رواية عيشه تانيه الفصل العشرون 20 - بقلم خديجه احمد

أحمد: مالك يابني تايه كده ليه؟ علي كان ساكت ومش بيرد. أحمد: يبني مالك؟ علي بص لأحمد شوية واتكلم بحزن: تع -تعمل إيه لو في واحدة بتحبك وصاحبك بيحبها؟ أحمد: يعني على حسب، لو أنا بحبها وهي بتحبني، أكيد صاحبي هيتفهم الأمر. أما بقى لو هي بتحبني وأنا مش بحبها، فمش هديها وش خالص. علي مكنش عايز يشرح لأحمد أكتر من كده عشان أحمد ميشكش في حاجة. علي: طب أنا هنام. وغطى وشه بالغطا.

أحمد باستفهام: واد ي علي، في حاجة حصلت ومش عايز تحكيها ولا إيه؟ علي من تحت البطانية: متشغلش بالك. تصبح على خير. أحمد: وأنت من أهل الخير. ورجع أحمد يمسك الفون وكأنه كان بيكلم حد وبيضحك. *** عند إيمان. إيمان: الو، أيوا يا سليم. سليم: أيوا يا حبيبتي، بقولك أنا نازل مصر الأسبوع ده. إيمان وهي بتقف بفرحة: بجد يا حبيبي؟ ترجع بالسلامة إن شاء الله. وحشتني أوي. سليم: وأنتوا كمان والله. هقفل بس دلوقتي عشان عندي شغل.

إيمان بحب: ماشي، يلا سلام سلام. مريم بغمزة: كنتي بتكلمي مين يا ميمي وفرحانة أوي كده؟ إيمان بهزار: بس يابنت، دا عمك سليم اتصل وقال إنه هينزل مصر. مريم بضحكة: أيوااا بقى يا ميميي، عشان كده ضحكتك كانت شبرين. إيمان وهي بتقلّع الشبشب: امشي يابنت من هنا. مريم: خمسة جد بس يا خالتو. إيمان وهي بتحط الشبشب على الأرض: قولي يامريوم. مريم بحزن: برضه مفيش أخبار عن داليدا؟ إيمان معرفتش ترد وبصت على الأرض بحزن.

مريم هزت رأسها بحزن بعد ما فهمت إن مفيش حاجة جديدة وطلعت غرفتها. كان مروان نازل على السلم ومريم طالعة. مروان: مريم. مريم: ..... وطلعت من غير ما ترد. مروان: فيه إيه يا خالتو، مريم زعلانة ليه؟ إيمان بتوتر: مفيش حاجة ياحبيبي، متشغلش بالك أنت. المهم، أعملك حاجة تاكلها؟ *** عند داليدا. علي: أمّال فين خالتو وملك وآدم؟ نبيلة: روحوا. علي في نفسه: الحمد لله إنهم مشوا، مكنتش هعرف أقعد مرتاح بعد اللي حصل. علي: فين البت ديدا؟

نبيلة: نايمة لسه، مصحيتش. علي وهو بيرفع كم التيشيرت: استعن على الشقا بالله. نبيلة بضحكة: صحيها براحة يواد عشان متقومش مفزوعة. علي بخبث: عيب عليكي يا نيبو، تعرفي عني كده برضه؟ نبيلة: دا أنا معرفش عنك غير كده. علي من الأوضة: دا العشم برضه. داليدا بتصحى وبتصوت. علي كان بيضحك وفطسان من كتر الضحك. نبيلة بخضة: عملت في البت إيه يلا؟ علي براءة: معملتش حاجة. مكنتش راضية تصحى، روحت جايب جردل المايه وهوب على وشها بس.

نبيلة وهي تتابع.