رواية عطر اليونسي الفصل التاسع عشر 19 - بقلم نور شريف

تتجوزيني؟ قالها مراد بلهفة وقلبه يدق بسرعة. نزل على ركبته وطلع خاتم. ردت قمر بفرحة: موافقة؟ اشتغل ضرب النار في القسم ويونس حضنه وبارك له. وقفت غرام تبص عليهم بغيظ وغضب: آه يا كداب. غمزلها مراد من بعيد وأخد قمر ويونس. رجعوا الدار، طلع يونس عند عطر بفرحة: عطررر أنتي فين؟ وحشتيني. بصت بعيونها بعيد بزعل: هطلقني إمتى يا يونس؟ ضربها كف بسيط وحضنها: أبقى غبي لو ضيعتك من إيدي مرة تانية يا مراتي. أنا راضي بيكي وإنتي كده.

أسف، حقك عليا. أوعدك إنها هتكون آخر مرة يحصل لك حاجة بسببي. أنا يونس وإنتي عطر، إحنا الاتنين واحد. شدته لحضنها بحب وعيونها مدمعة: بجد يا يونس مش هتسبني؟ رجعنا لهرموناتك بروح أمك. عطر أنا بحبككك. شالها من على الكرسي وبدأ يلف بيها. قرب منها بضعف. طفي النور ووووو. قمر كانت قاعدة في أوضتها مبسوطة إنها هتكون عروسة ومراد هيتقبلها بكل عيوبها.

دخل الجد بهدوء: ألف مبروك يا قمر يا بنتي. بالرفاء والبنين. مراد بيجهز ورق كتب الكتاب، مستعجل جداً على الفرح. ابتسمت قمر وحضنها جدها بحنان: تستاهلي كل خير. رغم إنك عملتي حاجات كتير تزعل، بس المسامح كريم. لازم تروحي تعتذري لعطر، هي أكيد هتسمحك مهما كان. يونس دايماً بيقف جنبي. بعد ما قولتله إن حسام بيحاول يهددني، قال لازم أرجع البيت. وساعتها مراد قرر يتقدملي. بس هو بيحب غرام.

غرام أكتر حد دمر مراد. إنتي عارفة إن الضحكة كانت مش بتفارق وشه ودائماً بيهزر وعمره ما كان بيتكلم جد. جت البنت دي كانت عيونه باهتة ونفسيته وحشة. خسر شغله وحياته بسببها. وبرضو راح يتقدم ليها، لاقاها بتتخطب لغيره. والقضية اللي اتعرفت عليه. ولما بعتتك ليه الشقة وهددتك تموته. بس إنتي ذكية وعجبتيني. ابتسمت وطلعت لعطر. خبطت على الباب. زعق يونس بغضب: عايز إيه يا مراد؟ جاي دلوقتي ليه؟ أنا قمر يا يونس، عايزة عطر.

عطر تحت نطاق الخدمة النهاردة. انزلي لجوزك تحت يلا. ضحكت عطر بكسوف: اتلم يا يونس. حاضر يا قلبي. نزلت قمر تحت وهي بتتضحك. وقفت على السلم براحة: معقولة جيت البيت ده عشان يونس، اتجوز مراد؟ وفي الآخر يبقى مع عطر وتكون حامل؟ وأنا يحصل فيا كل ده. ياه أما رواية غريبة. النصيب الدوار يكون قدام عينك وبتحبها بس بتدور على غيرها. دخل مراد، غمزلها وقرب منها. بلع ريقه بتوتر. مسك أيدها وباسها: موافقة تكوني سندي وقت ما أحتاجك؟

صدقيني هعوضك عن كل حاجة. إياك تكوني فاكرة عشان كنت بحارب على غرام يبقى لسه متعلق بيها. إنتي دلوقتي مراتي وأوعدك إنك مش هتسمعيني أجيب اسمها على لساني تاني، ولا هسمع تفكيري يروح ليها تاني. زغرطت قمر بفرحة: وأنا كمان أوعدك إنك حبيبي الأول والأخير. نزل جدهم وبصلهم وبرق: وبعدين في عش الزوجية؟ يونس بقوله قوم شوف شغلك، قالي يولع. وانت واقف تحب هنا. ما تلاقي فضيلة مراتك مش مروقة عليك عشان تنضم لعش الزوجية.

ضحكوا وقعد الجد كتب كتابهم. نزل يونس يزعق: بتكتب الكتاب من غيري؟ ده أنا أهم من قمر ولا إيه يا قمر. لا، دلوقتي مفيش أهم من المدام. حضنه يونس وبارك له: بارك الله لكما وبارك عليكما وجمع بينكما في خير. حضنها مراد ولف بيها، باس دماغها. وعطر وقفت في البرندة على الكرسي بفرحة وزغرطت. طلعت قمر لحد عندها وحضنتها وعيطت بندم: حقك عليا يا عطر، كل اللي إنتي فيه بسببي أنا. أسفة. سندتها قمر لحد ما

وقفت وهي بتتألم من رجليها: المسامح كريم. مبسوطة إن مراد اتجوزك يا قمر، وبإذن الله حياتنا هتتغير وكل واحد عرف حياته فين. معاكي حق، وأنا خلاص اتغيرت وهفتح صفحة بيضاء معاكوا. زغرطت عطر تاني وقعدت على الكرسي. عدى سنة وعطر بدأت تتعالج وترجع تمشي تاني واحتمال ترجع تبقى أم تاني. يونس كان فرحان وطاير بيها. أما قمر فكانت حامل في خمس شهور.

لبست عطر فستان أبيض ووقفت في أرض خضرا وهي بتودع الكرسي وشايفة نفسها بالأبيض. عيونها دمعت. مشت لحد يونس وقالت بدموع الفرحة: بحبك. بصلها بصدمة لما شافها واقفة، وشدها لحضنه بقوة: أنا مش مصدق نفسي. أخيراً رجعتي تمشي. بحبك أوي يا عطري. لف بيها بفرحة، قرب باسها من دماغها بحنان: أهلاً بيكي في كيان يونس بيه، أشطر ظابط فيكي يا دولة.

نعم يا روح أمك، قالها مراد وهو بيلبس كاب البدلة. متنكرش إن أجدع ظابط في الداخلية، حتى مش معايا ولا نجمة من كتر الجدعنة. ضحكوا كلهم.

قرب يونس من عطر وقال: سُميت عطر لجمال عطرها الداخلي التي دائماً كانت تبوح به لتعبر عن مشاعرها تجاهي، امرأة قوية تحملت قسوتي وأفعالي المؤلمة التي كادت أن تحرق الشمس من شدة الألم. هي الآن زوجتي وكياني، هي الآن روحي وعطري. أشعر وكأن قلبي ملك العالم كاملاً حين رأيتها أول مرة، وعند القبلة الأولى إلى كل مرة قبلتها فيه. مشاعري وإحساسي تجاهها كأنها أول مرة أملكها. عطري أنت الآن عطر اليونسي. تمت.