رواية عيون قلبي الفصل الثالث 3 - بقلم يارا عبد العزيز

ادم: تتجوزيني؟ عين بصدمة شديدة: اتجوزك إزاي يعني مش فاهمة. ادم بعصبية: هي دي محتاجة فهم، بقولك تتجوزيني تبقي مراتي يعني. عين مقدرتش تتحكم في نفسها: هو انت إيه بجد يعني عايزني بعد كل اللي عملته معايا امبارح أوافق إني اتجوزك وأكون مع واحد زيك. ادم بعصبية وراح عندها وقرب منها جدا: انتي تلزمي حدودك وانتي بتتكلمي معايا بدل ما بجد هديكي بدل القلم عشرة فاهمة. عين من كتر خوفه من قربه معرفتش ترد. ادم بصوت عالي جدا: ما تنطقي.

عين بخوف: فاهمة، فاهمة. ادم راح قعد على مكتبه وطلع دفتر الشيكات بتاعه ومضى على شيك. ادم ببرود وهو بيديها الشيك: امسكي دا، شيك على بياض، حطي فيه الرقم اللي انتي عايزاه.

عين وهي بتاخد الشيك وبثقة: لو كنت مفكر إنك ممكن تشتريني بفلوسك تبقى غلطان يا ادم بيه. زي ما انت ادم النويري، فأنا برضوا عين بنت الراجل الطيب اللي كان شغال سواق تاكسي عشان يصرف عليا أنا وأخواتي بالحلال، واللي لو كان موجود كان عمره ما هيسمحلك تعرض عليا عرض زي دا. وقطعت الشيك ورمته في وشه. عين بسخرية: عن إذنك. ادم وقتها اتوجع وزعل من جواه وخصوصاً لما اتكلمت عن أبوها. عين وهي خارجة. نوران ( السكرتيرة)

: يا ريت متكتريش الزيارات. عين راحت عندها وببرود: مش عارفة انتي بتتعاملي معايا كدا ليه. على الرغم من إني أول مرة أتقابل، بس كنت سمعت إن دي بتبقى غيرة، والله أعلم باللي بالنفوس. برضوا بصي أنا مش هنزل نفسي لمستواكي وأرد عليكي، مع السلامة يا جميل. وسابتها ومشيت. عين في نفسها: اللهم عافينا من دي ناس بجد. نوران بعصبية: اه يا بنت ال****. مكنتش اعرف إن ذوقك زبالة أوي كدا يا آدم باشا.

عين روحت البيت ولقيت البيت كله قاعد حزين وخصوصاً محمود. رنا: خلاص بقى يا محمود معلش يا حبيبي. عين: هو إيه اللي حصل؟ مالك يا محمود زعلان ليه؟ محمود بزعل شديدة: حلمي ضاع يا عين ومش هبقى دكتور. النتيجة طلعت وأنا جبت ٨٥ في المية. عين وهي بتحضنه ومحمود فضل يعيط: هشش، خلاص متزعلش. أكيد ربنا عاين لك حاجة أحسن من الطب. أكيد مكنش الخير ليكم.

محمود: مش قادر يا عين. كل ما افتكر إني مش هبقى دكتور زي ما كنت أنا وبابا الله يرحمه بنحلم. بتوجع وأزعل أوي. عن إذنكم أنا داخل أوضتي. نادية بزعل: اقعد كل الأول. محمود بزعل: مش قادر آكل حاجة. عن إذنكم. ودخل أوضته. رنا: يااه لو كان بس معايا فلوس كنت قدمتله في جامعة خاصة. عين: هي مصاريف الكلية الخاصة دي تعملها قد إيه؟ رنا بسخرية: ليه هتجبيهله مثلاً؟ عين: قولي يا رنا لو سمحتي.

رنا: حوالي ٦٠ ألف في السنة. لأنه هو حابب يدخل علاج طبيعي. عين سابتهم ومشيت. فاتن: عاش من شافك يا عين. إشحال إننا ساكنين في نفس العمارة. عين: معلش بقى يا طنط، انتي عارفة ضغط الشغل عليا وكمان شغل البيت. متزعليش مني مش بإيدي. فاتن: يحبيبتي ولا يهمك. ربنا يعينك يا روحي. عين: آمين يا رب. هي إيمان موجودة؟ فاتن: أيوا يحبيبتي في أوضتها. ادخلي لها. إيمان: ادخلي. عين: عاملة إيه يا إيمي؟

إيمان جريت عليها وحضنتها: شوفي بقالي يومين مش شوفتكيش وحاسة إنهم سنتين. وحشاني خالص. عين: وانتي كمان. كنت عايزة أحكيلك على حاجة كدا حصلت وأخد رأيك. إيمان: شكلها مصيبة ولا إيه؟ يلا احكي يا ستي. (إيمان تبقى صاحبة عين من أيام ما كانوا صغيرين، خريجة كلية تجارة وشغالة في شركة) في شركة آدم. ادم: تقدروا تتفضلوا. الاجتماع خلص. ومفضلش غير عمر. ادم: مالك؟ حاسك مش متظبط من ساعة ما بدأت الاجتماع.

