رواية عز القمر الفصل الحادي عشر 11 - بقلم دنيا فادي

قمر: أي الصوت ده؟ وتقرب ناحية الصوت. قمر بخوف: مين هنا؟ ومرة واحدة تصرخ. قمر برعشة: ياربي! وقتو النور يقطع. وتفتح فلاش الموبايل. وتسمع صوت الباب بيتفتح. قمر بخضة: مين؟ عز: أنا. متخافيش. هو قاطع بقاله كتير. قمر وتقرب له وتمسك إيده برعشة وخوف. قمر: عز، في صوت جاي من المطبخ. في حد جوه. عز: حد إيه؟ أكيد من الخوف متهيألك. بس. قمر: لا والله مش متهيألي. أنا سمعت صوت حاجة بتتحرك وتقع. عز: اهدي. مفيش حد. إنت... اهو النور جه.

قمر: روح شوف إيه الصوت ده. عز: تعالي أوريكي إن مفيش حد. قمر: لا، أنا خايفة. عز يشدها من إيدها. عز بضحك: بصي. قمر: إيه؟ في حد؟ عز: افتحي عينك وبصي. قمر: إيه ده؟ إيه اللي جابها هنا دي؟ عز: شوفتي؟ القطة. هي اللي رعبتك. قمر: هي دخلت هنا إزاي؟ عز: إنتي فتحتي الباب بعد ما مشيتي. قمر: لا. أه. بنت عمك جت. عز بإستغراب: كانت عايزة إيه؟ قمر برفع حاجب وإيديها على وسطها: ما تسأل نفسك. مش بينكم أسرار برضو؟ عز: إيه ده؟ في إيه؟

قالتلك إيه المتخلفة دي؟ قمر: مش مهم. يبقى القطة دخلت وأنا مش واخدة بالي. عز: أه. صح. رجعت العربية. قمر: مبروك يا حبيبي. المال الحلال عمرو ما يضيع أبداً. عز: مالك قلبتي على أمي كده ليه؟ قمر بقمص: والله؟؟ عز بضحك: خلاص. متتقمصيش كده. أنا جعان أوي. في أكل ولا؟ قمر: في طبعاً. روح غير هدومك لحد ما أغرفلك. _بعد ساعتين. زينب: إيه اللي إنتي بتقوليه ده؟ هايدي: زي ما سمعتي يا عمتو.

زينب بعدم فهم: وهي لو مبتخلفش عز ليه يكذب علينا؟ هايدي: مش عارفة. فاكرة لما عز قالنا إنها حامل؟ ساعتها هي اتوترت وقالت إنه بيهزر. يمكن قال كده عشان يجبر بخاطرها. زينب بعدم تصديق: عشان يجبر بخاطرها يكذب علينا ويزعل قلبي؟؟ هايدي وتطبطب عليها: معلش يا عمتو. معلش. عادي بتحصل. زينب بحسرة: عادي إيه!! يعيني عليك يا ابني يا حبيبي وعلى حظك. هايدي: أكيد في حل. زينب: إيه؟ هايدي: إن عز يتجوز. ده لو قمر ترضى يعني.

زينب بإعتراض: وإيه اللي يخليها مترضاش؟ لا هيتجوز وغصب عنها. هايدي: هيتجوز مين؟ زينب بإبتسامة: إنتي. هايدي بخبث: أنا؟ لا طبعاً يا عمتو. ده عز أخويا. زينب: أخوكي إيه يا كدابة؟ إنتي ناسيه وإنتو صغيرين كنتي بتلفي وراه زي النحلة إزاي؟ هايدي: مكسفنيش بقي يا عمتو. بس قمر كده هتزعل مني. زينب: ما تزعل. إنتي هتبقي مراته حلاله. زيك زيها. ويمكن أحسن. هايدي بفرحة: بجد يا عمتو؟ زينب: بجد.

هايدي: لو حصل فعلاً، وعد عليا لما أجيب بنوتة هسميها زينب على اسمك يا عمتو. زينب بإبتسامة: يا حبيبة عمتو. _قمر وتلمس على شعر عز بخفة وهو نايم على رجليها. قمر: مرتاح كده؟ عز: آه. إيدك ناعمة. هنام منك. قمر بضحك: عارف يا عز. عز: إيه؟ قمر: أنا بحب الكرتون ده من وأنا صغيرة. عز: اشمعنى؟ قمر: مش عارفة. بس بيأثر فيا أوي. مهما أسمعه ببقى كأني بسمعه لأول مرة. عز: طيب شيلي بقي البتاعة اللي على راسي دي. قمر: بتاعة؟

ده كمادات عشان إنت سخن. عز: شيليها طيب. قمر بضحك وتشيلها: حاضر. عز بيمسك إيدها ويبوسها ويدفن وشه في رقبتها برومانسية. قمر: مالك؟ في إيه؟ عز: بحبك. قمر بخجل: وأنا كمان. عز بهدوء: شعرك ريحته حلوة أوي. ويبعد وعينه تبقى في عينيها. ويلمس بصوابعه على شفايفها. ويقرب يقبلها. قمر ضعف وإستسلام. تبادلو القبلة بحب.