رواية عيشه تانيه الفصل التاسع والعشرون 29 - بقلم خديجه احمد

حنين: طب في إيه؟ أحمد بزعيق: افتحييه. وهو مستني تفتح، كان سرحان. جت عينه على بلكونة الشقة بتاعتها، لقى شاب واقف وماسك سيجارة وبيدخن. أول ما الشاب لاحظ إنه بيبصله، دخل بسرعة. أحمد عينه احمرت وقال بغضب: هو مش انتي قولتيلي إنك في البيت لوحدك وإن أبوكي وأمك مسافرين؟ حنين بخوف: آه. شدها من إيدها وقال: طب تعالي. حنين بخوف: في إيه يا أحمد، براحة. أحمد بزعيق: افتحييي البااااب.

حنين: مش هينفع، ماما وبابا مش موجودين، هتدخل إزاي يعني؟ أحمد: يعني مش هتفتحيه؟ تمام. ورزع الباب كذا رزعة ورا بعض لغاية ما اتفتح. واتصدم لما لقى صحابها البنات وشباب معاهم. أحمد بغضب: إيه دا؟ حنين بخوف: والله دول جم على البيت فجأة و... أحمد بمقاطعة: وإيه؟ وإيه الأزاز ديييي؟ انتييي بتشربييي؟ حنين: لا، لا والله، هم، هم والله. أحمد: جايباهم البيت وأمك وأبوكي مش موجودين؟ حنين: والله بابي ومامي عارفين.

أحمد: ما داااا أنيل، عارفين وسايبينك؟ وكمل بسخرية: وليه مقولتيش أجي أقعد معاكم، طالما القعدة حلوة أوي كدا؟ حنين: اااا... أحمد: مش عايز أسمععع صوتك داا تاني. شاب من اللي قاعدين: براحة عليها يا نجم، البت عايزة تفهمك، متبقاش دبش. أحمد بغضب: متدخلش بيني وبينهااا، انت فاهممم. الشاب زق أحمد وقال: هتعمل إيه يعني؟ أحمد: أنا هوريك هعمل إيه. أحمد وقع الشاب على الأرض واخد يضرب فيه جامد.

حنين بخوف: يا أحمد خلاااص، هيموت في إيدك، كفاااايه. جه شاب تاني يسلك بينهم. وبعد وقت. أحمد: ورحمةة اميي يا حنين، ل هتشوفي مني وش تاني عمرك م شفتيه. وخرج برا الشقة. حنين رجعت شعرها لورا بعنف وقعدت. تلا: بقولك إيه، متسبيه بقى وفكك منه. حنين بسخرية: أفكني؟ هه، أول حب ليا، أفكني إزاي بس.

تلا بخبث: متضحكيش عليا، دا أنا تلا يا عمري، إحنا الاتنين عارفين كويس إنك عمرك م حبتيه. انتي لقيتيه بيحبك وعنده مستقبل حلو وبيصرف عليكي وبيجبلك كل اللي نفسك فيه، مش زي الصيع اللي كنتي ماشية معاهم. لقيتيها فرصة متتعوضش مسكتي فيها بإيدك وأسنانك. حنين بغضب: كفااايه بقى، إيه شطارة... آه، بحب فلوسه، آههه... عنده ورش قد الدنيا ومبيستخسرش فيا حاجة، بيصرف علياا مش زييي أهليي اللي راميني ولا كأن عندهم بنت.

وكملت بدموع: لقيت معاه الاهتمام والحب اللي مشوفتهمش مع أهلي، حبيت اهتمامه، حبيت حبه ليا. تلا بعصبية: هوااا دا حبيتي؟ حبه ليكي إنتي؟ مبتعرفيش تحبيي حد، إذا كان أمك وأبوكي.