رواية عيون قلبي الفصل السابع عشر 17 - بقلم يارا عبد العزيز

عين بفرحة وصدمة: إيه دا دا بجد، طب إزاي؟ آدم بحب: أنا مستعد أعمل أي حاجة عشان أشوف الفرحة دي. عين وهي بتحضنه: ربنا يديم وجودك، تسلميلي يا رب. أنا مبسوطة أوي، معقول أنا هكمل كلية طب؟ جبتي ورقي منين وكمان عرفتي منين إني حابة أدخل هندسة؟ آدم: محمود. عين بفرحة وحماسة وهي بتقوم: طب هي الكلية إمتى؟ أنا عايزة أقوم أروح دلوقتي. آدم بفرحة لفرحتها: تعالي يا عين، تعالي يا حبيبتي. عين وهي بتعض على شفايفها: هبلة أنا.

آدم بمقاطعة وهو بيقبلها: متعمليش الحركة دي تاني. عين بخبث: ليه؟ آدم بخبث: لو عملتيها تاني متلومنيش على اللي هعمله. عين: إيه حركة دي؟ أنا معرفش بتتعمل إزاي أصلاً. وجريت. آدم وهو بيحط إيده على شعره وبحب: هبلة بس بعشقك. عين بحب وهي واقفة على باب أوضة الملابس: وأنا بموت فيك. آدم جري عليها وحضنها من ضهرها. عين: يلا ادخل خد شاور وأنا هحضرلك هدومك. آدم بحب: تمام. آدم خرج من الحمام.

آدم وهو بينشف شعره: مش هتنزلي تفطري ولا إيه؟ عين: انزل أنت وأنا هنزل وراك. آدم خلص وخرج. ندي: صباح الخير يا آدم. آدم: صباح النور. وهم نازلين على السلم. ندي وهي بتمثل أنها بتقع: آآآه. آدم: إيه اللي حصل؟ ندي بدموع مزيفة: رجلي، رجلي اتلوت وبتوجعني أوي. آدم: طب اهدّي. ندي: مش قادرة أحركها. آدم: طب اسندي عليا. ندي وهي بتسند عليه: شكراً يا آدم. عين في اللحظة دي خرجت. عين بعصبية وغيرة: وإيه دا بقى إن شاء الله؟

آدم: رجليها اتخبطت ومش هتعرف تنزل لوحدها يا عين. ندي: آآه يا عين. عين بعصبية: والله تعالي يا حبيبتي وأنا أسندك. عين وهي بتبص لآدم بضيق: أوعى كدا أنت كمان. آدم بضحك: وأنا مالي أنا طيب. عين: انزل يا آدم. آدم نزل. عين ساندت ندي. ندي بصوت منخفض: دي البداية بس، و حياة أمي لأخده منك وأنتي هتطلعي برا. عين اتصدمت، هي كانت ديما بتحس إن ندي ماسكة عينها من آدم بس كانت ديما بتكذب نفسها. عين بتحدي: هنشوف يا جميل. عند رنا اخت عين.

مازن بحب: إزيك يا رنا؟ رنا: إيه دا مازن، أنت رجعت من السفر إمتى؟ مازن: لسه دلوقتي حالا، أنا حتى لسه مطلعتش عند ماما. رنا: حمد الله على سلامتك. مازن بحب: الله يسلمك. رنا: عن إذنك. مازن بتوهان: اتفضلي. إيمان: حاضر جاية أهوا. إيمان وهي بتفتح الباب: إيه دا مازن؟ إيمان بفرحة شديدة وهي بتحضنه: إيه دا مازن؟ مازن: وحشتيني أوي يا إيمي. فاطمة خرجت (مامت إيمان ومازن) فاطمة بفرحة شديدة وهي بتحضنه: حبيبي وحشتني أوي.

مازن: وأنتي كمان يا أمي. وعندى ليكوا مفاجأة، أنا خلاص هستقر في مصر، هبدأ في تأسيس شركة للعمار أنا وواحد صاحبي، ادعولي. فاطمة: ربنا يوفقك يا حبيبي. إيمان: وهتشغلني معاك؟ مازن: ماشي يا ستي. عند عين. عين كانت داخلة أوضة السفرة وآدم مسك إيدها وشدها عنده لحد ما تقريبا بقت في حضنه. عين بزعل: ابعد كدا لو سمحت. آدم: لدرجة دي؟ وأنا عملت إيه لي دا كله؟ عين: يعني مش عارف أنت عملت إيه؟ آدم: كانت رجلها بتوجعها ومكنتش قادرة تمشي.

