رواية عيشه تانيه الفصل التاسع عشر 19 - بقلم خديجه احمد

حمدلله على السلامه احمد وهو بيبوس ايدها: الله يسلمك يا ست الكل نبيله: مالك يا ولا شكلك فايق كد وفرحان احمد: اي تكرهي دا يا امي نبيله: لا يا حبيبي يارب كد تفضل مبسوط ديما احمد: طيب انا هدخل اريح شويه في اوضه داليدا داليدا: سرحانه في ايه؟ ملك بعد ما فاقت من شرودها: لا مفيش... انا هروح اشرب داليدا: ماشي ملك راحت تجيب مايه وكان في حاجه شاغله تفكيرها علي من وراها: الجميل سرحان في ايه ملك بخضه: يعم في حد يخض حد كداا

علي: ههه بس متوهيش ايه اللي شاغل بالك كد بقالك نص ساعه واقفه نفس الوقفه دي ملك: ها لا مفيش علي: طب كنت عايز اقولك على حاجه ملك اتوترت شويه وفي حجات كتيره جت ف بالها يعني هل هيقولي انه بيحبني ولا هيحكيلي عن واحده بيحبها ولا هيقول حاجه مش مهمه افكار كتيره قعدت تفكر فيها علي: روحتي فين يا بنتي ملك: ها معاك قول كنت عايز تقول ايه علي: حذيفه يا ملك ملك بتصطنع الغباء: ماله علي: انتي عارفه كويس انه بيحبك ملك بزهق:

عارفه وانا مش بحبه علي: وانا برضه كنت حاسس بس ليه متحاوليش تديلوا فرصه و ملك بمقاطعه: هو كل شويه حد يقولي اديله فرصه هي المشاعر دي بتهدر كد عادي... انا مش مستعده اني ادخل حد حياتي وديلوا مشاعر مش موجوده اصلا علي: بعيدا عن مين اللي قالك تديلوا فرصه زي ما انا قولتلك بس مش دا ممكن يكون فعلا صح وكلنا عندنا حق وانك تديلوا فرصه الا بقى لو انتي بتحبي حد تاني علي بغمزه: كدا الوضع يختلف ملك بدأت تتوتر اكتر: اا اه

علي بتعجب: بتحبي؟ ملك بدموع: اه بحب هو الحب حرام بس المشكله... علي: ايه المشكله؟ ملك ببكاء: هو مش حاسس بمشاعري خالص علي: طب اهدي بس عادي وبعدين انتي لسه صغيره هتقابلي ناس كتير وتحبي ناس اكتر ملك: عمري ما هحب حد قد ما حبيته علي: طيب قوليلي هو مين وعرفتيه ازاي يمكن اساعدك ملك: مش هتعرف علي: يستي متنقيش بس قولي يمكن اعرف اساعد باي حاجه ملك ببكاء اكتر وبدأت تترعش: اا اا علي: قولي متخفيش ملك ببكاء: انت يا علي

علي وهو بيحاول يستوعب: انا ايه؟ مردتش عليه وجريت على اوضه داليدا وهي بتمسح دموعها اما علي ف كان واقف مصدوم ومش مستوعب اللي قالته دخل اوضته هو وعلي ومليون سؤال بيجي ف باله امتى وازاي وبقالها قد ايه بتحبه وهيعمل ايه ف صاحبه اللي بيحبها لما يعرف ان هي بتحبه هو ومش بتحب صاحبه احمد: مالك يابني تايه كد ليه