمان أنت متعرفش حاجة فا... جواد قطعه: وأنت بناءً على إيه خدت الخطوة دي؟ يعني قصدى مش يمكن تكون متجوزة. سليمان بهيام: هو فيه حد يكون متجوز دي ويسيبها تطلع تشتغل؟ جواد بغيظ من كلام سليمان وغيرة بص على عائشة: ماشي، ردك يا آنسة عيشة. واتك على كلمة "آنسة". عائشة بصتله واتضايقت منه: أستاذ سليمان، حضرتك قلت إنك متعرفش حاجة عني، عشان كده أنا هقولك، أنا متجوزة وعندي بنوتة كمان. سليمان بصدمة: مش باين عليكي.

جواد بغيظ: هيبان، هيبان. وتحب تعرف مين جوزها؟ سليمان سكت ومردش. فارس لقى جواد متعصب فحب يهدي الموضوع: سليمان، عيشة تبقى مرات جواد. سليمان بصدمة: إيه؟ بس جواد يعني هو مش خاطب لين؟ فارس: موال يطول شرحه. عائشة: عن إذنكم. وسابتهم وخرجت. *** عائشة مشت وهي مش عارفة هي عملت كده إزاي. وبدوس على زرار الأسانسير وصل والباب اتفتح ودخلت. وبدوس على زرار النزول، جواد حط رجله ودخل. عائشة بتوتر: أنت جاي ورايا ليه؟

جواد: عاجبك اللي بيحصل؟ عائشة: إيه اللي بيحصل؟ جواد بسخرية: الهانم جيلها عرسان وبتقولي إيه إيه بيحصل؟ عائشة: وأنا مالي. جواد: اللي عملتيه في نفسك. بتتزوقي وتخرجي كأنك بتقولي للناس اتجوزوني. عائشة بغيظ: جواد، مسمحلكش. وبعدين أنت مش هامك ولا أنا فارقة معاك ولا عايزني، يبقى مالك بيا؟ جواد بغضب: متنسيش إنك لسه مراتى. عائشة بحزن: عمري ما نسيت يا جواد، ولا عمري هنسى. بس أنت اللي بتحاول تنسى. وقربت منه وحطت إيده على وشه.

عائشة: بتحاول تنسي حبي، بتحاول تهرب من عيوني، بتحاول تخبي اشتياقك ليا. جواد لحظة كمان وحصونه هتتهد. بعد إيدها: متنسيش إننا في الشركة. عائشة بوجع بصت فالأرض والباب اتفتح وخرجت ومشت. وهو فضل باصص عليها. عائشة مشت ومش عارفة رايحة فين، بس هي مخنوقة. مش قادرة تتحمل بعده أكتر من كده. وغيرتها قاتلاها. فكرة ارتباط اسم جواد مع واحدة تانية بتقوم براكين جواها. عائشة: هعمل إيه يا جواد؟

أنا بحاول بس أنت قافل كل الطرق ليا. مش مقتنع إن ليا ذنب في موت مرام. ليه بتهدم حياتنا وفرحتنا؟ ليه مصمم تجرحني؟ عائشة حست بدوخة وكانت هتقع. ساندت على عمود نور وقفت شوى لحد ما بقت كويسة. *** عائشة روحت وقررت تعمل زي ما نجلاء قالت لها. فلاش باك. عائشة: جواد صعب، أنا تعبت من المحاولة معاه. نجلاء: طب إيه رأيك في فكرة لو عملتيها مفيش راجل يقدر يقاومها؟ عائشة: إيه هي؟ نجلاء: ليلة رومانسية. عائشة: يعني؟

نجلاء: يعني ورد أحمر وبلالين وقميص نوم حلو كده وشوية مكياج وريحة تملا الأوضة وتبقى فلة. عائشة: تنفع؟ نجلاء: جربي. باااااااااك. عائشة زينت الأوضة وعملت زي ما نجلاء طلبت واستنت جواد. بس للأسف انتظارها طال. فقررت تكلمه. رنت مرتين مردش، بس في التالتة. عائشة بلهفة: أيوه يا جواد. لين: أنا لين، جواد في الحمام. عائشة بهجوم: وأنتي بتردي على تليفونه ليه؟ لين بدلع: هو طلب مني أرد. عائشة بغيظ: طب ممكن لما يخرج تخليه يكلمني؟

لين: هقوله حاضر، بس بعد العشاء، لأننا طلبنا العشاء. أصل جواد عازمني على العشاء. باي. وقفتلت السكة. عائشة بغيظ وغيرة مسكت كل حاجة وكبتها وبتتكلم بصوت عالي: عازمها في مطعم وكمان بترد على تليفونه! وبتمسح المكياج وغيرت هدومها ونامت ودموعها على خدها.

جواد رجع متأخر وكان تعبان وهلكان. اترمى على السرير من غير ما يغير. بس حاسس بريحة غريبة على السرير والمخدات. قام بص على عائشة لقاها نايمة. قام دخل الحمام لقى قميص نوم متعلق في الحمام. بيكلم نفسه: إيه أصله ده؟ جه يطلع لقى في الزبالة ورد مرمي. طلع وبص كتير على عائشة وكلم نفسه: كنتي ناوية على إيه يا عيشة؟ معقول أنتِ عيشة اللي بحبها؟ معقول تكوني خاينة؟ مش متهيل الوش ده يكون بالدناءة دي؟

ونام وهو باصص عليها ونفسه ياخدها في حضنه. *** صباح يوم جديد. الكل قاعد عالفطار. حنين: غريبة يا عيوش مش رايحة الشغل. عائشة ببسمة: لا، أنا طلبت من أستاذ زين إن يشوف حد مكاني لأنني مش نازلة تاني. جواد فرح من جواه بقرارها ده. محسن: أحسن حاجة. رنا: ليه الشغل حلو تسبيه لي؟ أدام مش مجبرة. واتكت عالكلمة وبصت على محسن. عائشة ببسمة: طبعاً الشغل حلو وجميل وأنا بحب الوحدة يبقى ليها كارير وحياة مهنية.

رنا بفرحة: شوفي، مش رأيي وحدي. عائشة ابتسمت: بس أحيانًا بيبقى الشغل سبب في مشاكل كتير بين الزوجين. يعني غيرة الزوج، إهمال الزوجة للبيت، عدم راحة الزواج في بيته، يعني مشاكل كتير. فالست اللي تقدر توفق بين حياتها المهنية الزوجية تبقى سوبر. ومن بس الصراحة، أنا بدي أولوية اهتمام الست لبيتها. جواد باصلها وهيمان فيها وهي بتتكلم. هنية: كلامك صدق والله. رنا: فعلاً كلامك حقيقي وتفكيرك صح. محسن: اتعلمي.

معاذ: حنين، متنسيش معادنا إنهاردة بالليل. جواد: معاد إيه؟ حنين: الدكتورة اللي هنكشف عندها. عائشة ببسمة حطت إيدها على إيد حنين: كل حاجة هتبقى كويسة إن شاء الله والدكتور هيطمنكم. هنية: يارب يا بتي يارب. جواد: أنا همشي أنا بقى. وراح باس جود وسابهم ومشي. عائشة اتنهدت تنهيدة طويلة. هنية: تعالي يا عيشة، عايزاكي. عائشة: خير يا ماما؟ هنية: تعالي ورايا. حنين: مش مرتحالك. رنا وقفت جنبها: ولا أنا. محسن بضحك: ولا أنا.