ادم كان وقتها سرحان وبيفتكر كلام عين. ادم: بتقول حاجة يا عمر؟ عمر: بقول حاجة. مالك؟ ادم: لا مفيش حاجة. عمر: هتفضل طول عمرك كتاب مقفول. محدش يعرف عنه حاجة. ما تفك كدا شوية يا عم انت. ادم: رايق انت أوي يا عمر. عمر: طب تصدق بقى إني حاسس إن سرحانك دا وراه حب. ادم بابتسامة: حب؟ ضحكتني. مفيش حاجة اسمها حب يا عمر. دي حاجة كل واحد وواحدة بيضحكوا على بعض بيها عشان يكملوا مش أكتر.

عمر: يلهوي عليك يا أخي. تاخد الأوسكار في الفصلان. أنا عن نفسي بؤمن بيه جداً. وهفضل طول عمري مستني اللي تيجي وتخطف قلبي. ادم بابتسامة: ماشي يسيدي. بس متبقاش تيجي تعيطلي في الآخر. عمر: مش هعيط. مش هعيط. وهتشوف. وأهو وانت أهو. وبكرة أفكرك. أكيد هتيجي اللي تشقلب حال ادم النويري وتخليه يعشق. ادم: احلم. احلم. الأحلام ببلاش. ويلا على شغلك يا أستاذ. عند عين. إيمان بصدمة: معقول كل دا يحصل معاكي يا عين؟

بس انتي أكيد مش هتعملي اللي انتي بتقوليه دا. عين: لا هعمله. معنديش حل غير كدا. إيمان: كدا هتبقى بترمي نفسك في الجحيم يا عين. دا أكيد عايز يتجوزك عشان ينتقم منك. عين: أنا مستعدة أعمل أي حاجة عشان رنا ومحمود يبقوا مبسوطين. إيمان: يا عين فكري. أنا خايفة عليكي. عين: دا قراري النهائي. أنا همشي أنا بقى. إيمان: خدي بالك على نفسك. عين: حاضر. يلا سلام. عند ادم في الشركة. نوران: انتي تاني. عين بتريقة: أيوا أنا. عايزة أدخل.

نوران: ادم بيه مش جوا في أوضة الاجتماعات. عين: تمام. هستناه. نوران: مش عارفة أنا إيه البلاوي اللي بتحدف علينا دي. عين تجاهلتها ومبصتش عليها. ادم دخل. ادم بجدية: نوران. دخليلي ملف شحنة الأدوية المكتب. نوران: تمام يا فندم. ادم بص لقى عين قاعدة على الكنبة. ادم: انتي تعالي. وبص لنوران. ادم بجدية: اجلي موضوع الملف شوية. نوران: تمام يا فندم. نوران بعصبية: مين البنت دي؟ هموت وأعرف.

عين وهي بتاخد نفس عميق: أنا موافقة نتجوز. بس عندي شرطين. ادم: اللي هما؟ عين: أول واحد. أنا عايزك تقدم لي أخويا في كلية العلاج الطبيعي جامعة خاصة. لأنه مجموعه ميدخلوش كلية حكومية. وتتكفل بكل مصاريف دراسته. ادم: تمام. والتاني؟ عين: محدش يعرف بالاتفاق دا. يعني متقولش لحد إن دا سبب جوازي منك. ادم: تمام. موافق. هو انتي وافقتي تتجوزيني عشان أخوكي؟ عين: أيوا. دا حلم محمود أخويا وبابا الله يرحمه. ادم بأعجاب: تمام. يلا بينا.

عين: على فين؟ ادم: المأذون. عين: دلوقتي؟ ادم: أيوا. عين: طب أنا حابة محمود يكون معانا. وراحوا عند بيت عين وادم جاب المأذون. وكان موجود وقتها إيمان ومحمود ورنا وعمر ونادية. محمود وافق. أما عين فهمته إن هي وادم بيحبوا بعض وأنها هتكون مبسوطة معاه. ونادية طبعاً كانت مضايقة جدا هي ورنا لأنهم بيكرهوا عين. المأذون: بارك الله لكما وبارك عليكما وجمع بينكما في خير.

عمر بفرحة شديدة: مبروك يا عريس. حقيقي مبسوط لك جداً. مع إن مش فاهم حاجة لحد دلوقتي. ادم: الله يبارك فيك. عين لو سمحتي ممكن تدخلي تحضري شنطتك عشان نمشي. عين: تمام. تعالي معايا يا إيمان. وحضرت إيمان مع عين الشنطة. في العربية ووصلوا الڤيلا. ادم: خليكي هنا. وأما أنادي عليكي ادخلي. عين ببراءة: ماشي. ادم دخل وكان موجود عايدة وعلى وندى. عايدة: ها يا آدم جمعتنا كلنا ليه؟ ادم بصوت عالي: ادخلي يحبيبتي. عين دخلت.

ادم: أقدم لكم عين مراتي.