رواية عيشه تانيه الفصل الحادي والعشرون 21 - بقلم خديجه احمد

نبيله وهي بتقلع الشبشب: طب برا يلا براا علي جري على بره قبل ما نيبو تتهور. نبيله: معلش ي قلبي قومي غيري هدومك دي ليجيلك برد. داليدا وهي بتقوم من على السرير: والله لورييك ي عليي الكلب. علي وبيطلع وشه من الباب: سمعتك على فكره. داليدا بغضب: نينيني. بعد ربع ساعه خرجت داليدا من الحمام بعد ما استحمت وغيرت هدومها. داليدا وهي بتنشف شعرها بالفوطه: امال فين احمد؟ علي: في الشغل. داليدا: هو مش انهارده السبت مش مفروض اجازه؟

علي: ما انا قولتهاله كدا برضه قالي زهقان وهنزل افتح الورشه يمكن يجيله زبون ولا حاجه. داليدا بحزن: اممم. علي باستفهام: في حاجه مضيقاكي ولا اي؟ داليدا بتصنع الابتسامه: لا لا مفيش انا بس وحشتني المدرسه وعايزه اروح عشان اشوف صحبتي. علي: اوعا بقى في اول يوم تروحي بقى ليكي صحبه؟ داليدا بتكبر وهي بتطير شعرها لورا: ايواا اماال. علي بضحكه: ماشي ي عم الوااثق. ومسك الفون وعينه جت على التاريخ.

علي في نفسه: احييه دا عيد ميلاد داليدا كان امبارح غبيي غبيي. داليدا كانت شيفاه مبرق في التلفون وفيه حاجه غريبه. داليدا بغمزه: مالك ي علووشه مبرق في ايه كدا؟ علي وهو بيحدفها بالمخده: قولتكك متقوليشش الدلع دا تاني. داليدا باستفزاز: يختي علوشه كمان بيتعصبب. علي بضحكه بيحاول يكتمها: بتت هش من هنا اناا نازل. داليدا وهي بتمسك في ايده: خودني معاك. علي: هه كان على عيني بس رايح اقابل واحد صاحبي ف اكيد مش هاخدك معايا.

مدهاش فرصه للرد وباسها من خدها. علي: يلاا سلاام ي ديدااا. وقفل الباب وخرج. داليدا بغضب: ماااشي ي علوشه. نبيله: مالك متضايقه ليه؟ داليدا: مفيش. ودخلت الاوضه وهي حزينه ازاي مفتكروش عيد ميلادها دا حتى علي اللي هو اقرب حد ليها حاليا نسي وماما نبيله اللي هي بتحاول على قد ما تقدر متخليهاش تحس بانها مش بنتها برضه نسيت نامت من كتر التفكير. نرجع كد بالزمن لإمبارح يوم عيد ميلاد داليدا. في بيت ايمان. مريم: خالد. خالد: عيونو.

مريم بتوتر: كنت عايزه اعمل عيد ميلاد لداليدا. خالد بتعجب: هو انتوا لقتوها؟ مريم بتوتر اكثر: لا بس انا حابه اني اعمل عيد ميلادها هي اه مش موجوده معانا بس اكيد هتحس بينا عارفه كلامي ممكن ميبقاش عاقل بس انا حابه اعمل كدا وكنت عيزاك تساعدني نجهز للحفله. خالد بحب: اللي انتي تؤمري بيه خالد كله تحت ايدك اطلبي وانا انفذ. مريم بابتسامه: تمام بص هنعمل.