رواية عيشه تانيه الفصل الثاني عشر 12 - بقلم خديجه احمد

عندها عزا وأنا متأكد إنها سافرت عشان تقربنا من بعض، بس ده مش هيحصل. حذيفة: أما نيبو دي عليها شوية حركات عسل. أحمد بص له بغضب وسكت. حذيفة: احم يا أسطى، في عيلين جايين علينا، عنيهم بتطلع شرار. شويه وهينوروا في الضلمة. أحمد بص وقال: جاهز يا زوز. حذيفة: هو بيجي من وراك غير المشاكل، بس أعمل إيه، نصيبي إني صاحبك... جاهز يا زميلي. الشاب 1: إنت ضربت أخويا؟ أحمد: أنا؟ محصلش. الشاب 1: ولا يا حمكشة، الواد ده اللي ضربك؟

الشاب 2: أيوه هو ده. وكمل بخبث: واللي جنبه كمان. حذيفة: آه يا ابن الكدابة، طب تصدق حلال فيك الضرب. وبدأ الضرب وخناقة عنيفة بين الصابونة والليفة، هيهيهيهي. الشاب 1: ماشي، طب والله ما هسيبكم. حذيفة: يعم غور، وأنت مفيش فيك حتة سليمة كدا. أحمد وهو بيعمل نفسه هيقوم يضربه تاني، راح جري بسرعة. أما داليدا فشافت اللي بيحصل من بعيد وجريت على أحمد. داليدا بخضة: إيه ده، إنت اتعورت؟ أحمد: إيه اللي جابك؟

داليدا: أنا شوفتك من بعيد وإنت متعصب وبتزعق، فقولت أحى أشوف إيه اللي حصل. حذيفة بهمس لأحمد: مين المزة دي يلا؟ أحمد بغضب: دي أختي يا كلب. حذيفة: احم، مكنتش أعرف يا خويا. داليدا طلعت منديل وبدأت تمسح له الدم، وهو بيتجنب النظر في عينيها. أحمد: خلاص كفاية، وروحي شوفي صاحبتك اللي مستنياكي هناك دي. هزت راسها، وقبل ما تمشي. أحمد: استني. طلع فلوس من جيبه. أحمد: مصروفك أهو، وروحي اشتري لك حاجة من الكانتين عشان تفطري.

داليدا لسه هتعترض. أحمد بحدة: يلا روحي لصاحبتك. حذيفة بسخرية: حنين أوي. أحمد: عندك شك؟ حذيفة بضحك: لا طبعًا. خلصوا وكانوا راجعين. أحمد: علي، أنا رايح الورشة، عندي شوية شغل هخلصهم وارجع. علي: خلصت، أنا وداليدا هنروح. داليدا باستفهام: هو أحمد بيشتغل؟ علي: طبعًا، ده بيشتغل من وهو صغير، من ساعة تقريبًا ما باباه مات، وعنده ورشة ورثها من باباه، وأهو بتسد في مصاريف البيت على المعاش بتاع نيبو وباباه بيمشوا البيت يعني.

داليدا بمزاح: إنت عمال تقول باباه باباه، هو مش باباك أنت كمان ولا إيه؟ علي اتنهد بحزن: كان نفسي يكون أبويا، بس أهو، محدش بيختار أهله. داليدا باستغراب: لحظة بس، يعني إنت وأحمد مش إخوات؟ علي: إخوات من الأم بس... بس ربنا يعلم أنا بحبه إزاي، هو اللي مربيني بعد ما أبويا رماني لأمي، ويدوبك بيبعت الفلوس كل أول شهر ومش بشوفه. داليدا بحزن عليه: أنا آسفة إني فكرتك بحاجة بتوجعك. علي بمرح: ديدا تقولي اللي نفسها فيه. دخلوا الشقة.