رواية عتيق قلبي الفصل الرابع 4 - بقلم سمسمة

هدى بصدمة: عتيق مراد: إنتي تعرفي حد بالاسم ده يا هدى هدى بتوتر: هي عتيق عملت حاجة يا فندم، والله هي بنت كويسة وفي حالها ومش بتحب تأذي حد عمر: متخافيش يا هدى، ليه متوترة كده، ده إحنا محتاجين عتيق في خير مش في أي أذى خالص مراد باهتمام: هي فين عتيق يا هدى هدى: على مكتبها يا مستر مراد، بتشتغل مراد لعمر: يعني عتيق هنا كل الوقت ده وإحنا بندور عليها في أماكن تانية عمر: ممكن ندهيلها يا هدى، أرجوكي

هدى: حاضر، بس بلاش تأذوها بالله عليكم، دي شافت مرار في حياتها يكفي بلد بحالها مراد: والله مفيش أذى خالص يا هدى، ده كل خير إن شاء الله، بس متقوليلهاش حاجة، ارجوكي خليها تيجي وبس هدى: حاضر وراحت هدى واتصلت على عتيق وقالت لها تيجي على مكتبها بسرعة عتيق: في إيه يا بنتي، مالك هدى: تعالي بسرعة، تعالي بسرعة عتيق: إيه هدى: المدير عايزك ضروري يا عتيق عتيق: وأنا إيه علاقتي بالمدير يا بنتي، عايزني في إيه هدى: مش عارفة والله،

ادخلي وشوفي عايز إيه عتيق: لا يا أختي، تعالي معايا، أخاف أروح لوحدي وخبطت هدى على مكتب مراد ودخلت وقالت إن عتيق جت مراد: دخليها بسرعة يا هدى وقام يستقبلها هو وعمر مراد: آنسة عتيق محمود الزهار عتيق: أيوه يا فندم، حضرتك أنا عملت حاجة مراد: لا أبداً، بس إنتي ليكي عندي حاجة ولازم أديهالك عتيق باستغراب: حاجة إيه يا فندم مراد: اتفضلي اقعدي يا عتيق، هشرحلك كل حاجة، وبلاش يا فندم دي، أنا اسمي مراد عتيق: العفو يا فندم،

المقامات محفوظة برضو مراد: أنا أبقى ابن عمك يا عتيق، اسمي مراد أحمد الزهار عتيق: مش فاهمة حاجة مراد: يابنتي بصي، عمي محمود الله يرحمه لما اتجوز والدتك، جدي الله يرحمه مكانش موافق، ف عمي ساب كل حاجة وفضل مع مامتك، عتيق: أيوه صح، ده حصل

مراد: لما عمي ساب كل حاجة، جدي قسم كل حاجة بالعدل بين بابا أحمد الله يرحمه وعمي محمود، ولما اتوفوا من زمان جدي برضو فضل على التقسيمة دي، وقبل ما يتوفى من سنة، قالي إن عمي محمود عنده بنت ولازم أدور عليها وأديها حقها، ومن يومها وأنا بدور عليكي في كل مكان، والمكان الوحيد اللي مدورتش عليه كان هنا في المجموعة عتيق بدموع: إنت بتتكلم جد

مراد: طبعاً يا عتيق، وإنتي ليكي نص الأملاك اللي عندنا كلها، هجيب المحامي دلوقتي يعرفك كل حاجة وتاخدي كل حقوقك، أنا مستحيل آكل حقك عتيق بصت لهدى: شفتي يا هدى، ربنا مبيضيعش حق حد، أخدوا مني شقتي اللي ورثتها عن بابا، وربنا اداني فلوس بدون حساب، ربنا بيجيبلي كل حقوقي من البشر هدى بفرحة: ربنا كريم يا حبيبتي، ولسه هيجيبلك كل حقوقك من الحقير أدهم وأمه دول عمر: مين الناس دي هدى: دي خالة عتيق، وده كان جوزها، بس عذبوها عتيق:

