رواية عيون قلبي الفصل الخامس 5 - بقلم يارا عبد العزيز

استنى عندك. ادم بعصبية: انتي بتعملي ايه هنا؟ عين بخوف منه: سمعت صوت إزاز بيتكسر وكان فيه حركة جاية من الأوضة، فقولت أفتحها أشوف فيه إيه. ادم بصوت عالٍ جداً ومسك إيدها جامد وعيونه بقوا لونهم أحمر: أوعي تفكري نفسك صاحبة البيت بجد وتعقدي تمشي وتفتحي في الأوض اللي انتي عايزاها. لا يحلوة، انتي وجودك هنا مؤقت، وانتي هنا بفلوسي، فلتلزمي حدودك كدا وملكيش دعوة بأي حاجة هنا. عين وقتها كانت خايفة جداً من تحوله دا، وعيطت. ادم

وهو بيحاول يتمكن في نفسه: امشي من هنا. مفيش رد. ادم بصوت عالٍ: قولتلك امشي من هنا. عين بخوف: حاضر. ومشت. ادم دخل الأوضة. ادم بحنية: انتي كويسة يحبيبتي؟ ادم بعياط: طب ليه مش بتردي عليا ليه؟ طب عيطي، زعقي، اعملي أي حاجة بس متفضليش ساكتة كدا. ادم وهو بيمسح دموعه: طب أنا ماشي، لو احتاجتي أي حاجة اضغطي على الزرار اللي جنبك دا وأنا هجيلك. ادم وهو بيبوس راسها: عايزة أي حاجة؟ سلام يحبيبتي.

عين كانت قاعدة في أوضتها بتعيط والباب خبط. عين وهي بتمسح دموعها: ادخل. سميحة: أجيبلك تاكلي يا هانم؟ عين بدموع: لا شكراً تسلمي. سميحة حسيت إن فيها حاجة. سميحة راحت قعدت جنبها وطبطبت عليها. سميحة: مالك يا هانم؟ عين حضنتها وقعدت تعيط. سميحة بزعل: لا إله إلا الله، مالك يا هانم، اهدّي طيب. عين بعياط: أنا مش عارفة هو بيتعامل معايا كدا ليه، وأنا أصلاً معملتش حاجة تستاهل كل دا. سميحة: قصدك مين؟ عين: ادم.

ادم كان واقف برا، وأول ما سمعها بتنطق اسمه قلبه دق جداً وفضل واقف يسمعهم. سميحة: ادم بيه، دا مفيش أطيب من قلبه. عين: لا دا بارد ومستفز. ادم وقتها دخل. سميحة: يلهوي ادم بيه. عين وهي بتمسح دموعها وكانت عاملة زي الأطفال: أيوه، هو أكتر واحد قاسي شوفته في حياتي. ادم: اسمع. عين بصدمة وبرقت عيونها: إيه دا؟ انت هنا من امتى؟ ادم: سيبنا لوحدنا. سميحة: تمام يا فندم. عين بخوف: أنا آسفة حقيقي، مكنتش أعرف إنك هنا.

ادم وقتها جرى عليها وفضل يعيط. عين طبطبت عليه وفضلت تقرأ قرآن لحد ما هدى. ادم: أنا ماشي. عين مسكت إيده ومسحت دموعه وباسّته من خده. ادم اتفاجأ من حركتها بس قلبه دق جداً وكان هيطلع من مكانه من قربها دا وتاه فيها، وكان لسه هيقرب من شفايفها بس فونه رن. عين وقتها بعدت، وادم بص على فونه ولاقاها ميار، وفصل ومردش. عين: مين؟ ادم: حد في الشغل. ادم بحنية: أنا آسف لإني اتعصبت عليكي، متزعليش مني. عين بابتسامة: أنا مش زعلانة.

ادم: تمام، أنا همشي أنا بقى. وكان لسه هيخرج من باب الأوضة. عين: ادم بيه، هو انت كويس؟ ادم: أنا تمام الحمد لله، يا ريت بلاش بيه دي، ممكن تقوليلي ادم عادي. عين ببراءة: حاضر، هحاول. ادم: يلا، عايزة أي حاجة؟ عين: لا. عين بصوت بعد أما ادم مشي: إيه اللي أنا عملته دا؟ غبية أنا غبية. ادم: عايزة إيه؟ مش مبطلة رن من الصبح. ميار: قولت أطمن عليك، بقالك كتير مبتجيش. ادم: أنا كويس، ومترنيش تاني، أنا لما أعوزك هرن عليك.

ميار بزعل: ماشي. عند عين، نزلت تفطر في المطبخ عشان لاقت نفسها جعانة. كل اللي في المطبخ بصولها وخافوا جداً من وقفتها في المطبخ. سميحة بخوف: حضرتك بتعملي إيه هنا؟ عين: عادي، هاكل. سميحة: طب لو سمحتي ممكن تخرجي يا هانم، واحنا هنجبلك الأكل برا. عين: لو سمحتي بلاش هانم دي، انتي أد ولدتي، تاني حاجة، أنا متعودة أعمل أكلي لنفسي، ومفيش فيها حاجة لما أقعد آكل في المطبخ. سميحة: حضرتك ادم بيه لو عرف مش بعيد يطردنا كلنا.

سميحة: هو منبه علينا بكدا. عين: لو اتكلم، أنا هقوله إني أنا اللي دخلت بمزاجي، ولو سمحتي بلاش حضرتك أو يهانم، والكلام للكل، لو سمحتوا يا جماعة، أنا اسمي عين وبس. وقعدت تعمل الأكل وتضحك وتهزر معاهم، وكلهم حبوها. عين وهي بتعمل الأكل: دادة سميحة. سميحة: نعم يبنتي. عين: هو الدور التالت، الأوضة اللي في الوش مين قاعد فيها؟ سميحة بتوتر: هاا، لا مفيش حد قاعد فيها. عين: إزاي؟ أنا سمعت صوت حركة فيها.

سميحة بتوتر شديد: هـ هتلاقيها قطة دخلت من الشباك ولا حاجة. عين: آه، ممكن. عين في نفسها: أكيد فيها حاجة وهم مخبينها، وإلا ادم ليه اتعصب أوي كدا؟ بس هعرف إزاي. عند علي. علي: الوع. علي بصدمة وعصبية: بتقول إيه؟