عين: والله ما كنت ناديت على أي ست تسندها، دي مش من محارمك يا آدم يعني مينفعش كدا. آدم: خلاص أنا آسف، مش هتتكرر تاني، متزعليش بقى. عين: تمام. آدم: يبقى لسه زعلانة؟ عين بابتسامة: خلاص مش زعلانة، يلا ندخل بقى هيقلقوا علينا. آدم: يلا. وخلصوا أكل. آدم خرج. عين: إيه دا نسيت أقوله. عين جريت وراه. عين بصوت عالي: آدم. آدم: عيونه. عين: ممكن أخرج مع إيمان انهاردة؟ آدم: ما أنت كنتي معاها امبارح. عين: عايز ايمان، وافق بقى.

آدم: طب هتروحوا فين؟ عين: أي كافيه. آدم: تمام، بس متتأخريش، وأول أما توصلي ابعتيلي اللوكيشن، تمام. عين بحب وهي بتحضنه: تمام. آدم: لا دا أنا ألغي الشغل وأنتي تلغي إيمان ونطلع نريح فوق، إيه رأيك؟ عين: يلا سلام يا آدم. آدم: أما أرجعلك يا مدام آدم النويري. يلا عايزة حاجة؟ عين: سلامتك يا حبيبي. في الكافيه. إيمان: قالتلك كدا بجد؟ عين: أيوا، أنا كمان اتصدمت. إيمان: ما صدقنا خلينا من ميار طلعتلنا دي.

عين: أنا مش عارفة أعمل إيه. إيمان: متسمحيلهاش تاخد منك جوزك وخليكي قوية قدامها. عين: ماشي. عند رنا. كانت قاعدة في نفس الكافيه. كريم: يا رنا استني. رنا: استني إيه؟ هو مش اللي في الصور دا أنت؟ كريم: طب اسمعيني بس. رنا: اسمع إيه؟ صورك مع واحدة وبالمنظر دا، عايزينى اسمع إيه؟ كريم وهو بيمسك إيدها: طب وفيها إيه يعني؟ ما الدور عليك. رنا وهي بتضربه بالقلم وبزعيق: أنت واحد قليل الأدب! خليت كل الكافيه يتفرج عليك.

عين بخوف: دا صوت رنا. عين راحت عندها: فيه إيه يا رنا؟ كريم وهو بيمسك إيدها جامد: هدفعك تمن القلم دا غالي، بس استنى عليا. عين وهي بتشد إيده: أنت مين يا عم انت؟ وإزاي تكلمها بالطريقة دي؟ كريم: أنتِ اللي مين؟ عين بتحذير: أختها، وأبقى وريني بقى هتعمل إيه. عين وهي بتمسك رنا: يلا يا رنا. عين وهي بتحضنها: ممكن تهدّي. رنا بعياط: أنا بجد اتغشيت فيه. عين: هو مين دا أصلاً؟ رنا بعياط: واحد زميلي في الكلية وبحبه.

عين: طب اهدّي طيب ومتعيطيش. إيمان: احمدي ربنا إنك كشفتيه على حقيقته في الوقت المناسب، ودا نهاية الغلط. رنا: صح، أنتِ معاكي حق. أنا غلطت لما مشيت معاه وكنت بقابله من ورا ماما ومن غير ما يكون فيه حاجة رسمية. عين: طب الحمد لله، أهم حاجة إنك اتعلمتي الدرس. رنا: يا ريت ماما متعرفش حاجة عن اللي حصل، ممكن يحصلها حاجة. عين: ولا يهمك، ومن غير ما تقولي أصلاً. رنا وهي بتحضنها: شكراً أوي يا عين. عين: بطلي هبل، أنتي أختي.

عند آدم. عمر: جبتلي رقم إيمان. آدم: تصدق نسيت. بكرة يكون عندك، متقلقش. عمر: تمام. آدم: أنت بتحبها؟ عمر: شكلها كدا. آدم: طب ما تتقدملها. عمر: فكرك توافق؟ آدم: ليه لأ، اتشجع أنت بس وروح اتقدملها. عند عين. عين: ما تشوفي مين بيرن. إيمان: الو. السلام عليكم. إيمان بزعل وصدمة: بتقولي إيه؟