رواية عيشه تانيه الفصل السابع والعشرون 27 - بقلم خديجه احمد

داليدا: لاغي عقلك وبتفكر بقلبك بس... عارف ممكن يكون الموضوع واضح وإنها فعلاً بنت مش كويسة، بس انت اللي مش عايز تشوف كده. أحمد بنبرة من الحدة: داليدا، حنين مش وحشة ومسمحلكيش تقولي عليها كده.

داليدا: افهم يا أحمد، من معرفتي لحذيفة إنه أقرب واحد ليك وإنه كمان صاحبك من وقت ما كنت صغير. كونه يقولك كده عليها يبقى أكيد في حاجة غلط، مش هقولك يا عم إنها وحشة أو إنها مش كويسة، كل اللي عايز أقولهولك إنك تاخد بالك، ولو عايز تروح تواجهها واجهها، بس أوعى تخسر صاحبك يا أحمد عشان بنت. فكر في كلامي كويس. أحمد: هشوف يا داليدا، عمتاً شكراً إنك سمعتيني. داليدا: أي خدمة يا عم، بس ابقى عرفني عليها كده، أنا برضه زي أختك.

أحمد بابتسامة: حاضر، ده انتي هتحبيها قوي. داليدا بغمزة: أما نشوف يا عم. أحمد كان مستغرب جداً إن داليدا، رغم من صغر سنها 14 سنة، تقول كل الكلام ده، ولا كأنها واحدة عندها عشرين سنة. *** عند إيمان خالد: حمدالله على السلامة يا حج، نورت بيتك. سليم: بنورك يا حبيبي. إيمان بخجل: حمدالله على السلامة. سليم بحب: الله يسلمك يا حبيبتي. أما ليلى فين مريم ومروان؟ مروان وهو نازل جري من على السلم: عمو سليم. وحضنه.

سليم: عامل إيه يا حبيبي؟ مروان: الحمدلله. سليم: هطلع بس أستريح شوية وأوريك أنا جبتلك إيه وانا جاي. إيمان: ربنا يخليك لينا يارب. مريم: حمدالله على السلامة يا جوز خالتي. سليم بضحك: زي ما انتي يا مريوم. وبص ليهم كلهم: والله كنتوا واحشني أوي يا عيال. إيمان: طب يلا يخويا اطلع استريح عشان انت جاي تعبان من السفر. خالد قعد على الكرسي. خالد: آآآه. مريم بقلق: مالك؟ خالد: تعبان شوية بس.

مريم: خلاص يا عم، باباك جه والحمل هيخف من عليك. خالد بسخرية: هيخف؟ مظنش، ده لسه هيتقل أكتر لغاية ما يكسرلي ضهري. في حاجة شاكك فيها، لو اتأكدت منها مش عارف هعمل إيه. مريم باستفهام: مش فاهمه تقصد إيه؟ خالد: ولا حاجة. أنا خارج. وخد محفظته ومفتاح العربية ومشي. مريم في نفسها: إيه حكايتك يبن إيمان؟ *** عند حذيفة علي: الو يا زوز، عامل إيه؟ حذيفة: بخير الحمدلله، انت عامل إيه وأنيبو أخبارها؟

علي: الحمدلله، كلنا بخير، بس أنيبو زعلته منك، بقالك كذا يوم مش بتيجي خالص. حذيفة بحزن: معلش والله، أنا بس مشغول شوية اليومين دول. علي: هنضحك على بعض يا زوز، ده انت متربي معانا من واحنا صغيرين وملكش غيرنا. مشغول في إيه بقى إن شاء الله؟ حذيفة يتبع.