رواية عيون قلبي الفصل التاسع والعشرون 29 - بقلم يارا عبد العزيز

رنا بصدمة: كريم. مازن بغيرة: انتي تعرفي الأستاذ؟ كريم: بشمهندسة رنا تبقي صاحبة واحدة قريبتي. مازن: آه ومين حضرتك؟ كريم: اعرفك بنفسي كريم السيوفي، كنت جاي هنا عشان حابب إني أبني ڤيلا جديدة وحابب إن حضرتك اللي تشتغل عليها. مازن: تمام حضرتك، قول لي الموقع ونبدأ نشتغل. كريم وهو بيبص على رنا: تمام. مازن بغيرة: بشمهندسة، ممكن تروحي على مكتبك لو سمحتي. رنا بتوتر: حاضر.

عند عين ودمعين كانت نايمة في حضن آدم وكانوا بيتفرجوا على التلفزيون وبياكلوا فشار. عين: بس الفيلم حلو صح؟ آدم: أدام انتي اللي مختاره يبقى أنا مجبر أتفرج عليه. عين: قصدك إنه مش حلو يعني؟ آدم: الصراحة آه. عين: لو عايز تغيره عادي. آدم: أدام انتي حابة خلاص هنتفرج عليه. عين: امم. آدم: عايزة تقولي حاجة. عين: هو يعني... آدم: إيه الموضوع محتاج التوتر دا كله؟ عين: يعني مينفعش تسيب أدهم ييجي كدا البيت وفرح بس اللي موجودة؟

آدم: أدهم ابن خالتي وزي أخويا. عين: مش فكرة كدا يا آدم، المسألة مسألة مبدأ بس، بص خلاص ولا كأني قولت حاجة. آدم: طب بطلي تفكري في الناس وفكري فيا. عين بابتسامة: أنا أصلاً مش بعمل أي حاجة غير إني بفكر فيك. آدم قبلها بحنية. عين بخجل: أنا هنام. آدم: إحنا لسه العصر. عين: حاسة إني محتاجة أنام شوية. آدم: تمام يا حبيبتي نامي وارتاحي. عين: لو عايز تروح الشركة روح. آدم: أنا هخليني معاكي لحد ما تنامي. عين بابتسامة: تمام.

عند مازن. كريم: تمام يبشمهندس، اتفقنا. وخرج كريم، وكان لسه ماشي وعدى من قدام مكتب رنا. كريم: إزيك يا رنا، مش تسلمي عليا؟ دا إحنا حتى ما بينا مؤامرات. رنا بخطورة: ودلوقتي كل حاجة خلاص خلصت، واتفضل بقى عشان عندي شغل. كريم: مش كريم اللي تكلميه بالأسلوب دا، فاتظبطي بدل ما أزعلك. رنا: متقدرش تعملي حاجة، ويلا بقى اتفضل برا. كريم: أوك يا رنا، بنتواجه. مازن وقتها دخل وكريم مشي. مازن بغيرة وعصبية: هو انتوا فيه ما بينكم حاجة؟

رنا: لأ. مازن: أصلي شايف إنه بيبصلك بعشم أوي. رنا بعصبية: ما خلاص بقى يا مازن، هو تحقيق؟ وبعدين أكلم مين أو مين يبص لي دا شيء ميخصكش. مازن بعصبية وصوت عالي: لا يخصني، وكفاية بقى كدا، انتي إيه بجد مفيش قلب خالص كدا. وسابها ومشي. رنا: يا مازن. رنا: إيه اللي أنا عملته دا، منك لله يا كريم. مازن كان قاعد مخنوق في المكتب. مازن: ادخل. رنا: أنا آسفة يا مازن، بس انت اللي حسستني إن فيه تحقيق وأنا مبحبش كدا.

مازن: اتفضلي على مكتبك، محصلش حاجة. رنا بدموع: لا، انت شكلك زعلانة، والله مش قصدي أزعلك. مازن وهو بيديها منديل: طب بتعيطي ليه طيب، خلاص مش زعلان والله، متعيطيش. رنا بطفولة: يعني انت مش زعلان؟ مازن بابتسامة: أنا عمري ما عرفت أزعل منك انتي بالذات. رنا بخجل: امم. مازن: إيه رأيك أطلب أكل ونتغدى مع بعض؟ رنا: اشطا. بعد مرور أسبوع وجيه معاد فرح إيمان وعمر. في القاعة. آدم: طب هو فيه جمال كدا؟ تعرفي متخرجيش من البيت خالص.

عين بعصبية: بجد!! أنا محطتش روج أهو زي ما انت قولت، يبقى متتكلمش. آدم: لينا بيت يلمنا. عين: عملت إيه أنا دلوقتي؟ آدم: شوفي طريقة كلامك عاملة إزاي. عين: ما انت اللي بتعصب يا آدم. عين وهي بتملس بإيدها على وشه: خلاص بقى يا دومي. آدم: إد الحركة دي. عين: آه. آدم شدها بحنية وطلعها برا القاعة. آدم مسك إيدها وقربها جدا منه. آدم: كنتي بتعملي إيه بقى؟ عين: حد يش... آدم بمقاطعة قبلها بحنية وعين تجاوبت معاه.

آدم: انتي اللي جبتيه لنفسك. عين: انت مجنون بجد. آدم: أيوا مجنون بيكي. وخلص الفرح. في بيت عمر وإيمان. عمر: مش قادر أصدق إنك بقيتي في بيتي بجد. إيمان بخجل: امم. عمر: يلا ادخلي اتوضي ويلا عشان نصلي. إيمان: تمام. وصلى عمر بإيمان. إيمان: صوتك جميل أوي، اللهم بارك. عمر: أول حد يقولي كدا، بس على العموم يا ستي ربنا يجبر بخاطرك. إيمان: والله ما مجاملة. عمر: طب مش هتغيري؟ إيمان: الأسد... عمر: ها؟ إيمان: ها؟ عمر: ها أيها؟

إيمان: حاضر. بعد ربع ساعة. عمر دخل ولاقى إيمان قاعدة على السرير. عمر وهو بيقعد جنبها وبياخدها في حضنه: عارفة من أول يوم شوفتك فيه وإنتي بجد سحرتيني، ولما رجعت شفتك تاني في الشركة كنت عايز أفتح معاكي أي موضوع، وكنت قاصد إني أخبط فيكي عشان أتكلم معاكي. إيمان: بجد؟ عمر: أيوا، طب وانتي؟ إيمان: أنا إيه؟ عمر: عرفتي إنك بتحبيني إمتى؟

إيمان: يوم كتب كتاب آدم وعين، برضوا بس مكنتش متأكدة من مشاعري، وعلى فكرة أنا كنت فاكرك بس عملت نفسي مش فاكرك وكدا. عمر بابتسامة: ليها؟ إيمان: خفت تقول عليا مدلوقة. عمر بضحك ووسامة إيمان تاهت فيها: مدلوقة؟ إيمان: بحبك. عمر: وأنا بعشقك. وبعد كدا قبلها وذهبوا معا إلى عالمهم الخاص.