هدى لو سمحتي اسكتي مراد: قوليلى فين دول وأنا أجيبلك منهم حقك وأوريهم النجوم في عز الضهر عتيق: صلوا على النبي يا جماعة وأهدوا كده، أنا سيباهم لربنا، بس أنا عايزة أطلب منك طلب يا فندم مراد: إحنا قولنا إيه عتيق بكسوف: يا مراد مراد داب في ثواني: عتيق: عايزة أطلب طلب مراد: من غير طلب، إنتي تؤمري يا حبيبتي، احم احم، أقصد يا عتيق عتيق: أدهم أخد شقتي من بابا، أنا عايزة أرجعها تاني

مراد: تحت أمرك يا برينسيس عتيق، بس تعالي الأول نشوف المحامي وتاخدي حقوقك، وبعدين آخدك على القصر وتشوفي ماما وجيجي أختي الصغيرة عتيق: تمام وجه المحامي وأداها فلوسها وعرفها نصيبها في المجموعة والقصر وكل الأملاك اللي عندها نسيبهم يشوفوا الحاجات دي ونروح لمكان تاني رهف داخلة من باب البيت بتنده على أمها وهي مبسوطة: يا ماما يا ماما تعالي بسرعة أم أدهم: مالك يا زفتة، إنتي بتزعقي ليه، في إيه رهف: أخيرا يا ماما

وقعته وقالي بحبك أم أدهم: مين ده يا بت، أنهي واحد فيهم رهف: شادي يا ماما، ابن خالة خطيبة أدهم، وقالي إنه بيحبني وعايز يتجوزني أم أدهم: أيوه كده جدعة يابت زي أمك، إنتي وأخوكي اللي نصرتوني، مش أخواتك البنات اللي عايشين في فقر، ولا أختك الزفتة اللي اتطلقت بـ 3 عيال دي رهف: يا ماما بكلمك في إيه وإنتي في إيه أم أدهم: ده غني قوي يابت ولا إيه رهف: بيتهم قصر يا ماما كبير قوي، وأمه مناخيرها في السما كده، عليوي قوي يا ماما

أم أدهم: ادلقي عليه يا بت، وأي حاجة يقولهالك، قوليله ماشي رهف: هو في حاجة كده أم أدهم: إيه هي رهف: عايزنا نسافر سوا أسبوع كده مع أصحابنا، وأنا قولتلُه إنك شديدة قوي ومش هتوافقي، ف هو قال هيكلمك أم أدهم: جدعة يا بت، أما يكلمني هكشملُه شوية وهوافق رهف: طيب إيدك بقي على الـ 500 كده أم أدهم: نعم يا حيلتها رهف: هسافر كده يعني بالهدوم دي، مش لازم أجيب حاجات تليق بيا

أم أدهم: عندك حق، خشي خدي من الدولاب اللي إنتي عايزاه، بس حاسبي متاخديش كتير، دي فلوس أدهم وكانت أختها بتسمع كلامهم وقالت لأمها هدير: يا ماما إيه اللي بيحصل ده، هتبوظي رهف كده أم أدهم: اخرسي إنتي، ملكيش دعوة، كفاية غيرة هدير: أنا غلطانة، أولعوا بس متزعلوش في الآخر وفي مكان آخر أدهم: وبعدين بقي يا هند، مش كفاية شرب بقي، ده إحنا لسه بالنهار وفي بداية اليوم هند: يوووه بقي، إبعد عني يا جدع إنت، أنا أعمل اللي

أنا عايزاه وإنت مالك أدهم: مالي أنا، كلها شهر وهكون جوزك هند: لما تبقي جوزي ابقي اتكلم، ابعد بقي، تعال نرقص يا شريف وفضلت ترقص وأدهم بيتفرج عليها ومتغاظ بس مش قادر يتكلم لأنه عامل فيها إنه سبور ومتفتح وكده نرجع لعتيق ومراد عتيق: أنا مش هقدر أسيب طنط وهدى، هم مسابونيش في أزمتي وأنا مش هسيبهم لما ربنا فرج عليا مراد: عتيق دي فلوسك وحاجتك وبيتك، تقدري تجيبي اللي تحبيه يقعد معاكي في أي وقت عتيق بسعادة: تمام

واخدت هدى وراحت على المول يشتروا حاجات ليهم، ورهف كمان راحت نفس المول، وفي نفس المول أدهم وخطيبته هند كانوا في الديسكو اللي فيه، يا ترى إيه اللي هيحصل وممكن يتقابلوا كلهم في نفس المكان ولا إيه