رواية عز القمر الفصل العاشر 10 - بقلم دنيا فادي

قمر: خلصتي؟ هايدي: هو إنتي إزاي حامل وإنتي عندك البريود؟ قمر بعصبية: وإنتي مالك، إيه البجاحة دي؟ هو إنتي جاية تفتشي في حاجتي؟ هايدي بتردد وإحراج: أنا مش بفتش، أنا شفتها قصاد عيني، قولت أسألك. قمر: وتسأليني ليه أصلاً؟ كنتي مين؟ هايدي: اتكلمي معايا باحترام. قمر بضحك: حبيبتي، أنا كده بكلمك باحترام. هايدي بغيظ: أنا ماشية، بس صدقيني مش هسكت عن اللي حصل ده. قمر: متسكتيش على إيه؟ هو أنا جايباكي من شعرك؟ هايدي: كمان؟

قمر: هو إنتي مش قولتي ماشية؟ هايدي تبصلها من فوق لتحت وتمشي. قمر في ذهنها: داهية تاخدك. محمد: إنتوا فين؟ كابو: إحنا في المكان اللي قلت عليه. محمد: معاك العربية؟ كابو: أكيد، يغبي. محمد: طيب أنا معايا الفلوس، سيب العربية مكانها واخرج، هتلاقيني برا بالفلوس. كابو: أنا مش مرتاحلك. شحته: قالك إيه؟ كابو: بيقول سيب العربية واخرج وهو معاه الفلوس. شحته: مش هسيبها غير لما الفلوس تبقى في إيدي، وأخوك أهطل، تلاقيه اتضحك عليه.

كابو: طيب هنعمل إيه؟ شحته: أنا هتصرف، اتصل قولوا إننا عملنا زي ما قال. كابو: ماشي. قدام الكاميرات. مصطفى: استنى، متستعجلش. عز: استنى إيه؟ العربية أهي. مصطفى: هيسيبوها. عز: هما أغبية للدرجة؟ مش هيمشوا ويسيبوها؟ مصطفى: استنى بس، قولت متستعجلش ونشوف هيعملوا إيه. عز: إنت مخك جاي يقفل دلوقتي، ما كنت ماشي تمام. مصطفى: عيب الكلام ده دلوقتي، عماد هييجي ويقبض عليهم. عز بابتسامة: يا ابن اللعيبة. مصطفى: اتلم. عز: يخربيتك!

إيه ده؟ إيه الدماغ دي؟ مصطفى بفخر: الماظات. عز: طيب يا الماظات، دول بيتحركوا بالعربية. مصطفى: مش هيلحقوا. شحته بخضة: في إيه يا باشا؟ عماد بضحك: هو إنت يا شحته؟ ده أنا مورليش غيرك بقي. شحته: ليه بس كده يا باشا؟ ده أنا حتى ماشي في السليم. عماد: آه، ما واضح. ويقاطعهم مصطفى وهو ماسك محمد. مصطفى: استنى يا عماد، وده معاهم. شحته بعصبية ويوجه كلامه لمحمد: عملنا فخ!!! محمد وعينه على الأرض. عماد: خدوهم.

عماد بابتسامة: واحشني يا ولاد اللزينة. عز: يا شااا'ذ. عماد: أنا يوس'خ. مصطفى: قمر بترن يا عز. عماد: أووه، مين دي؟ هي مش كان اسمها هايدي؟ عز: دي مراتي يا زبا'ل. مصطفى: هايدي بنت عمو، ياعم متخبطش في الكلام. عماد: نسيت. عز: إيه يا قمر؟ بكلمك من موبايلي، مش بتردي ليه؟ قمر: إيه ده؟ إنت جبته؟ أنا افتكرت البنت اللي كلمتني. عز: لا يا حبيبتي، الموبايل معايا، هبقى أكلمك منه. قمر: طيب إنت هتيجي إمتى؟ عز: اهو جاي، ياله بايع.

عماد: طيب عايزين حاجتهم. مصطفى: عايزينك محترم. عماد بضحك: يا واطي. قمر: إيه الصوت ده؟ وتقرب ناحية الصوت. قمر بخوف والصوت لسه موجود: مين هنا؟ ومرة واحدة تصرخ.