رواية عيون قلبي الفصل الثامن والعشرون 28 - بقلم يارا عبد العزيز

عين بتعب شديد: اوقف اوقف بسرعة. آدم وقف بخوف: مالك يا حبيبتي؟ عين: مش عارفة، دوخت مرة واحدة أوي. آدم وهو ييقعدها على الموتسكيل: طب اقعدي طيب، حاولي تاخدي نفس. عين: أنا كويسة، متقلقش. آدم: يلا هنمشي وهنروح للدكتورة دلوقتي. عين: يا آدم، عادي دي حاجات طبيعية، متقلقش. آدم: لا برضه نروح ونطمن. عين: زي ما أنت عايز. في نص الطريق: عين: آدم. آدم بخوف: نعم؟ تعبانة ولا حاجة؟ عين: والله كويسة. آدم: اومال عايزة إيه يا حبيبتي؟

عين: ابعت حد ياخد هدومي للفيلا. آدم: تمام. وبعدها كمل بفرحة: بتتكلمي بجد؟ عين: لو غيرتي رأيي خلاص. آدم: غيرت إيه؟ ده أنا ما صدقت. عين: حاولت أبعد ومعرفتش، وفي الآخر قلبي هو اللي كسب. آدم وهو بيمسك إيدها وبيّبوسها: مش هخليكي تندمي على قرارك، أوعدك. عين: وأنا واثقة فيه. آدم بابتسامة: بعشقك. عين: وأنا كمان، ركز في الطريق بقى، هنعمل حادثة. آدم: حاضر. وصلوا، وآدم أصر يروح عند الدكتورة الأول. الدكتورة

بعد ما كشفت على عين: كل دي حاجات طبيعية في أول الحمل، متقلقوش. عين: والله يا دكتورة بقوله كده، بس هو اللي مش مقتنع. الدكتورة: من الواضح إنو بيحبك أوي يا مدام عين. آدم وهو بيبص على عين: فوق ما تتخيلى. الدكتورة: أنا هكتبلها على شوية فيتامينات وناخد بالنا من صحتنا، وخصوصاً أول شهور من الحمل لحد أما يثبت. آدم: تمام يا دكتورة. آدم وعين روحوا البيت. فرح بفرحة شديدة جريت على عين وحضنتها، وكان أدهم قاعد معاها.

فرح: وحشتيني أوي أوي، البيت نور والله. عين: منور بيكي يا حبيبتي. فرح وهي بتحط إيدها على بطنها: وازاي ابن أخويا؟ آدم: لسه جايين من عند الدكتورة. فرح بخوف: ليه؟ انتي كويسة؟ عين: شوية دوخة كده، بس الحمد لله كويسة دلوقتي. أدهم: حمد لله على سلامتك يا مدام عين. آدم وهو بيمد إيده يسلم عليها: أنا أدهم ابن خالة آدم. آدم وقف قدام عين وبغيرة: مبتسلميش على رجالة معلش. أدهم: اه، أنا آسف. عين بابتسامة: ولا يهمك.

آدم بغيرة: مش نطلع بقى عشان تترتاحي؟ عين: ماشي، عن إذنكوا. فرح وأدهم: اتفضلوا. في أوضة عين وآدم: آدم: بتضحكيلو ليه بقى؟ عين بغيرة: يلهوي بقى، دي كانت مجرد ابتسامة عادية. آدم: متضحكيش لحد تاني. عين: حاضر، هاخد وضع العزا أما أجى أتكلم مع أي حد. آدم وهو بيقرب منها: لسانك طول أوى، مش ملاحظة؟ عين: هرمونات حمل باين، معلش. آدم: ده احنا لسه في الأول، شكلنا هنشوف أيام. عين: ابنك أعمله إيه بقى؟ آدم: ابني يعمل اللي هو عايزه.

عين: هههههه، ماشي. آدم: أنا هروح الشركة شوية، عايزة حاجة؟ عين بعصبية: قول بقى إنك راجع عشان تشتغل، مش عشان عايز تطمن عليا. آدم: لا والله، بس هشوف بس إيه اللي حصل أما كنت غايب، وكنت مدي لعمر وإيمان حاجات يظبطوها، فهشوف عملوا إيه، خلاص لو هتزعلي مش هروح. عين: خلاص يا آدم روح شوف شغلك. آدم: خلاص، أنا مش رايح في حتة وهقعد معاكي، خلاص بقى متزعليش. عين: مش زعلانة، روح بجد، وأنا هنزل أقعد مع فرح.

آدم: والله ما رايح وهقعد معاكي. عند عمر وإيمان: عمر: إيمان. إيمان: نعم. عمر: تحبي نقضي شهر عسلنا فينا؟ إيمان: هو إحنا ممكن نروح دولتين؟ عمر: اللي أنتِ عايزاه يا عمري، حابة نروح فين؟ إيمان: أول حاجة نروح نعمل عمرة في السعودية، وبعد كده نروح لندن. عمر بابتسامة: ماشي. عند رنا ومازن: مازن: ادخل. رنا: بشمهندس مازن، ممكن تشوف التصميم ده قدام؟ مازن: تعالي يا رنا. مازن: برڤوا، شكلك هتبقي مهندسة شاطرة وتنافسيني ولا إيه؟

رنا: بجد شكراً يا بشمهندس. مازن: يا ريت بلاش بشمهندس مازن، بتطلع أحلى كتير. رنا: أوكي. فجأة الباب خبط. سكرتيرة: بشمهندس مازن، فيه حد عايز حضرتك بره. مازن: دخليه. رنا بصدمة شديدة: كريم.