رواية عيون قلبي الفصل التاسع عشر 19 - بقلم يارا عبد العزيز

ادم نظر لهم بصدمة وراح عند كريم وبعده عند عين. نزل فيها ضرب لحد ما وقعت على الكنبة من اللكمات اللي خدها. عين بعياط: خلاص يا آدم هيموت في إيدك. آدم بعصبية وصوت عالي: أقول مين دامفيش رد. آدم بصوت عالي جداً أرعبها: قولتلك مين دا. عين بعياط: دا حبيبي. آدم وهو بيمسك إيدها جامد: حبيبك إزاي يا زبالة. صح أنا المفروض كنت أسمع كلامهم من الأول. إنتي حتة بنت جرسونة شغالة في نادي، فطبيعي إن دا هيحصل. شدها من الطرحة

جامد وجرجرها من على السلم: تعالي يا زبالة. وأخدها وراحوا الفيلا. آدم وهو بيشدها من الطرحة وبصوت عالي: تعالي يا زبالة. كلهم طلعوا على صوته. آدم بصوت عالي: سميحة. فرح: سبيها يا آدم إيه اللي أنت بتعمله دا. آدم بصوت عالي جداً: مش عايز أي حد يتكلم نص كلمة حتى. على راح عنده وقتها. على بعصبية: سيبها. آدم وقتها تجاهله. سميحة: لميلها هدومها يلا. على وقتها ض’ربه بالقلم. على بصوت عالي: إنت إيه مفيش حد مالي عينك؟

سكتلك كتير بس دلوقتي لا. وصلت بيك إنك تمد إيدك على مراتك. آدم بصوت عالي: شغل الاب العاقل دا مش بتاعك، خليه لحد تاني يا علي يا نويري. سميحة وقتها نزلت بشنطة عين. وطبعاً دا كله تحت نظرات الفرحة من ندى وعايدة. آدم بصوت عالي: يلا. فرح بخوف: هتاخدها فين؟ آدم: هرجعها عند أهلها. أنا ميشرفنيش إن واحدة زيها تبقى مراتي وقاعدة في بيتي. نادية: يا ساتر يا رب، مين بيرن بالطريقة دي؟ رنا: مش عارفة. محمود: استنوا أنا هفتح.

آدم وهو بيشد عين وبيرميها على محمود وبصوت عالي: خد أختك أهي، أنا مش عايزها. نادية بعصبية: إنت إزاي تتعامل مع بنتي بالطريقة دي؟ وبعدها أخدت عين اللي كانت منهارة من العياط في حضنها. نادية بحنية وهي بطبطب عليها: اهدى يا حبيبتي. محمود بصوت عالي: أنا مسمحلكش تعمل اللي إنت بتعمله دا، واتفضل اطلع برا. آدم بصوت عالي: اسألها عملت إيه وبعد كدا اتكلموا. وقتها كل في العمارة طلعوا على صوت آدم. إيمان: إيه دا فيه إيه؟

إنتي كويسة يا عين؟ آدم وهو بيبص لعين وبعصبية: أنا ماشي ووشك دا مش عايز أشوفه تاني. مازن: خلاص يا جماعة كل واحد على بيته لو سمحتوا. وقفل الباب. نادية وهي واخدة عين في حضنها وبطبطب عليها: خلاص يا بنتي اهدى. إيمان: إيه اللي حصل لكل دا؟ عين بعياط: لو سمحتوا أنا هدخل أوضتي أرتاح، عن إذنكم. محمود بزعل: خلاص سيبوها على راحتها. عين دخلت أوضتها وانهارت من العياط. في بيت آدم. عايدة: أنا قولت من الأول دي بنت مش كويسة.

ندى: معاكي حق يا ماما. فرح: أنا مش عارفة آدم مش بيرد ليه ومش فاهمة إيه اللي حصل لي دا كله. عند عين. خرجت اتوضت وصّلت وحاولت تنام بس معرفتش. إيمان دخلتلها: ممكن أدخل؟ عين بدموع: إنتي لسه مروحتيش؟ الساعة بقت اتنين. إيمان: معقول أروح وأسيبك لوحدك وإنتي كدا؟ أنا استأذنت من ماما وهبات معاكي. عين بعياط وهي بتحضنها: أنا تعبانة أوي يا إيمان ومخنوقة. إيمان: اهدى طيب واحكيلي إيه اللي حصل براحة. عين حكتلها كل حاجة.

إيمان: طب وإيه اللي خلاكي تقولي له كدا؟ عين بشهقات: خفت ينفذ تهديده ويعمل حاجة لرنا. إيمان: تقوم تضحي بسمعتك وقدام جوزك؟ بس الموضوع فيه حاجة غلط. عين بشهقات: يعني إيه؟ إيمان بتفكير: كريم دا مشكلته مع رنا ليه يقولك إنتي تعالي. إيمان: طب اهدى. وقعدت تقرألها قرآن لحد ما عين نامت. آدم رجع البيت وهو سكران جامد. ندى كانت وقتها نازلة. آدم بوجع وسكر وهو بيتخيلها عين وبي’قرب منها: ليه عملتي كدا يا عين؟ ليه؟

ندى: اهدى يا آدم وإبعد، إنت مش في وعيك. آدم وقتها قرب منها أكتر وأخدها وطلعوا أوضته. في الصباح. عين صحيت لاقت إيمان لسه نايمة فسبتها تنام وقامت صّلت الصبح وقامت تحضر الفطار. عند آدم. آدم صحى ولاقى ندى نايمة جنبه. آدم بصدمة: …………….