رواية عطر الفهد الفصل التاسع 9 - بقلم عزيزة محمد فؤاد

في مكان مظلم يقف كمال ينتظر سميه هانم. إضاءة عالية تأتي من بعيد معلنة عن وصول سيارة سميه. نزلت من العربية وقالت: "كويس إنك جيت في معادك." كمال: "منقدرش نتأخر عليكي يا هانم." سميه: "أنا كنت عايزاك عشان هنفذ بعد يومين إن شاء الله، وأنا هخلي فهد يسيب حسام عشان ننفذ الخطه." كمال: "تمام يا هانم، اللي تأمري بيه." سميه: "لكن الأهم اللي أنا عايزاك فيه إنك هتقتل." كمال: "لأ يا هانم، الأ دم."

سميه: "يبقى تنسى الاتفاق اللي بينا كله." كمال: "إزاي يا ست هانم؟ طيب والـ 5 مليون جنيه؟ سميه: "الاتفاق كله ملغي ومفيش جنيه." كمال: "لأ خلاص، هعمل اللي تقولي عليه. بس كده الحساب يختلف، ده أنا هقتل." سميه: "يعني إيه؟ كمال: "يعني هزود المبلغ شويتين." سميه: "إيه؟ هزود؟ والكلام ده سوفاج؟ كمال: "تمام، هديك مليون جنيه كمان." سميه: "لأ." كمال: "خمسة كمان." سميه: "لأ، كده كتير أوي."

كمال: "لأ يا هانم مش كتير عليكي، دي إنتي أم فهد الراجل، وأنا لو اتمسكت هدخل السجن طول عمري أو هتعدم." سميه: "تمام، اتفقنا." كمال: "طيب، مش نعرف مين اللي أمه داعية عليه وإنتي عايزة تخلصي منه؟ سميه: "فهد." كمال: "فهد مين؟ سميه: "فهد الراجل، جوز بنتك المصون." كمال بصدمة: "فهد ابنك؟ سميه: "بس هو مش ابني." كمال: "إزاي؟ سميه: "انت مالك؟ انت هتنفذ وبس، من غير أسئلة." كمال: "حاضر يا ست هانم."

سميه: "طيب اسمعني بقى، والكلام اللي هقوله هيتنفذ بالحرف الواحد، ومينفعش فيه أي غلط، لأن الغلطة هتخلينا نروح في داهية. هنعمل... كانت عطر ومعاها روح في المطبخ يلعبون بالدقيق ووشهم كله وأيديهم عليهم دقيق، وصوت ضحكهم كان عالي. فدخل فهد وسليم الفيلا وسمعوا أصوات روح وعطر وشموا ريحة حاجة بتتحرق، فاتجهوا إلى المطبخ. وعندما رأوا شكلهم، وقفوا مصدومين. فتحدث

فهد وهو يتصنع الجدية: "ممكن أعرف إيه اللي بيحصل هنا وإيه اللي انتوا عاملينه في نفسكم ده؟ فضحك سليم وقال: "زي ما انت شايف كده، بيلعبوا بالدقيق." وقاطعه فهد: "أنا مش بسألك، أنا بسألهم." عطر دمعت وقالت بصوت ضعيف: "انت اتأخرت، فكنت قاعدة زهقانه، فنزلت لقيت روح، فقولنا ندخل نعمل كيكه بالشوكولاتة." "يالهوي، الكيكه! يا روح الكيكه زمانها اتحرقت." وجرت على الفرن وطلعتها وعيطت. فهد: "طيب انتي بتعيطي ليه دلوقتي؟

عطر: "علشان الكيكه اتحرقت، وأنا كنت عاملهالك عشان انت بتحبها." فهد قرب منها وأخذها في حضنه وقال: "خلاص يا عطر، يلا اطلعي خدي شاور." نظرت إليه وضحكت وقالت: "وانت كمان لازم تاخد شاور عشان هدومك بقيت كلها دقيق." فضحك سليم وروح على منظر فهد. وخرج فهد وعطر من المطبخ ودخلوا على غرفتهم. أما روح وقفت تتحدث مع سليم. روح: "كنت فين انت وفهد من الصبح كده؟ سليم: "وانتي مالك؟

روح: "ماشي، بس انت أكيد عامل عملة سودة، وأكيد بردو إني هعرفها." سليم بقلق: "ابقي اعرفي بقا." روح: "فريدة مرات عمك مش هتجيبها البر؟ سليم: "ليه؟ عملت تاني؟ روح: "كانت بتضايق عطر." سليم: "لو فهد عرف هيسود عيشتها." روح: "ربنا يستر بس، عطر دي طيبة أوي." أما عند فهد وعطر. فهد: "عاملة إيه يا روحي؟ عطر بكسوف: "بخير الحمد لله." فهد: "وحشتيني أوي يا عطر." عطر: "لا رد." فهد: "انتي مكسوفة؟ أنا جوزك على فكرة، متتكسفيش مني."

عطر: "وانت كمان وحشتني. انت اتأخرت كده ليه؟ فهد: "يوم طويل، ناخد شاور وبعدين نتكلم." فقال بعفوية وهو يغمز بعينيه: "إيه رأيك ناخده مع بعض؟ عطر بكسوف: "لأ طبعاً." فتركها فهد ودخل إلى الحمام. أما هدى كانت تجلس مع جدتها في المستشفى وتبكي. "يا تيته، قومي يا تيته، أنا مليش غيرك، قومي عشان خاطري." فتحت جدتها عيونها وقالت: "أنا معاكي يا قلبي، بس إيه اللي حصلك وإزاي متاقوليليش؟ هدى: "كنت خايفة عليكي يا تيته."

جدتها: "اتـ جـوزيه يا حبيبتي." هدى: "إزاي يا تيته؟ جدتها: "عشان مستقبلك ميضيعش يا حبيبة قلبي، وبعدين كله بيعدي، كان متجوز اختك وطلقها، والحياة مش بتقف على حد." هدى: "يا تيته ده بابا مات لما عرف إن رحمة اتجوزته، وإنتي عايزاني أتجوزه؟ جدتها: "كله فات وعدى يا حبيبتي، وبعدين في حاجات كتير انتي متعرفيهاش." هدى: "يعني إيه يا نيته؟ جدتها: "مش مهم دلوقتي، المهم إنك كويسة الحمد لله." رجع كمال لبيته

وجد أحلام تنتظره قائلة: "كنت فين كل ده؟ كمال: "كنت على القهوة." أحلام: "قهوة إيه؟ أنا عايزة ابني." كمال وهو يجلس: "طيب وأنا أعمل إيه؟ مش الست سميه هانم قالت هتخرجه؟ أحلام: "آه، ما مش ابنك، وهو حتى لو ابنك كنت عملت دا؟ انت بعت بنتك بالفلوس وهتضيع شرفها وتهتك عرضها." بعد أن سمع تلك الكلمات، قام من مكانه وانهال عليها بالصفعات وهو يتحدث: "أنا معملش كده في بنتي." أحلام ببكاء: "أمال الاتفاق اللي اتفقنا مع سميه؟

كمال: "ماله الاتفاق؟ الخطه اللي رسمتها هتتنفذ." أحلام: "إزاي بتقول إنها هتتنفذ، وإزاي بتقول إنك مش هتعمل كده في بنتك؟ كمال: "لأن عطر مش بنتي." أحلام بصدمة: "انت بتقول إيه؟